നേമം : ബാർ ജീവനക്കാരെ ആക്രമിച്ച അഞ്ചംഗ സംഘത്തെ നേമം പോലീസ് അറസ്റ്റുചെയ്തു. വെള്ളായണി വാറുവിളാകത്ത് വീട്ടിൽ അനീഷ് (24), വള്ളക്കടവ് സുലൈമാനി സ്ട്രീറ്റിൽ നവാസ് (22) , പൂഴിക്കുന്ന് പറങ്കിമാംവിള കോളനിയിൽ ഷെമീർ (30) , തിരുവല്ലം മേനിലം ഋതുഭവനിൽ രതീഷ് (24), നേമം കുളക്കുടിയൂർകോണം തുഷാരഭവനിൽ തുബിൻ രാജ് (24) എന്നിവരെയാണ് നേമം സിഐ കെ.പ്രദീപ്, എസ്ഐമാരായ എസ്.എസ്. സജി,എസ്. വിമൽ, സീനിയർ സിവിൽ പോലീസ് ഓഫീസർ അനിൽകുമാർ, സിപിഒ അരുണ് എന്നിവരടങ്ങിയ സംഘമാണ് അറസ്റ്റുചെയ്തത്. കഴിഞ്ഞ ആഴ്ചയാണ് പ്രതികൾ പാപ്പനംകോട് വൈറ്റ് ഡാമർ ഹോട്ടലിലെ ബാറിലെത്തി കൗണ്ടർ തല്ലി പൊളിക്കുകയും കുപ്പികൾ അടിച്ചു തകർക്കുകയും ജീവനക്കാരെ തലയ്ക്കടിച്ചു പരിക്കേല്പിക്കുകയും ചെയ്തത്. മുൻവൈരാഗ്യമാണ് ആക്രമണത്തിന് പിന്നിലെന്ന് പോലീസ് പറഞ്ഞു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
Read MoreCategory: TVM
എൻജിനിയറിംഗ് പ്രവേശനം: റാങ്ക് പട്ടികയിൽ ഉൾപ്പെടാൻ കുറഞ്ഞ മാർക്ക് 20 ആക്കണമെന്ന് ശിപാർശ
തിരുവനന്തപുരം: എൻജിനിയറിംഗ് റാങ്ക് ലിസ്റ്റിൽ ഉൾപ്പെടുത്താൻ കുറഞ്ഞമാർക്ക് പത്ത് എന്നുള്ളത് 20 ആയി ഉയർത്തണമെന്ന നിർദേശം. പ്രവേശന പരീക്ഷയിൽ നിലവിൽ 10 മാർക്ക് ലഭിക്കുന്നവരേയും റാങ്ക് പട്ടികയിൽ ഉൾപ്പെടുത്തിയിരുന്നു. എൻജിനിയറിംഗ് പഠനത്തിന്റെ നിലവാര തകർച്ചയ്ക്ക് ഇത് ഇടയാക്കുന്നുവെന്ന അഭിപ്രായം ഇന്നലെ ചേർന്ന എൻജിനിയറിംഗ് പ്രോസ്പെക്ടസ് പരിഷ്കരണ കമ്മിറ്റിയിൽ ഉയർന്നു. ഉന്നത വിദ്യാഭ്യാസ സെക്രട്ടറി ഉഷാ ടൈറ്റസിന്റെ അധ്യക്ഷതയിലാണു യോഗം ചേർന്നത്. എത്ര കുട്ടികളെ റാങ്ക് പട്ടികയിൽ ഉൾപ്പെടുത്തണമെന്നതിന്റെ അടിസ്ഥാനത്തിൽ അടിസ്ഥാന മാർക്ക് 20 ആയി നിജപ്പെടുത്തി ഇതിൽ നിന്നു വർധന നടത്തി റാങ്ക് പട്ടിക തയാറാക്കണമെന്ന നിർദേശം സാങ്കേതിക