തിരുവനന്തപുരം: പോലീസ് ആസ്ഥാനത്ത് സമരത്തിനെത്തിയ ജിഷ്ണു പ്രണോയിയുടെ അമ്മയെ മർദ്ദിച്ചതിലും അറസ്റ്റ് ചെയ്തതിലും പ്രതിഷേധിച്ച് ബിജെപി തിരുവനന്തപുരം, കോഴിക്കോട് ജില്ലകളിൽ വ്യാഴാഴ്ച ഹർത്താലിന് ആഹ്വാനം ചെയ്തു. രാവിലെ ആറ് മുതൽ വൈകിട്ട് ആറ് വരെയാണ് ഹർത്താൽ. അവശ്യ സർവീസുകളെ ഹർത്താലിൽ നിന്ന് ഒഴിവാക്കിയിട്ടുണ്ട്. ജിഷ്ണുവിന്റെ മരണവുമായി ബന്ധമുള്ള പ്രതികളെ അറസ്റ്റ് ചെയ്യണമെന്ന് ആവശ്യപ്പെട്ടാണ് രാവിലെ പോലീസ് ആസ്ഥാനത്ത് മാതാവ് മഹിജയും ബന്ധുക്കളും സമരത്തിനെത്തിയത്. എന്നാൽ ആസ്ഥാനത്ത് സമരം അനുവദിക്കില്ലെന്ന് അറിയിച്ച് പോലീസ് ഇവരെ ബലംപ്രയോഗിച്ച് അറസ്റ്റ് ചെയ്തു നീക്കുകയായിരുന്നു. ഇതിനിടെയുണ്ടായ ഉന്തിലും തള്ളിലും മഹിജയ്ക്കും ബന്ധുക്കൾക്കും പരിക്കേറ്റു. ഇവരെ പേരൂർക്കടയിലെ ആശുപത്രിയിൽ പ്രവേശിപ്പിച്ചിരിക്കുകയാണ്.
Read MoreCategory: TVM
കാനഡയ്ക്ക് പോകാൻ വീസ വാഗ്ദാനം നല്കി നിരവധിപേരിൽ നിന്നും ലക്ഷങ്ങൾ തട്ടി മുങ്ങി നടന്ന യുവാവിനെ പോലീസ് അറസ്റ്റുചെയ്തു
ആറ്റിങ്ങല്: വീസ വാഗ്ദാനംനല്കി നിരവധിപേരിപണംതട്ടി മുങ്ങി നടന്ന യുവാവിനെ ആറ്റിങ്ങല്പോലീസ് അറസ്റ്റുചെയ്തു. ഓച്ചിറ കൃഷ്ണപുരം ഞെക്കനാല് നിജിയ മന്സിലില് നാസിം (28)ആണ് അറസ്റ്റിലായത്. ആറ്റിങ്ങല് മാര്ക്കറ്റ്റോഡ് സ്വദേശിയായ ദീപുവിന് കാനഡയിലേയ്ക്ക് വീസ നല്കാമെന്നു പറഞ്ഞ് 50,000 രൂപവാങ്ങി മുങ്ങിയകേസിലാണ് അറസ്റ്റ്ഇയാള് പിടിയിലായതറിഞ്ഞ് സമാനമായ നിരവധി പരാതികള് സ്റ്റേഷനില് ലഭിച്ചു വരികയാണെന്ന് എസ്ഐ തന്സീം പറഞ്ഞു. അവനവഞ്ചേരിസ്വദേശി സതീഷിനെ വിദേശത്തേയ്ക്ക്കൊണ്ടുപോകാമെന്നു വാഗ്ദാനം നല്കി 50,000 രൂപയും എറണാകുളം സ്വദേശിയായ അനുജോസിന് വീസ നല്കാമെന്നു വാഗ്ദാനം നല്കി 20,000 രൂപയും തട്ടിയെടുത്തതായി വ്യക്തമായിട്ടുണ്ടെന്ന് പോലീസ് പറഞ്ഞു. ഗ്രേഡ് എസ്ഐ സലിം, സിപിഒ മാരായ സിയാദ്, കൃഷ്ണലാല്, മധുലാല്, ഷാഡോ സിപിഒ റിയാസ് എന്നിവരാണ് അന്വേഷണ സംഘത്തില് ഉണ്ടായിരുന്നത്.
