ഡബ്ളിന്: ഐറിഷ് പാര്ലമെന്റിലേക്കു വാങ്ങിയ ഒരു പ്രിന്റര് ഉണ്ടാക്കിയ അനാവശ്യമായ അധികചെലവ് ഒരു മില്യൺ യൂറോ എന്ന് അന്വേഷണത്തില് വ്യക്തമായി. വയ്ക്കാന് ഉദ്ദേശിച്ച കെട്ടിടത്തില് കൊള്ളിക്കാന് കഴിയാത്തത്ര വലിപ്പമാണ് പ്രിന്റര് ഉപയോഗപ്പെടാതിരിക്കാന് കാരണമായത്. 2.1 മീറ്റര് ഉരവും 1.9 മീറ്റര് വീതിയുമുള്ള പ്രിന്റര് കഴിഞ്ഞ വര്ഷമാണ് വാങ്ങിയത്. വില 808,000 യൂറോ. പ്രിന്റര് കെട്ടിടത്തില് കൊള്ളുന്നില്ലെന്നു മനസിലാക്കിയപ്പോള് കെട്ടിടത്തിന്റെ മതില് പൊളിച്ചു പണിതാണ് അധികൃതര് സ്ഥലം കണ്ടെത്തിയത്. ഇതിന് മറ്റൊരു 236,000 യൂറോ ചെലവായി. അത്രയും സമയം പ്രതിമാസം 2000 യൂറോ വാടകയ്ക്ക് പ്രിന്റര് മറ്റൊരിടത്തു സൂക്ഷിച്ചിരിക്കുകയായിരുന്നു. കഴിഞ്ഞ ആഴ്ച മാത്രമാണ് അളവ് തെറ്റിയ വിവരം മാധ്യമങ്ങള്ക്ക് റിപ്പോര്ട്ട് ചെയ്യാന് സാധിക്കുന്നത്. പിന്നീട് വിവരാവകാശ നിയമ പ്രകാരമാണ് ഇതിന്റെ വിശദാംശങ്ങള് പുറത്തുവരുന്നത്. റിപ്പോർട്ട്: ജോസ് കുമ്പിളുവേലില്
Read MoreCategory: NRI
ഡ്രസ്ഡൻ മ്യൂസിയം കവർച്ച! വിവരം നൽകുന്നവർക്ക് അര മില്യൻ യൂറോ ഇനാം; മോഷണം പോയത് അമൂല്യ രത്നങ്ങളും ചരിത്ര പ്രാധാന്യമുള്ള ആഭരണങ്ങളും
ഡ്രെസ്ഡൻ: ഡ്രെസ്ഡനിലെ സ്റ്റേറ്റ് മ്യൂസിയത്തിൽ നിന്ന് അമൂല്യ രത്നങ്ങൾ അടക്കം ചരിത്ര പ്രാധാന്യമുള്ള ആഭരണങ്ങൾ മോഷണം പോയതു സംബന്ധിച്ച അന്വേഷണം വഴിമുട്ടി. ഈ സാഹചര്യത്തിൽ, സംഭവത്തിനു പിന്നിൽ പ്രവർത്തിച്ചവരെ പിടികൂടുന്നതിനോ, മോഷണ മുതൽ വീണ്ടെടുക്കുന്നതിനോ സഹായകമായ എന്തെങ്കിലും വിവരം നൽകാൻ സാധിക്കുന്നവർക്ക് അര മില്യൻ യൂറോ ഇനാം പ്രഖ്യാപിച്ചു. തിങ്കളാഴ്ച നടന്ന മോഷണം സംബന്ധിച്ച് കിഴക്കൻ ജർമനിയിലാകമാനം പോലീസ് അന്വേഷണം