മഴക്കെടുതിമൂലം ഒറ്റപ്പെട്ടുപോയ ഒരു പ്രദേശത്തു ഭക്ഷണമെത്തിക്കാൻ 11 കെവി ലൈൻ അഴിച്ചു മാറ്റി റോപ് വേ തീർത്തു. റോപ് വേയിലൂടെ ഭക്ഷണം അക്കരെയെത്തിച്ചു വിതരണം ചെയ്തു. കണമല പമ്പാവാലി അറയാഞ്ഞിലിമണ്ണിൽ ഒറ്റപ്പെട്ടു പോയ നാനൂറ്റന്പതോളം പേർക്ക് ഭക്ഷണമെത്തിക്കാനായിരുന്നു ഈ സാഹസിക പ്രവർത്തനം. ചൊവ്വാഴ്ച രാത്രിയിലാണ് പുറംലോകവുമായി ബന്ധപ്പെടാനുള്ള ഇവരുടെ ഏക മാർഗമായ അറയാഞ്ഞിലിമണ്ണ് കോസ്‌വേ വെള്ളത്തിൽ മുങ്ങിയത്. അറയാഞ്ഞിലിമണ്ണ് പ്രദേശം പത്തനംതിട്ട, കോട്ടയം ജില്ലകളുടെ അതിർത്തിയിലാണു സ്ഥിതി ചെയ്യുന്നത്. ഇതോടെ ഇവർ ഭക്ഷണത്തിനു പോലും വിഷമിച്ചു. ഇതിനിടെയാണ് ആന്‍റണി കുന്നത്ത്, വി.എൻ. സുധാകരൻ എന്നിവർ പുതിയൊരാശയം മുന്നോട്ടുവച്ചത്. പന്പാനദിക്കു കുറുകെ കടന്നുപോകുന്ന 11 കെവി ലൈൻ അഴിച്ചുമാറ്റി പകരം ഇതിൽ വടംകെട്ടി പരസ്പരം ബന്ധിപ്പിച്ചു. തുടർന്ന് കപ്പികൾ സ്ഥാപിച്ചു. ഇതിൽ തടിപ്പെട്ടികൾ കൊളുത്തി ഭക്ഷണം മറുകരയിലേക്ക് എത്തിച്ചുകൊടുക്കുകയായിരുന്നു. സാഹസികമായാണ് ഭക്ഷണം ഇതിലൂടെ അയച്ചതും അക്കരെ ജനങ്ങൾ ഇത്…
Read Moreപമ്പാനദിക്കരയിൽ കുടുങ്ങിയവർക്ക് ലൈൻകമ്പിയിലൂടെ ഭക്ഷണമെത്തിച്ച് നാട്ടുകാർ; വീഡിയോ വൈറലാകുന്നു..
