തിരുവനന്തപുരം: നാടിനെ നടുക്കിയ നന്തൻകോട് കൂട്ടക്കൊലപാതകം നടന്നത് മാസങ്ങൾ നീണ്ട ആസൂത്രണങ്ങൾ ക്കൊടുവിലെന്ന് പ്രതി കേഡൽ ജീൻസൺ രാജയുടെ മൊഴി. വീട്ടിൽ നിന്ന് നേരിട്ട അവഗണനയാണ് കൊലപാതകത്തിനു പിന്നിലെന്നും കേഡൽ പറഞ്ഞു. ഇയാൾ ആദ്യം കൊല്ലാനുറച്ചത് അച്ഛനെയായിരുന്നുവെന്ന് മൊഴിയിൽ നിന്ന് വ്യക്തമായതായി പോലീസ് വൃത്തങ്ങൾ അറിയിച്ചു. അച്ഛനെ കൊന്നതിനു ശേഷമാണ് ഇയാൾ മറ്റുള്ളവരെ കൊലപ്പെടുത്തിയതെന്നും ആഭിചാരമെന്നത് പുകമറമാത്രമാണെന്നും പോലീസ് അധികൃതർ വ്യക്തമാക്കി. കേഡലിന്റെ മനസ് കൊടും ക്രിമിനലിന്റേതാണെന്നും തെളിവ് നശിപ്പിക്കാനും കൃത്യം നടത്താനും ഇയാൾ കൃത്യമായ പദ്ധതികളിട്ടിരുന്നുവെന്നും മനശാസ്ത്ര വിദഗ്ധനും പറഞ്ഞു.
Read MoreCategory: TVM
പിണറായിക്ക് മറുപടി..! സമരത്തിലൂടെ എന്തു നേടിയെന്നു ജനങ്ങൾക്കു മനസിലായി; സമരം പോലീസിലെ ക്രിമിനലുകൾക്കെതിരേ കൂടിയെന്ന് അമ്മാവൻ ശ്രീജിത്ത്
തിരുവനന്തപുരം: എന്തു നേടാനായിരുന്നു ജിഷ്ണുവിന്റെ ബന്ധുക്കൾ സമരം നടത്തിയതെന്ന മുഖ്യമന്ത്രി പിണറായി വിജയന്റെ ചോദ്യത്തിനു ജിഷ്ണുവിന്റെ അമ്മാവൻ ശ്രീജിത്തിന്റെ മറുപടി. സമരത്തിലൂടെ എന്തു നേടിയെന്ന് ജനങ്ങൾക്കു മനസിലായെന്ന് ശ്രീജിത് പറഞ്ഞു. കൃഷ്ണദാസിനെ പോലെ ഉള്ളവരെ പൊതുസമൂഹത്തിനു മുന്നിൽ തുറന്നു കാട്ടാനായെന്നു പറഞ്ഞ ശ്രീജിത് പോലീസ് വകുപ്പിലെ ക്രിമിനലുകൾക്കെതിരെ കൂടിയായിരുന്നു തങ്ങളുടെ സമരമെന്നും വ്യക്തമാക്കി.