സർവകലാശാല പ്രതിനിധിയാണ് മുന്നോട്ടുവച്ചത്. എൻജിനിയറിംഗ് പ്രവേശനം നേടിയ വിദ്യാർഥികൾ ക്ലാസ് തുടങ്ങുന്നതിനു മുമ്പേ മറ്റു ഉയർന്ന കോഴ്സുകളിൽ ചേരുന്നതിനായി ടിസി വാങ്ങിയാൽ അവർ എൻജിനിയറിംഗിന് ചേർന്നപ്പോൾ നല്കിയ ഫീസിൽ പ്രവേശന ഫീസ് ഒഴികെ ബാക്കി പണം തിരികെ…
Read Moreതെരുവുനായ്ക്കൾ വീണ്ടും ഭീഷണിയാകുന്നു; പോത്തൻകോട് തൊഴുത്തിൽ കെട്ടിയിരുന്ന ആടുകളെ നായ്ക്കൾ കടിച്ചുകൊന്നു; പുറത്തിറങ്ങാൻ പേടിച്ച് ജനങ്ങൾ
പോത്തൻകോട്: കോലിയക്കോട്ട് തെരുവുനായക്കൾ മൂന്ന് ആടുകളെ കടിച്ചു കൊന്നു. കോലിയക്കോട് കലുങ്ക് ജംഗ്ഷനു സമീപം കടയിൽ വീട്ടിൽ ആർ. ജയന്റെ ആടുകളെയാണ് തെരുവുനായ്ക്കൾ കടിച്ചു കൊന്നത്. പുലർച്ചെ രണ്ടോടെയാണ് സംഭവം. ജയന്റെ വീടിനു പുറകുവശത്തുള്ള തൊഴുത്തിലാണ് ആടുകളെ കെട്ടിയിട്ടിരുന്നത്. പുലർച്ചെ ആടിന്റെ കരച്ചിൽ കേട്ടാണ് ജയനും സമീപവാസികളും ഉണർന്നത്. വീടിനു പുറകുവശത്തെത്തി നോക്കുമ്പോഴേക്കും തെരുവുനായ്ക്കൾ ആടിനെ വലിച്ചിഴച്ച് കൊണ്ടു പോകുന്നതാണ് കണ്ടത്.തൊഴുത്തിൽ കെട്ടിയിട്ടിരുന്ന മറ്റു രണ്ടു ആടുകളെ വീടിനു സമീപത്തെ പറമ്പിൽ നിന്നും ചത്തനിലയിൽ കണ്ടെത്തി. ആടുകളുടെ കാലിലും കഴുത്തിലും ആഴത്തിൽ മുറിവേറ്റ പാടുണ്ട്. മുപ്പത്തിഅയ്യായിരം രൂപ വിലമതിക്കുന്ന രണ്ട് വർഷം പ്രായമുള്ള ഗർഭിണിയായ ആടും ഒൻപത് മാസമായ രണ്ടു ആടുകളെയുമാണ് തെരുവുനായ്ക്കൾ കടിച്ചു കൊന്നത്. ജയന്റെ ഉപജീവന മാർഗമാണ് ഇതോടെ നഷ്ടപ്പെട്ടത്. തെരുനായ്ക്കളുടെ ആക്രമണത്തിൽ പരിഭ്രാന്തരാണ് നാട്ടുകാർ. മാണിക്കൽ മൃഗാശുപത്രിയിലെ ഡോക്ടറെത്തി ആടുകളെ പരിശോധിച്ചു. കോലിയക്കോട്ടും…
Read Moreപാളത്തിൽ അറ്റകുറ്റപ്പണി; പാലക്കാട് ഡിവിഷനിലൂടെ കടന്നു പോകുന്ന ട്രെയിനുകൾക്ക് നിയന്ത്രണം; 21 മുതൽ 31 വരെയാണ് നിയന്ത്രണം