Read Moreപോലീസിലെ മാനിഷാദന്മാർ..! പ്ലസ് ടു വിദ്യാർഥിനിയെ പോലീസുകാരൻ പീഡിപ്പിച്ചെന്ന് പരാതി; പീഡനശ്രമത്തിനിടെ കുട്ടിക്ക് തലയ്ക്ക് ഗുരുതരമായി പരിക്ക്
കാട്ടാക്കട : പ്ലസ് ടു വിദ്യാർഥിനിയെ പീഡിപ്പിച്ചതായി മൊഴി കിട്ടിയതിനെ തുടർന്ന് പോലീസുകാരനെതിരെ കേസെടുത്തു. മലയിൻകീഴ് സ്വദേശിനിയായ പെണ്കുട്ടിയുടെ മാതാപിതാക്കളാണ് പരാതി നൽകിയത്. ബാത്ത് റൂമിൽ നിന്നും ഇറങ്ങി വരവെ കയറി പിടിക്കുകയും പീഡിപ്പിക്കുകയും ചെയ്തുവെന്നാണ് പരാതിയിൽ പറയുന്നത്. പിടിവലിക്കിടെ പെണ്കുട്ടിയുടെ തലയ്ക്ക് പരിക്കേൽക്കുകയും ചെയ്തിരുന്നു. പെണ്കുട്ടി ആശുപത്രിയിൽ ചികിത്സ തേടുകയും ചെയ്തു. തുടർന്നാണ് പരാതി നൽകിയത്. ഇന്നാണ് കേസ് രജിസ്റ്റർ ചെയ്തതെന്ന് സിഐ ജയകുമാർ അറിയിച്ചു.
Read Moreഉത്സവ പൊലിമയ്ക്കിടെ ഒരു മിന്നുകെട്ട്..! നിർധന യുവതിയുടെ വിവാഹം ഉത്സവത്തിന് നടത്തിക്കൊടുത്ത് കാട്ടാൽ ഭദ്രകാളി ക്ഷേത്രഭാരവാഹികൾ
കാട്ടാക്കട : ഉത്സവ പൊലിമയ്ക്കിടെ കാട്ടാൽ ഭദ്രകാളി ക്ഷേത്രാങ്ക ണം ഇന്നലെ മിന്നുകെട്ടിനും വേദിയായി. പൊതുപ്രവർത്തകരെയും ജനപ്രതിനിധികളെയുമൊക്കെ സാക്ഷിയാക്കി നിർധന യുവതിക്ക് വിവാഹം ഒരുക്കിയത് ക്ഷേത്ര ഭരണസമിതിയാണ്. കട്ടയ്ക്കോട് പൂച്ചെടിവിള അർച്ചന ഭവനിൽ ബാബു രമണി ദന്പതികളുടെ മകൾ ഗ്രീഷ്മയാണ് സുമംഗലിയായത്. ഗ്രീഷമയ്ക്കു താലി ചാർത്തിയതു വിളപ്പിൽശാല പുരവൻക്കോട് ഷിബു ഭവനിൽ രവീന്ദ്രൻ സരസ്വതി ദന്പതികളുടെ മകൻ ഷിബു. ഇരുവരുടെയും വീട്ടുകാർ ആലോചിച്ച് ഉറപ്പിച്ചതാണു വിവാഹം. വിവാഹം നടത്താനുള്ള സാഹചര്യങ്ങൾ ഗ്രീഷ്മയുടെ കുടുംബത്തിനില്ലെന്നു മനസിലാക്കിയ കാട്ടാൽ ക്ഷേത്ര ഭരണസമിതിയാണ് ഉത്സവത്തിനൊപ്പം വിവാഹവും എന്ന ആശയം മുന്നോട്ടുവച്ചത്. വീട്ടുകാർ സമ്മതം പറഞ്ഞതോടെ പിന്നെ എല്ലാം വേഗത്തിലായി. പൊന്നും പുടവയും സദ്യവട്ടങ്ങളുമൊക്കെ ക്ഷേത്ര ഭരണസമിതിയുടെയും ദിക്ക് കമ്മിറ്റികളുടെയും വക. വിവാഹത്തിനെത്തിയ വരന്റെയും വധുവിന്റെയും ബന്ധുക്കൾക്കുവേണ്ടി ക്ഷേത്രഹാളിൽ പ്രത്യേകം സദ്യ. അഞ്ചു പവനും കല്യാണ പുടവയും സദ്യയും ഉൾപ്പെടെ രണ്ടു…
