തിരുവനന്തപുരം: കേന്ദ്രസർക്കാരിനെതിരായ സമരങ്ങളിൽ കോൺഗ്രസുമായി ഒരുമിക്കാമെന്നു പറഞ്ഞ സിപിഎം അവരുടെ മുഖ്യശത്രു ആരാണെന്നു വ്യക്തമാക്കമമെന്ന് മുൻ മന്ത്രി തിരുവഞ്ചൂർ രാധാകൃഷ്ണൻ. കോൺഗ്രസും- ബിജെപിയുമാണ് തങ്ങളുടെ മുഖ്യശത്രുക്കളെന്നാണ് നേരത്തെ സിപിഎം പോളിറ്റ് ബ്യൂറോ നിലപാടെടുത്തത്. ഇതിന് വിരുദ്ധമാണോ ഇപ്പോഴത്തെ തീരുമാനമെന്ന് പാർട്ടി സംസ്ഥാന സെക്രട്ടറി കോടിയേരി ബാലകൃഷ്ണനുൾപ്പെടെയുള്ളവർ വ്യക്തമാക്കണെമെന്നും തിരുവഞ്ചൂർ ആവശ്യപ്പെട്ടു.
Read MoreCategory: TVM
പണിയില്ലാത്തോർക്കൊരു പണി കൊടുത്ത് ബീവറേജ്..! എംപ്ലോയ്മെന്റ് എക്സ്ചേഞ്ച് വഴി ബിവറേജസ് കോർപ്പറേഷനിലേക്ക് 456 പേർക്ക് നിയമനം; എതിർപ്പുമായി പിഎസ്സി റാങ്ക്ഹോൾഡേഴ്സ്
തിരുവനന്തപുരം: പിഎസ്സി റാങ്ക് ലിസ്റ്റ് നിലവിലിരിക്കെ ബിവറേജസ് കോർപറേഷനിൽ 456 പേരെ എംപ്ലോയ്മെന്റ് എക്സ്ചേഞ്ച് വഴി നിയമിക്കുന്നു. നിയമനവുമായി ബന്ധപ്പെട്ട അഭിമുഖപരീക്ഷ നാളെ നടക്കും. പിഎസ്സിയിൽ 2000 ഉദ്യോഗാർഥികളടങ്ങുന്ന അസിസ്റ്റന്റ് ഗ്രേഡ് രണ്ട് തസ്തികയുടെ റാങ്ക് ലിസ്റ്റ് നിലവിലിരിക്കെയാണ് എംപ്ലോയ്മെന്റ് എക്സ്ചേഞ്ച് വഴി നിയമനം നടത്തുന്നത്. പിഎസ്സി റാങ്ക് ലിസ്റ്റ് ഉള്ളപ്പോൾ മറ്റു നിയമനങ്ങൾ പാടില്ലെന്ന ചട്ടം നിലനിൽക്കെയാണു പുതിയ നീക്കം. കഴിഞ്ഞ ഓഗസ്റ്റിലാണ് പിഎസ്സിയുടെ ലിസ്റ്റ് നിലവിൽ വന്നത്. ലിസ്റ്റ് വന്ന് 15 ദിവസത്തിനകം പിഎസ്സി അഡ്വൈസ് മെമ്മോ അയയ്ക്കും. എന്നാൽ, ബിവറേജസ് കോർപറേഷൻ ഒഴിവുകൾ പിഎസ്സിയെ അറിയിച്ചില്ല. ഒഴിവുകൾ റിപ്പോർട്ട് ചെയ്യാത്തതിനാൽ പിഎസ്സിയും തുടർനടപടി എടുത്തില്ല. ഇതിനിടെയാണ് 300 ഹെൽപ്പർമാർ, 156 അസിസ്റ്റ് ഗ്രേഡ് ജീവനക്കാർ എന്നിങ്ങനെയുള്ള ജീവനക്കാരെ ഡെപ്യൂട്ടേഷൻ വഴി നിയമിക്കാൻ തീരുമാനിച്ചത്. ബിവറേജസ് കോർപറേഷനിൽ വർഷം തോറും നൽകുന്ന ഭീമമായ ബോണസ്…
Read Moreവിൽപ്പനയ്ക്കായി അമ്മ കൊടുത്തയച്ച കഞ്ചാവുമായി മകൻ പിടിയിൽ; സ്കൂൾ ബാഗിൽ കൊണ്ടുവന്ന കഞ്ചാവ് മറ്റൊരാൾക്ക് കൈമാറാൻ എത്തിയപ്പോഴാണ് പിടിയിലായത്
