തിരുവനന്തപുരം: ബിജെപിയുടെ ചിഹ്നം താമരയ്ക്ക് പകരം ചാക്ക് ആക്കി മാറ്റണമെന്ന് മന്ത്രി പി.എ.മുഹമ്മദ് റിയാസ്. വരാനിരിക്കുന്ന ഉപതെരഞ്ഞെടുപ്പിൽ എൽഡിഎഫ് വിജയം ഉറപ്പായതോടെ യുഡിഎഫ് ബോധപൂർവ്വം സംഘർഷം സൃഷ്ടിക്കാൻ ശ്രമിക്കുന്നതായും മന്ത്രി മുഹമ്മദ് റിയാസ് പറഞ്ഞു. സംഘർഷം സൃഷ്ടിക്കാൻ യുഡിഎഫ് തീരുമാനിച്ചുവെന്നതിന്റെ തെളിവാണ് കെ.സുധാകരന്റെ ആഹ്വാനം. ചെറുതുരുത്തിയിൽ പഞ്ചായത്ത് പ്രസിഡന്റിനെ വരെ ആക്രമിച്ചു. പാലക്കാടും ചേലക്കരയിലും യുഡിഎഫ് തോൽവി ഉറപ്പിച്ചതോടെയാണ് സംഘർഷ നീക്കം. അതേസമയം കൊടകര കുഴൽപ്പണക്കേസിൽ ബിജെപിക്കെതിരെ കെ.സുധാകരൻ ഒന്നും മിണ്ടുന്നില്ല. ബിജെപിയുടെ ചിഹ്നം താമരയ്ക്ക് പകരം ചാക്ക് ആക്കി മാറ്റണം. ഇഡി ബിജെപിയുടെ താളത്തിനൊത്ത് തുള്ളുകയാണ്. കഴിഞ്ഞ മൂന്ന് കൊല്ലം ഇഡി എവിടെയായിരുന്നു. സതീശൻ ഇഡിക്കെതിരെ മൗനം പാലിക്കുകയാണ്. കൊടകര കുഴൽപ്പണ കേസിൽ ബിജെപി ഒറ്റപ്പെട്ടു നിൽക്കുമ്പോൾ അതിനെ എതിർക്കാൻ കെപിസിസി പ്രസിഡന്റിന് സമയമില്ല. ബിജെപി വിമർശനം ഉറക്കത്തിൽ പോലും വരാതിരിക്കാൻ കെപിസിസി പ്രസിഡന്റും പ്രതിപക്ഷ…
Read MoreCategory: Loud Speaker
‘വള്ളി’പോയ മുഖ്യമന്ത്രിയും സേനയും..! നാണക്കേടായി പോലീസ് മെഡലിലെ അക്ഷരത്തെറ്റ്; തിരിച്ചുവാങ്ങാൻ തീരുമാനം
തിരുവനന്തപുരം: മികച്ച സേവനം കാഴ്ച വച്ച കേരള പോലീസിലെ ഉദ്യോഗസ്ഥർക്ക് വിതരണം ചെയ്ത അക്ഷരത്തെറ്റുകള് കടന്നുകൂടിയ പോലീസ് മെഡലുകള് തിരിച്ചുവാങ്ങാൻ തീരുമാനം. പോലീസ് രൂപീകരണ ദിനം, കേരളപിറവി ദിനം എന്നിവയുടെ ഭാഗമായി മുഖ്യമന്ത്രി പിണറായി വിജയൻ വിതരണം ചെയ്ത മെഡലുകളിലാണ് ഗുരുതരമായ അക്ഷരത്തെറ്റുകള് ഉണ്ടായിരുന്നത്. ഈ സാഹചര്യത്തിലാണ് മെഡലുകൾ തിരികെ വാങ്ങുന്നത്. ടെന്ഡര് എടുത്ത സ്ഥാപനത്തോട് പുതിയ മെഡല് നല്കാന് ഡിജിപി ആവശ്യപ്പെടും. തിരുവനന്തപുരത്ത് എസ്എപി ഗ്രൗണ്ടിൽ നടന്ന ചടങ്ങിൽവച്ച് 264 പോലീസ് ഉദ്യോഗസ്ഥർക്കാണ് മുഖ്യമന്ത്രി മെഡൽ സമ്മാനിച്ചത്.. ഇതിൽ പകുതിയോളം പേർക്കും ലഭിച്ചത് അക്ഷരത്തെറ്റുകൾ അടങ്ങിയ മെഡലുകളാണ്. മുഖ്യമന്ത്രിയുടെ പോലീസ് മെഡൽ എന്നതിന് rmd‘മുഖ്യമന്ത്രയുടെ പോലസ് ‘ എന്നാണ് ആലേഖനം ചെയ്തിരിക്കുന്നത്. ഗുരുതരമായ അക്ഷരത്തെറ്റ് കണ്ടെത്താനോ പരിഹരിക്കാനോ മുഖ്യമന്ത്രിയുടെ തന്നെ കീഴിലുള്ള ആഭ്യന്തര വകുപ്പിന് കഴിഞ്ഞില്ലെന്ന് വിമർശനം ഉയർന്നിരുന്നു.
Read Moreനവീൻ ബാബുവിനെതിരെ ആരോപണം ഉന്നയിച്ചതിൽ ഗൂഢാലോചനയില്ല; പ്രശാന്തുമായി മുൻപരിചയമില്ലെന്ന് പി.പി.ദിവ്യ
കണ്ണൂർ: എഡിഎം നവീൻ ബാബുവിനെതിരെ അഴിമതി ആരോപണം ഉന്നയിച്ചതിൽ ഗൂഢാലോചനയില്ലെന്ന് കേസിലെ പ്രതിയായ പി.പി.ദിവ്യ. ചെങ്ങളായിയിലെ പെട്രോള് പമ്പുമായി തനിക്ക് മറ്റ് ബന്ധമൊന്നുമില്ലെന്നും ദിവ്യ അന്വേഷണസംഘത്തിന് മൊഴി നൽകി. വെള്ളിയാഴ്ചത്തെ ചോദ്യം ചെയ്യലിലാണ് ദിവ്യ ഇക്കാര്യങ്ങള് പറഞ്ഞത്. എഡിഎമ്മിനെതിരേ ആരോപണമുന്നയിച്ച പ്രശാന്തുമായി തനിക്ക് മുൻപരിചയമില്ല. പ്രശാന്തുമായി ഫോൺവിളികൾ ഉണ്ടായിട്ടില്ല. ജില്ലാ പഞ്ചായത്തിന്റെ ഹെൽപ് ഡെസ്കിൽ വന്ന അപേക്ഷകൻ മാത്രമാണ് പ്രശാന്ത്. എൻഒസി കിട്ടാത്ത കാര്യം പലരോടും പറഞ്ഞ കൂട്ടത്തിൽ പ്രശാന്ത് തന്നോടും പറഞ്ഞതാണെന്നും ദിവ്യ മൊഴി നൽകി. അതേസമയം നവീൻ ബാബുവിന്റെ മരണത്തിൽ കൂടുതൽ പേരെ പ്രതി ചേർത്തേക്കില്ലെന്ന് പൊലീസ് അറിയിച്ചു. അടുത്ത ദിവസം തന്നെ നവീൻ ബാബുവിന്റെ കുടുംബാംഗങ്ങളുടെ മൊഴി രേഖപ്പെടുത്തും.
