വിഴിഞ്ഞം: മാതാവിന്റെ യും സഹോദരന്റെയും കൺമുന്നിൽ വച്ച് കടൽത്തിരയിൽ കാണാതായ പതിനൊന്ന് കാരിയുടെ മൃതദേഹം കണ്ടെത്തി .ഇന്ന് രാവിലെ എട്ടോടെ കരിംകുളം കൊച്ചുപള്ളിക്ക് സമീപത്തെ കടൽത്തീരത്താണ് ഒഴുകി നടക്കുന്ന നിലയിൽ താന്നി വിളവടക്കേക്കര തേരി വിളവീട്ടിൽ സതീഷിന്റെയും സന്ധ്യയുടെയും മകൾ ശരണ്യ (11) ന്റെ മൃതദേഹം കണ്ടെത്തിയത്.തിങ്കളാഴ്ച വൈകുന്നേരം അഞ്ചരയോടെ ആഴി മല സോമതീരം ബീച്ചിലായിരുന്നു സംഭവം. പാലക്കാട് ജെല്ലിപ്പാറയിൽ താമസിച്ചിരുന്ന ശരണ്യ വേനലവധി ആഘോഷിക്കാൻ മാതാവിന്റെ കുടുംബ വീടായ താന്നിവിളയിൽ എത്തിയതായിരുന്നു. തിങ്കളാഴ്ച ആഴി മല ക്ഷേത്ര സന്ദർശനവും കഴിഞ്ഞ ശേഷം കടൽക്കര കാണാനെത്തിയതാണ് അപകടത്തിന് വഴിതെളിച്ചത്. ശക്തമായ തിരയിൽ പെട്ട് ശരണ്യയെ കാണാതാകു കയായിരുന്നു. മകൾ കൺമുന്നിൽ നഷ്ടമാകുന്നത് കണ്ട മാതാവ് ബോധരഹിതയായി വീണു. തീരദേശ പോലീസിന്റെ ബോട്ടിൽ മൃതദേഹം വിഴിഞ്ഞം വാർഫിൽ എത്തിച്ചു .ജെല്ലിപ്പറമൗണ്ട് കാർമ്മൽ സ്കൂളിലെ ഏഴാം ക്ലാസ് വിദ്യാർഥിനിയാണ് ശരണ്യ…
Read MoreCategory: TVM
അനുഭാവപൂർവം പരിഗണിക്കും..! തോട്ടം തൊഴിലാളികൾക്ക് വീട് നിർമിച്ചു നൽകാൻ പദ്ധതി; പ്രശ്നങ്ങളെപ്പറ്റി പഠിക്കാൻ സമിതി രൂപീകരിക്കുമെന്ന് മുഖ്യമന്ത്രി
തിരുവനന്തപുരം: തോട്ടം മേഖലയിലെ തൊഴിലാളികൾക്ക് വീട് നിർമിച്ചു നൽകുന്ന പദ്ധതി നടപ്പാക്കുമെന്ന് മുഖ്യമന്ത്രി പിണറായി വിജയൻ. തോട്ടം മേഖല നേരിടുന്ന പ്രശ്നങ്ങൾ ചർച്ച ചെയ്യാൻ ചേർന്ന യോഗത്തിലാണ് ഇതുസംബന്ധിച്ചു തീരുമാനം കൈക്കൊണ്ടത്. വീടുകൾ നിർമിക്കാനായി തോട്ടം ഉടമകൾ അനുയോജ്യമായ സ്ഥലം കണ്ടെത്തി നൽകാൻ തയാറാവണമെന്ന് മുഖ്യമന്ത്രി നിർദേശിച്ചു. തോട്ടം മേഖല നേരിടുന്ന പ്രശ്നങ്ങൾ അനുഭാവപൂർവം പരിഗണിക്കും. ഈ മേഖല പ്രതിസന്ധിയിലായിട്ട് ഏറെ വർഷമായി. തോട്ടം തോട്ടമായും എസ്റ്റേറ്റുകൾ എസ്റ്റേറ്റുകളായും നിലനിർത്താനാകണം. കേരളത്തിന്റെ ഭൂപ്രകൃതിക്കും സന്പദ് വ്യവസ്ഥയ്ക്കും അത് ആവശ്യമാണ്. പൂട്ടിക്കിടക്കുന്ന ഫാക്ടറികൾ തുറന്നു പ്രവർത്തിപ്പിക്കും. തൊഴിലാളികളുടെ എണ്ണം കുറയ്ക്കുന്ന നടപടി ഉണ്ടാകരുതെന്ന നിർദേശവും നൽകിയതായി മുഖ്യമന്ത്രി അറിയിച്ചു. പ്രശ്നങ്ങളെപ്പറ്റി പഠിക്കാൻ ചീഫ് സെക്രട്ടറിയുടെ നേതൃത്വത്തിൽ ബന്ധപ്പെട്ട സെക്രട്ടറിമാരുടെ സമിതി രൂപീകരിക്കുമെന്നും പ്രശ്നപരിഹാരത്തിന് പ്ലാന്റേഷൻ സ്റ്റാന്റിംഗ് കമ്മിറ്റി ചർച്ച നടത്തുമെന്നും മുഖ്യമന്ത്രി വ്യക്തമാക്കി.