വ്യാപിപ്പിച്ചിരിക്കുകയാണ്. പ്രശസ്തമായ 49 കാരറ്റ് ഡ്രെസ്ഡൻ വൈറ്റ് രത്നം അടക്കമാണ് മോഷണം പോയിരിക്കുന്നത്. മോഷ്ടാക്കൾ തുടക്കത്തിൽ രക്ഷപെട്ട ശേഷം കത്തിച്ച നിലയിൽ ഉപേക്ഷിച്ച കാർ മാത്രമാണ് അന്വേഷണ സംഘത്തിന് ഇതുവരെ ഇതുമായി ബന്ധപ്പെട്ട് കണ്ടെത്താൻ സാധിച്ചിട്ടുള്ളത്. റിപ്പോർട്ട്: ജോസ് കുന്പിളുവേലിൽ
Read Moreറെസിലിംഗ് താരം ബ്രെറ്റിന്റെ കൃത്രിമ കാലുകൾ മോഷണം പോയി
കലിഫോർണിയ: കലിഫോർണിയ സാൻ ബെർനാഡിനൊ പസഫിക് ഹൈസ്കൂൾ റെസിലിംഗ് ടീമിന്റെ ക്യാപ്റ്റൻ പദവി ഏറ്റെടുക്കേണ്ട ബ്രെറ്റ് വിന്റേഴ്സിന്റെ കൃത്രിമ കാലുകൾ മോഷണം പോയി. ഇതോടെ തന്റെ ക്യാപ്റ്റൻ പദവി നഷ്ടപ്പെടുമോ എന്ന ഭയത്തിലാണ് ബ്രെറ്റ്. കാൽ മുട്ടിന് താഴെ അസ്ഥിയില്ലാതെയായിരുന്നു ബ്രെറ്റിന്റെ ജനനം. എട്ടു വയസു കഴിഞ്ഞപ്പോൾ ഇരു കാലുകളും മുട്ടിനു താഴെ നീക്കം ചെയ്തു കൃത്രിമ കാലുകൾ വച്ചു പിടിപ്പിക്കാൻ തീരുമാനിക്കുകയായിരുന്നു. ഇങ്ങനെ ചെയ്തില്ലായിരുന്നുവെങ്കിൽ ബ്രെറ്റ് ജീവിതകാലം മുഴുവൻ വീൽ ചെയറിൽ കഴിയേണ്ടിവരുമായിരുന്നു. ഇരുകാലുകളും നീക്കം ചെയ്തു രണ്ടു വർഷത്തിനുശേഷം പത്താം വയസിലാണ് ബ്രെറ്റിന് കൃത്രിമ കാലുകൾ ലഭിച്ചത്. റെസിലിംഗിലായിരുന്നു ബ്രെറ്റ് പരിശീലനം നേടിയത്. കൃത്രിമ കാലുകൾ ഉപയോഗിച്ചായിരുന്നു പരിശീലനം. ഇരുകാലുകളും മോഷണം പോയതോടെ മുട്ടിേ·ലാണ് ഇപ്പോൾ പരിശീലനം തുടരുന്നത്. ഇത് വളരെ വേദനയുണ്ടാക്കുന്നതാണെന്ന് ബ്രെറ്റ് വ്യക്തമാക്കി. സ്റ്റേറ്റ് ചാന്പ്യൻഷിപ്പ് നേടുന്നതിനുള്ള അവസാന അവസരമാണിത്. ഹൈസ്കൂൾ…
Read More36 വർഷം ജയിലിൽ; ഒടുവിൽ നിരപരാധികളെന്നു കണ്ടെത്തി മൂന്നുപേർക്ക് മോചനം
