തിരുവനന്തപുരം: റോഡപകടങ്ങളിൽപ്പെടുന്നവർക്ക് പെട്ടെന്ന് വിദഗ്ധ ചികിത്സ ഉറപ്പാക്കുന്നതിനു ട്രോമ കെയർ പദ്ധതി ആവിഷ്കരിക്കാൻ സർക്കാർ ഉന്നതതല യോഗം തീരുമാനിച്ചു. ആശുപത്രിയിൽ പ്രവേശിപ്പിക്കപ്പെട്ടാൽ 48 മണിക്കൂർ നേരത്തേക്ക് രോഗിയിൽ നിന്നോ ബന്ധുക്കളിൽ നിന്നോ പണമൊന്നും ഈടാക്കാതെ തന്നെ ചികിത്സ ഉറപ്പാക്കുന്ന നിർദേശങ്ങളാണ് പരിഗണിക്കുന്നത്. 48 മണിക്കൂറിനകം നടത്തുന്ന അടിയന്തര ചികിത്സയ്ക്കുളള പണം സർക്കാർ നല്കും. ഈ തുക പിന്നീട് ഇൻഷ്വറൻസ് കന്പനികളിൽനിന്ന് തിരിച്ചുവാങ്ങാനാണ് ഉദ്ദേശിക്കുന്നത്. ഇൻഷ്വറൻസ് കന്പനികളുമായി ചർച്ച നടത്തിയ ശേഷം ഇതിന്റെ വിശദരൂപം തയാറാക്കും. അപകടത്തിൽപ്പെട്ട് ആശുപത്രിയിലെത്തുന്ന ആർക്കും ചികിത്സ നിഷേധിക്കാൻ പാടില്ല. സാന്പത്തികശേഷി നോക്കി ചികിത്സിക്കുന്ന രീതി അവസാനിപ്പിക്കണം. സ്വകാര്യ ആശുപത്രിയിലാണെങ്കിൽ ആദ്യഘട്ടത്തിലെ ചികിത്സയ്ക്കുളള ചെലവ് റോഡ് സുരക്ഷാ ഫണ്ടിൽനിന്ന് സർക്കാർ വഹിക്കണമെന്ന് നിർദേശിച്ചു. സംസ്ഥാനത്തെ സർക്കാർ മെഡിക്കൽ കോളജുകൾ, ജില്ലാ ആശുപത്രികൾ, താലൂക്ക് ആശുപത്രികൾ എന്നിവിടങ്ങളിലും പ്രധാന സ്വകാര്യ ആശുപത്രികളിലും ട്രോമ കെയർ സജ്ജീകരണമുണ്ടാക്കാനാണ്…
Read MoreCategory: TVM
ആറ്റിങ്ങളിൽ ടിപ്പറിടിച്ച് വിദ്യാർഥിനി മരിച്ചു; സെന്റ് സേവിയേഴ്സ് കോളജിലെ അനുപമയാണ് അപകടത്തിൽ മരിച്ചത്
ആറ്റിങ്ങൽ: ടിപ്പറിടിച്ച് വിദ്യാർഥിനി മരിച്ചു. കിഴുവിലം കുറക്കട ശാന്താ നിവാസിൽ അനുപമ (19) ആണ് മരിച്ചത്. രാവിലെ സെന്റ് സേവിയേഴ്സ് കോളജിൽ പോകുന്നതിനായി സഹോദരനോടൊപ്പം ടോൾ ജംഗ്ഷനിലേക്ക് പോകുമ്പോഴായിരുന്നു അപകടം. ടിപ്പർ ബൈക്കിലേക്ക് ഇടിച്ചായിരുന്നു അപകടം.കോരാണി ചിറയിൻകീഴ് റോഡിൽ മാവേലി സ്റ്റോറിനടുത്തു വച്ചായിരുന്നു അപകടം. പിതാവ്:സുഗതൻ. മാതാവ്: സുലു.സഹോദരൻ: അമൽ.