വിഴിഞ്ഞം: കൈമാറാനായി അമ്മ കൊടുത്തയച്ച രണ്ടു കിലോ കഞ്ചാവുമായി ആവശ്യക്കാരനെ കാത്തുനിന്ന മകൻ പോലീസ് പിടിയിൽ. മകൻ പിടിയിലായതറിഞ്ഞ് അമ്മ ഒളിവിൽ പോയി. പൂവാർ മേലെ കൊട്ടാരക്കുന്ന് വീട്ടിൽ ഷിബിൻ (18) നെയാണ് പൂവാർ പോലീസ് കഞ്ചാവുമായി പിടികൂടിയത്. ഷിബിന്റെ അമ്മ മിനി തമിഴ് നാട് കുഴിത്തുറയിൽനിന്ന് എത്തിച്ച കഞ്ചാവ് കൈമാറാനുള്ള ആളിനെയും കാത്ത് പൂവാർ ആറ്റുപുറം പാലത്തിന് സമീപം നില്ക്കവെയാണ് ഇന്നലെ ഉച്ചക്ക് ഒന്നരയോടെ യുവാവിനെ പോലീസ് പിടികൂടിയത്. സ്കൂൾ ബാഗിൽ കഞ്ചാവുമായി ഒരാൾ പൂവാറിലേക്ക് വരുന്നുവെന്ന രഹസ്യവിവരം സിഐ എസ്.വൈ.സുരേഷിന് ലഭിച്ചു. സിഐയുടെ നിർദേശ പ്രകാരം എസ്ഐ സുജിതും എഎസ്ഐ ക്രിസ്റ്റി, സിപിഒമാരായ പ്രേമൻ, അജിത്ത്, ജയരാജ്, ഷൈജു, വിനീത് എന്നിവരടങ്ങിയ സംഘം നടത്തിയ തെരച്ചിലിലാണ് സംശയകരമായി റോഡരികിൽ നിൽക്കു കയായിരുന്ന ഷിബിനെ പിടികൂടിയത്. ഇയാളുടെ കൈവശമുണ്ടായിരുന്ന ബാഗിൽ നടത്തിയ പരിശോധനയിൽ കഞ്ചാവ്…
Read Moreഅശ്ലീല ചിത്രങ്ങളും പ്രചരിപ്പിച്ചു! ട്രെയിന് യാത്രക്കിടെ പരിചയപ്പെട്ട പെണ്കുട്ടിയെ വിവാഹവാഗ്ദാനം നല്കി പീഡിപ്പിച്ച പ്രതി കുടുങ്ങി; നെയ്യാറ്റിന്കരയില് നടന്ന സംഭവം ഇങ്ങനെ…
നെയ്യാറ്റിന്കര: ട്രെയിന് യാത്രക്കിടെ പരിചയപ്പെട്ട പെണ്കുട്ടിയെ പ്രണയം നടിച്ച് വിവാഹവാഗ്ദാനം നല്കി പീഡിപ്പിക്കുകയും അശ്ലീല ചിത്രങ്ങള് വാട്സ് അപ്പിലൂടെ പ്രചരിപ്പിക്കുകയും ചെയ്ത കേസില് യുവാവ് അറസ്റ്റിൽ. അവണാകുഴി താന്നിമൂട് മണലുവിള വീട്ടില് രഞ്ചു ശിവരാജ (26) നെയാണ് പോലീസ് അറസ്റ്റ് ചെയ്തത്. പീഡനത്തിനു ശേഷം പ്രതി വിദേശത്തേയ്ക്ക് രക്ഷപ്പെട്ടു. പിന്നീട് ഫോണിലൂടെ പെണ്കുട്ടിയെ ഭീഷണിപ്പെടുത്തുകയും വാട്സ് അപ്പ് ഗ്രൂപ്പില് അശ്ലീല ചിത്രങ്ങള് പ്രചരിപ്പിക്കുകയും ചെയ്തതായി പോലീസ് പറഞ്ഞു. പ്രതി നാട്ടിലെത്തിയ വിവരം അറിഞ്ഞാണ് നെയ്യാറ്റിന്കര സിഐയുടെ നേതൃത്വത്തില് പോലീസെത്തി പ്രതിയെ പിടികൂടിയത്.