തിരുവനന്തപുരം: പാലക്കാട് ഡിവിഷനിലൂടെ കടന്നു പോകുന്ന ട്രെയിനുകൾക്ക് ഈ മാസം 31 വരെ നിയന്ത്രണം ഏർപ്പെടുത്തി. പാലക്കാട് ഡിവിഷനിൽ റെയിൽവേ പാളത്തിൽ അറ്റകുറ്റപ്പണികൾ നടക്കുന്നതിനാലാണ് നിയന്ത്രണം. വ്യാഴ്ച മുതൽ 31 വരെയുള്ള ദിവസങ്ങളിൽ നിയന്ത്രണം ഏർപ്പെടുത്തിയതായി സതേണ് റെയിൽവേ അറിയിച്ചു. നാഗർകോവിൽ ബാംഗളൂർ എറനാട് എക്സ്പ്രസ് വ്യാഴാഴ്ച രണ്ടുമണിക്കൂർ ഇവിടെ നിർത്തിയിടും. വ്യാഴാഴ്ചയും വെള്ളിയാഴ്ചയും ആലപ്പുഴ ധൻബാദ് എക്സ്പ്രസ് മുക്കാൽ മണിക്കൂറും എറണാകുളം ബാംഗളൂർ എക്സ്പ്രസ് അരമണിക്കൂറും നിർത്തിയിടും. തിരുവനന്തപുരം മുംബൈ സിഎസ്ടി എക്സ്പ്രസ് 23ന് അരമണിക്കൂർ നിർത്തിയിടും. വ്യാഴാഴ്ച മുതൽ 31 വരെയുള്ള ദിവസങ്ങളിൽ പാലക്കാട് എറണാകുളം മെമു പാലക്കാട്-ലക്കിടി റൂട്ടിൽ സർവീസ് നടത്തില്ല. ഈ ദിവസങ്ങളിൽ ശബരി എക്സ്പ്രസ് അരമണിക്കൂർ നിർത്തിയിടും. കോർബ-തിരുവനന്തപുരം പ്രതിവാര ട്രെയിൻ ഈമാസം 22, 25, 29 തീയതികളിൽ 50 മിനിറ്റ് നിർത്തിയിടും. ഈ മാസം 25 മുതൽ ജനുവരി…
Read Moreജനപക്ഷത്തുനിന്ന് ജോർജ്..! സംസ്ഥാന സർക്കാരിന്റെ പിടിപ്പുകേടുമൂലം കേരളത്തിൽ കൃത്രിമ വിലക്കയറ്റം: പി.സി. ജോർജ്
തിരുവനന്തപുരം: സംസ്ഥാന സർക്കാരിന്റെ പിടിപ്പുകേടുമൂലമാണ് കേരളത്തിൽ രൂക്ഷമായ വിലക്കയറ്റം അനുഭവപ്പെടുന്നതെന്നു കേരള ജനപക്ഷം ചെയർമാൻ പി.സി. ജോർജ് എംഎൽഎ. വിലക്കയറ്റത്തിനെതിരെ കേരള ജനപക്ഷം സംഘടിപ്പിച്ച ജനരോഷ വിളംബര പ്രതിഷേധ ധർണ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. അന്യസംസ്ഥാന കച്ചവടലോബിയും അവരുടെ ഏജന്റുമാരും ഒരു വിഭാഗവും ഭരണമുന്നണി നേതാക്കളും തമ്മിലുള്ള അവിശുദ്ധമായ കൂട്ടുകെട്ടിന്റെ ഫലമാണു നിത്യോപയോഗ സാധനങ്ങളുടെ വില ഇത്രയേറെ വർധിക്കാൻ കാരണം. ഒരു പ്രദേശത്ത് ഒരേ നിലവാരത്തിലുള്ള നിത്യോപയോഗ സാധനങ്ങൾക്കു ജനങ്ങൾ പല വിലകൾ കൊടുക്കേണ്ടിവരുന്നത് സർക്കാർ സംവിധാനങ്ങൾ നിർജീവമാണെന്നതിന്റെ തെളിവാണ്. ബ്രാൻഡഡ് അരികൾക്കു തോന്നിയപോലെ വില വാങ്ങാൻ എല്ലാ സൗകര്യങ്ങളും സർക്കാർ ചെയ്തുകൊടുക്കുകയാണ്. ജീവൻ രക്ഷാ ഔഷധങ്ങൾക്ക് ഇന്ത്യയിൽ ഒരു സംസ്ഥാനത്തും ഇല്ലാത്ത വിലയാണ് കേരളത്തിൽ നൽകേണ്ടിവരുന്നത്. അയൽ സംസ്ഥാനങ്ങളിൽ നിന്നു നിസാരവിലയ്ക്കു സംഭരിക്കുന്ന പച്ചക്കറികൾക്ക് കേരളത്തിലെ അതിർത്തി കടന്നാലുടൻ സ്വർണത്തിന്റെ വിലയാകുന്നതെങ്ങനെയെന്ന് സംസ്ഥാന സർക്കാർ…
Read Moreദുഃഖം പങ്കുവയ്ക്കാനാവാതെ..! ഓഖി ദുരിതാശ്വാസ ക്യാമ്പിൽ പ്രധാനമന്ത്രിയെത്തി; മോദിയെ കാണാനാവാതെ പ്രതിപക്ഷനേതാവും യുഡിഎഫ് അംഗങ്ങളും; കാണാൻ പറ്റാത്തതിന്റെ കാരണത്തെക്കുറിച്ച്…
തിരുവനന്തപുരം: ഓഖി ദുരിതാശ്വാസ പ്രവർത്തനങ്ങളുമായി ബന്ധപ്പെട്ടു പ്രധാനമന്ത്രിയെ കാണാൻ അനുമതി തേടിയ യുഡിഎഫ് പ്രതിനിധി സംഘത്തിന് 15 മിനിറ്റു മുമ്പു മാത്രം കാണാൻ അനുമതി ലഭിച്ചു. പ്രധാനമന്ത്രിയുടെ സന്ദർശാനാർഥം വാഹന ഗതാഗതത്തിനു കടുത്ത നിയന്ത്രണമുണ്ടായിരുന്നതിനാൽ യുഡിഎഫ് നേതാക്കൾക്ക് 15 മിനിറ്റിനകം തൈക്കാട് ഗസ്റ്റ്ഹൗസിൽ എത്തിച്ചേരാൻ കഴിഞ്ഞില്ലെന്നു പ്രതിപക്ഷ നേതാവ് രമേശ് ചെന്നിത്തല അറിയിച്ചു. ഇന്നലെ വൈകുന്നേരം 5.15 നാണു യുഡിഎഫ് പ്രതിനിധി സംഘത്തിനു സന്ദർശനാനുമതി ലഭിച്ചത്. പ്രധാനമന്ത്രിയുടെ ഓഫീസിലെ ടൂർ ഓഫീസറാണ് സന്ദേശം 5.15നു പ്രതിപക്ഷ നേതാവിന്റെ ഓഫീസിനു കൈമാറിയത്. 5.30നു പ്രധാനമന്ത്രി പൂന്തുറയിൽ നിന്നു തിരുവനന്തപുരം ഗസ്റ്റ് ഹൗസിൽ എത്തിച്ചേരുമ്പോൾ കാണാനായിരുന്നു സന്ദേശം. പ്രതിനിധി സംഘത്തിലുൾപ്പെട്ട യുഡിഎഫ് നേതാക്കളെല്ലാവരും പ്രതിപക്ഷ നേതാവിന്റെ ഔദ്യോഗിക വസതിയിൽ നിന്ന് പിരിഞ്ഞുപോയതിനുശേഷമാണു സന്ദർശനാനുമതി നൽകിക്കൊണ്ടുള്ള സന്ദേശം ലഭിച്ചത്. യുഡിഎഫ് പ്രതിനിധി സംഘത്തിനു പ്രധാനമന്ത്രിയെ കാണാൻ നേരത്തെ അനുമതി നിഷേധിച്ചതിനെ തുടർന്ന്…