Read Moreപ്രാർഥന ഫലിച്ചു..! ആർസിസിയിൽനിന്നു രക്തം സ്വീകരിച്ച പെണ്കുട്ടിക്ക് എച്ച്ഐവി ബാധിച്ചെന്ന ആരോപണം തെറ്റ്
തിരുവനന്തപുരം: റീജണൽ കാൻസർ സെന്ററിൽ ചികിത്സയിലിരിക്കെ രക്തം സ്വീകരിച്ച പെണ്കുട്ടിക്ക് എച്ച്ഐവി ബാധിച്ചെന്ന ആരോപണം തെറ്റാണെന്ന് കണ്ടെത്തൽ. ചെന്നൈയിലെ റീജണൽ ലബോറട്ടറിയിൽ നടത്തിയ രക്തപരിശോധനയിലാണ് കുട്ടിക്ക് എച്ച്ഐവി ബാധയില്ലെന്നു കണ്ടെത്തിയത്. ഡൽഹിയിലെ നാഷണൽ ലാബിൽനിന്നുള്ള പരിശോധനാ ഫലം കൂടി വരാനുണ്ടെന്നും ഇതിനുശേഷം മാത്രമേ ഇക്കാര്യത്തിൽ അന്തിമ തീരുമാനം പുറത്തുവിടാൻ കഴിയൂ എന്നും ആർസിസി അറിയിച്ചു. കഴിഞ്ഞ മാർച്ചിലാണു രക്താർബുദത്തെത്തുടർന്ന് കുട്ടി ആർസിസിയിൽ ചികിത്സയ്ക്കെത്തിയത്. ചികിത്സയുടെ ഭാഗമായി കുട്ടിക്കു റേഡിയേഷൻ തെറാപ്പി നടത്തി. അതിനു ശേഷം രക്തത്തിൽ കൗണ്ട് കുറഞ്ഞു. ഇതു പരിഹരിക്കാനായി ആർസിസിയിൽ നിന്ന് ബ്ലഡ് ട്രാൻസ്ഫ്യൂഷൻ നടത്തിയിരുന്നു. തുടർന്നുള്ള പരിശോധനയിലാണ് കുട്ടിക്ക് എച്ച്ഐവി ബാധിച്ചെന്നു സംശയമുണർന്നത്. സംഭവത്തിൽ ആർസിസിയിൽ വീഴ്ച സംഭവിച്ചിട്ടില്ലെന്ന് സർക്കാർ നിയോഗിച്ച വിദഗ്ധ സമിതി റിപ്പോർട്ട് നൽകിയിരുന്നു. ആർസിസിക്ക് സാങ്കേതിക പിഴവ് ഉണ്ടായിട്ടില്ലെന്നും മാനദണ്ഡങ്ങൾ പാലിച്ചാണ് രക്തം നൽകിയതെന്നും റിപ്പോർട്ടിൽ പറയുന്നു.
Read Moreരക്ഷിക്കാന് ശ്രമിച്ചെങ്കിലും..! പ്രായപൂര്ത്തി യാകാത്ത കമിതാക്കള് തൂങ്ങി മരിച്ച നിലയില്; പ്ലസ് വണ് വിദ്യാര്ഥിനിയാണ് ശരണ്യ, ശരത്ത് പെയിന്റിംഗ് തൊഴിലാളിയും
നെടുമങ്ങാട്: പ്രായപൂർത്തിയാകാത്ത കമിതാക്കളെ തൂങ്ങിമരിച്ച നിലയിൽ കണ്ടെത്തി. ആനാട് പുനപുക്കുന്ന് വാഴവിള തടത്തരികത്ത് വീട്ടിൽ ശശിയുടെ മകൻ ശരത് (17), കുടപ്പനമൂട് മുക്കോല പേരാവൂർ പുതുവൽ വീട്ടിൽ ശോഭയുടെ മകൾ ശരണ്യ (16) എന്നിവരെയാണ് ആനാട് വാഴവിളയിലെ ശരത്തിന്റെ മുത്തശിയുടെ വീട്ടിൽ ഇന്നലെ ഉച്ചയോടെ ഫാനിൽ തൂങ്ങി മരിച്ചനിലയിൽ കണ്ടെത്തിയത്. സംഭവമറിഞ്ഞെത്തിയ അയൽവാസികൾ ഇരുവരെയും രക്ഷിക്കാൻ ശ്രമിച്ചെങ്കിലും