തിരുവനന്തപുരം: മത്സ്യത്തൊഴിലാളികൾക്കു അത്യാധുനിക സൗകര്യം ഏർപ്പെടുത്തണമെന്ന് ബിജെപി സംസ്ഥാന അധ്യക്ഷൻ കുമ്മനം രാജശേഖരൻ. ഓഖി ദുരന്തം വിലയിരുത്താൻ എത്തിയ കേന്ദ്രസംഘത്തോടാണ് കുമ്മനം ഇക്കാര്യം ആവശ്യപ്പെട്ടത്. മത്സ്യത്തൊഴിലാളികൾക്കു ലൈഫ്ജാക്കറ്റ് നൽകണമെന്നും ബോട്ടുകളിൽ ജിപിഎസ് സൗകര്യം ഏർപ്പെടുത്തണമെന്നും അദ്ദേഹം ആവശ്യപ്പെട്ടു. മത്സ്യത്തൊഴിലാളികൾ പുരാതന മാർഗങ്ങളാണ് ഉപയോഗിക്കുന്നത്. അതിനാൽ ദുരന്തത്തെ നേരിടാൻ സാധിച്ചില്ല. ഇതിനു പകരം അധുനിക സൗകര്യങ്ങൾ ലഭ്യമാക്കണമെന്നും മത്സ്യബന്ധനം ശാസ്ത്രിയമാക്കണമെന്നും കുമ്മനം കേന്ദ്രസംഘത്തോട് ആവശ്യപ്പെട്ടു. ആഭ്യന്തരവകുപ്പ് അഡീഷണൽ സെക്രട്ടറി ബിപിന് മല്ലിക്കിന്റെ നേതൃത്വത്തിലുള്ള സംഘമാണ് കേരളത്തിൽ സന്ദർശനം നടത്തുന്നത്. ദുരിതാശ്വാസം , പുനർനിർമാണം , പുനരധിവാസം, മുന്നറിയിപ്പു സംവിധാനം എന്നിവയ്ക്കായി 7,340 കോടിയുടെ പാക്കേജാണ് സംസ്ഥാനസർക്കാർ കേന്ദ്രത്തോട് ആവശ്യപ്പെട്ടിരിക്കുന്നത്.
Read MoreCategory: TVM
ഞാൻ പറഞ്ഞ് കൊടുക്കും..! ഓഖി ദുരന്തത്തിൽ കേരള സർക്കാരിന്റെ ആശ്വാസ നടപടികൾ തൃപ്തികരമല്ല; ദുരിത ബാധിത പ്രദേശങ്ങൾ സന്ദർശിക്കാൻ എത്തിയ കേന്ദ്ര സംഘസംഘത്തോട് പരാതി അറിയിച്ച് കോൺഗ്രസ്
തിരുവനന്തപുരം: ഓഖി ദുരന്തവുമായി ബന്ധപ്പെട്ട് സംസ്ഥാന സർക്കാർ ചെയ്ത ആശ്വാസ നടപടികൾ തൃപ്തികര മല്ലെന്ന് കോൺഗ്രസ്. കെപിസിസി അധ്യക്ഷൻ എം.എം.ഹസൻ ഇക്കാര്യം ദുരിത ബാധിത പ്രദേശങ്ങൾ സന്ദർശിക്കാൻ എത്തിയ കേന്ദ്ര സംഘത്തെ അറിയിച്ചു. കേന്ദ്ര സംഘത്തെ ആവശ്യങ്ങൾ അറിയിക്കുന്നതിൽ സംസ്ഥാന സർക്കാർ പരാജയപ്പെട്ടുവെന്നും കേന്ദ്ര സംഘത്തിനു മുന്നിൽ കാര്യങ്ങൾ വിശദീകരിക്കാൻ ഫിഷറീസ് മന്ത്രി പോലും എത്തിയില്ലെന്നും ഹസൻ കുറ്റപ്പെടുത്തി.