Read Moreകുടിയൻമാരുടെ വിഷമം മറ്റാൻ..! ഷാപ്പുകളി ലൂടെ വിദേശമദ്യം വിൽക്കുന്നത് പരിഗണ നയിൽ; പ്രശ്നമുണ്ടാക്കിയവർ തന്നെ പരിഹാരം കാണട്ടേയെന്ന് ജി.സുധാകരൻ
തിരുവനന്തപുരം: സുപ്രീംകോടതി നിർദ്ദേശിച്ച ദൂരപരിധിയെ തുടർന്ന് മദ്യവിൽപ്പന പ്രതിസന്ധിയിലായ സാഹചര്യ ത്തിൽ കള്ളുഷാപ്പുകൾ വഴിയും വിദേശമദ്യം വിൽക്കുന്നത് സർക്കാർ പരിഗണിക്കുമെന്ന് മന്ത്രി ജി.സുധാകരൻ. ഔട്ട്ലെറ്റുകൾ മാറ്റി സ്ഥാപിക്കുന്നതിനെതിരേ ജനകീയ പ്രക്ഷോഭങ്ങൾ വ്യാപകമായ സാഹചര്യത്തിൽ മദ്യശാലകൾക്ക് മുൻപിൽ വലിയ ക്യൂ ദൃശ്യമാണ്. ഇതോടെയാണ് ഷാപ്പുകൾ വഴിയും വിദേശമദ്യം വിൽക്കാൻ സർക്കാർ ആലോചിക്കുന്നത്. ഇക്കാര്യത്തിൽ പ്രശ്നമുണ്ടാക്കിയവർ തന്നെ അതിന് പരിഹാരവും കാണട്ടെയെന്ന നിലപാടിലാണ് മന്ത്രി. മദ്യശാലകൾ മാറ്റണമെന്ന സുപ്രീംകോടതി വിധിക്കെതിരേ നിയമസഹായം തേടിയിട്ടുണ്ടെന്നും ജി.സുധാകരൻ പറഞ്ഞു.
Read Moreഇതാണ് മണിയാശാൻ..! അണക്കെട്ടുകളിൽ വെള്ളമില്ലെങ്കിലും ലോഡ് ഷെഡിംഗ് ഉണ്ടാകില്ല; രാഷ്ട്രീയപാർട്ടികളിൽ സമവായമുണ്ടായാൽ അതിരപ്പിള്ളി പദ്ധതി നടപ്പാക്കും
തിരുവനന്തപുരം: അണക്കെട്ടുകളിൽ വെള്ളമില്ലെങ്കിലും സംസ്ഥാനത്ത് ലോഡ് ഷെഡിംഗ് ഉണ്ടാകില്ലെന്നു മന്ത്രി എം.എം. മണി. മഴയില്ലാത്തതിനാൽ സംസ്ഥാനത്തെ അണക്കെട്ടുകളിലൊന്നും വൈദ്യുതി ഉത്പാദനത്തിനു വെള്ളമില്ലാത്ത സ്ഥിതിയാണ്. എന്നാൽ, വൈദ്യുതിക്ഷാമം മുന്നിൽക്കണ്ട് പുറത്തുനിന്നു വൈദ്യുതി വാങ്ങാൻ കരാറുണ്ടാക്കിയിട്ടുണ്ട്. പുറത്തുനിന്നു വൈദ്യുതി വാങ്ങുന്നതിനാൽ ചെലവ് കൂടിയിട്ടുണ്ട്. ഇന്ത്യൻ വൈദ്യുതിനിയമപ്രകാരം വൈദ്യുതി