മരണം സംഭവിക്കുകയായിരുന്നുവെന്ന് പോലീസ് പറഞ്ഞു. പ്ലസ് വണ് വിദ്യാർഥിനിയായ ശരണ്യയും പെയിന്റിംഗ് തൊഴിലാളിയായ ശരത്തും പ്രണയത്തിലായിരുന്നു. ശരത്തിന്റെ മാതാവ് ഗൾഫിലാണ്. പിതാവ് മറ്റൊരു വിവാഹം കഴിച്ച് ശരണ്യയുടെ വീടിനടുത്താണ് താമസിച്ചുവരുന്നത്. ശരത് അവിടെ വച്ചാണ് ശരണ്യയുമായി പരിചയപ്പെട്ടതും പ്രണയത്തിലായതും ഇന്നലെ ശരത്തിന്റെ മാതാവിന്റെ വാഴവിളയിലെ വീടിനടുത്തുള്ള മുത്തശിയുടെ വീട്ടിൽ ഇരുവരുമെത്തി. ഒരു പ്ലാസ്റ്റിക് കയറിൽ ഫാനിന്റെ ഇരുവശങ്ങളിലുമായി തൂങ്ങിയ നിലയിലാണ് കണ്ടെത്തിയത്. മൃതദേഹം മെഡിക്കൽ കോളജ് ആശുപത്രി മോർച്ചറിയിലേക്ക്…
Read Moreഇവനൊരു ഞരമ്പു ടെക്കി..! ബൈക്കിൽ കറങ്ങിനടന്ന് സ്ത്രീകളെ ശല്യപ്പെടുത്തിയ ടെക്നോപാർക്ക് ഉദ്യോഗസ്ഥൻ അറസ്റ്റിൽ
തിരുവനന്തപുരം: ബൈക്കിൽ കറങ്ങി നടന്ന് വിദ്യാർഥിനികളടക്കമുള്ളവരോട് അപമര്യാദയായി പെരുമാറിയ യുവാവിനെ സിറ്റി ഷാഡോ പോലീസ് പിടികൂടി.കേശവദാസപുരം ചൈതന്യ ഹോസ്പിറ്റലിന് സമീപം താമസിക്കുന്ന ആരോണ് ലാൽ വിൻസന്റ് (26) നെയാണ് മ്യൂസിയം പോലീസ് അറസ്റ്റ് ചെയ്തത്. നഗരത്തിൽ ഒരു യുവാവ് ഇരുചക്രവാഹനത്തിൽ കറങ്ങി നടന്ന് സത്രീകളോട് അപമര്യാദയായി പെരുമാറുന്ന ചില കേസുകൾ ശ്രദ്ധയിൽപ്പെട്ടതിനെ തുടർന്ന് സിറ്റി പോലീസ് കമ്മീഷണർ പി.പ്രകാശ് ഇയാളെ പിടികൂടുന്നതിനായി കണ്ട്രോൾ റൂം ഏസി സുരേഷ് കുമാറിന്റെ നേതൃത്വത്തിലുള്ള ഷാഡോ സംഘത്തെ നിയോഗിക്കുകയായിരുന്നു. ടെക്നോപാർക്കിലെ ഉദ്യോഗസ്ഥനായ ഇയാൾ ആളൊഴിഞ്ഞ പ്രദേശങ്ങളിൽ ബൈക്കിൽ എത്തി സ്ത്രീകളോട് അപമര്യാദയായി പെരുമാറുക യായിരുന്നു . പോലീസ് നടത്തിയ ചോദ്യം ചെയ്യലിൽ ഇടപ്പഴിഞ്ഞി സിഎസ്എം നഗറിനു സമീപത്തു വച്ചു സ്കൂൾ വിദ്യാർഥിനിയെ ആക്രമിച്ചത്, അതിനടത്തു തന്നെയുള്ള മറ്റൊരു സ്ഥലത്ത് സ്ത്രീയെ നഗ്നതാപ്രദർശനം നടത്തിയതും പട്ടം എൽഐസി ലൈനിലെ സ്ത്രീയോട് അപമര്യാദയായി പെരുമാറിയത്,…
Read Moreവിലകേട്ടാൽ മതി കിക്കാകും..! വിദേശ മദ്യത്തിന് ഇന്നു മുതൽ വില കൂട്ടും; ജനപ്രിയ ബ്രാൻഡുകൾക്ക് 15 രൂപ മുതൽ 40 രൂപ വരെയാണ് കൂടുന്നത്