Read Moreമദ്യനയം കലക്കി തിമിർത്തു കുടുക്കി..! ക്രിസ്മസ് ലഹരിയ്ക്കായി മലയാളി മൂന്നു ദിവസം കുടിച്ചത് 313.63 കോടിയുടെ മദ്യം; കഴിഞ്ഞ വർഷത്തേക്കാൾ 18 ശതമാനത്തിന്റെ വർധനവ്
തിരുവനന്തപുരം: ക്രിസ്മസിന് മലയാളി കുടിച്ചത് 313.63 കോടി രൂപയുടെ മദ്യം. ക്രിസ്മസ് ദിനത്തിനു തലേന്നുള്ള മൂന്നു ദിവസത്തെ കണക്കാണിത്. ക്രിസ്മസിനു തൊട്ടുമുന്നത്തെ ദിവസം മാത്രം 157.05 കോടി രൂപയുടെ മദ്യമാണ് മലയാളി അകത്താക്കിയത്. കഴിഞ്ഞ വർഷം ക്രിസ്മസ് മദ്യവിൽപ്പന 256.01 കോടി രൂപയുടേതായിരുന്നു. ഇത്തവണ കുടിച്ചുകളഞ്ഞ തുകയിൽ 18.22 ശതമാനത്തിന്റെ വർധനവാണ് ഉണ്ടായിരിക്കുന്നത്.
Read Moreസൈബർ ആക്രമണം: നടി പാർവതി ഡിജിപിക്ക് പരാതി നൽകി; തന്നെ അപമാനിക്കുന്ന തരത്തിൽ ഒരുകൂട്ടം ആളുകൾ പ്രചരണം നടത്തുകയാണെന്നാണ് നടയുടെ പരാതി
തിരുവനന്തപുരം: കസബ വിവാദങ്ങളുടെ പശ്ചാത്തലത്തിൽ തനിക്കെതിരേ നവമാധ്യമങ്ങളിൽ നടക്കുന്ന ആക്രമണങ്ങൾക്കെതിരേ നടി പാർവതി ഡിജിപിക്ക് പരാതി നൽകി. ചലച്ചിത്ര മേളയിലെ സെമിനാറിൽ കസബ എന്ന ചിത്രത്തിലെ സ്ത്രീ വിരുദ്ധതയ്ക്കെതിരേ നടി പൊതുവേദിയിൽ സംസാരിച്ചിരുന്നു. ഇതിന് ശേഷമാണ് പാർവതിക്കെതിരേ സോഷ്യൽ മീഡിയയിൽ പ്രചരണമുണ്ടായത്. തന്നെ അപമാനിക്കുന്ന തരത്തിൽ ഒരുകൂട്ടം ആളുകൾ പ്രചരണം നടത്തുകയാണെന്നും ഇവർക്കെതിരേ നടപടി സ്വീകരിക്കണമെന്നും ആവശ്യപ്പെട്ടാണ് നടിയുടെ പരാതി. ഡിജിപിക്ക് ലഭിച്ച പരാതി സൈബർ സെല്ലിന് കൈമാറും.
Read Moreതിരുവനന്തപുരത്ത് സ്ത്രീയുടെ മൃതദേഹം കത്തിക്കരിഞ്ഞ നിലയിൽ; മകനെ പോലീസ് ചോദ്യം ചെയ്യുന്നു; പേരൂർക്കട സ്വദേശിനി ദീപ അശോകാണ് മരിച്ചതെന്ന് പോലീസ്
പേരൂർക്കട: തിരുവനന്തപുരം പേരൂർക്കട മണ്ണടി ലൈനിൽ സ്ത്രീയുടെ മൃതദേഹം കത്തിക്കരിഞ്ഞ നിലയിൽ കണ്ടെത്തി. പേരൂർക്കട സ്വദേശിനി ദീപ അശോകാണ് മരിച്ചത്. സംഭവവുമായി ബന്ധപ്പെട്ട് ഇവരുടെ മകനെ പോലീസ് കസ്റ്റഡിയിലെടുത്ത് ചോദ്യം ചെയ്യുകയാണ്.