Read Moreമന്മോഹന് സര്ക്കാരിനു വോട്ടു ചെയ്യാൻ 25 കോടി വാഗ്ദാനം ചെയ്തു; പ്രണബിന്റെ ദൂതന്മാര് സമീപിച്ചെന്നു മുന് എംപി സെബാസ്റ്റ്യന് പോള്
കൊച്ചി: ഒന്നാം യുപിഎ സര്ക്കാരിന്റെ അവസാന കാലത്ത് ഇടതുപക്ഷം പിന്തുണ പിന്വലിച്ചപ്പോള് മന്മോഹന് സിംഗിന്റെ വിശ്വാസപ്രമേയത്തിന് അനുകൂലമായി വോട്ടു ചെയ്യാന് തനിക്ക് 25 കോടി രൂപ വാഗ്ദാനം ലഭിച്ചെന്ന വെളിപ്പെടുത്തലുമായി ഇടതു സ്വതന്ത്ര എംപിയായിരുന്ന സെബാസ്റ്റ്യന് പോള്. മുതിര്ന്ന കോണ്ഗ്രസ് നേതാവും വിദേശകാര്യ മന്ത്രിയുമായിരുന്ന പ്രണബ് മുഖര്ജിയുടെ ദൂതരാണ് വാഗ്ദാനവുമായി തന്നെ സമീപിച്ചതെന്ന്, മലയാളം വാരികയിലെ തന്റെ പംക്തിയിലാണ് സെബാസ്റ്റ്യന് പോള് വെളിപ്പെടുത്തിയിരിക്കുന്നത്. ഏതുവിധേനയും മന്ത്രിസഭയെ നിലനിര്ത്തുന്നതിനുള്ള ഉത്തരവാദിത്വം പ്രണബ് മുഖര്ജിക്കായിരുന്നു. മുഖര്ജിയുടെ ദൂതര് എന്നവകാശപ്പെട്ട രണ്ടു പേര് രാജേന്ദ്ര പ്രസാദ് റോഡിലെ തന്റെ വസതിയില് എത്തി. സ്വതന്ത്ര അംഗമായിരുന്നതിനാല് പാര്ട്ടി വിപ്പോ വിപ്പ് ലംഘനത്തിനുള്ള ശിക്ഷയോ തനിക്കു ബാധകമായിരുന്നില്ല. സിപിഎം സ്വതന്ത്രന് ആയതിനാല് തന്റെ കൂറുമാറ്റം പാര്ട്ടിക്കു ഷോക്ക് ആയിരിക്കുമെന്ന കണക്കുകൂട്ടലും ഈ നീക്കത്തിനു പിന്നില് ഉണ്ടായിരുന്നിരിക്കണമെന്നും അദ്ദേഹം എഴുതുന്നു. വളരെ കാര്യമാത്രപ്രസക്തമായാണ് വന്നവര് സംസാരിച്ചത്.…
Read Moreകുഞ്ഞിനു നൽകേണ്ട ഭക്ഷണം കഴിച്ചു: വീട്ടുജോലിക്കാരിയായ 15 കാരിയെ തലയ്ക്കടിച്ചു കൊന്നു; ഐടി ജീവനക്കാരായ ദമ്പതികൾ പിടിയിൽ