തിരുവനന്തപുരം: വിദേശ മദ്യത്തിന് ഇന്നു വില കൂട്ടും. ഏഴു ശതമാനമാണു വർധന. ഇന്ത്യൻ നിർമിത വിദേശ മദ്യത്തിന്റെ ഫുൾ ബോട്ടിലിന് 30 രൂപ മുതൽ 80 രൂപ വരെ കൂട്ടും. ബിവറേജസ് കോർപറേഷനും കണ്സ്യൂമർഫെഡും വിൽക്കുന്ന എല്ലായിനം മദ്യത്തിനും വില കൂടും. ബാറുകളിൽ ആനുപാതികമായി തുക ഉയരും. ബിയർ, വൈൻ എന്നിവയുടെ വിലയും ഉയരും. ജനപ്രിയ ബ്രാൻഡുകൾക്ക് 15 രൂപ മുതൽ 40 രൂപ വരെയാണ് ഉയരുന്നതെന്നാണ് പറയുന്നതെങ്കിലും നികുതി കൂടി കണക്കാക്കുന്നതോടെ ഇത് ഇരട്ടിയിലധികമാകും. മുന്തിയ ഇനം മദ്യങ്ങൾക്ക് ആനുപാതികമായി തുക ഉയരും. മദ്യശാലകൾക്ക് ഇന്ന് അവധിയായതിനാൽ നാളെയാണു വിലവർധന പ്രാബല്യത്തിലാകുക. ബിവറേജസ് കോർപറേഷൻ മദ്യക്കമ്പനികൾക്കു കൂടുതൽ വില നല്കാൻ തീരുമാനി ച്ചതാണു വിലവർധനവിനു കാരണം. 15 ശതമാനം വർധനവാണ് ഡിസ്റ്റലറികളും മദ്യവിതരണക്കാരും ആവശ്യപ്പെട്ടത്. ഏഴു ശതമാനം വില വർധിപ്പിക്കാൻ കഴിഞ്ഞ ആഴ്ച ചേർന്ന ബിവറേജസ്…
Read Moreകേരളപ്പിറവി ദിനത്തിൽ ജനം പട്ടിണിയിൽ..! കേന്ദ്ര- സംസ്ഥാന സർക്കാരുകളുടെ നടപടികൾക്കെതിരെ കടയടപ്പു സമരം തുടങ്ങി
തിരുവനന്തപുരം: വ്യാപാരി- വ്യവസായി ഏകോപന സമിതിയുടെ നേതൃത്വത്തിൽ സംസ്ഥാന വ്യാപകമായി നടത്തുന്ന കടയടപ്പു സമരം തുടങ്ങി. രാവിലെ ആറു മുതൽ വൈകുന്നേരം അഞ്ചുവരെയാണു സമരം. ഹോട്ടലുകൾ അടക്കമുള്ള കടകൾ പ്രവർത്തിക്കില്ല. ഭീഷണിപ്പെടുത്തി കടയടപ്പിക്കാൻ പാടില്ലെന്നു നിർദേശം നൽകിയിട്ടുണ്ട്. കേന്ദ്ര- സംസ്ഥാന സർക്കാരുകളുടെ നടപടികൾക്കെതിരേയാണു സമരം. കേരളപ്പിറവി ദിനമായതിനാലാണു കടയടപ്പുസമരം 11 മണിക്കൂറായി നിജപ്പെടുത്തിയത്. ജിഎസ്ടിയിലെ അപാകതകൾ പരിഹരിക്കാൻ കഴിഞ്ഞില്ലെങ്കിൽ ജിഎസ്ടി നികുതി സമ്പ്രദായം അടിയന്തരമായി പിൻവലിക്കുക, വാടക- കുടിയാൻ നിയമം പാസാക്കുക, റോഡ് വികസനത്തിന്റെ പേരിൽ കുടിയൊഴിപ്പിക്കുന്ന വ്യാപാരികൾക്കു പുനരധിവാസ പാക്കേജ് പ്രഖ്യാപിക്കുക തുടങ്ങിയ ആവശ്യങ്ങൾ ഉന്നയിച്ചാണു സമരം.