Read Moreമദ്യം കുടുംബങ്ങളെ ഇല്ലാതാക്കുന്നു..! മദ്യപിച്ച് വീട്ടിലെത്തിയ ഭർത്താവ് ഭാര്യയെ കത്തി കൊന്നു; വെറും വാക്കു തർക്കം ലഹരിയിലായിരുന്ന സതീശിനെക്കൊണ്ട് ചെയ്യിച്ചത് ഭാര്യയുടെ കൊലപാതകം
കൊട്ടിയം: യുവതി കുത്തേറ്റു മരിച്ചു. കണ്ണനല്ലൂർ തോട്ടും മുക്ക് എസ്എസ് മൻസിലിൽ വാടകയ്ക്ക് താമസിച്ചുവരികയായിരുന്ന ഷിനിത (33) ആണ് മരിച്ചത്. സംഭവത്തിൽ ഭർത്താവ് പുന്തലത്താഴം തെറ്റിച്ചിറ വയലിൽ പുത്തൻവീട്ടിൽ സതീശനെ കൊട്ടിയം പോലീസ് അറസ്റ്റ് ചെയ്തു. ഇന്നലെ ഉച്ചയോടെയാണ് സംഭവം. മദ്യപിച്ച് വീട്ടിലെത്തിയ സതീശൻ ഭാര്യയുമായി വാക്കേറ്റം നടത്തുകയും അടുക്കളയിൽനിന്ന് കത്തിയെടുത്ത് തുരുതുരെ കുത്തുകയുമായിരുന്നുവെന്ന് പോലീസ് പറഞ്ഞു. ആഴത്തിൽ മുറിവേറ്റ ഷിനിതയെ ഉടൻതന്നെ കൊട്ടിയത്തെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ജില്ലാആശുപത്രി മോർച്ചറിയിൽ. മക്കൾ വിഷ്ണു. ശ്രീദേവി, ശ്രീലക്ഷ്മി.
Read Moreസൂക്ഷിച്ചോ പിള്ളാരേ പിടുത്തക്കാർ ഇറങ്ങിയിട്ടുണ്ട്..! പത്തു വയസുകാരിയെ തട്ടിക്കൊണ്ടു പോകാൻ ശ്രമിച്ച നാടോടികൾ പിടിയിൽ; മുട്ടായി തരാമെന്ന് പറഞ്ഞ് തന്നെ വലിച്ചുകൊണ്ടുപോകാൻ ശ്രമിച്ചെന്ന് കുട്ടി
കാട്ടാക്കട: മദ്രസ പഠനം കഴിഞ്ഞു മടങ്ങിയ പത്തു വയസുകാരിയെ തട്ടി കൊണ്ടു പോകാൻ ശ്രമിച്ച അംഗപരിമിതനായ നാടോടിയും ഭാര്യയേയും നാട്ടുകാർ തടഞ്ഞു വച്ച് പോലീസിൽ ഏൽപ്പിച്ചു. ആന്ധ്രപ്രദേശ് ചിറ്റൂർ ജില്ലയിൽ ചിതറമൻ തണ്ട കദിരിയിൽ തിരുപാൽ നായിക് (60 )ഭാര്യ ശാന്തമ്മ (55) എന്നിവരാണ് പിടിയിലായത് . ഇന്നലെ രാവിലെ പതിനൊന്നര മണിയോടെ കാട്ടാക്കട സിഎസ്ഐ പള്ളിക്ക് സമീപം ആണ് സംഭവം .