സേലം: വീട്ടുജോലിക്കുനിന്ന പതിനഞ്ച് വയസുകാരിയെ കൊലപ്പെടുത്തി മൃതദേഹം സ്യൂട്ട്കേസിലാക്കി പാലത്തിനടിയിൽ ഉപേക്ഷിച്ച കേസിൽ ഐടി കമ്പനി ജീവനക്കാരായ ദമ്പതികൾ അറസ്റ്റിൽ. ബംഗളൂരുവിൽ ജോലി ചെയ്യുന്ന ഒഡിഷ സ്വദേശികളായ അവിനേഷ് സാഹുവും (41) ഭാര്യ അശ്വിൻ പട്ടേലും (37) ആണ് പിടിയിലായത്. ബംഗളൂരുവിൽ നടത്തിയ കൊലപാതകത്തിനുശേഷം മൃതദേഹം സ്യൂട്ട്കേസിലാക്കി സേലം ശങ്കരിക്കടുത്തെ പാലത്തിനടിയിലാണ് ഉപേക്ഷിച്ചത്. സെപ്റ്റംബർ 29ന് സംശയകരമായ നിലയിൽ സ്യൂട്ട് കേസ് കണ്ട് നാട്ടുകാർ പോലീസിൽ വിവരമറിയിക്കുകയായിരുന്നു. പോലീസ് സ്യൂട്ട്കേസ് തുറന്നപ്പോഴാണ് കൊലപാതക വിവരം പുറത്താവുന്നത്. സ്യൂട്ട്കേസിലെ ബാർകോഡ് പരിശോധിച്ചപ്പോൾ ബംഗളൂരുവിലെ ഒരു കടയിൽ നിന്ന് സെപ്റ്റംബർ 27ന് ഒരു പുരുഷൻ വാങ്ങിയതാണെന്ന് അറിഞ്ഞു. ഹൊസൂർ മുതൽ ശങ്കരി വരെയുളള ടോൾ ഗേറ്റുകളിലെ സിസിടിവി ദൃശ്യങ്ങൾ പരിശോധിച്ചപ്പോൾ 28ന് ശങ്കരി പാലം കടന്നുപോകാത്ത ഏക കാർ ബംഗളൂരുവിലെ ഐടി കമ്പനിയിൽ ജീവനക്കാരായ ഒഡീഷ സ്വദേശികളുടേതാണെന്നു വ്യക്തമായി. ഒഡീഷയിലെ…
Read Moreദോഗ്ര സമൂഹത്തിന്റെ ശക്തമായ ശബ്ദമിനിയില്ല : ജമ്മു കാഷ്മീർ എംഎൽഎ ദേവേന്ദർ സിംഗ് റാണ അന്തരിച്ചു
ഫരീദാബാദ്: ജമ്മു കാഷ്മീർ എംഎൽഎയായ മുതിർന്ന ബിജെപി നേതാവ് നഗ്രോട്ട ദേവേന്ദർ സിംഗ് റാണ(59) അന്തരിച്ചു. ഹരിയാനയിലെ ഫരീദാബാദിലെ സ്വകാര്യ ആശുപത്രിയിലായിരുന്നു അന്ത്യം. ബിസിനസിൽനിന്നു രാഷ്ട്രീയത്തിലേക്കു തിരിഞ്ഞ റാണ, ജമ്മുവിലെ ദോഗ്ര സമൂഹത്തിന്റെ ശക്തമായ ശബ്ദമായിരുന്നു. അടുത്തിടെ നടന്ന തെരഞ്ഞെടുപ്പിൽ ജമ്മു ജില്ലയിലെ നഗ്രോട്ട സെഗ്മെന്റിൽനിന്നാണ് റാണ തെരഞ്ഞെടുക്കപ്പെട്ടത്. കേന്ദ്രമന്ത്രി ജിതേന്ദ്ര സിംഗിന്റെ സഹോദരനാണ്.