ചാർജ് വർധിപ്പിക്കുന്നതിന് റെഗുലേറ്ററി കമ്മീഷന് അധികാരമുണ്ട്. വൈദ്യുതി ചാർജ് വർധനയെക്കുറിച്ച് മുൻകൂട്ടി താൻ പറയുന്നത് കമ്മീഷന്റെ അധികാരത്തിലുള്ള കൈകടത്തലാകുമെന്നും അദ്ദേഹം പറഞ്ഞു. രാഷ്ട്രീയപാർട്ടികളിൽ സമവായമുണ്ടായാൽ അതിരപ്പിള്ളി ജലവൈദ്യുത പദ്ധതി നടപ്പാക്കുമെന്നും മണി പറഞ്ഞു. അതിരപ്പിള്ളി പദ്ധതിയെ എതിർക്കുന്നവരും അനുകൂലിക്കുന്നവരുമായ രാഷ്ട്രീയപാർട്ടികൾ കേരളത്തിലുണ്ട്.എൽഡിഎഫിൽ സിപിഐ ഉൾപ്പെടെയുള്ള കക്ഷികൾ പദ്ധതിയെ എതിർക്കുന്നു. കോണ്ഗ്രസിനും അതേ നിലപാടാണുള്ളത്. അതിരപ്പിള്ളി പദ്ധതി നടപ്പാക്കണമെന്ന നിലപാടാണ് സിപിഎമ്മിനുള്ളത്. കൂട്ടുകക്ഷി ഭരണം നടക്കുന്നതിനാൽ യോജിക്കുന്ന കാര്യങ്ങൾ നടപ്പാക്കും.എൽഡിഎഫിന്റെ പൊതുമിനിമം പരിപാടിയിൽ അതിരപ്പിള്ളി പദ്ധതി ഇല്ല. എന്നാൽ, സർവകക്ഷിയോഗം കൂടി യോജിച്ചുവന്നാൽ…
Read Moreവിധിയെപഴിച്ച്..! സുപ്രീംകോടതി വിധിയെത്തുടർന്നു സംസ്ഥാനത്ത് 163 മദ്യവില്പനശാലകളും 19 ബാറുകളും മാത്രം; ദൂരപരിധിയുടെ ഗുണം ഇടുക്കിക്കും വയനാടിനും മാത്രം
തിരുവനന്തപുരം: സുപ്രീംകോടതി വിധിയെത്തുടർന്നു സംസ്ഥാനത്തു ഇന്ന് മുതൽ 163 മദ്യവില്പനശാലകളും 19 ബാറുകളും മാത്രമാകും പ്രവർത്തിക്കുക. ആകെയുള്ള 30 ബാറുകളിൽ ദേശീയ- സംസ്ഥാന പാതയോരത്ത് അല്ലാതെ സ്ഥിതി ചെയ്യുന്ന 19 ഫൈവ് സ്റ്റാർ ഹോട്ടലുകളിലെ ബാറുകൾ മാത്രമാണു പ്രവർത്തിക്കുക. കോടതി ഉത്തരവിനെത്തുടർന്നു ബിവറേജസ് കോർപറേഷന്റെ 134 ഔട്ട്ലെറ്റുകൾ താത്കാലികമായി അടച്ചുപൂട്ടേണ്ടിവരും. ഇവ മാറ്റി സ്ഥാപിക്കാൻ ആവശ്യമായ സ്ഥലം കണ്ടെത്തുന്നതുവരെ പൂട്ടിയിടേണ്ടിവരും. സംസ്ഥാനത്താകെ 272 ബിവറേജസ് ഔട്ട്ലെറ്റുകളാണുള്ളത്. ദേശീയ- സംസ്ഥാന പാതയോരത്തിന് 500 മീറ്റർ പരിധിക്കുള്ളിലെ മദ്യശാലകൾ മാറ്റിസ്ഥാപിക്കാൻ നിർദേശിച്ചതോടെ 180 ഔട്ട്ലെറ്റുകൾ മാറ്റാനുള്ള നടപടി തുടങ്ങി. ഇതിൽ 46 എണ്ണം മാറ്റി സ്ഥാപിച്ചു. ബാക്കി 134 എണ്ണം പുതിയ സ്ഥലം കണ്ടെത്തുന്നതു വരെ പൂട്ടിയിടേണ്ടിവരും. 