കാറ്റി (ടെക്സസ്): നാഷണൽ സ്കൂൾ ബസ് സേഫ്റ്റി ആഘോഷത്തിന്റെ ഭാഗമായി ബസിൽ തിങ്ങി നിറഞ്ഞു നിൽക്കുന്ന ഇന്ത്യൻ വിദ്യാർഥികളുടെ ചിത്രം ഫെയ്സ്ബുക്കിലിട്ട കാറ്റി ഇൻഡിപെന്റണ്ട് സ്കൂൾ ഡിസ്ട്രിക്ട് പോലീസ് ഡിപ്പാർട്ട്മെന്റ് ഒടുവിൽ നടപടിയിൽ പരസ്യമായി മാപ്പപേക്ഷിച്ചു. ലോക്കൽ പോലീസ് ഡിപ്പാർട്ട്മെന്റിന്റെ പരസ്യം വിദ്യാർഥികളെ ആക്ഷേപിക്കുന്നതിന് തുല്യമാണെന്ന് കുട്ടികളുടെ മാതാപിതാക്കൾ പരാതിപ്പെട്ടതിനെ തുടർന്നാണ് സ്കൂൾ ഡിസ്ട്രിക്ട് അധികൃതർ മാപ്പപേക്ഷയുമായി രംഗത്തിറങ്ങിയത്. ചിത്രം പ്രസിദ്ധീകരിച്ചതിനു താഴെ ഓർക്കുക ഇതാണ് നാഷണൽ സ്കൂൾ സേഫ്റ്റി വീക്ക് എന്ന അടിക്കുറിപ്പാണ് മാതാപിതാക്കളെ കൂടുതൽ പ്രകോപിപ്പിച്ചത്. തിങ്ങിനിറഞ്ഞ ബസ്സിൽ യാത്ര ചെയ്താൽ ഉണ്ടാകുന്ന അപകടങ്ങളെക്കുറിച്ചു അവബോധം വളർത്തുന്നതിനാണ് ഈ ചിത്രം പ്രസിദ്ധീകരിച്ചതെന്ന് ലോക്കൽ പോലീസിന്റെ ന്യായീകരണം അംഗീകരിക്കാനാവാത്തതാണെന്നും ഇവർ അഭിപ്രായപ്പെട്ടു. വിദേശ വിദ്യാർഥികളെ തരം താഴ്ന്ന നിലയിൽ പ്രദർശിപ്പിക്കുന്നത്. ഇവിടെയുള്ള വിദ്യാർത്ഥികളുടെ മനസിക നിലയെ കാര്യമായി ബാധിക്കാൻ സാധ്യതയുണ്ടെന്ന് ഐഎസ്സി വിദ്യാർഥിയുടെ മാതാവ് അഭിപ്രായപ്പെട്ടു.…
Read MoreCategory: NRI
രണ്ടാം ഹിറ്റ്ലര്! മാലാഖ കുപ്പായത്തിനുള്ളിലെ ചെകുത്താൻ; ക്രൂരമായി കൊന്നുതള്ളിയത് 100 പേരെ
അഡോൾഫ് ഹിറ്റ്ലറിനു ശേഷം ജർമനി കണ്ട ഏറ്റവും ക്രൂരനായ കൂട്ടക്കൊലയാളി- നീൽസ് ഹോഗൽ. രോഗങ്ങളാൽ വലയുന്നവർക്ക് ആവശ്യമായ പരിചരണം നൽകി അവരെ ജീവിതത്തിലേക്ക് മടക്കിക്കൊണ്ടുവരേണ്ട ഒരു നഴ്സായിരുന്നു നീൽസ്. എന്നാൽ തന്റെ മുന്നിലെത്തുന്ന രോഗികൾക്ക് അപകടകരമായ അളവിൽ മരുന്നു നൽകി അവരെ മരണത്തിലേക്ക് തള്ളിവിടുകയായിരുന്നു ഇയാൾ ചെയ്തത്. ഇങ്ങനെ ഇയാൾ ക്രൂരമായി കൊന്നുതള്ളിയത് ഒന്നും രണ്ടും പേരെയല്ല-100 പേരെയാണ്.