Read Moreവിവാഹദിനം വരനെ മർദിച്ച് നവവധുവിനെ കൂട്ടബലാത്സംഗം ചെയ്തു; എട്ടുപേർ അറസ്റ്റിൽ, സംഭവം ബംഗാളിൽ
കോൽക്കത്ത: ബംഗാളിൽ വിവാഹദിനത്തിൽ നവവധുവിനെ കൂട്ടബലാത്സംഗം ചെയ്ത സംഭവത്തിൽ എട്ടു പേർ അറസ്റ്റിൽ. കാഞ്ചരപ്പാറ റെയിൽവേ സ്റ്റേഷനു സമീപം ട്രാക്കിലാണ് 19 കാരിയായ നവവധു കൂട്ടബലാത്സംഗത്തിനിരയായത്. ഭർത്താവിനെ മർദിച്ചവശനാക്കിയശേഷമായിരുന്നു അതിക്രമം. വിവാഹത്തിൽ എതിർപ്പുയർത്തിയ ബന്ധുക്കൾ വീട്ടിൽനിന്ന് പുറത്താക്കിയതിനെ തുടർന്ന് ദമ്പതികൾ കാഞ്ചരപ്പാറ റെയിൽവേ സ്റ്റേഷനിൽ രാത്രി തങ്ങാൻ തീരുമാനിക്കുകയായിരുന്നുവെന്നു പോലീസ് പറഞ്ഞു. എന്നാൽ, പ്ലാറ്റ്ഫോം ടിക്കറ്റ് ഇല്ലാത്തതിനാൽ റെയിൽവേ ഉദ്യോഗസ്ഥർ ഇവരെ സ്റ്റേഷനിൽനിന്ന് പുറത്താക്കി. പിന്നീട് റെയിൽവേ ട്രാക്കിലൂടെ നടന്ന് പോകവെ കല്യാണി ബരാക്പുർ എക്സ്പ്രസ്വേയിലെ കാഞ്ചരപ്പാറ റെയിൽവേ മേൽപ്പാലത്തിൽ എത്തിയപ്പോൾ പുലർച്ചെ നാലിനും അഞ്ചിനുമിടയിൽ നാട്ടുകാരായ ചില യുവാക്കൾ ഭർത്താവിനെ മർദിച്ചവശനാക്കിയശേഷം യുവതിയെ ട്രാക്കിന് അരികിലുള്ള കുറ്റിക്കാട്ടിലേക്ക് വലിച്ചിഴച്ച് കൂട്ടബലാത്സംഗം ചെയ്യുകയായിരുന്നു.
Read Moreമധ്യപ്രദേശിൽ മാധ്യമപ്രവർത്തകനെ കുത്തിക്കൊന്നു: രക്ഷിക്കാൻ വന്ന സുഹൃത്തിനു പരിക്കേറ്റു
ലക്നോ: ഉത്തർപ്രദേശിലെ ഫത്തേപുർ ജില്ലയിൽ മാധ്യമപ്രവർത്തകനെ കുത്തിക്കൊന്നു. ദിലീപ് സൈനി(38) ആണ് കൊല്ലപ്പെട്ടത്. കോട്വാലി പ്രദേശത്താണു സംഭവം. ദിലീപിന്റെ സുഹൃത്തും ബിജെപി നേതാവുമായ ഷാഹിദ് ഖാന് ആക്രമണത്തിൽ പരിക്കേറ്റു. ദിലീപ് സൈനിയെ രക്ഷിക്കാൻ ശ്രമിക്കുന്നതിനിടെയാണ് ഷാഹിദ് ഖാന് കുത്തേറ്റത്. മറ്റൊരു വ്യക്തിയുമായി നിലനിന്നിരുന്ന വൈരാഗ്യമാണ് ദിലീപ് സൈനിയുടെ കൊലപാതകത്തിനു പിന്നിലെ കാരണം. അക്രമി സംഘം ദിലീപിനെ കത്തികൊണ്ട് കുത്തുകയും വെടിവയ്ക്കുകയും ചെയ്തു. സംഭവത്തിൽ പോലീസ് അന്വേഷണം ആരംഭിച്ചു.