Read Moreവെറും 18 ലക്ഷം മാത്രം..! ജിഷ്ണു കേസിലെ സത്യാവസ്ഥ ജനങ്ങളെ ബോധിപ്പിക്കാൻ സർക്കാർ പത്രപ്പരസ്യത്തിനു ചെലവഴിച്ചത് 18 ലക്ഷം രൂപയെന്ന് മുഖ്യമന്ത്രി
തിരുവനന്തപുരം: ജിഷ്ണു കേസിലെ സത്യാവസ്ഥ ജനങ്ങളെ ബോധ്യപ്പെടുത്തുന്നതിന് പിആർഡി വഴി സർക്കാർ നൽകിയ പത്രപ്പരസ്യത്തിനു 18 ലക്ഷം രൂപ ചെലവുവന്നതായി മുഖ്യമന്ത്രി പിണറായി വിജയൻ നിയമസഭയെ അറിയിച്ചു. എന്നാൽ, പത്രമാധ്യമങ്ങൾ ഇതുവരെ ബിൽ നൽകിയിട്ടില്ലാത്തതിനാൽ പണം നൽകിയിട്ടില്ല. ഇതുവരെ ടെൻഡർ പരസ്യങ്ങൾ ഉൾപ്പെടെയുള്ള സർക്കാർ പരസ്യങ്ങൾക്കായി 16.11 കോടി രൂപ ചെലവഴിച്ചതായും പി.ടി. തോമസിന്റെയും വി.ടി. ബൽറാമിന്റെയും ചോദ്യത്തിന് മുഖ്യമന്ത്രി രേഖാമൂലം മറുപടി നൽകി. ദൃശ്യമാധ്യമങ്ങളിലെ പരസ്യങ്ങൾക്ക് 2.25 കോടി രൂപ ചെലവിട്ടു. വിവരങ്ങൾ ഉദേശിച്ച രീതിയിൽ ജനങ്ങളെ അറിയിക്കാൻ പത്രസമ്മേളനത്തേക്കാൾ നല്ലതു പരസ്യമാണ്. സമരം ചെയ്ത ജിഷ്ണുവിന്റെ അമ്മ മഹിജയ്ക്കും ബന്ധുക്കൾക്കും നേരെയുണ്ടായ പോലീസ് അതിക്രമത്തെ തുടർന്നു സർക്കാർ ഭാഗം വിശദീകരിക്കാൻ ഏപ്രിൽ എട്ടിനാണ് പത്രങ്ങളിൽ പരസ്യം നൽകിയത്. എന്തുകൊണ്ട് അരപേജ് പരസ്യം നൽകിയെന്ന ചോദ്യത്തിന് പത്രസമ്മേളത്തിന്റെയും പത്രപരസ്യത്തിന്റെയും സാധ്യത വ്യത്യസ്തമാണെന്നു മുഖ്യമന്ത്രി മറുപടി നൽകി.