Read Moreഓർമ്മയുണ്ടോ വീരാ..! വീരേന്ദ്രകുമാർ വിജയിച്ചത് നിതീഷ് കുമാറിന്റെ പാർട്ടിയുടെ വോട്ട് കൊണ്ടല്ല; യുഡിഎഫിന്റെ പിന്തുണയോടെയാണെന്ന കാര്യം ഓർക്കണമായിരുന്നെന്ന് ചെന്നിത്തല
തിരുവനന്തപുരം: ഡെജിയു സംസ്ഥാന അധ്യക്ഷൻ വീരേന്ദ്രകുമാർ രാജ്യസഭാ അംഗത്വം രാജിവയ്ക്കേണ്ട കാര്യമില്ലായിരുന്നുവെന്ന് പ്രതിപക്ഷ നേതാവ് രമേശ് ചെന്നിത്തല. നിതീഷ് കുമാർ നേതൃത്വം നൽകുന്ന പാർട്ടിയുടെ വോട്ട് നേടിയല്ല, യുഡിഎഫിന്റെ പിന്തുണയോടെയാണ് വീരേന്ദ്രകുമാർ വിജയിച്ചതെന്ന് ഓർക്കണമായിരുന്നെന്നും ചെന്നിത്തല പറഞ്ഞു. ജേക്കബ് തോമസ് വിഷയത്തിൽ സംസ്ഥാന സർക്കാരിന് തിരിച്ചടിയാണ് ഉണ്ടായിരിക്കുന്നതെന്നും ചെന്നിത്തല പറഞ്ഞു. ഉദ്യോഗസ്ഥരെ കൊണ്ടുനടന്ന് രാഷ്ട്രീയ ആവശ്യങ്ങൾക്ക് ഉപയോഗിച്ചതിന്റെ അനന്തരഫലമാണ് സർക്കാർ ഇപ്പോൾ അനുഭവിക്കുന്നതെന്ന് ചെന്നിത്തല കുറ്റപ്പെടുത്തി.
Read Moreവാഹന റജിസ്ട്രേഷൻ തട്ടിപ്പുകേസിൽ ഹദിനെയും അമലയെയും ഇന്ന് ചോദ്യം ചെയ്തേക്കും; സുരേഷ്പി ഗോപി യെപിന്നീട്ചോദ്യംചെയ്യും
തിരുവനന്തപുരം: വാഹന റജിസ്ട്രേഷൻ തട്ടിപ്പുകേസുമായി ബന്ധപ്പെട്ട് ചലച്ചിത്രതാരങ്ങളായ ഫഹദ് ഫാസിനേയും അമലാ പോളിനേയും ഇന്ന് ക്രൈംബ്രാഞ്ച് ചോദ്യം ചെയ്തേക്കും. നടനും എംപിയുമായ സുരേഷ് ഗോപിയെ അടുത്ത ദിവസം ചോദ്യം ചെയ്യുമെന്ന് അറിയുന്നു. ചോദ്യം ചെയ്യലിന് ഹാജരാകാൻ ആവശ്യപ്പെട്ട് ഫഹദ് ഫാസിലിനും അമല പോളിനും നോട്ടിസ് നൽകിയിരുന്നു. തിരുവനന്തപുരത്തെ പൊലീസ് ആസ്ഥാനത്തുള്ള ക്രൈം ബ്രാഞ്ച് ഓഫിസിൽ മൊഴി രേഖപ്പെടുത്താൻ എത്തണമെന്നാവശ്യപ്പെട്ടാണ് നോട്ടീസ്. പുതുച്ചേരിയിലെ വ്യാജമേൽവിലാസത്തിൽ വാഹനങ്ങൾ റജിസ്റ്റർ ചെയ്ത് നികുതി വെട്ടിച്ചെന്നാണ് കേസ്. മുൻകൂർ ജാമ്യാപേക്ഷ നൽകിയ സുരേഷ് ഗോപിയെ അറസ്റ്റ് ചെയ്യുന്നതു ഹൈക്കോടതി മൂന്നാഴ്ചത്തേക്കു തടഞ്ഞിരുന്നു.
