തിരുവനന്തപുരം: ബിജെപിയെ പ്രതിസന്ധിയിലാക്കിയ മെഡിക്കൽ കോഴ കേസിൽ പാർട്ടി സംസ്ഥാന ജനറൽ സെക്രട്ടറി എം.ടി. രമേശിനെതിരായ കേസ് ലോകയുക്ത അവസാനിപ്പിച്ചു. രമേശിനെതിരേ തെളിവില്ലെന്ന് ചൂണ്ടിക്കാട്ടിയാണ് ലോകായുക്ത കേസ് അവസാനിപ്പിച്ചത്. മെഡിക്കൽ കോളജിന് അനുമതി ലഭിക്കാൻ കോഴ വാങ്ങിയെന്ന ബിജെപിയുടെ അന്വേഷണ കമ്മീഷൻ റിപ്പോർട്ടിലാണ് എം.ടി രമേശിനെതിരെ പരാമർശമുണ്ടായിരുന്നത്. കെ.പി. ശ്രീശൻ, എ.കെ. നസീൻ എന്നി രണ്ടംഗ സമിതിയായിരുന്നു മെഡിക്കൽ കോഴ അന്വേഷിച്ചത്. മെഡിക്കൽ കോളജിനു അനുമതി നൽകാമെന്നു വാഗ്ദാനം ചെയ്തു എസ്.ആര്. കോളജ് ഉടമ ആര്. ഷാജിയില്നിന്നു 5.60 കോടി രൂപ ആര്.എസ്. വിനോദ് വാങ്ങിയെന്നു ബിജെപി നിയോഗിച്ച സമിതി കണ്ടെത്തിയിരുന്നു. എന്നാൽ തനിക്കെതിരെ ചിലർ വ്യാജരേഖ ചമച്ചുവെന്നും സംഭവത്തിൽ ഗൂഢാലോചന നടന്നിട്ടുണ്ടെന്നും രമേശ് നേരത്തെ പറഞ്ഞിരുന്നു.
Read MoreCategory: TVM
പണിപാളുമെന്ന് മനസിലായി; നിയമസഭയിലെ കയ്യാങ്കളി കേസ് പിൻവലിക്കാതെ സർക്കാർ; കുറ്റപത്രം പരിഗണിച്ച് ആറ് പ്രതികൾ ഏപ്രിൽ 22ന് നേരിട്ട് ഹാജരാകാൻ കോടതി
തിരുവനന്തപുരം: യുഡിഎഫ് സർക്കാരിന്റെ കാലത്ത് നിയമസഭയിൽ അരങ്ങേറിയ കയ്യാങ്കളിയുമായി ബന്ധപ്പെട്ട കേസ് പിൻവലിക്കാനുള്ള തീരുമാനത്തിൽ നിന്നും സർക്കാർ പിന്നോട്ട് പോയി. കേസ് പിൻവലിക്കാൻ സർക്കാർ തിരുവനന്തപുരം സിജെഎം കോടതിയിൽ ഇന്ന് അപേക്ഷ നൽകുമെന്ന് റിപ്പോർട്ടുകളുണ്ടായിരുന്നു. എന്നാൽ കേസ് ഇന്ന് പരിഗണനയ്ക്ക് വന്നപ്പോൾ ഇത്തരമൊരു അപേക്ഷ സർക്കാരിന്റെ ഭാഗത്ത് നിന്നുണ്ടായില്ല. ഇതോടെ കേസിൽ സമർപ്പിച്ച കുറ്റപത്രം പരിഗണിച്ച് ആറ് പ്രതികളോട് ഏപ്രിൽ 22ന് നേരിട്ട് ഹാജരാകാൻ കോടതി ഉത്തരവിട്ടു. സിപിഎം നേതാക്കളായ വി.ശിവൻകുട്ടി, ഇ.പി.ജയരാജൻ, കെ.ടി.ജലീൽ എന്നിവർ ഉൾപ്പടെയാണ് കേസിൽ പ്രതികളാണ്. കേസ് പിൻവലിക്കാൻ സർക്കാർ അപേക്ഷ നൽകിയാൽ തടസവാദം ഉന്നയിക്കാൻ പ്രതിപക്ഷ നേതാവ് രമേശ് ചെന്നിത്തലയുടെയും ബിജെപി സംസ്ഥാന അധ്യക്ഷൻ കുമ്മനം രാജശേഖരന്റെയും അഭിഭാഷകർ കോടതിയിൽ എത്തിയിരുന്നു. സർക്കാർ കേസ് പിൻവലിച്ചില്ലെങ്കിലും ആം ആദ്മി പാർട്ടി കോടതിയിൽ തടസ ഹർജി സമർപ്പിക്കുകയും ചെയ്തു. കേസ് പിൻവലിക്കാത്ത പക്ഷം…