Read Moreവല്ലാത്ത നീറ്റലായിപ്പോയി..! നീറ്റ് പരീക്ഷ യ്ക്കെത്തിയ വിദ്യാർഥികളുടെ അടിവസ്ത്രം അഴിച്ച് പരിശോധിച്ച സംഭവത്തിൽ കേസെടുക്കാൻ നിർദേശം നൽകി മുഖ്യമന്ത്രി
തിരുവനന്തപുരം: നീറ്റ് പരീക്ഷയ്ക്കെത്തിയ വിദ്യാർഥികളുടെ അടിവസ്ത്രം മാറ്റിയ സംഭവത്തിൽ കേസെടുക്കാൻ പോലീസിനു നിർദേശം നൽകിയതായി മുഖ്യമന്ത്രി പിണറായി വിജയൻ. നടപടി വിദ്യാർഥികൾക്ക് അനാവശ്യ മാനസികാഘാതമുണ്ടാക്കി. പ്രശ്നങ്ങൾക്ക് കാരണം സിബിഎസ്ഇ കൊണ്ടുവന്ന ഡ്രസ് കോഡ്. വനിതാ പോലീസ് വിദ്യാർഥികളുടെ രക്ഷിതാക്കളെ കണ്ട് മൊഴിയെടുക്കണമെന്നും മുഖ്യമന്ത്രി നിയമസഭയിൽ പറഞ്ഞു.
Read Moreഓപ്പറേഷൻ ‘ഏയ് ഓട്ടോ’..! ഓട്ടോറിക്ഷകൾക്കെതിരെയുള്ള പരാതിയിൽ പോലീസിന്റെ മിന്നൽ പരിശോധനയിൽ കുടുങ്ങിയത് 200ലധികം ഓട്ടോ ഡ്രൈവർമാർ
തിരുവനന്തപുരം: നിയമം ലംഘിച്ച്സർവീസ് നടത്തിയ ഇരുനൂറിലേറെ ഓട്ടോറിക്ഷ ഡ്രൈവർമാരെ പിടികൂടി. സിറ്റി പോലീസിന്റെ ഓപ്പറേഷൻ ഏയ് ഓട്ടോ എന്ന സ്പെഷൽ ഡ്രൈവിന്റെ ഭാഗമായി സിറ്റി പോലീസും, സിറ്റി ഷാഡോ പോലിസും നടത്തിയ മിന്നൽ പരിശോധനയിലാണ് നിയമലംഘനം നടത്തിയ ഓട്ടോ ഡ്രൈവർമാർ പിടിക്കപ്പെട്ടത്. യാത്രക്കാരിൽ നിന്നും ഡ്രൈവർമാർ അമിതകൂലി ഇടാക്കുന്നുവെന്നും, യാത്രക്കാരോട് അപമര്യാദയായി പെരുമാറുന്നുവെന്നും, അന്യസംസ്ഥാനത്ത് നിന്നു വരുന്നവരോട് ഇരട്ടിയിലധികം യാത്രാക്കൂലി വാങ്ങുന്നുവെന്നുമുള്ള പരാതികളെ തുടർന്നാണ് സിറ്റി പോലീസ് ഓപ്പറേഷൻ ഏയ് ഓട്ടോ എന്ന സ്പെഷൽ ഡ്രൈവ് സംഘടിപ്പിച്ചത്. നഗരത്തിലെ പ്രധാനപ്പെട്ട സ്ഥലങ്ങളിൽ സിറ്റി പോലീസും, ഷാഡോ പോലീസും നടത്തിയ മിന്നൽ പരിശോധനയിൽ, യാത്രക്കാരോട് അപമര്യാദയായി പെരുമാറിയവരെയും, അമിത ചാർജ് ഇടാക്കിയവരെയും, വാഹനസംബന്ധമായ രേഖകൾ കൈവശമില്ലാത്തവരെയും, സവാരി പോകാൻ വിസമ്മതിച്ചവരെയും, ഡ്രൈവിംഗ് ലൈസൻസ് ഇല്ലതെ വണ്ടി ഓടിയവരെയും, സിറ്റി പെർമിറ്റ് ഇല്ലാത്ത നഗരപരിധിക്കുള്ളിൽ ഓടിയവരെയുമാണ് പ്രധാനമായും പിടികൂടിയത്. പരിശോധനയിൽ…
Read Moreസെൻകുമാർ കേസിൽ സുപ്രീം കോടതി പിഴ വിധിച്ചിട്ടില്ല; 25,000 രൂപ ലീഗൽ സർവീസസ് അതോറിറ്റിയിൽ അടയ്ക്കാനാണ് സുപ്രീം കോടതി ആവശ്യപ്പെട്ടതെന്ന് മുഖ്യമന്ത്രി
തിരുവനന്തപുരം: സെൻകുമാർ കേസിൽ സർക്കാരിന് സുപ്രീം കോടതി പിഴ വിധിച്ചിട്ടില്ലെന്ന് മുഖ്യമന്ത്രി പിണറായി വിജയൻ. 25,000 രൂപ ലീഗൽ സർവീസസ് അതോറിറ്റിയിൽ അടയ്ക്കാനാണ് സുപ്രീം കോടതി ആവശ്യപ്പെട്ടത്. കേസിൽ സർക്കാർ മാപ്പ് പറഞ്ഞിട്ടില്ല. സർക്കാർ സ്വീകരിച്ചത് നിയമപരമായ നടപടികൾ മാത്രം. ആവശ്യമായ വിശദീകരണം കോടതിയിൽനിന്നു തേടുകമാത്രമാണ് ചെയ്തതെന്നും മുഖ്യമന്ത്രി നിയമസഭയിൽ പറഞ്ഞു. ടിപി. സെൻകുമാർ കേസിൽ സുപ്രീം കോടതി സർക്കാരിന് 25,000 രൂപ പിഴ വിധിച്ച സംഭവം സഭ നിർത്തിവച്ച് ചർച്ച ചെയ്യണമെന്നാവശ്യപ്പെട്ട് പ്രതിപക്ഷത്തുനിന്ന് കെ. മുരളീധരനാണ് അടിയന്തരപ്രമേയത്തിന് നോട്ടീസ് നൽകിയത്. അതേസമയം, പ്രതിപക്ഷത്തിന്റെ അടിയന്തര പ്രമേയ വിഷയത്തിനെതിരേ സ്പീക്കർ രംഗത്തെത്തി. പ്രാധാന്യമില്ലാത്ത വിഷയങ്ങൾ അടിയന്തരപ്രമേയമായി കൊണ്ടുവരുന്ന പ്രവണത ശരിയല്ലെന്ന് സ്പീക്കർ പറഞ്ഞു. നോട്ടീസ് അനുവദിക്കരുതെന്ന് നിയമമന്ത്രി എ.കെ. ബാലനും പറഞ്ഞു. ഇതിനെതിരേ പ്രതിപക്ഷ നേതാവ് രമേശ് ചെന്നിത്തല രംഗത്തെത്തി. വിഷയം അടിയന്തര പ്രധാന്യമുള്ളതും അത്യപൂർവവുമാണ്. കോടതിയുടെ…
Read Moreഎല്ലാം വൻകിടക്കാർ..! മൂന്നാർ കൈയേറ്റം: റവന്യൂവകുപ്പ് പട്ടികയിൽ സിപിഎം നേതാക്കളും തച്ചങ്കരിയുടെ സഹോദരനും; 27 പേരുടെ പട്ടികയാണ് തയാറാക്കിയിരിക്കുന്നത്
ഇടുക്കി: മൂന്നാറിലെ വൻകിട കൈയേറ്റക്കാരുടെ പട്ടിക റവന്യൂവകുപ്പ് തയാറാക്കി. പട്ടികയിൽ പ്രമുഖരും ഉൾപ്പെട്ടി ട്ടുണ്ടെന്നാണ് റിപ്പോർട്ട്. മൂന്നാർ മേഖലയിൽ മാത്രം 154 കൈയേറ്റങ്ങൾ ഉണ്ടെന്നാണ് ജില്ലാ ഭരണകൂടം കണ്ടെ ത്തിയിട്ടുള്ളത്. ഏറ്റവും കൂടുതൽ സ്ഥലം കൈയേറിയിട്ടുള്ളത് ചിന്നക്കനാലിലെ സക്കറിയ എന്നയാളുടെ കുടുംബമാണെന്നാണ് റവന്യൂ വകുപ്പിന്റെ കണ്ടെത്തൽ. 27 പേരുടെ പട്ടികയാണ് പ്രാഥമികമായി തയാറാക്കിയിരിക്കുന്നത്. മന്ത്രി എം.