ബാൾട്ടിമോർ: 1983 ലെ താങ്ക്സ് ഗിവിംഗ് ഡേയിൽ അറസ്റ്റ് ചെയ്തു ജയിലിലടച്ച മൂന്നു പേരെ നിരപരാധികളെന്നു കണ്ടെത്തിയതിനെ തുടർന്നു വിട്ടയക്കുന്നതിന് ബാൾട്ടിമോർ സർക്യൂട്ട് കോർട്ട് ജഡ്ജി ഉത്തരവിട്ടു. 36 വർഷത്തെ ജയിൽ വാസത്തിനു ശേഷമാണ് ഇവർ മോചിതരാകുന്നത്. 14 വയസുള്ള ഡിവിറ്റ് ഡക്കറ് എന്ന വിദ്യാർഥിയെ ജോർജ് ടൗണ് യൂണിവേഴ്സിറ്റി ജാക്കറ്റ് തട്ടിയെടുക്കുവാൻ വെടിവച്ചു കൊലപ്പെടുത്തിയെന്നാരോപിച്ചാണ് പതിനാലു വയസുള്ള ചെസ്റ്റ്നട്ട്, വാറ്റ്കിൻസ്, പതിനേഴ് വയസുണ്ടായിരുന്ന സ്റ്റുവർട്ട് എന്നീ മൂന്നു പേരെ അറസ്റ്റു ചെയ്തത്. ബാൾട്ടിമോർ സിറ്റി സ്കൂളിലെ മിഡിൽ സ്കൂൾ വിദ്യാർഥികളായിരുന്നു ഇവർ. ബാസ്കറ്റ് ബോളിൽ ജോർജ് ടൗണ് യൂണിവേഴ്സിറ്റി അക്കാലത്തു വളരെ പ്രസിദ്ധമായിരുന്നു. ഇതാണു ജാക്കറ്റ് തട്ടിയെടുക്കാൻ ഇവരെ പ്രേരിപ്പിച്ചതെന്നായിരുന്നു പോലീസ് കേസ്. സംശയത്തിന്റെ പേരിൽ പോലീസ് മൂവരെയും പിടികൂടിയെങ്കിലും സാക്ഷി മൊഴികൾ പോലും പരിഗണിച്ചില്ല. കേസിൽ യഥാർഥ പ്രതി മൈക്കിൾ വില്ലിസ് ആയിരുന്നു എന്നു…
Read Moreഉണ്ണിയേശു കളവുപോയി! പ്രതിയെ കണ്ടെത്താൻ സഹായം അഭ്യർഥിച്ചു പോലീസ്
വെതർഫോർഡ് (ടെക്സസ്): ക്രിസ്മസ് ആഘോഷങ്ങളുടെ ഭാഗമായി വീട്ടുമുറ്റത്തു തയാറാക്കിയിരുന്ന നാറ്റിവിറ്റി സീനിൽ നിന്നും ഉണ്ണിയേശുവിനെ മോഷ്ടിച്ച പ്രതിയെ കണ്ടെത്താൻ പോലീസ് സഹായം അഭ്യർഥിച്ചു. നവംബർ 23 ശനിയാഴ്ച രാത്രി 8.30നായിരുന്നു സംഭവം. കറുത്ത വസ്ത്രം ധരിച്ച അമേരിക്കൻ വനിത വീടിനു മുറ്റത്ത് പ്രവേശിച്ചു. ഉണ്ണിയേശുവിനെ മോഷ്ടിക്കുന്ന ചിത്രം കാമറയിൽ പതിഞ്ഞിരുന്നു. അതോടൊപ്പം ഇവർ ധരിച്ചിരുന്ന ഷുസിന്റെ അടയാളവും സ്ഥലത്തു കണ്ടെത്തിയിരുന്നു. ഞങ്ങൾക്ക് ആവശ്യമുള്ളതിനേക്കാൾ ജീസസിനെ അവർക്കായിരിക്കാം വേണ്ടത്. മോഷണത്തെ കുറിച്ചു വീട്ടുടമസ്ഥർ പോലീസിനോട് പ്രതികരിച്ചതിങ്ങനെയായിരുന്നു. മോഷ്ടിച്ചതു ഉണ്ണിയേശുവിനെയാണെങ്കിലും ഇത്തരം മോഷണത്തെ ഒരിക്കലും അംഗീകരിക്കാനാവില്ല ഷെറിഫ് ഫൗളർ പറഞ്ഞു. മോഷണത്തിനു വനിതയെ പ്രേരിപ്പിച്ചതെന്താണെന്നും അന്വേഷിക്കേണ്ടതുണ്ടെന്നു ഷെറിഫ് കൂട്ടിച്ചേർത്തു. ജീസസിനെ മോഷ്ടിച്ച ശേഷം അപ്രത്യക്ഷമായ യുവതിയെ കണ്ടെത്താൻ പൊതുജനങ്ങളുടെ സഹകരണം പോലീസ് അഭ്യർത്ഥിച്ചു. വിവരം ലഭിക്കുന്നവർ ക്രൈം സ്റ്റോപ്പേഴ്സ് 817 599 5555 എന്ന നന്പറിൽ ബന്ധപ്പെടണമെന്നും അഭ്യർഥിച്ചു. റിപ്പോർട്ട്:…
Read Moreഅമേരിക്കയിലെ ഏറ്റവും പ്രായം കൂടിയ വനിത വിടവാങ്ങി
ഹർലിൻ, ന്യുയോർക്ക്: അമേരിക്കയിലെ ഏറ്റവും പ്രായം കൂടിയ വനിത അലീലിയ മർഫി 114-ാം വയസിൽ വിടവാങ്ങി. അലീലിയാ മർഫിയുടെ മകൾ അംഗമായ ഹെൽത്ത് കെയർ വർക്കേഴ്സ് യൂണിയനാണ് ബുധനാഴ്ച മരണ വിവരം ഔദ്യോഗികമായി പുറത്തുവിട്ടത്. 1905 ലായിരുന്നു മർഫിയുടെ ജനനം. നോർത്ത് കരൊളൈനയിൽ ജനിച്ച ഇവർ 1920 ലാണ് ന്യുയോർക്കിലേക്ക് താമസം മാറിയത്. മരിക്കുമ്പോൾ 114 വയസും 140 ദിവസവുമായിരുന്നു പ്രായം. 2019 ജൂലൈ ആറിനാണ് മർഫിയുടെ 114- ജന്മദിനം വിവിധ പരിപാടികളോടെ ആഘോഷിച്ചത്. ജന്മദിനാഘോഷങ്ങളിൽ പങ്കെടുക്കുന്നതിന് വീൽചെയറിലാണ് ഇവർ എത്തിയത്. ദൈവത്തിലുള്ള ആഴമായ വിശ്വാസമാണ് തന്റെ ദീർഘായുസിന് കാരണമെന്ന് മർഫി വ്യക്തമാക്കിയിരുന്നു. ഒരിക്കൽപോലും ആൽക്കഹോൾ ഉപയോഗിക്കാത്തതും മറ്റൊരു കാരണമാണ്. അമേരിക്കയിലെ ഏറ്റവും പ്രായം കൂടിയ വനിത ഒഹായോവിൽ നിന്നുള്ള ലെസി ബ്രൗൺ (114) ഈ വർഷം ജനുവരിയിൽ മരിച്ചതോടെയാണ് ആ സ്ഥാനം മർഫിക്ക് ലഭിച്ചത്. ലോകത്തിലെ…
Read Moreമുറിവിന് മരുന്നു വാങ്ങാൻ മെഡിക്കൽ ഷോപ്പിലെത്തി കുരങ്ങൻ; അമ്പരന്ന് നാട്ടുകാർ