Read Moreസഫീറിന്റെ കൊലപാതകത്തിൽ ഗൂഢാലോചന; ആക്രമണത്തിനുശേഷം പ്രതികൾ ഓടിപ്പോയത് സിപിഐയുടെ ഓഫീസിലേക്കെന്ന് ഷംസുദീൻ എംഎൽഎ
തിരുവനന്തപുരം: മുസ്ലീം ലീഗ് പ്രവർത്തകൻ സഫീർ കൊല്ലപ്പെട്ട സംഭവത്തിൽ ഗൂഢാലോചനയെന്ന് മണ്ണാർക്കാട്ട് എംഎൽഎ എന്. ഷംസുദീൻ. ആക്രമണത്തിനുശേഷം പ്രതികൾ ഓടിപ്പോയത് സിപിഐയുടെ ഓഫീസിലേക്കാണെന്നും ഷംസുദീൻ നിയമസഭയിൽ ആരോപിച്ചു. അതേസമയം തെളിവില്ലാതെ സഭയിൽ ഉന്നയിച്ച ആരോപണങ്ങൾ സഭാ രേഖകളിൽനിന്ന് നീക്കം ചെയ്യണമെന്ന് ആവശ്യപ്പെട്ട് സി. ദിവാകരനും രംഗത്തുവന്നു. ഇതോടെ വിഷയത്തിൽ രേഖകൾ പരിശോധിച്ച് നടപടികൾ സ്വീകരിക്കാമെന്ന് സ്പീക്കർ സഭയിൽ വ്യക്തമാക്കി
Read Moreനിയമസഭയിലെ കയ്യാങ്കളി കേസ് റദ്ദാക്കൽ; തടസ ഹർജിയുമായി ചെന്നിത്തല; രണ്ട് ലക്ഷം രൂപയുടെ പൊതുമുതൽ നശിപ്പിച്ചുവെന്നായിരുന്നു ക്രൈംബ്രാഞ്ചിന്റെ കണ്ടെത്തൽ
തിരുവനന്തപുരം: ബജറ്റ് ദിനത്തിൽ നിയമസഭയിലെ കയ്യാങ്കളി കേസ് പിൻവലിക്കുന്നതിനെതിരെ പ്രതിപക്ഷ നേതാവ് രമേശ് ചെന്നിത്തല കോടതിയിൽ തടസവാദം ഉന്നയിക്കും. കയ്യാങ്കളി കേസ് പിൻവലിക്കുന്ന വിവരം ഇന്ന് തിരുവനന്തപുരം സിജെഎം കോടതിയിൽ സർക്കാർ ഉന്നയിക്കും. ഇതിനെതിരെയാണ് പ്രതിപക്ഷ നേതാവ് തടസ ഹർജി നൽകുന്നത്. കഴിഞ്ഞ യുഡിഎഫ് സർക്കാരിന്റെ കാലത്ത് ധനമന്ത്രിയായിരുന്ന കെ.എം.മാണിക്കെതിരെ ഉയർന്ന ബാർകോഴ ആരോപണത്തിന്റെ പേരിലാണ് നിയമസഭയിൽ പ്രതിപക്ഷം കയ്യാങ്കളി നടത്തുകയും സ്പീക്കറുടെ ഡയസും കസേരയും തകർത്തത്. 2015 മാർച്ച് 13-നായിരുന്നു കേസിനാസ്പദമായ സംഭവം നടന്നത്. ധനമന്ത്രിയായിരുന്ന മാണി ബജറ്റ് അവതരിപ്പിക്കുന്നതിനെതിരേ തുടങ്ങിയ പ്രതിപക്ഷ പ്രതിഷേധമാണ് കയ്യാങ്കളിയിലും അക്രമത്തിലും കലാശിച്ചത്. സംഭവത്തിൽ എൽഡിഎഫിലെ വി.