എം.മണിയുടെ സഹോദരൻ എം.എം.ലംബോധരനും മകൻ ലിജീഷും പട്ടികയിൽ ഉൾപ്പെട്ടിട്ടുണ്ട്. ടോമിൻ തച്ചങ്കരി ഐപിഎസിന്റെ സഹോദരനും മൂന്നാറിലെ വൻകിട കൈയേറ്റക്കാരുടെ ലിസ്റ്റിലുണ്ട്. ചിന്നക്കനാൽ, ദേവികുളം എന്നീ പ്രദേശങ്ങളിലെ സിപിഎം പ്രാദേശിക നേതാക്കളും റവന്യൂവകുപ്പിന്റെ പട്ടികപ്രകാരം വൻകിട കൈയേറ്റക്കാരാണ്. അതേസമയം കൈയേറ്റം നടത്തിയെന്ന ആരോപണം നേരിടുന്ന സിപിഎം എംഎൽഎ എസ്.രാജേന്ദ്രന്റെ പേര് പ്രാഥമിക പട്ടികയിലില്ല. നേരത്തെ, രാജേന്ദ്രന്റെ കൈവശമുള്ള ഭൂമിയുടെ പട്ടയം വ്യാജമാണെന്ന് റവന്യൂ മന്ത്രി ഇ.ചന്ദ്രശേഖരൻ നിയമസഭയിൽ വ്യക്തമാക്കിയിരുന്നു. കെഎസ്ഇബിയുടെ 100 ഏക്കറിലേറെ…
Read Moreവീടുകളിൽ നിന്ന് കോഴിയെ മോഷ്ടിച്ച് കറിവച്ചുതിന്ന നാലുപേർ പിടിയിൽ ; മോഷണം നടത്തുന്നതിനിടെ നാട്ടുകാർ ഇവരെ കൈയോടെ പിടികൂടുകയായിരുന്നു
വിഴിഞ്ഞം: രാത്രിയിൽ വീടുകളിൽ കയറി കോഴിയെ മോഷ്ടിച്ച് കറിവച്ചു തിന്നുന്ന നാലംഗ സംഘത്തെ പോലീസ് പിടികൂടി. പ്രദേശത്തെ കോഴിക്കടയിൽ മോഷണത്തിന് ശ്രമിക്കുന്നതിനിടെയാണ് നാട്ടുകാരുടെ സഹായത്തോടെ പോലീസ് ഇവരെ പിടികൂടിയത്. ഉച്ചക്കട പയറ്റു വിള സ്വദേശികളായ വിജയൻ (56), ഷിബു (33), രാജീവ് കുമാർ (34), ഷിബു (37) എന്നിവരെയാണ് വിഴിഞ്ഞം പോലീസ് പിടികൂടിയത്. വിഴിഞ്ഞം ,ഉച്ചക്കട എന്നിവിടങ്ങൾ കേന്ദ്രികരിച്ചാണ് ഇവർ മോഷണം നടത്തിയിരുന്നത്. കഴിഞ്ഞ ദിവസം രാത്രിയിൽ ഓട്ടോയിലെത്തിയ സംഘം ഉച്ചക്കടയിലെ ചിക്കൻ സ്റ്റാളിൽ മോഷണം നടത്താനെത്തി. ശബ്ദം കേട്ട് നാട്ടുകാർ എത്തിയതോടെ ഓട്ടോ ഉപേക്ഷിച്ച് ഓടി രക്ഷപ്പെടാൻ ശ്രമിച്ച സംഘത്തിലെ ഒരാളെ നാട്ടുകാർ പിടികൂടി. രക്ഷപ്പെട്ട മറ്റുള്ളവരെ ഇന്നലെ വീടുകളിൽ നിന്ന് പോലീസ് അറസ്റ്റ് ചെയ്തു.കോഴികളെ കാണാതായ നിരവധി പേർ പരാതിയുമായെത്തിയിട്ടുണ്ടെന്ന് വിഴിഞ്ഞം എസ്ഐ പറഞ്ഞു.