138 എണ്ണമാകും തുറന്നു പ്രവർത്തിക്കുക. മദ്യവില്പനശാലകളുടെയും ബാറുകളുടെയും പ്രവർത്തന ലൈസൻസ് താത്കാലികമായി സർക്കാർ നീട്ടി നൽകിയ സാഹചര്യത്തിൽ ഇവ പുതിയ സ്ഥലം…
Read Moreകച്ചവടത്തിനോ അതോ..? ഒടിഞ്ഞ കൈ നേരെയാകും, രോമം വളരാത്തവര്ക്കും പ്രതിവിധി; മയിലെണ്ണയും കരടി നെയ്യുമായി അയല് സംസ്ഥാനക്കാര് കേരളത്തിലേക്ക്
കോട്ടൂർ സുനിൽ കാട്ടാക്കട: മയിലെണ്ണയും കരടിനെയ്യുമൊക്കെയായി അയൽ സംസ്ഥാനക്കാർ എത്തി തുടങ്ങി. പഴകിയ കുപ്പികളിൽ നിറച്ച കറുത്ത ദ്രാവകമാണ് ഇവർ പ്രദർശിപ്പിക്കുന്നത്. മയിലിന്റെ ചിറകും കരടിയുടെ ഉണക്കിയ പുറംതൊലി എന്നു തോന്നിപ്പിക്കുന്ന ഭാഗങ്ങളും നാട്ടുകാർക്ക് മുന്നിൽ കാണിച്ചാണ് വിൽപന. കുപ്പികളിൽ നിന്നും ദ്രാവകം എടുത്ത് നാട്ടുകാർക്ക് പരിശോധിക്കാനും നൽകും. പലരും അത് വാങ്ങി മടങ്ങുകയാണ് പതിവ്. ഒടിഞ്ഞ കൈ നേരെയാക്കുമെന്നും പറഞ്ഞാണ് മയിലെണ്ണ വിൽക്കുന്നത്. രോമം വളരാത്തവർക്കായി കരടിനെയ്യും വിൽപനയ്ക്കുണ്ട്. വൻ വിലയാണ് ആദ്യം പറയുക . വിലപേശലിൽ വിലകുറച്ച് നൽകും. ദിവസവും നല്ല കച്ചവടമാണ് നടക്കുന്നത്. പന്നി നെയ്ക്കാണ് ആവശ്യക്കാർ അധികവും. തമിഴ്നാട്ടിലെ വന മേഖലയിൽ നിന്നും കർണാടകത്തിലെ വനമേഖലയിൽ നിന്നും എത്തുന്നവരാണ് ഇവർ. വനത്തിലെ കാട്ടുമരുന്നുകളും ചില എണ്ണകളും ചേർത്ത് നിർമിക്കുന്ന മരുന്നുകളാണ് വിൽക്കുന്നത്. ഇവർക്ക് പാരന്പര്യമായി നാടൻ വൈദ്യവും അറിയാം. ഇതെല്ലാം ഒരുമിപ്പിച്ചാണ്…
Read Moreഎന്തുപറ്റി ഈ നഗരത്തിന്..! ദേശീയ പാതയോരത്ത് നഗരസഭ മാലിന്യം കത്തിക്കുന്നു; വിഷപ്പുക ശ്വസിച്ച് പ്രദേശവാസികൾക്ക് ശ്വാസതടസം ഉണ്ടായതായി പരാതി