മെഡിക്കൽ ഷോപ്പിൽ മരുന്ന് വാങ്ങാനെത്തിയ രോഗിയെ കണ്ട് ഉടമ ആദ്യം ഞെട്ടി. ഒരു കുരങ്ങനാണ് കക്ഷി. വെറുതെ വന്നതാണെന്ന് കരുതി ആദ്യം കുരങ്ങനെ അവർ അത്ര മൈൻഡ് ചെയ്തില്ല. എന്നാൽ സൂക്ഷിച്ചു നോക്കിയപ്പോഴാണ് സംഗതി മനസിലായത്. കാലിലും ദേഹത്തുമേറ്റ മുറിവിന് മരുന്ന് അന്വേഷിച്ചാണ് കക്ഷി മെഡിക്കൽ ഷോപ്പിലെത്തിയത്. ബിർഭും ജില്ലയിലെ മല്ലാർപുരിലാണ് രസകരമായ സംഭവം അരങ്ങേറിയത്. റെയിൽവേ സ്റ്റേഷനിൽ കുരങ്ങുകൾ തമ്മിലുണ്ടായ ഏറ്റുമുട്ടലിലാണ് ഒരു കുരങ്ങന് പരിക്കേറ്റത്. മുറിവ് കണ്ടപ്പോൾ കക്ഷി മനുഷ്യരെപ്പോലെ നേരെ മെഡിക്കൽ സ്റ്റോറിലേക്ക് നടന്നു. മുറിവുകളിൽ ഫാർമസിസ്റ്റ് മരുന്ന് വെച്ച് ബാൻഡേജ് കെട്ടിക്കൊടുത്തു. അപ്പോഴെല്ലാം അനുസരണയോടെ അത് സഹകരിച്ചു. മുറിവുണങ്ങാനുള്ള മരുന്നും വാങ്ങിക്കുടിച്ചാണ് കുരങ്ങൻ മടങ്ങിയത്.
Read Moreഭീകരരാണിവർ, കൊടുംഭീകരർ..! വമ്പൻ പാമ്പിനെ സ്കിപ്പിംഗ് റോപ്പാക്കി കുട്ടികൾ
മൂന്ന് കുട്ടികളുടെ സ്കിപ്പിംഗ് വീഡിയോയാണ് ഇപ്പോൾ സോഷ്യൽ മീഡിയയിൽ വൈറലായി മാറിയിരിക്കുന്നത്. ഇതിലെന്താ ഇത്ര പ്രത്യേകത എന്ന് ചിന്തിക്കുന്നവർ കുട്ടികളുടെ കൈയിലിരിക്കുന്ന സ്കിപ്പിംഗ് റോപ്പ് നോക്കിയാൽ ബോധ്യമാകും. അഞ്ചടി നീളമുള്ള ഒരു ഭീമൻ പാമ്പിനെയാണ് കുട്ടികൾ സ്കിപ്പിംഗ് റോപ്പാക്കിയത്. പാമ്പിന്റെ രണ്ടറ്റത്തുമായി പിടിച്ച് രണ്ട് കുട്ടികൾ ചുഴറ്റുമ്പോൾ മറ്റൊരു കുട്ടി ചാടുന്നതാണ് വീഡിയോയിൽ. വിയറ്റ്നാമിൽ നിന്നുള്ള വീഡിയോയാണെന്ന് പറയുന്നുണ്ടെങ്കിലും സ്ഥലം സംബന്ധിച്ച് വ്യക്തമായ അറിവില്ല. സംഗതി ചത്ത പാമ്പാണെങ്കിലും കുട്ടികളുടെ ധൈര്യം സമ്മതിച്ചുകൊടുക്കണമെന്നാണ് നെറ്റിസൺസിന്റെ അഭിപ്രായം.