Read Moreകൊടകര കുഴൽപ്പണ കേസ് ; ധർമരാജൻ ചാക്കുമായി എത്തുമെന്ന് അറിയിച്ചത് ഖജാൻജിയെന്ന് തിരൂര് സതീഷ്
സ്വന്തം ലേഖകൻ തൃശൂർ: 2021 ഏപ്രില് 23ന് രാത്രി 11നാണു തെരഞ്ഞെടുപ്പു സാമഗ്രികളുമായി ധർമരാജന്റെ വാഹനം വരുമെന്നു ബിജെപി ജില്ലാ ട്രഷറർ അറിയിച്ചത്. അതുകൊണ്ടാണ് രാത്രി ഏറെവൈകിയും ഞാന് ഓഫീസില് തങ്ങിയത്. രാത്രി പതിനൊന്നിനുതന്നെ എത്തിയ വാഹനത്തില്നിന്ന് തലച്ചുമടായാണ് ഞാന് ചാക്കുകൾ കോണികയറി മുകളിലലെത്തിച്ചതെന്നു കൊടകര കുഴൽപ്പണക്കേസിൽ വിവാദ വെളിപ്പെടുത്തൽ നടത്തിയ ബിജെപി മുൻ ജില്ലാ ഒാഫീസ് സെക്രട്ടറി തിരൂര് സതീഷ്. ആരു ചോദിച്ചാലും കൊടികളും അരങ്ങും ചിഹ്നങ്ങളുമാണെന്നു പറഞ്ഞാൽമതിയെന്നാണ് പറഞ്ഞിരുന്നത്. മുറിയുടെ ഒരുമൂലയില് നെല്ലു കൂട്ടിയിടുന്നതു പോലെയാണു പണം ചാക്കില്നിന്നു തട്ടിയത്. അപ്പോഴാണ് ചാക്കിൽ പണമാണെന്നു മനസിലായത്. ഒാരോ കെട്ടുകളായി വേര്തിരിച്ച് ചിലര്ക്കു കൈമാറിയത് അന്നത്തെ ജില്ലാ ഖജാന്ജി ആയിരുന്നു. ഇതിന് എന്റെ കൈയിൽ കൃത്യമായ തെളിവുകളുണ്ടെന്നും സതീഷ് വെളിപ്പെടുത്തി. ഓഫീസില് ജനറല് സെക്രട്ടറിമാര് ഇരിക്കുന്ന മുറിയിലാണു പണം സൂക്ഷിച്ചത്. അതിനു കാവലിരിക്കലായിരുന്നു എന്റെ പ്രധാന…
Read Moreസുഹൃത്തിനൊപ്പം മൊബൈലിൽ നോക്കി ട്രാക്കിലിരുന്നു: ഹെഡ്ഫോൺ വച്ചതിനാൽ ട്രെയിൻ വന്നതറിഞ്ഞില്ല: വിദ്യാർഥി മരിച്ചു
ഭോപ്പാൽ: മധ്യപ്രദേശിലെ ഭോപ്പാലിൽ സുഹൃത്തിനൊപ്പം റെയിൽവേ ട്രാക്കിൽ മൊബൈൽ ഫോണിൽ മുഴുകിയിരിക്കെ ഇരുപതുകാരനായ വിദ്യാർഥിക്ക് ട്രെയിൻ തട്ടി ദാരുണാന്ത്യം. ബിബിഎ വിദ്യാർഥിയായ മൻരാജ് തോമർ ആണു മരിച്ചത്. റെയിൽവേ ട്രാക്കിൽ മൻരാജ് തോമറിന്റെ എതിർ ദിശയിലായാണ് സുഹൃത്ത് ഇരുന്നത്. ഹെഡ്ഫോൺ വച്ച് മൊബൈലിൽ എന്തോ കണ്ടുകൊണ്ടിരുന്നതിനാൽ ട്രെയിൻ വരുന്ന ശബ്ദം കേൾക്കാൻ സാധിച്ചില്ല. ട്രെയിൻ തട്ടി തത്ക്ഷണം മൻരാജിന്റെ മരണം സംഭവിച്ചു. സുഹൃത്ത് അപകടം കൂടാതെ രക്ഷപ്പെട്ടു. പോസ്റ്റ്മോർട്ടത്തിനുശേഷം മൻരാജിന്റെ മൃതദേഹം മാതാപിതാക്കൾക്ക് വിട്ടുകൊടുത്തു. മാതാപിതാക്കളുടെ ഏക മകനായ മൻരാജിനു ബോഡി ബിൽഡിംഗും റീൽ നിർമാണവും ഇഷ്ടമായിരുന്നു.
Read More