Read Moreചരിത്രത്തിൽ കയറിപ്പറ്റാൻ..! ആർഎസ്എസ് നേതാക്കളെ സ്വാതന്ത്ര്യസമര സേനാനികളാക്കാൻ ബിജെപി ശ്രമിക്കുന്നു: ആന്റണി
തിരുവനന്തപുരം: ആർഎസ്എസ് നേതാക്കളെ സ്വാതന്ത്ര്യസമര സേനാനികളാക്കാൻ ബിജെപി ശ്രമിക്കുന്നുവെന്നു മുതിർന്ന കോൺഗ്രസ് നേതാവ് എ.കെ. ആന്റണി. ബിജെപി ഭരിക്കുന്ന സംസ്ഥാനങ്ങളിൽ പാഠപുസ്തകങ്ങളിലെ ചരിത്രം മാറ്റി എഴുതുകയാണ്. രണ്ടാം രാഷ്ട്ര പിതാവിന്റെ സ്ഥാനം ദീൻദയാൽ ഉപാധ്യായ്ക്ക് നൽകാൻ ബിജെപി ശ്രമിക്കുന്നുണ്ടെന്നും അദ്ദേഹം ആരോപിച്ചു. മതനിരപേക്ഷത ഉയര്ത്തിപ്പിടിക്കാന് ആരുമായും കോണ്ഗ്രസ് സഹകരിക്കും. ഒറ്റയ്ക്ക് നില്ക്കണമെന്ന തലക്കനം കോണ്ഗ്രസിനില്ലന്നും എ.കെ.ആന്റണി പറഞ്ഞു.
Read Moreപിന്നിൽ രാഷ്ട്രീയ പക പോക്കൽ..! തോമസ് ചാണ്ടിയുടെ റിസോർട്ടിലെ കെട്ടിടങ്ങൾ ഇടിക്കരുതെന്നാവശ്യപ്പെട്ടു ഹർജി
തിരുവനന്തപുരം: മന്ത്രി തോമസ് ചാണ്ടിയുടെ റിസോർട്ടിലെ കെട്ടിടങ്ങൾ ഇടിക്കരുതെന്ന് ആവശ്യപ്പെട്ടു ട്രൈബ്യൂണലിൽ ഹർജി നൽകി. വാട്ടർ വേൾഡ് ടൂറിസം കമ്പനിക്കു വേണ്ടി മാത്യു ജോസഫാണ് ഹർജി നൽകിയത്. ആലപ്പുഴ നഗരസഭ, ചെയർമാൻ, മുനിസിപ്പൽ എൻജിനിയർ എന്നിവരാണ് എതിർകക്ഷികൾ. തദ്ദേശസ്വയംഭരണ സ്ഥാപനങ്ങൾക്കു വേണ്ടിയുള്ള ട്രിബ്യൂണലിലാണ് ഹർജി ഫയൽ ചെയ്തിരിക്കുന്നത്. 2002ൽ ആരംഭിച്ച റിസോർട്ട് 2003 മുതൽ നഗരസഭയ്ക്ക് നികുതി അടയ്ക്കുന്നുണ്ട്. നഗരസഭ രാഷ്ട്രീയ വിരോധം തീർക്കാൻ ശ്രമിക്കുന്നുവെന്നാണ് ഹർജിയിലെ പ്രധാന ആരോപണം. ഒരു വിധത്തിലും കഴിയില്ല എന്ന അറിവോടെയാണ് നഗരസഭാ അധികൃതർ തണ്ടപ്പേർ രേഖകൾ ഹാജരാക്കാൻ നിർദേശിച്ചിരിക്കുന്നത്. കഴിഞ്ഞ 15 