Read Moreപൂർണമാക്കിക്കൊണ്ട് വാ..! തോമസ് ചാണ്ടിക്കെതിരായ വിജിലൻസ് അന്വേഷണ ഫയൽ ഡയറക്ടർ മടക്കി; റിപ്പോർട്ട് അപൂർണമാണെന്നും അന്വേഷണം തുടരാനും ബഹ്റ
തിരുവനന്തപുരം: മുൻ മന്ത്രി തോമസ് ചാണ്ടിക്കെതിരായ കായൽ കൈയേറ്റ കേസിലെ വിജിലൻസ് അന്വേഷണ ഫയൽ ഡയറക്ടർ ലോക്നാഥ് ബെഹ്റ തിരിച്ചയച്ചു. വലിയകുളം സീറോ ജെട്ടി റോഡ് നിര്മാണവുമായി ബന്ധപ്പെട്ട അന്വേഷണ റിപ്പാര്ട്ടാണ് മടക്കിയത്. റിപ്പോർട്ട് അപൂർണമാണെന്നും അന്വേഷണം തുടരാനും വിജിലൻസിനോട് ബെഹ്റ നിർദേശിച്ചു. വിജിലൻസ് റിപ്പോർട്ട് ഇന്ന് കോടതിയിൽ സമർപ്പിക്കാനിരിക്കെയാണ് ഡയറക്ടറുടെ നടപടി. ഈ സാഹചര്യത്തിൽ അന്വേഷണത്തിന് വിജിലൻസ് സമയം നീട്ടി ചോദിച്ചേക്കും. അനധികൃതമായി സര്ക്കാര് പണം ഉപയോഗിച്ച് റോഡ് നിര്മിച്ചുവെന്നും ഇത് മൂലം സര്ക്കാര് ഖജനാവിന് നഷ്ടം സംഭവിച്ചുവെന്നുമാണ് പരാതി.
Read Moreശംഭോ മഹാദേവ..! സാധാരണക്കാരുടെ ഹൃദയത്തിന്റെ ഈണത്തിൽ സംഗീതത്തെ എത്തിച്ച സംഗീത പ്രതിഭയായിരുന്നു ജി. ദേവരാജനെന്ന് മുഖ്യമന്ത്രി പിണറായി വിജയൻ
തിരുവനന്തപുരം: സാധാരണക്കാരുടെ ഹൃദയത്തിലേക്ക് അവരുടെ ഹൃദയത്തിന്റെ ഈണത്തിൽ സംഗീതത്തെ എത്തിച്ച സംഗീത പ്രതിഭയായിരുന്നു ജി. ദേവരാജനെന്ന് മുഖ്യമന്ത്രി പിണറായി വിജയൻ. ജി.ദേവരാജൻ മാസ്റ്റർ മെമ്മോറിയൽ ട്രസ്റ്റ് സംഘടിപ്പിച്ച ജി. ദേവരാജൻ നവതി ആഘോഷങ്ങളുടെ സമാപനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. താൻ കാത്തുസൂക്ഷിച്ച മൂല്യങ്ങളോട് എന്നും പുലർത്തിയിരുന്ന സത്യസന്ധതയും ജീവശ്വാസമായി കരുതിയിരുന്ന സംഗീതത്തോടുള്ള അർപ്പണമനോഭാവവുമാണ് ആസ്വാദകരുടെ മനസുകളിൽ അദ്ദേഹത്തെ കുടിയിരുത്തിയത്. കമ്യൂണിസ്റ്റുകാരനായാൽ സർഗാത്മകമായ ഹൃദയച്ചുരുക്കമുണ്ടാകുമെന്ന വാദങ്ങൾക്കുള്ള സർഗാത്മകമായ ഉത്തരമായിരുന്നു ദേവരാജൻ മാസ്റ്റർ. മലയാളമുള്ള കാലത്തോളം അദ്ദേഹത്തിന്റെ പാട്ടുകൾ ജനഹൃദയങ്ങളിൽ ജീവിക്കുമെന്നും മുഖ്യമന്ത്രി കൂട്ടിച്ചേർത്തു. ഒരു ലക്ഷം രൂപയും പ്രശസ്തിപത്രവും ഫലകവുമടങ്ങിയ ജി. ദേവരാജൻ മാസ്റ്റർ നവതി പുരസ്കാരം ശ്രീകുമാരൻ തന്പിക്ക് മുഖ്യമന്ത്രി സമ്മാനിച്ചു. ചടങ്ങിൽ മേയർ വി.കെ. പ്രശാന്ത് അധ്യക്ഷത വഹിച്ചു. ഗായകൻ പി. ജയചന്ദ്രൻ, കവികളായ പൂവച്ചൽ ഖാദർ, പ്രഭാവർമ, ഭാരത് ഭവൻ മെംബർ സെക്രട്ടറി…
Read More