Read Moreഓം ക്രീം കുട്ടിച്ചാത്താ..! മാതാപിതാക്കളെ കൊലപ്പെടുത്താൻ കേഡലിനു പ്രേരണയായത് സാത്താൻസേവ; കൊല്ലാനുപയോഗിച്ച മഴുവാങ്ങിയത് ഓൺലൈനിൽ നിന്ന്
തിരുവനന്തപുരം: നന്തൻകോട് കൂട്ടക്കൊലയ്ക്കു പിന്നിൽ സാത്താൻസേവ ബന്ധമെന്നു സൂചന. മാതാപിതാക്കളെയും സഹോദരിയെയും ഉൾപ്പെടെ നാലുപേരെ കൊലപ്പെടുത്തിയത് താനാണെന്നു സമ്മതിച്ച പ്രതി കേഡൽ ജീവൻ കൊടുത്ത് ആത്മാവിനെ വേർപെടുത്തലാണ് പരീക്ഷിച്ചതെന്നു മൊഴി നൽകി. ബുധനാഴ്ച വീഡിയോ ഗെയിം കാണിക്കാം എന്ന് പറഞ്ഞ് മാതാപിതാക്കളെയും സഹോദരിയെയും വീടിന്റെ മുകളിലെ നിലയിൽ എത്തിച്ചശേഷം മഴു ഉപയോഗിച്ച് തലയ്ക്കടിച്ച് കൊലപ്പെടുത്തുകയായിരുന്നു. കേഡലിന്റെ മൊബൈൽ ഫോണിൽ സാത്താൻ സേവയുമായി ബന്ധപ്പെട്ട ചിത്രങ്ങൾ പോലീസ് കണ്ടെടുത്തിട്ടുണ്ട്. കൊലയ്ക്കുപയോഗിച്ച മഴു വാങ്ങിയത് ഓണ്ലൈനിലൂടെയാണെന്നും കേഡൽ മൊഴി നൽകി. തിരുവനന്തപുരം സെൻട്രൽ റെയിൽവേ സ്റ്റേഷനിൽനിന്നു പിടികൂടിയ കേഡലിനെ പോലീസ് ചോദ്യം ചെയ്യുകയാണ്. ഡിസിപി അരുൾ കൃഷ്ണയുടെ നേതൃത്വത്തിലാണ് ചോദ്യം ചെയ്യൽ. ചെന്നൈയിൽനിന്നു തിരുവനന്തപുരത്ത് എത്തിയപ്പോളാണ് ഇയാളെ ആർപിഎഫ് പിടികൂടിയത്.
Read Moreഇത്രയും സമയം പോരാഞ്ഞോ..! സെൻകുമാർ കേസിൽ സത്യവാങ്മൂലം സമർപ്പിക്കാൻ കൂടുതൽ സമയം വേണമെന്ന സർക്കാർ ആവശ്യം തള്ളി സുപ്രീംകോടതി
ന്യൂഡൽഹി: ടി.പി.സെൻകുമാറിനെ സംസ്ഥാന പൊലീസ് മേധാവി സ്ഥാനത്തുനിന്നു മാറ്റിയതുമായി ബന്ധപ്പെട്ട കേസിൽ വാദം രണ്ടു ദിവസം നീട്ടിവയ്ക്കണമെന്ന സംസ്ഥാന സർക്കാരിന്റെ ആവശ്യം സുപ്രീം കോടതി തള്ളി. സെൻകുമാർ കേസിൽ ഇന്നു തന്നെ വാദം കേൾക്കുമെന്നും കോടതി വ്യക്തമാക്കി. സത്യവാങ്മൂലങ്ങൾ സമർപ്പിക്കേണ്ടതുണ്ടെന്നു ചൂണ്ടിക്കാണിച്ചാണ് സർക്കാർ കൂടുതൽ സമയം ആവശ്യപ്പെട്ടത്. എന്നാൽ, ഉയർന്ന ഉദ്യോഗസ്ഥർ ഡൽഹിയിൽ ഉണ്ടായിട്ടും എന്തുകൊണ്ടാണ് സത്യവാങ്മൂലം നൽകാത്തതെന്ന് കോടതി ചോദിച്ചു. പൊലീസ് മേധാവി സ്ഥാനത്തുനിന്നു സെൻകുമാറിനെ മാറ്റുന്നതിന് ആധാരമാക്കിയ രേഖകൾ ഹാജരാക്കാൻ സംസ്ഥാന സർക്കാരിനോടു സുപ്രീം കോടതി നിർദേശിച്ചിരുന്നു. പുറ്റിങ്ങൽ ജുഡീഷ്യൽ കമ്മിഷന്റെ നടപടികളുടെ സ്ഥിതി, ഹൈക്കോടതി സ്വമേധയാ എടുത്ത കേസിന്റെ സ്ഥിതി തുടങ്ങിയ കാര്യങ്ങളാണു സത്യവാങ്മൂലമായി നൽകാൻ കോടതി ആവശ്യപ്പെട്ടത്. ജിഷ കേസ് ഉൾപ്പെടെ ഏതൊക്കെ കാര്യങ്ങളെ ആശ്രയിച്ചാണു മുഖ്യമന്ത്രി തീരുമാനമെടുത്തതെന്നു വ്യക്തമാക്കുന്ന ഫയലുകളും ലഭ്യമാക്കണം.