ആറു രോഗികളെ കൊലപ്പെടുത്തിയ കേസിൽ തടവുശിക്ഷ അനുഭവിക്കുന്നതിനിടയിലാണ് ഇയാൾ താൻ 100 പേരെ കൊന്നിട്ടുണ്ടെന്ന സത്യം വെളിപ്പെടുത്തിയത്. മാലാഖ കുപ്പായത്തിനുള്ളിലെ ചെകുത്താൻ 1976 ഡിസംബർ 30ന് ജർമനിയിലെ വിൽഹെംഷാവെൻ എന്ന സ്ഥലത്തായിരുന്നു നീൽസ് ഹോഗലിന്റെ ജനനം.1999ലാണ് നോർത്ത് ജർമനിയിലെ ഓൾഡെൻബർഗ് എന്ന സ്ഥലത്തുള്ള ഒരു ആശുപത്രിയിൽ നീൽസ് ഹോഗൽ നഴ്സായി ജോലിയിൽ പ്രവേശിക്കുന്നത്. ഇവിടെ ജോലി ചെയ്തുകൊണ്ടിരിക്കുന്പോൾത്തന്നെ അടുത്തുള്ള ക്ലിനിക്കുകളിലും ഇയാൾ ജോലിക്കു പോയിരുന്നു. 2005ൽ നീൽസിനൊപ്പം ജോലി…
Read Moreബസ് ഡ്രൈവറും യാത്രക്കാരിയും കൈയാങ്കളി; നിയന്ത്രണം നഷ്ടമായ ബസ് നദിയിലേക്ക് മറിഞ്ഞ് പതിമൂന്ന് മരണം
യാത്രക്കാരിയും ബസ് ഡ്രൈവറും തമ്മിലുണ്ടായ കൈയാങ്കളിയെ തുടർന്ന് നിയന്ത്രണം നഷ്ടമായ ബസ് നദിയിലേക്കു മറിഞ്ഞു വീണ് പതിമൂന്ന് പേർ കൊല്ലപ്പെട്ടു. ചൈനയിലാണ് സംഭവം. താൻ ഇറങ്ങേണ്ട സ്റ്റോപ്പിൽ ബസ് നിർത്താതിരുന്നതിനെ തുടർന്നാണ് യാത്രക്കാരി ഡ്രൈവറിനോട് കയർത്തത്. സംസാരത്തിനൊടുവിൽ ഇവർ ഡ്രൈവറെ തന്റെ കൈയിലിരുന്ന ഫോണ് ഉപയോഗിച്ച് മർദ്ദിക്കുകയായിരുന്നു. ഡ്രൈവറും ഇവരെ തിരിച്ചു മർദ്ദിച്ചു. മാത്രമല്ല ഇവരുടെ കൈ തടയാനും ശ്രമിച്ചു. ഈ സമയം ഇദ്ദേഹത്തിന് ബസിന്റെ നിയന്ത്രണം നഷ്ടപ്പെടുകയും മുമ്പിൽ വന്ന കാറിൽ ഇടിച്ചതിനു ശേഷം ബസ് പാലത്തിന്റെ കൈവരി തകർത്ത് യാംഗ്ത്സെ നദിയിലേക്ക് കൂപ്പു കുത്തുകയുമായിരുന്നു. ബസിനുള്ളിലുണ്ടായിരുന്ന 13 പേർ മരിച്ചു രണ്ടു പേരെ കണ്ടെത്താനുമുണ്ടെന്നാണ് പോലീസ് പറയുന്നത്. രണ്ടു പേർ തമ്മിലുണ്ടായ പ്രശ്നം ഒരു പാട് പേർക്ക് ദുരിതം വരുത്തി വച്ച സംഭവമറിഞ്ഞ് ഞെട്ടിയിരിക്കുകയാണ് ഏവരും.