മദ്രസയിൽ നിന്നു മടങ്ങി വന്ന കുട്ടിക്കു സമീപമെത്തിയ നാടോടികൾ മിഠായി നൽകാം അടുത്ത് വാ എന്ന് പറയുകയും കുട്ടിയുടെ കൈയിൽ പിടിക്കുകയും ചെയ്തു. ഭയന്ന കുട്ടി കൈ തട്ടിമാറ്റിയ ശേഷം ഓടി വീട്ടിൽ എത്തി മാതാപിതാക്കളോട് വിവരം പറയുകയായിരുന്നു. തുടർന്ന് കുട്ടിയുമായി പിതാവ് റോഡിൽ എത്തി നാടോടികളെ തെരഞ്ഞു. സംഭവം നടന്ന സ്ഥലത്ത് നിന്നും അൽപ്പം അകലെ കാട്ടാക്കട ട്രഷറിക്ക് സമീപം ഇവർ എത്തിയിരുന്നു.വിവരം…
Read More‘ഉണ്ണിയേശുവും മാതാവും ആട്ടിടയൻമാരും’ എത്തി രാജസ്ഥാനിൽ നിന്ന്
നേമം : പുൽക്കൂടൊരുക്കാൻ ഉണ്ണിയേശുവിന്റെ തിരുപിറവിയുടെ പ്രതിമകളുമായി രാജസ്ഥാനികൾ. നേമം പള്ളിച്ചൽ ദേശീയപാതയിലാണ് പ്രതിമകളുടെ വിൽപ്പന തകൃതിയായി നടക്കുന്നത്. രാജസ്ഥാനിൽ നിന്നുള്ള കുടുംബങ്ങൾ കഴിഞ്ഞ ഇരുപ്പത്തിയഞ്ച് വർഷങ്ങളായി പ്രതിമകൾ നിർമിച്ച് വിൽപ്പന നടത്തി വരുന്നു. പ്ലാസ്റ്റർ ഓഫ് പാരീസിൽ നിർമിച്ച പ്രതിമകൾക്ക് 1300 രൂപയാണ് വിലയെങ്കിലും തർക്കിച്ചാൽ ഇരുപത് പ്രതിമകൾ ഉള്ള ഒരു സെറ്റ് 700 രൂപയ്ക്ക് വരെ ഇവർ വിറ്റഴിക്കുന്നു. ക്രിസ്മസ് അടുത്തതോടുകൂടി ഇവയുടെ വിൽപ്പനയും കൂടി. പുരുഷന്മാരാണ് മോൾഡിൽ പ്രതിമകൾ നിർമിക്കുന്നത്. സ്ത്രീകൾ പല വർണങ്ങളിലുള്ള പെയിന്റുകൾ ഉപയോഗിച്ച് പ്രതിമകൾക്ക് ചായം പൂശും. ഓരോ സീസണിലേയും ആഘോഷങ്ങൾക്കനുസരിച്ചാണ് പ്രതിമകൾ ഇവർ വിൽപ്പനയ്ക്കായി തയാറാക്കുന്നത്. പൂജവയ്പ്പിന് സരസ്വതി വിഗ്രഹങ്ങളും വിഷുവിന് ശ്രീകൃഷ്ണ പ്രതിമകളും നിർമിച്ച് വില്പന നടത്തും. രാജസ്ഥാൻ സ്വദേശിയ അശോകിന്റെ നേതൃത്വത്തിലുള്ള സംഘമാണ് പള്ളിച്ചലിൽ സ്ഥലം വാടകയ്ക്കെടുത്ത് പ്രതിമകളുടെ നിർമാണം നടത്തുന്നത്. ദൈവങ്ങളുടെ പ്രതിമകൾക്ക്…
Read Moreഅനേഷ് ആളു തരികിടയാ..! വിദ്യാര്ഥിനികളെ കടത്തിക്കൊണ്ടു പോകാന് ശ്രമിച്ച യുവാവ് റിമാന്ഡില്; സംഭവം വെള്ളറടയില്