Read Moreആരോട് പറയാൻ..! കുടിവെള്ളത്തിനായി ജനം പരക്കംപായുമ്പോള് ഫ്ലാറ്റ് നിർമാണം തകൃതി; ഫ്ളാറ്റിന് ചുറ്റും കുഴൽ കിണറുക ളിൽ കുത്തി ജലം ഊറ്റുകയാണെന്ന് നാട്ടുകാർ
കഴക്കൂട്ടം: കുടിവെള്ളത്തിനായി ജനം പരക്കം പായുമ്പോഴും മാലിന്യപ്രശ്നം രൂക്ഷമായി കൊണ്ടിരിക്കുമ്പോഴും ഇതിനൊന്നും പരിഹാരം കാണാതെ കഴക്കൂട്ടത്തും പരിസര പ്രദേശങ്ങളിലും ഫ്ളാറ്റ് നിർമാണം പൊടിപൊടിക്കുന്നു.കടുത്ത വേനലിൽ കിണറുകൾ വറ്റിയും പേരിന് വെള്ളം കിട്ടുന്നിടങ്ങളിൽ മാലിന്യം നിറഞ്ഞു ജനം വീർപ്പ് മുട്ടി നിൽക്കുമ്പോഴാണ് നൂറ് കണക്കിന് ഫ്ളാറ്റുകളുടെ നിർമാണം യാതൊരു മാനദണ്ഡവുമില്ലാതെ നടക്കുന്നത്. കണിയാപുരം മുതൽ കഴക്കൂട്ടം വരെയുള്ള ദേശിയ പാതകൾക്ക് സമീപവും കഴക്കൂട്ടം ബൈപാസിലും ഇതിന് പുറമേ ട്രെയിനേജ് പൈപ്പോ കുടിവെള്ളപൈപ്പോ ഇല്ലാത്ത മേനംകുളം, ചന്തവിള, കാട്ടായിക്കോണം, കല്ലടിച്ച വിള, ചേങ്കോട്ട് കോണം, കാര്യവട്ടം തുടങ്ങിയ പ്രദേശങ്ങളിലാണ് യാതൊരു നിയന്ത്രണമോ സമീപ പ്രദേശത്തെ മനുഷ്യരുടെ ദുരിതമോ മനസിലാക്കാതെ ഫ്ളാറ്റുകൾ കെട്ടി പൊക്കുന്നത്. ഓരോ ഫ്ളാറ്റുകൾ നിർമാണം തുടങ്ങുമ്പോൾ തന്നെ ഫ്ളാറ്റിന് നാല് വശങ്ങളിലുമായി പത്തും പതിനഞ്ചും കുഴൽ കിണറുകളും നിർമിക്കുന്നുണ്ട്.ഇതോടെ കിലോമീറ്റർ ചുറ്റളവിലുള്ള സ്ഥലങ്ങളിലുള്ള ഇന്ന് വരേ വറ്റാത്ത…
Read Moreകാത്തിരിപ്പിനൊടുവിൽ..! എസ്എസ്എൽസി ഫലപ്രഖ്യാപനം ഇന്ന് ഉച്ചകഴിഞ്ഞ് ; 4.55 ലക്ഷം വിദ്യാർഥികളാണ് ഇക്കുറി പത്താംക്ലാസ് പരീക്ഷ എഴുതി ഫലം കാത്തിരിക്കുന്നത്
തിരുവനന്തപുരം: എസ്എസ്എൽസി ഫലപ്രഖ്യാപനം ഇന്നു നടക്കും. ഉച്ചകഴിഞ്ഞു രണ്ടിനു പി.ആർ. ചേംബറിൽ വിദ്യാഭ്യാസ മന്ത്രി പ്രഫ. സി. രവീന്ദ്രനാഥ് ഫലപ്രഖ്യാപനം നടത്തും. ഫലപ്രഖ്യാപനത്തിനു മുന്നോടിയായി ഇന്നലെ വൈകുന്നേരം പരീക്ഷാ ബോർഡ് യോഗം ചേർന്ന് പരീക്ഷാഫലത്തിന് അംഗീകാരം നല്കി. 4.55 ലക്ഷം വിദ്യാർഥികളാണ് ഇക്കുറി പത്താംക്ലാസ് പരീക്ഷ എഴുതി ഫലം കാത്തിരിക്കുന്നത്. സംസ്ഥാനത്തും പുറത്തുമായി 2933 പരീക്ഷാ കേന്ദ്രങ്ങളിലായാണ് വിദ്യാർഥികൾ പരീക്ഷയ്ക്കിരുന്നത്. 54 മൂല്യനിർണയ ക്യാമ്പുകളിലായി ഏപ്രിൽ ആറു മുതലാണ് മൂല്യനിർണയം തുടങ്ങിയത്. 27 നു പൂർത്തിയാക്കി.http://result.kerala.gov.in result.kerala.gov.in, keralapareekshabhavan.in, www.results.itschool.gov.in, www.education.kerala.gov.in, prd.kerala.gov.in, result.it<\@>school.gov.in, keralaresults.nic.in, results.kerala.nic.in എന്നീ വെബ്സൈറ്റുകളില് ഫലം ലഭിക്കും.
Read More