ശിവൻകുട്ടി, ഇ.പി.ജയരാജൻ, കെ.ടി.ജലീൽ ഉൾപ്പെടെ ആറ് പേർക്കെതിരെയാണ് ക്രൈംബ്രാഞ്ച് കുറ്റപത്രം സമർപ്പിച്ചിരുന്നത്. രണ്ട് ലക്ഷം രൂപയുടെ പൊതുമുതൽ നശിപ്പിച്ചുവെന്നായിരുന്നു ക്രൈംബ്രാഞ്ചിന്റെ കണ്ടെത്തൽ. കയ്യാങ്കളി കേസ് പിൻവലിക്കണമെന്നാവശ്യപ്പെട്ട് വി.ശിവൻകുട്ടി മുഖ്യമന്ത്രി പിണറായി വിജയന് നൽകിയ…
Read Moreമുഖ്യമന്ത്രിക്ക് അധികാരഭ്രമം; രണ്ടു ദിവസമായി നിയമസഭ തടസപ്പെടുന്നതിന്റെ പ്രധാന കാരണം സർക്കാരിന്റെ പിടിവാശി; ആഭ്യന്തരവകുപ്പ് ഭരിക്കുന്ന മുഖ്യമന്ത്രി തികഞ്ഞ പരാജയ മെന്ന് രമേശ് ചെന്നിത്തല
തിരുവനന്തപുരം: മുഖ്യമന്ത്രി പിണറായി വിജയന് അധികാരഭ്രമം ബാധിച്ചിരിക്കുകയാണെന്ന് പ്രതിപക്ഷ നേതാവ് രമേശ് ചെന്നിത്തല. നിയമസഭയിലെ മീഡിയ റൂമിൽ നടത്തിയ വാർത്താ സമ്മേളനത്തിലാണ് പ്രതിപക്ഷ നേതാവ് വിമർശനം ഉന്നയിച്ചത്. രണ്ടു ദിവസമായി നിയമസഭ തടസപ്പെടുന്നതിന്റെ പ്രധാന കാരണം സർക്കാരിന്റെ പിടിവാശിയാണ്. ആഭ്യന്തരവകുപ്പ് ഭരിക്കുന്ന മുഖ്യമന്ത്രി തികഞ്ഞ പരാജയമാണ്. മട്ടന്നൂരിലെ യൂത്ത് കോണ്ഗ്രസ് നേതാവ് ശുഹൈബിന്റെ മരണത്തിൽ ഏതന്വേഷണം നടത്താനും തയാറാണെന്ന് മുഖ്യമന്ത്രിയുടെ ദുതനായ മന്ത്രി എ.കെ.ബാലൻ കണ്ണൂരിലെ സമാധാന യോഗത്തിന് ശേഷം പറഞ്ഞതാണ്. എന്നാൽ സിപിഎം നേതൃത്വം കേസിൽ പ്രതിയാകുമെന്ന് കണ്ടതോടെ പറഞ്ഞ വാക്ക് സർക്കാർ വിഴുങ്ങി. സിപിഎം പറയുന്ന പ്രതികളെ ഉപയോഗിച്ച് കേസ് ഒതുക്കിത്തീർക്കാനാണ് സർക്കാർ ശ്രമിക്കുന്നതെന്നും അദ്ദേഹം ആരോപിച്ചു. സമാനതകളില്ലാത്ത രാഷ്ട്രീയ അക്രമങ്ങളാണ് സർക്കാരിന്റെ തണലിൽ സംസ്ഥാനത്ത് അരങ്ങേറുന്നത്. പോലീസ് ഇവിടെ നോക്കുകുത്തിയാണ്. ആൾക്കൂട്ടം ആളുകളെ തല്ലിക്കൊല്ലുന്ന നിലവരെ കാര്യങ്ങൾ എത്തിയിരിക്കുകയാണ്. അട്ടപ്പാടിയിൽ ആദിവാസി യുവാവ്…