Read Moreലൗലി ഷാജിയുടെ ലീലാവിലാസങ്ങള് ! വിവാഹ വാഗ്ദാനം നല്കി വീട്ടമ്മയെ പീഠിപ്പിച്ചു; നഗ്നചിത്രങ്ങള് സമൂഹ മാധ്യമങ്ങള് വഴി പ്രചരിപ്പിച്ചു; ഒടുവില് പിടികൂടിയത് ആലപ്പുഴയില് നിന്ന്
കഴക്കൂട്ടം: വിവാഹ വാഗ്ദാനം നൽകി വീട്ടമ്മയെ പീഡിപ്പിച്ച് അശ്ലീല ചിത്രങ്ങൾ സമൂഹ മാധ്യമങ്ങൾ വഴി പ്രചരിപ്പിച്ച കേസിലെ പ്രതിയെ ആലപ്പുഴയിൽ നിന്ന് കഴക്കൂട്ടം പോലീസ് അറസ്റ്റു ചെയ്തു. അമ്പലപ്പുഴ തത്തംപള്ളി ചർച്ചിന് സമീപം കായൽചിറ വീട്ടിൽ ലൗലി ഷാജി എന്ന് വിളിക്കുന്ന സെബാസ്റ്റ്യൻ (46)ആണ് പിടിയിലായത്. വീട്ടമ്മയെ ആലപ്പുഴയിലുള്ള ഒരു വാടക വീട്ടിലും ലോഡ്ജിലും താമസിപ്പിച്ച് പീഡിപ്പിച്ച് ദൃശ്യങ്ങൾ പകർത്തുകയും ചിത്രങ്ങൾ സമൂഹ മാധ്യമങ്ങളിൽ പ്രചരിപ്പിക്കും എന്ന്പറഞ്ഞ് വീട്ടമ്മയെ ഭീഷണിപ്പെടുത്തുകയും ചെയ്തിരുന്നു. കഴകൂട്ടം സൈബർ സിറ്റി സബ് ഡിവിഷൻ പോലീസ് അസിസ്റ്റന്റ് കമ്മീഷണർ എ.പ്രമോദ് കുമാറിന്റെ നിർദേശാനുസരണം ടെക്നോപാർക്ക് കഴകൂട്ടം സിഐ എസ്.അജയ് കുമാർ,എസ്ഐ അജയകുമാർ, എഎസ്ഐ അൻവർ, ജയചന്ദ്രൻ, പ്രസാദ്, മുകേഷ്, പ്രദീപ്, രഞ്ജിത്ത് എന്നിവർ ചേർന്നാണ് പ്രതിയെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Read Moreപോലീസ് ഉന്നതന് സൈഡ് കൊടുത്തില്ല; കെഎസ്ആര്ടിസി ബസ് കസ്റ്റഡിയിലെടുക്കാന് ശ്രമം; സമ്മതിക്കില്ലെന്ന് പിഎസ്സി പരീക്ഷ എഴുതാന് പോയവരും മറ്റ് യാത്രക്കാരും