Read Moreരാഷ്ട്രീയ പകപോക്കൽ..! തനിക്കെതിരായ നടപടി വ്യക്തിവൈരാഗ്യവും രാഷ്ട്രീയ പകപോക്കലും; തന്റെ അറസ്റ്റ് ഭരണഘടന ലംഘനമാണെന്ന് കെ.എം ഷാജഹാൻ
തിരുവനന്തപുരം: തനിക്കെതിരായ നടപടി വ്യക്തിവൈരാഗ്യവും രാഷ്ട്രീയ പകപോക്കലുമാണെന്ന് കെ.എം.ഷാജഹാൻ. ഒരു കുറ്റവും ചെയ്യാത്ത തനിക്ക് നീതി കിട്ടണമെന്നും ഷാജഹാൻ പറഞ്ഞു. മാധ്യമപ്രവർത്തകരുടെ ചോദ്യങ്ങളോട് പ്രതികരിക്കുകയായിരുന്നു അദ്ദേഹം. തന്റെ അറസ്റ്റ് ഭരണഘടന ലംഘനമാണെന്നും ഷാജഹാൻ വ്യക്തമാക്കി. ജൂഡീഷ്യൽ കസ്റ്റഡിയിൽ നിന്നും കോടതിയുടെ പ്രത്യേക അനുവാദത്തോടെ എൽഎൽബി പരീക്ഷ എഴുതാൻ എത്തിയപ്പോഴാണ് ഷാജഹാൻ മാധ്യമപ്രവർത്തകരുടെ ചോദ്യങ്ങളോട് പ്രതികരിച്ചത്. മകനെ വിട്ടയക്കമമെന്നാവശ്യ്പപെട്ട് ഷാജഹാന്റഎ അമ്മ തങ്കമ്മ നിരാഹാരസമരം തുടരുകയാണ്. ജിഷ്ണുവിന്റെ അമ്മയും ബന്ധുക്കളും ഡിജിപി ഓഫീസിനു മുന്നിൽ നടത്തിയ സമരവുമായി ബന്ധപ്പെട്ട ഗൂഢാലോചനയിൽ ഷാജഹാന് പങ്കുണ്ടെന്ന് ആരോപിച്ചാണ് ഷാജഹാനെ പോലീസ് അറസ്റ്റ് ചെയ്തത്.
Read Moreദു:ഖത്തിൽ പങ്കുചേരുന്നു..! ജീഷ്ണുവിന്റെ കുടുംബത്തിന്റെ ദുഖത്തിൽ പങ്കുചേരുക യല്ലാതെ യുഡിഎഫ് രാഷ്ട്രീയമായി ഉപയോഗിക്കില്ലെന്ന് ഉമ്മൻചാണ്ടി
നാദാപുരം: ജിഷ്ണു പ്രണോയിയുടെ സഹോദരി അവിഷ്ണയുടെ നിരാഹാരസമരം അവസാനിപ്പിക്കാൻ സർക്കാർ നടപടിയെടുക്കണമെന്ന് മുൻ മുഖ്യമന്ത്രി ഉമ്മൻ ചാണ്ടി. ജിഷ്ണു പ്രണോയിയുടെ കുടുംബത്തിനു നേരെയുണ്ടായ പോലീസ് നടപടി ന്യായീകരിക്കുന്നതിന് സർക്കാർ പത്ര പരസ്യം നൽകിയത് ശരിയായില്ലെന്നും അവിഷ്ണയെ സന്ദർശിച്ചശേഷം മാധ്യമങ്ങളോട് അദ്ദേഹം പറഞ്ഞു. മകൻ മരിച്ചതിന്റെ വേദനയിൽ കഴിയുന്ന കുടുംബത്തെ യുഡിഎഫ് മുതലെടുക്കുന്നുവെന്ന സിപിഎമ്മിന്റെ ആരോപനം തെറ്റാണ്. യുഡിഎഫ് അവരുടെ ദുഖത്തിൽ പങ്കുചേരുകയല്ലാതെ രാഷ്ട്രീയമായി ഉപയോഗിക്കില്ലെന്നും അദ്ദേഹം പറഞ്ഞു.