അമരവിള: നെയ്യാറ്റിൻകര നഗരസഭക്ക് കീഴിലുളള പ്ലാസ്റ്റിക് മാലിന്യങ്ങളുൾപ്പെടെ നിഷേപിക്കുന്ന പ്രധാനകേന്ദ്രമായി അമരവിള മാറിയതിൽ പ്രതിഷേധം ശക്തമാവുന്നു. അമരവിള പഴയപാലത്തിന് സമീപവും ദേശീയ പാതയിലെ പഴയ ടോൾബൂത്തിന് സമീപവും നഗരസഭയുടെ വാഹനങ്ങളിൽ മാലിന്യം തളളുന്നതോടെ പൊറുതി മുട്ടിയിരിക്കയാണ് അമരവിള നിവാസികൾ . അറവ് മാലിന്യം ഉൾപ്പെടെ ദേശീയപാതയിൽ ഇരുവശത്തും തളളി നഗരസഭക്കു കീഴിലെ തൊഴിലാളികൾ തന്നെ കത്തിക്കുന്നത് സ്ഥിരം കാഴ്ചയാണ് .കഴിഞ്ഞ ദിവസം പ്ലാസ്റ്റിക് മാലിന്യങ്ങൾ ഉൾപ്പെടെ പഴയ ടോൾ ബൂത്തിന് മുന്നിൽ കത്തിച്ചത് മണിക്കൂറുകളോളം പ്രദേശം പുകയിൽ മുങ്ങാൻ കാരണമായി . സമീപവാസികളിൽ പലർക്കും ശ്വാസ തടസം അനുഭവപ്പെട്ടതായും പരാതിയുണ്ട് . നെയ്യാറ്റിൻകര നഗരസഭക്ക് കീഴിൽ മാലിന്യം സംസ്കരണ കേന്ദ്രം ഇല്ലാത്തതാണ് മാലിന്യം തോന്നും പടിതളളാൻ കാരണമാവുന്നത്. മാലിന്യം അമരവിളയിലേക്കെത്തിച്ച് കത്തിക്കുന്ന രീതി ഇനിയും തുടർന്നാൽ പ്രതിഷേധത്തിനൊരുങ്ങുകയാണ് അമരവിള നിവാസികൾ
Read Moreഅങ്ങനെ പറയണ്ട..! മൂന്നാറിൽ ഏറ്റവും കൂടുതൽ കൈയേറ്റങ്ങൾ ഒഴിപ്പിച്ചത് യുഡി എഫ് സർക്കാർ; വിഎസിന്റെ ആരോപണം വസ്തുതാ വിരുദ്ധമെന്ന് തിരുവഞ്ചൂർ
തിരുവനന്തപുരം: യുഡിഎഫിന്റെ കാലത്ത് മൂന്നാറിൽ കൈയേറ്റം ഒഴിപ്പിച്ചിട്ടില്ലെന്ന വി.എസിന്റെ ആരോപണം വസ്തുതാ വിരുദ്ധമെന്നു മുൻ റവന്യുമന്ത്രി തിരുവഞ്ചൂർ രാധാകൃഷ്ണൻ. യുഡിഎഫ് സർക്കാരാണ് മൂന്നാറിൽ ഏറ്റവും കൂടുതൽ കൈയേറ്റങ്ങൾ ഒഴിപ്പിച്ചതെന്നും അദ്ദേഹം പറഞ്ഞു. കഴിഞ്ഞ യുഡിഎഫ് സർക്കാരിന്റെ കാലത്താണ് മൂന്നാറിൽ കൈയേറ്റങ്ങൾ വീണ്ടും വ്യാപകമായത്. താൻ മുഖ്യമന്ത്രിയായിരുന്ന കാലത്ത് ഒഴിപ്പിച്ച സ്ഥലങ്ങൾകൂടി യുഡിഎഫ് സർക്കാരിന്റെ കാലത്ത് കൈയേറിയെന്നും ഈ സമയം ആഭ്യന്തരമന്ത്രിയായിരുന്ന രമേശ് ചെന്നിത്തല ഉറങ്ങുകയായിരുന്നോ എന്നും വി.എസ് ചോദിച്ചിരുന്നു. ഇതിനു മറുപടി പറയുകയായിരുന്നു തിരുവഞ്ചൂർ.
Read More