കായംകുളം: പോലീസിലെ ഒരു ഉന്നത ഉദ്യോഗസ്ഥന്റെ വാഹനത്തിനു സൈഡ് കൊടുത്തില്ലെന്നാരോപിച്ചു കെഎസ്ആർടിസി ബസ് കസ്റ്റഡിയിലെടുക്കാൻ പോലീസ് ശ്രമിച്ചതു സംഘർഷത്തിൽ കലാശിച്ചു. ഇന്നലെ രാവിലെ കായംകുളത്താണ് സംഭവം. തിരുവനന്തപുരത്തേക്കു പോവുകയായിരുന്ന കെഎസ്ആർടിസി ബസ് ആണ് പോലീസ് തടഞ്ഞത്. ഐജിയുടെ വാഹനത്തിനു സൈഡ് കൊടുത്തില്ലെന്നതാണു കാരണമായി പറഞ്ഞതെന്നാണ് അറിയുന്നത്. പിഎസ്സി പരീക്ഷ എഴുതാൻ ഉള്ളവരും നിരവധി യാത്രക്കാരും ബസിലുണ്ടായിരുന്നു. ബസ് കസ്റ്റഡിയിലെടുക്കാൻ ശ്രമിച്ചതോടെ യാത്രക്കാർ ബഹളമുണ്ടാക്കി. യാത്രക്കാർ ഉടക്കിയതോടെ സംഭവം പന്തിയല്ലെന്നു കണ്ട പോലീസ് ഡ്രൈവറുടെ വിവരങ്ങൾ ശേഖരിച്ച ശേഷം പിൻവാങ്ങി. അതേസമയം, പോലീസിന്റെ നടപടി മൂലം ബസ് ഒരു മണിക്കൂറോളം വൈകി.
Read Moreഒരുമിച്ച് താമസിക്കണം! ജാതിയുടെ പേരില് മാതാപിതാക്കളുടെ എതിര്പ്പ് മറികടന്ന് വിവാഹിതരായി; പഞ്ചായത്ത് സെക്രട്ടറി വിവാഹ സര്ട്ടിഫിക്കറ്റ് നിരസിച്ചു; ഒടുവില്…
തിരുവനന്തപുരം: ജാതി മാറിയതിന് എതിർപ്പ് പ്രകടിപ്പിച്ച മാതാപിതാക്കളെ മറികടന്ന് വിവാഹിതരായ ദന്പതികൾക്ക് വിവാഹ സർട്ടിഫിക്കറ്റ് നിരസിച്ച പഞ്ചായത്ത് സെക്രട്ടറി അടിയന്തിരമായി വിവാഹം രജിസ്റ്റർ ചെയ്ത് സർട്ടിഫിക്കറ്റ് നൽകണമെന്ന് സംസ്ഥാന മനുഷ്യാവകാശ കമ്മീഷൻ. വലിയറത്തല സ്വദേശിയും ബിഎസ്എഫ് ഉദ്യോഗസ്ഥനുമായ യുവാവ് സമർപ്പിച്ച പരാതിയിലാണ് കമ്മീഷൻ ആക്റ്റിംഗ് അധ്യക്ഷൻ പി.