Read Moreജവാൻ ജിബുവിന് കള്ളക്കടത്തുകാരൻ ബിഷുമായി എന്ത് ബന്ധം; അരക്കോടിയുമായി പിടിയിലായ ജവാനെ സിബിഐ കോടതി മുറിയിൽ ചോദ്യം ചെയ്തു; നിർണായക വിവരങ്ങൾ ലഭിച്ചു എന്ന് അന്വേഷണ ഉദ്യോഗസ്ഥൻ
തിരുവനന്തപുരം: അരക്കോടിയോളം രൂപയുമായി ട്രെയിനിൽ പിടിയിലായ ബിഎസ്എഫ് കമൻഡാന്റ് ജിബു ഡി. മാത്യുവിനെ സിബിഐ കോടതി മുറിയിൽ ചോദ്യം ചെയ്തു. അന്താരാഷ്ട്ര കള്ളക്കടത്തുകാരൻ ബിഷു ഷേയ്ക്കുമായുള്ള ബന്ധത്തെക്കുറിച്ചാണ് അന്വേഷണ ഉദ്യോഗസ്ഥർ ആരാഞ്ഞത്. റിമാൻഡ് കാലാവധി കഴിഞ്ഞ് തിരികെ കോടതിയിൽ ഹാജരാക്കിപ്പോഴാണ് ജിബുവിനെ കോടതി മുറിയിൽ ചോദ്യം ചെയ്യണമെന്ന അപേക്ഷ സിബിഐ അന്വേഷണ സംഘം സമർപ്പിച്ചത്. ഇതിനെ പൂർണ സമ്മതമാണെന്ന് ജിബു കോടതിയെ അറിയിയച്ചു. തുടർന്ന് പ്രത്യേക കോടതി ജഡ്ജി സിബിഐയുടെ ആവശ്യം അനുവദിച്ചു. കേസിൽ ചില നിർണായക വിവരങ്ങൾ ലഭിച്ചു എന്ന് അന്വേഷണ ഉദ്യോഗസ്ഥൻ പറഞ്ഞു. തുടർന്ന് ജിബുവിനെ അടുത്ത മാസം 12 വരെ ജുഡീഷൽ കസ്റ്റഡിയിൽ വിട്ടു. പ്രതിയുടെ ജാമ്യാപേക്ഷ കഴിഞ്ഞ ദിവസം ഹൈക്കോടതി തള്ളിയിരുന്നു.
Read Moreഓർമ്മയില്ലേ ആ കസേരകളി..! ധനമന്ത്രി കെ.എം.മാണി ബജറ്റ് അവതരിപ്പിച്ച വേളയിൽ നിയമസഭയിലുണ്ടായ കയ്യാങ്കളിക്കേസ് പിൻവലിച്ചു സർക്കാർ ഉത്തരവ്
തിരുവനന്തപുരം: കഴിഞ്ഞ യുഡിഎഫ് സർക്കാരിന്റെ കാലത്ത് ധനമന്ത്രി കെ.എം.മാണി ബജറ്റ് അവതരിപ്പിച്ച വേളയിൽ നിയമസഭയിലുണ്ടായ കയ്യാങ്കളി കേസ് സർക്കാർ പിൻവലിച്ചു. വി.ശിവൻകുട്ടി മുഖ്യമന്ത്രിക്ക് നൽകിയ അപേക്ഷ പരിഗണിച്ചാണ് കേസ് പിൻവലിച്ചത്. ഇത് സംബന്ധിച്ചുള്ള സർക്കാർ ഉത്തരവ് ഉടൻ പുറത്തിറങ്ങിയേക്കും. ഇടതുപക്ഷത്തെ ആറ് എംഎൽഎമാർക്കെതിരെയായിരുന്നു അന്ന് മ്യൂസിയം പോലീസ് കെസെടുത്തിരുന്നത്. സ്പീക്കറുടെ ഡയസും ചെയറും വലിച്ചെറിഞ്ഞതുൾപ്പെടെ വ്യാപക നാശനഷ്ടമായിരുന്നു അന്ന് നിയമസഭയിൽ നടന്നിരുന്നത്. കേസ് പിൻവലിക്കുന്നതിനെതിരെ നേരത്തെ പ്രതിപക്ഷം രംഗത്ത് വന്നിരുന്നുവെങ്കിലും പ്രതിപക്ഷ ആവശ്യം സർക്കാർ തള്ളുകയായിരുന്നു.