വെള്ളറട : സ്കൂൾ വിദ്യാർഥിനികളെ കടത്തിക്കൊണ്ടു പോകാൻ ശ്രമിച്ച കേസിൽ യുവാവിനെ പോലീസ് അറസ്റ്റ് ചെയ്തു. പള്ളിച്ചൽ അയണിമൂട് അലീന ഭവനിൽ അനേഷ് (35) ആണ് പിടിയിലായത്. എട്ടും പത്തും ക്ലാസുകളിൽ പഠിക്കുന്ന രണ്ടു വിദ്യാർഥിനികളെ കാണാതായതിനെ തുടർന്ന് രക്ഷിതാക്കൾ വെള്ളറട പോലീസിനു പരാതി നൽകുകയായിരുന്നു. വെള്ളറട പോലീസ് കേസ് രജിസ്റ്റർ ചെയ്തു നടത്തിയ അന്വേഷണത്തിൽ വിദ്യാർഥിനികളെ പൂവച്ചൽ ബസ് സ്റ്റാൻഡിൽ നിന്നും കണ്ടെത്തി. തുടർന്ന് നടത്തിയ അന്വേഷണത്തിലാണ് പ്രതിയെക്കുറിച്ച് പോലീസിനു വിവരം ലഭിച്ചത്. പാറശാല സിഐ ബിനു, വെള്ളറട എസ്ഐ വിജയകുമാർ അഡീഷണൽ എസ്ഐ ബ്രൂസ് ഡാനിയേൽ എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതി അറസ്റ്റു ചെയ്തത്. പെണ്കുട്ടികളെ വൈദ്യപരിശോധന നടത്തിയ ശേഷം രക്ഷിതാക്കൾക്കൊപ്പം വിട്ടയച്ചു. പ്രതിയെ കോടതിയിൽ ഹാജരാക്കി കോടതി റിമാൻഡ് ചെയ്തു.
Read Moreനെൽവയൽ നീർത്തട ഭേദഗതി വരുന്നു; തരിശ് നിലം തദേശ സ്ഥാപനങ്ങൾക്ക് ഏറ്റെടുക്കാൻ ഉടമയുടെ സമ്മതം ആവശ്യമില്ല; നെൽവയൽ നികത്തുന്നത് ജാമ്യമില്ലാ കുറ്റമാകുന്നു
തിരുവനന്തപുരം: നെൽവയൽ നികത്തുന്നത് ജാമ്യമില്ലാ കുറ്റമാകുന്നു. ഇതിനായി നെൽവയൽ നീർത്തട സംരക്ഷണ നിയമം ഭേദഗതി ചെയ്യാൻ സർക്കാർ ഒരുങ്ങുന്നു. അടുത്ത മന്ത്രിസഭ യോഗത്തിൽ ഇതുസംബന്ധിച്ച തീരുമാനം ഉണ്ടാകുമെന്നാണ് സൂചന. നിയമം ഭേദഗതി ചെയ്യുന്നതിലൂടെ കൃഷി ചെയ്യാതെ വെറുതെയിട്ടിരിക്കുന്ന തരിശ് നിലം തദേശ സ്ഥാപനങ്ങൾക്ക് ഏറ്റെടുക്കാൻ ഉടമയുടെ സമ്മതം ആവശ്യമില്ലാതാകും. തരിശ് നിലം ഏറ്റെടുത്ത് കൃഷിയിറക്കാൻ പഞ്ചായത്തുകൾക്ക് അധികാരം നൽകുന്നതായിരിക്കും പുതിയ ഭേദഗതി. ഇതിനായി നിശ്ചിത തുക പഞ്ചായത്ത് പാട്ടമായി ഉടമസ്ഥന് കൊടുത്താൽ മതി. 2008ന് മുൻപ് നികത്തിയ ഭൂമി ക്രമപ്പെടുത്തൽ വ്യവസ്ഥകളിലും മാറ്റം വരുത്തുമെന്നാണ് റിപ്പോർട്ട്.
Read More