മോഹനദാസിന്റെ ഉത്തരവ്. മാതാപിതാക്കൾ നൽകിയ പരാതി കണക്കിലെടുത്താണ് പഞ്ചായത്ത് സെക്രട്ടറി വിവാഹം രജിസ്റ്റർ ചെയ്യാത്തത്. പരാതിക്കാരൻ ഇക്കഴിഞ്ഞ മേയ് 12 ന് ചെല്ലമംഗലം ക്ഷേത്രത്തിൽ സുഹൃത്തുക്കളുടെയും ക്ഷേത്രം ഭാരവാഹികളുടെയും സാന്നിധ്യത്തിൽ ഹൈന്ദവ ആചാരപ്രകാരം വിവാഹിതരായി. വിവാഹാനന്തരം സർട്ടിഫിക്കറ്റിനായി വിളവൂർക്കൽ പഞ്ചായത്ത് സെക്രട്ടറിക്ക് അപേക്ഷ നൽകിയെങ്കിലും നിരസിച്ചു. ജോലി സ്ഥലത്ത് ഭാര്യയുമായി താമസിക്കാൻ ക്വാർട്ടേഴ്സ് അനുവദിച്ച് കിട്ടുന്നതിന് വേണ്ടിയാണ് പരാതിക്കാരൻ വിവാഹ സർട്ടിഫിക്കറ്റ് ആവശ്യപ്പെട്ടത്. ജാതിയുടെ പേരിൽ ഇരുവീട്ടുകാരുടെയും എതിർപ്പിനെ തുടർന്നാണ് തങ്ങൾക്ക് സ്വന്തം ഇഷ്ടപ്രകാരം വിവാഹിതരാകേണ്ടി വന്നതെന്ന് പരാതിക്കാരൻ പറയുന്നു.…
Read Moreവേങ്ങരയിൽ ഹർത്താൽ ചർച്ച ചെയ്ത് ജനം വോട്ട് ചെയ്യട്ടെ..! യുഡിഎഫ് ഹര്ത്താല് ജനങ്ങളുടെ ബുദ്ധിമുട്ട് മുന്നില്ക്കണ്ടാണെന്ന് ചെന്നിത്തല
തിരുവനന്തപുരം: ഒക്ടോബർ 16ലെ യുഡിഎഫ് ഹർത്താൽ വേങ്ങരയിലെ ജനങ്ങള് വിലയിരുത്തണമെന്ന് പ്രതിപക്ഷനേതാവ് രമേശ് ചെന്നിത്തല. ഹർത്താൽ വേങ്ങര തെരഞ്ഞെടുപ്പിൽ ചർച്ച ചെയ്ത് ജനം വോട്ടു ചെയ്യണം. ഹര്ത്താല് പ്രഖ്യാപനം ജനങ്ങളുടെ ബുദ്ധിമുട്ട് മുന്നില്ക്കണ്ടാണെന്നും ചെന്നിത്തല പറഞ്ഞു. അതേസമയം, കെപിസിസി ഭാരവാഹികളെയെല്ലാം സമവായത്തിലൂടെ കണ്ടെത്തുമെന്ന് രമേശ് ചെന്നിത്തല പറഞ്ഞു. ഇക്കാര്യത്തില് ഗ്രൂപ്പുകള്ക്കും ഏകാഭിപ്രായമാണുള്ളത്. മുന്നണി വിപുലീകരണം ഇപ്പോള് ആലോചിക്കുന്നില്ലെന്നും ചെന്നിത്തല വ്യക്തമാക്കി.