Read Moreഎന്തൊരു വിധി; വീണ്ടും തുറക്കാനിരിക്കുന്നത് 650 മദ്യശാലകൾ; പഞ്ചായത്തുകളെ നഗരപഞ്ചായത്തുകളാക്കി ചട്ടഭേദഗതി വരുന്നു; യുഡിഎഫ് സർക്കാരിന്റെ മദ്യനയത്തിൽ അടപ്പിച്ച ബാറുകളെല്ലാം തുറന്നു പ്രവർത്തിക്കും
തിരുവനന്തപുരം: ദേശീയ-സംസ്ഥാന പാതകൾ കടന്നുപോകുന്ന പഞ്ചായത്തുകളുടെ പദവി നിർണയിച്ചു മദ്യഷാപ്പുകൾ തുറക്കാൻ സംസ്ഥാനത്തിനു തീരുമാനമെടുക്കാമെന്ന സുപ്രീംകോടതി ഉത്തരവിന്റെ അടിസ്ഥാനത്തിൽ സംസ്ഥാനത്ത് 650 മദ്യശാലകൾ വീണ്ടും തുറക്കും. മദ്യശാലകളുടെ കണക്കെടുക്കാൻ എക്സൈസിന് നിർദേശം നൽകി. 500 കള്ളുഷാപ്പുകൾ തുറക്കേണ്ടി വരുമെന്ന കണ്ടെത്തലാണ് എക്സൈസ് വകുപ്പ് നടത്തിയിട്ടുള്ളത്. ദൂരപരിധി നിയമത്തത്തുടർന്നു പൂട്ടിയ 150 ബിയർ- വൈൻ പാർലറുകളും അഞ്ചു ബാറുകളും തുറക്കേണ്ടിവരുമെന്നാണു പ്രാഥമിക വിലയിരുത്തൽ. സ്റ്റാർ പദവി ഉയർത്തുന്നതിനുള്ള നിർമാണ പ്രവർത്തനങ്ങൾ പൂർത്തിയാക്കി ബാർ ലൈസൻസിന് അപേക്ഷ നൽകിയിട്ടുള്ള ഹോട്ടലുകൾക്കും ത്രീ സ്റ്റാർ ക്ലാസിഫിക്കേഷൻ കിട്ടുന്ന മുറയ്ക്ക് ബാറുകൾ തുറന്നു നൽകേണ്ടി വരും. വരുമാനത്തിന്റെയും ജനസാന്ദ്രതയുടെയും അടിസ്ഥാനത്തിൽ പഞ്ചായത്തുകളെ നഗരപഞ്ചായത്തുകളാക്കി മാറ്റാനുള്ള ചട്ടഭേദഗതി കൊണ്ടുവരണമെന്നു നിർദേശിച്ച് എക്സൈസ് വകുപ്പ് മാസങ്ങൾക്കു മുൻപു തന്നെ സർക്കാരിനു റിപ്പോർട്ട് സമർപ്പിച്ചിരുന്നു. കഴിഞ്ഞ യുഡിഎഫ് സർക്കാരിന്റെ മദ്യനയത്തിന്റെ ഭാഗമായി രണ്ടു ഘട്ടങ്ങളിലായി 730 ബാറുകളാണ്…
Read Moreശുഹൈബ് വധത്തിൽ സിബിഐ അന്വേഷണം ആവശ്യമില്ല; പോലീസ് അന്വേഷണം ശരിയായ ദിശയിലാണ് നടക്കുന്നതെന്ന് മുഖ്യമന്ത്രി നിയമസഭയിൽ
തിരുവനന്തപുരം: യൂത്ത് കോണ്ഗ്രസ് മട്ടന്നൂർ ബ്ലോക്ക് സെക്രട്ടറി എടയന്നൂരിലെ ശുഹൈബിനെ വെട്ടിക്കൊലപ്പെടുത്തിയ കേസിൽ സിബിഐ അന്വേഷണം ആവശ്യമില്ലെന്ന് മുഖ്യമന്ത്രി പിണറായി വിജയൻ. പോലീസ് അന്വേഷണം ശരിയായ ദിശയിലാണ് നടക്കുന്നതെന്നും അദ്ദേഹം പറഞ്ഞു. ശുഹൈബ് വധത്തിൽ അടിയന്തര പ്രമേയത്തിന്റെ ആവശ്യമില്ലെന്നും മുഖ്യമന്ത്രി സഭയിൽ പറഞ്ഞു. പ്രതിപക്ഷ നേതാവ് രമേശ് ചെന്നിത്തലയാണ് ശുഹൈബ് വധത്തിൽ സിബിഐ അന്വേഷണം ഉന്നയിച്ചത്.