Read Moreപാതിരാത്രി കാറിൽ കരടിയുടെ ചെക്കിംഗ്; സിസിടിവി ദൃശ്യങ്ങൾ കണ്ട് ഞെട്ടി ഉടമ
കലിഫോർണിയയിലെ സൗത്ത് ലേക്ക് താഹോയിലെ താമസക്കാരനായ ആദം ഉറക്കമുണർന്ന് പുറത്തിറങ്ങിയപ്പോൾ കണ്ടത് തന്റെ കാറിന്റെ ഡോർ തുറന്നുകിടക്കുന്നതാണ്. മോഷണശ്രമമാണോ എന്ന് ഭയന്ന് ആദം കാർ പരിശോധിച്ചെങ്കിലും ഒരു തുമ്പും കിട്ടിയില്ല. ഒടുവിൽ മുറ്റത്തെ സിസിടിവി ദൃശ്യങ്ങൾ പരിശോധിക്കാൻ തീരുമാനിച്ചു. അപ്പോൾ കണ്ട കാഴ്ച ഞെട്ടിക്കുന്നതായിരുന്നു. കാർ തുറന്ന ആ കള്ളൻ ഒരു വലിയ കരടിയാണ്. പുലർച്ചെ 1.14നാണ് കാറിനു സമീപം കരടിയെത്തിയത്. കാറിന്റെ ഡോർ തുറന്ന് അകത്തുകയറുന്ന കരടി ഏറെനേരം കാറിനുള്ളിൽ ചെലവഴിച്ച ശേഷമാണ് പുറത്തിറങ്ങിയത്. കാറിനുള്ളിൽ ഭക്ഷണമുണ്ടോയെന്ന് പരിശോധിക്കാനാണ് കരടി കയറിയതെന്നാണ് കരുതുന്നത്. അതേസമയം, കാറിൽ കയറിയെങ്കിലും നാശനഷ്ടങ്ങളൊന്നും വരുത്തിയില്ലെന്ന് ആദം പറഞ്ഞു. ഇതിനു മുന്പും വീടിന് സമീപത്ത് കരടികളെ കണ്ടിട്ടുണ്ടെങ്കിലും ആദ്യമായാണ് ഒരു കരടി കാറിനുള്ളിൽ കയറുന്നതെന്നും ആദം പറഞ്ഞു.
Read Moreയെവൻ പുലിയായിരുന്നല്ലേ..! പുള്ളിപ്പുലിയെ ചുറ്റിവരിഞ്ഞ പെരുമ്പാമ്പിന് സംഭവിച്ചത്…
ആക്രമണോത്സുകതയ്ക്ക് പേരുകേട്ടവരാണ് പുള്ളിപ്പുലിയും പെരുമ്പാമ്പും. അപ്പോൾ പോരാട്ടം ഇവർ തമ്മിലാണെങ്കിലോ? പൊടിപാറുമെന്നതിൽ സംശയമില്ല. അത്തരമൊരു കാഴ്ചയ്ക്കാണ് കഴിഞ്ഞ ദിവസം കെനിയയിലെ മസായി മാറ ട്രയാംഗിൾ റിസർവ് സാക്ഷ്യം വഹിച്ചത്. ഇരയ്ക്കായി കാത്തുകിടന്ന പെരുമ്പാമ്പിനു മുന്നിലെത്തിയതായിരുന്നു പുള്ളിപ്പുലി. മറ്റൊന്നും ആലോചിക്കാതെ പെരുമ്പാമ്പ് പുലിയെ വരിഞ്ഞു മുറുക്കാൻ തുടങ്ങി. ആദ്യമൊന്ന് അമ്പരന്നെങ്കിലും ധൈര്യം കൈവിടാതെ കുതറിച്ചാടിയ പുലി പ്രത്യാക്രമണം തുടങ്ങി. പെരുമ്പാമ്പും വിട്ടുകൊടുക്കാൻ തയാറല്ലായിരുന്നു. പിന്നെ അവിടെ നടന്നത് പൊരിഞ്ഞ പോരാട്ടമാണ്. ഒടുവിൽ പുള്ളിപ്പുലിയുടെ ശൂരതയ്ക്കു മുന്നിൽ കീഴടങ്ങാനായിരുന്നു പാമ്പിന്റെ വിധി. കലിപ്പ് തീരാതെ പുലി പാമ്പിന്റെ തല കടിച്ചുകീറി. സഫാരി പാർക്കിലെത്തിയ സന്ദർശകരിൽ ഒരാൾ പകര്ത്തിയ ഈ പോരാട്ട വീഡിയോ ഇപ്പോൾ വൈറലായിക്കഴിഞ്ഞു.
Read More