Read Moreസംസ്ഥാനത്തെ അപമാനിക്കാനുള്ള അമിത് ഷായുടെ നീക്കത്തെ ഒറ്റക്കെട്ടായി എതിർക്കുമെന്ന് ഉമ്മൻ ചാണ്ടി
തിരുവനന്തപുരം: തകർന്നടിഞ്ഞ ഗുജറാത്ത് മോഡലും ഉയർത്തിപ്പിടിച്ചു കൊണ്ട് സംസ്ഥാനത്തെ അപമാനിക്കാൻ ശ്രമിച്ചാൽ അതിനെ കേരള ജനത ഒറ്റക്കെട്ടായി നേരിടുമെന്ന് മുൻ മുഖ്യമന്ത്രി ഉമ്മൻ ചാണ്ടി. കേരളത്തെ അപമാനിക്കാനുള്ള ശ്രമം തീർത്തും അപഹാസ്യമാണെന്നും കേരളത്തിനെതിരെ ബിജെപി നടത്തുന്ന ദുഷ്പ്രചാരണങ്ങൾ വിലപ്പോവില്ല എന്നതിന്റെ തെളിവാണ് കേരളത്തെ സൊമാലിയയായി ഉപമിച്ച പ്രധാനമന്ത്രി നരേന്ദ്ര മോഡിക്കെതിരെ ഉയർന്ന ജനവികാരമെന്നും അദ്ദേഹം ഫേസ്ബുക്കിൽ കുറിച്ചു. അഴിമതിയും, വിലക്കയറ്റവും, ശിശുമരണങ്ങളും, റെയിൽ അപകടങ്ങളും, സാമ്പത്തിക തകർച്ചയും മുഖമുദ്രയാക്കിയ നരേന്ദ്ര മോഡി സർക്കാർ തങ്ങളുടെ പരാജയങ്ങൾ മറച്ചു പിടിക്കാൻ ആസൂത്രണം ചെയ്ത വിലകുറഞ്ഞ രാഷ്ട്രീയ തന്ത്രമായി മാത്രമേ ജനരക്ഷായാത്രയെ കാണാൻ സാധിക്കുകയുള്ളുവെന്നും ഉമ്മൻ ചാണ്ടി കൂട്ടിച്ചേർത്തു.
Read Moreമണിച്ചിത്രത്താഴിട്ട് പൂട്ടും..! അർദ്ധരാത്രിയിൽ വീടുകൾക്കുനേരേ കല്ലേറ്; ചാത്തനേറിന് പിന്നിലെ സാമൂഹ്യദ്രോഹികളെ പിടികൂടാനൊരുങ്ങി പോലീസ്
പേരൂർക്കട: വേറ്റിക്കോണം ഭാഗത്ത് കഴിഞ്ഞ ഒരാഴ്ചയായി വീടുകൾക്കുനേരേ കല്ലേറ്. സംഭവത്തിന്റെ വാസ്തവം കണ്ടെത്തുന്നതിന് നാട്ടുകാർ ഒരുരാത്രി മുഴുവൻ ഉറക്കമിളച്ച് കാത്തിരുന്നിട്ടും ’ചാത്തനേറ്’ നടത്തിയവരെ കണ്ടെത്താനായില്ല. പോലീസാണ് ഇതോടെ പുലിവാലു പിടിച്ചത്. നാട്ടുകാരുടെ പരാതിയെത്തുടർന്ന് വട്ടിയൂർക്കാവ് സ്റ്റേഷനിൽ നിന്നുള്ള പോലീസ് സംഘം രാത്രി ജാഗരൂകരായി. 12 മണി പിന്നിട്ടതോടെ വീടുകൾക്കുനേരേ കല്ലേറ് തുടങ്ങി. പോലീസുകാർ അരിച്ചുപെറുക്കിയിട്ടും ’ചാത്തനേറ്’ നടത്തിവരെ കണ്ടെത്താനായില്ല. കല്ലേറിൽ വീടുകളുടെ മേൽക്കൂര തകരുകയും വാഹനങ്ങളുടെ ഗ്ലാസുകൾ ഉടയുകയും ചെയ്തിട്ടുണ്ട്. കല്ലേറ് വ്യാപകമായതോടെ ജനങ്ങളുടെ പ്രതിഷേധവും ശക്തമായിരിക്കുകയാണ്. വരും ദിവസങ്ങളിലും കല്ലേറ് തുടരുകയാണെങ്കിൽ എന്തുചെയ്യുമെന്നറിയാത്ത അവസ്ഥയിലാണ് നാട്ടുകാർ. ചാത്തനേറ് എന്ന് നാട്ടുകാർ പേരിട്ടുവിളിക്കുന്ന ഈ സംഭവത്തിന്റെ പിന്നിലുള്ള സാമൂഹ്യദ്രോഹികളെ കണ്ടെത്താനുള്ള ശ്രമത്തിലാണ് വട്ടിയൂർക്കാവ് പോലീസ്.
Read More