Read Moreമുതിര്ന്ന വിദ്യാര്ഥി ശാരീരിക ബന്ധത്തിന് നിര്ബന്ധിച്ചു; വഴങ്ങാതിരുന്ന പെണ്കുട്ടിയുടെ ഫോട്ടോകള് സാമൂഹ്യ മാധ്യമങ്ങളില് പ്രചരിപ്പിക്കുമെന്ന് ഭീഷണിപ്പെടുത്തി; വിദ്യാര്ഥിനിക്ക് തുണയായത് പിങ്ക് പോലീസ്
തിരുവനന്തപുരം: പ്രായപൂർത്തിയാകാത്ത പെണ്കുട്ടിക്ക് പിങ്ക് പോലീസ് കൈതാങ്ങായി. നഗരത്തിലെ സ്കൂളിൽ പഠിക്കുന്ന പെണ്കുട്ടിയെ സ്കൂളിലെ മുതിർന്ന വിദ്യാർഥി ശല്യം ചെയ്യുകയും ശാരീരിക ബന്ധത്തിന് നിർബന്ധിക്കുകയും വഴങ്ങാതിരുന്ന പെണ്കുട്ടിയുടെ ഫോട്ടോകൾ സാമൂഹ്യ മാധ്യമങ്ങളിൽ പ്രചരിപ്പിക്കുമെന്ന് ഭീഷണിപ്പെടുത്തുകയും ചെയ്തിരുന്നു. പെണ്കുട്ടി വിവരം വീട്ടുകാരോടോ സ്കൂൾ അധികൃതരോടോ പറഞ്ഞിരുന്നില്ല. തുടർന്ന് കഴിഞ്ഞ ദിവസം ഫോണ് വഴി ഇയാൾ നിർദേശിക്കുന്ന സ്ഥലത്ത് എത്തണമെന്ന് ഭീഷണിപ്പെടുത്തുകയും ചെയ്തു. ഇതേ തുടർന്ന് പിങ്ക് പട്രോളിന്റെ രണ്ടാം നന്പർ വാഹനത്തിലുള്ള വനിത പോലീസുകാരോട് തന്നെ ഒരാൾ ശല്യം ചെയ്യുന്നുവെന്ന് പറഞ്ഞതിന്റെ അടിസ്ഥാനത്തിൽ വിദ്യാർഥിനിയെ പിങ്ക് പോലീസ് പട്രോൾ ഫോർട്ട് പോലീസ് സ്റ്റേഷനിലേക്ക് കൂട്ടികൊണ്ടുവരുകയുംകാര്യങ്ങൾ വിശദമായി ചോദിച്ചു മനസിലാക്കുകയുമായിരുന്നു. കുട്ടിയുടെ വിശദമായ മൊഴി രേഖപ്പെടുത്തുകയും ഫോർട്ട് പോലീസ് കേസ് രജിസ്റ്റർ ചെയ്ത് അന്വേഷണം ആരംഭിക്കുകയും ചെയ്തു.
Read More