Read Moreപട്ടി സ്നേഹികൾ കാണട്ടെ..! ആറ്റിങ്ങലിൽ വൃദ്ധനെ തെരുവുനായക്കൂട്ടം കടിച്ചുകൊന്നു; കഴുത്തിനേറ്റ ആഴത്തിലുള്ള കടിയാണ് മരണകാരണമായി കരുതുന്നതെന്ന് പോലീസ്
ആറ്റിങ്ങൽ: എണ്പത്തഞ്ച് വയസുകാരനായ വൃദ്ധനെ തെരുവ് നായ്ക്കളുടെ കടിയേറ്റ് മരിച്ചനിലയില് കണ്ടെത്തി. കിഴുവിലം കാട്ടുംപുറം ചരുവിള പുത്തന്വീട്ടില് കുഞ്ഞികൃഷ്ണനെയാണ് കഴുത്തിലും കൈയ്ക്കും ആഴത്തില് മുറിവേറ്റ് രക്തം വാര്ന്ന് മരിച്ച നിലയില് കണ്ടെത്തിയത്. വെള്ളിയാഴ്ച വൈകുന്നേരം ആറോടെ സമീപത്തെ ജംഗ്ഷനില് തലമുടി വെട്ടിയ്ക്കാനായാണ് കുഞ്ഞുകൃഷ്ണന് വീട്ടില് നിന്നും പുറത്തുപോയത്. രാത്രി ഏറെ വൈകിയിട്ടും കുഞ്ഞികൃഷ്ണൻ തിരികെയെത്താത്തതിനെ തുടർന്ന് ബന്ധുക്കള് നടത്തിയ അന്വേഷണത്തിലാണ് രാമച്ചംവിള ഇടയാവണം ക്ഷേത്രത്തിനു സമീപത്തെ ഏലായില് രാത്രി പതിനൊന്നോടെ മൃതദേഹം കണ്ടെത്തുന്നത്. കഴുത്തിന്റെ ഭാഗവും തോള്ഭാഗത്തുനിന്ന് കൈപ്പത്തിവരെയും പട്ടി കടിച്ചുകീറിയ നിലയിലായിരുന്നു മൃതദേഹം. കഴുത്തിനേറ്റ ആഴത്തിലുള്ള കടിയാണ് മരണകാരണമായി കരുതുന്നതെന്ന് പോലീസ് പറഞ്ഞു. ആറ്റിങ്ങല് സിഐ സുനില്കുമാറിന്റെ നേതൃത്വത്തിലുള്ള പോലീസ് സംഘം രാത്രി പതിനൊന്നരയോടെ സംഭവസ്ഥലത്തെത്തി പരിശോധന നടത്തി. പോലീസിന്റെ നേതൃത്വത്തില് മൃതദേഹം ചിറയിന്കീഴ് താലൂക്ക് ആശുപത്രയിലേയ്ക്ക് മാറ്റി. സരോജിനിയാണ് മരിച്ച കുഞ്ഞുകൃഷ്ണന്റെ ഭാര്യ.
Read Moreലാവ്ലിൻ വൈരാഗ്യം..! പിണറായി കെ.എം.ഷാജഹാനെ ജയിലിൽ അടച്ചത് ലാവലിൻ കേസ് മകൻ നടത്തുന്നതിലുള്ള വിരോധം മൂലമെന്ന് മാതാവ് തങ്കമ്മ
തിരുവനന്തപുരം: പോലീസ് ആസ്ഥാനത്ത് ജിഷ്ണുവിന്റെ അമ്മയെ തടഞ്ഞതുമായി ബന്ധപ്പെട്ടുണ്ടായ സംഭവങ്ങളിൽ അറസ്റ്റിലായ കെ.എം. ഷാജഹാന്റെ അമ്മ പ്രതിഷേധവുമായി രംഗത്ത്. ഷാജഹാനെ ജയിലിൽ അടച്ചത് പിണറായിയുടെ പ്രതികാരമാണെന്ന് മാതാവ് ആരോപിച്ചു. പിണറായിക്കെതിരെയുള്ള ലാവലിൻ കേസ് ഷാജഹാൻ നടത്തുന്നതിലുള്ള വിരോധമാണ് കേസിൽ കുടുക്കാൻ കാരണമെന്നും മാതാവ് തങ്കമ്മ മാധ്യമപ്രവർത്തകരോട് പറഞ്ഞു. ഗൂഢാലോചനയിൽ ഷാജഹാന് പങ്കില്ലെന്ന് അദ്ദേഹത്തിന്റെ കുടുംബാംഗങ്ങൾ വ്യക്തമാക്കി. തോക്ക് സ്വാമിയുമായി ഷാജഹാന് ബന്ധമില്ലെന്നും ഇത്തരം ആരോപണങ്ങൾ അടിസ്ഥാനരഹിതമാണെന്നും ബന്ധുക്കൾ പറഞ്ഞു.