വർഷമായി ആവശ്യപ്പെടാത്ത രേഖകൾ ഇപ്പോൾ ഹാജരാക്കാൻ കഴിയില്ലെന്ന് ഹർജിയിൽ പറയുന്നു. ഇത്തരം കിട്ടാ രേഖകൾ ആവശ്യപ്പെടുന്നത് യുഡിഎഫ് ഭരിക്കുന്ന നഗരസഭയുടെ രാഷ്ട്രീയ വിരോധം മൂലമാണെന്ന് ഹർജിയിൽ ആരോപിക്കുന്നു. എന്നാൽ വാട്ടർ വേൾഡ് ടൂറിസം കമ്പനി നിർമിച്ചിരിക്കുന്ന 32…
Read Moreപോലീസുകാരൻ പണ്ടേ പ്രശ്നക്കാരൻ..! യുവതിക്ക് അശ്ലീല സന്ദേശമയച്ച പോലീസുകാരനും ചിത്രങ്ങൾ പ്രചരിപ്പിച്ചതിനു യുവാവും പിടിയിൽ
പേരൂർക്കട: യുവതിക്ക് വാട്ട്സ്ആപ്പിലൂടെ അശ്ലീല സന്ദേശങ്ങൾ അയച്ചതിന് പോലീസുകാരനും ചിത്രങ്ങൾ പകർത്തി പ്രചരിപ്പിച്ചതിന് യുവാവും അറസ്റ്റിൽ. സിറ്റി പോലീസ് കണ്ട്രോൾ റൂമിലെ സിവിൽപോലീസ് ഓഫീസറായിരുന്ന പിരപ്പൻകോട് ആശ ഭവനിൽ അഭിലാഷ് (43), മുട്ടട ചാരുവിളാകത്ത് വീട്ടിൽ സദാനന്ദ നഗറിൽ നിഥിൻ വിൽസണ് (24) എന്നിവരാണ് അറസ്റ്റിലായത്. കേസുമായി ബന്ധപ്പെട്ട് അറസ്റ്റ് ചെയ്യാൻ പോകുന്നതിനിടെ മണ്ണന്തല എസ്ഐ അനൂപിനെ അഭിലാഷ് മർദിച്ചതായി ആരോപണമുണ്ട്. ഇയാൾക്കെതിരെ വെഞ്ഞാറമ്മൂട് പോലീസ് സ്റ്റേഷനിലും കേസുണ്ട്. മുട്ടട സ്വദേശി നിഥിനും ആനയറ സ്വദേശിനിയായ പെണ്കുട്ടിയും പ്രണയത്തിലായിരുന്നു. വിവാഹം കഴിക്കാമെന്ന് വാഗ്ദാനം നൽകി പെണ്കുട്ടിയുടെ നഗ്നചിത്രങ്ങൾ ഉൾപ്പെടെ നിഥിൻ ശേഖരിച്ചിരുന്നു. ഇടയ്ക്ക് ഇരുവരും തമ്മിൽ തെറ്റി. പെണ്കുട്ടിയുടെ ചിത്രങ്ങൾ ചിലർക്ക് നിഥിൻ അയച്ചു കൊടുത്തു. പെണ്കുട്ടിയുടെ സുഹൃത്ത് മുഖേനയാണ് അഭിലാഷ് ഈ കേസിൽ ഇടപെടുന്നത്.നിഥിനെ ഫോണിൽ വിളിച്ച് ഭീഷണിപ്പെടുത്തിയ അഭിലാഷ് നിതിന്റെ കൈവശമുണ്ടായിരുന്ന ചിത്രങ്ങൾ ഉൾപ്പെടെ…
Read More