Read Moreജിഷ്ണുവിന്റെ മരണവുമായി ബന്ധപ്പെട്ട് സാധ്യമായതെല്ലാം ചെയ്യും; സർക്കാരിനെ തിരെ മഹിജയ്ക്കില്ലാത്ത പരാതി പിന്നെ ആർക്കെന്ന് മന്ത്രി കടകംപള്ളി
തിരുവനന്തപുരം: ജിഷ്ണു പ്രണോയിയുടെ മരണവുമായി ബന്ധപ്പെട്ട് നിയമപരമായി സാധ്യമായതെല്ലാം ചെയ്യുമെന്ന് മന്ത്രി കടകംപള്ളി സുരേന്ദ്രൻ.പോലീസ് ആസ്ഥാനത്ത് നടന്ന സംഘർഷവുമായി ബന്ധപ്പെട്ട് ഐജിയുടെ റിപ്പോർട്ടിന്റെ അടിസ്ഥാനത്തിൽ ഉചിതമായ നടപടികൾ സ്വീകരിക്കുമെന്നു മുഖ്യമന്ത്രി അറിയച്ചതായി അദ്ദേഹം പറഞ്ഞു. ഇക്കാര്യം മഹിജയെ പറഞ്ഞ് ബോധ്യപ്പെടുത്തി. സർക്കാരിനെതിരെ മഹിജയ്ക്കു പരാതിയല്ല. മറ്റു ചിലർക്കാണ് പരാതിയെന്നും മെഡിക്കൽ കോളജ് ആശുപത്രിയിൽ എത്തി മഹിജയെ കണ്ടശേഷം അദ്ദേഹം പറഞ്ഞു.
Read Moreനോട്ട് ക്ഷാമം: സംസ്ഥാനത്ത് നോട്ട് ക്ഷാമം രൂക്ഷമാകുന്നു; 24 ട്രഷറികളിൽ നോട്ട് എത്തിയില്ല; ട്രക്ക് സമരമാണ് നോട്ട് പ്രതിസന്ധിക്ക് കാരണമെന്ന് റിസർവ് ബാങ്ക് അധികൃതർ
തിരുവനന്തപുരം: സംസ്ഥാനത്ത് നോട്ട് ക്ഷാമം രൂക്ഷമാകുന്നു. ശന്പളവും പെൻഷനും മുടങ്ങിയേക്കും. കൂടാതെ തലസ്ഥാന നഗരത്തിലെ എടിഎമ്മുകളിൽ പണം ഇല്ലാത്തതും ജനങ്ങളെ ബാധിച്ചിരിക്കുകയാണ്. സംസ്ഥാനത്തെ 79 ട്രഷറികളിൽ നോട്ട് ക്ഷാമം അനുഭവപ്പെടുന്നുണ്ട്. ഇന്നലെ 24 ട്രഷറികളിൽ നോട്ട് എത്തിയില്ലെന്നാണ് ധനകാര്യവകുപ്പിൽ നിന്നും ലഭിക്കുന്ന വിവരം. നോട്ട് ക്ഷാമം പരിഹരിക്കാൻ വേണ്ട അടിയന്തിര നടപടികൾ കൈക്കൊള്ളാൻ റിസർവ് ബാങ്കിനും എസ്ബിഐക്കും സർക്കാർ നിർദേശം നൽകി. ട്രക്ക് സമരമാണ് നോട്ട് പ്രതിസന്ധിക്ക് കാരണമെന്നാണ് റിസർവ് ബാങ്ക് അധികൃതർ നൽകുന്ന വിവരം.
Read More