Read Moreസർക്കസ് പരിപാടിക്കിടെ നാലു വയസുകാരിയെ സിംഹം ആക്രമിച്ചു; വീഡിയോ വൈറല്
സർക്കസ് ഷോയ്ക്കിടെ സിംഹം നാലു വയസുകാരിയെ ആക്രമിക്കുന്നതിന്റെ ദൃശ്യങ്ങൾ പുറത്ത്. റഷ്യയിലാണ് സംഭവം. പരിപാടി നടന്നു കൊണ്ടിരിക്കെ സുരക്ഷാവലയത്തിനു സമീപം നിൽക്കുകയായിരുന്ന കുട്ടിയുടെ നേർക്ക് പാഞ്ഞടുത്ത സിംഹം കുട്ടിയെ വേദിയിലേക്ക് വലിച്ചിടുവാൻ ശ്രമിക്കുകയായിരുന്നു. ആക്രമണത്തിൽ കുട്ടിയുടെ മുഖത്തിനാണ് പരിക്കേറ്റിരിക്കുന്നത്. ആശുപത്രിയിൽ പ്രവേശിപ്പിച്ചിരിക്കുന്ന കുട്ടിയുടെ പരിക്ക് ഗുരുതരമല്ലെന്നാണ് അറിയുവാൻ സാധിക്കുന്നത്. സമാനമായ സംഭവങ്ങൾ റഷ്യയിൽ തുടർച്ചയായി റിപ്പോർട്ട് ചെയ്യുന്ന സാഹചര്യത്തിൽ അധികൃതർ അന്വേഷണത്തന് ഉത്തരവിട്ടിട്ടുണ്ട്.
Read Moreമദ്യപിച്ച് ബോധം നഷ്ടപ്പെട്ടു; പറന്നുയർന്ന വിമാനത്തിനുള്ളിൽ എയർപോർട്ട് ജീവനക്കാരൻ കിടന്നുറങ്ങിയത് രണ്ടു മണിക്കൂർ
ജോലിക്കിടെ മദ്യപിച്ച് വിമാനത്തിനുള്ളിൽ ഉറങ്ങിപ്പോയ വിമാനത്താവള ജീവനക്കാരനെയും കൊണ്ട് വിമാനം രണ്ടുമണിക്കൂർ പറന്നു. അമേരിക്കയിലെ കാൻസാസിലാണ് സംഭവം. യാത്രക്കാരുടെ ബാഗുകൾ വിമാനത്തിൽ കയറ്റിവയ്ക്കുന്ന ജോലിയാണ് അദ്ദേഹം ചെയ്യുന്നത്. ജോലിക്കിടെയിൽ ഇദ്ദേഹം ആരും കാണാതെ വിമാനത്തിനുള്ളിലിരുന്ന് മദ്യപിക്കുകയായിരുന്നു. അൽപ്പ സമയത്തിനു ശേഷം ഇദ്ദേഹം വിമാനത്തിലെ ബാഗുകൾ വയ്ക്കുന്ന സ്ഥലത്ത് കിടന്ന് ഉറങ്ങുകയും ചെയ്തു. എന്നാൽ ഇദ്ദേഹത്തെ കാണാതായ വിവരം ആരും അറിഞ്ഞില്ല. പിന്നീട് ഇദ്ദേഹവുമായി വിമാനം ഇവിടെ നിന്നും പറന്നുയർന്നു. രണ്ടു മണിക്കൂറിനുശേഷം വിമാനം ചിക്കാഗോയിൽ പറന്നിറങ്ങിയപ്പോഴാണ് അദ്ദേഹത്തിന് ബോധം വീണത്. പിന്നീട് ഇദ്ദേഹം പോലീസിന്റെ പിടിയിലുമായി. ചോദ്യം ചെയ്തപ്പോൾ താൻ നന്നായി മദ്യപിച്ചിരുന്നുവെന്നും അതിനാലാണ് വിമാനത്തിൽ കിടിന്നുറങ്ങിയതെന്നും അദ്ദേഹം പോലീസിനോടു പറഞ്ഞു. 23 വയസുകാരനായ അദ്ദേഹത്തിനു മേൽ പോലീസ് കുറ്റമൊന്നും ചുമത്തിയിട്ടില്ലെങ്കിലും വിമാന കമ്പനി അദ്ദേഹത്തെ ജോലിയിൽ നിന്നും സസ്പെൻഡ് ചെയ്തു.
Read Moreകിലോമീറ്ററുകൾ താണ്ടി ഒരു കടുവയാത്ര
പുതിയ സാമ്രാജ്യം കണ്ടെത്താൻ വന്യജീവികൾ ദീർഘദൂരം സഞ്ചാരിക്കാറുണ്ട്. എന്നാൽ, അതിനായി ഏറ്റവും കുറഞ്ഞ സമയത്തിനുള്ളിൽ കൂടുതൽ ദൂരം യാത്ര നടത്തിയെന്ന റിക്കാർഡ് ഒരു യുവ കടുവയ്ക്കാണ്. മഹാരാഷ്ട്രയിലെ ചന്ദ്രപുർ സൂപ്പർ തെർമൽ പവർ സ്റ്റേഷൻ പരിധിയിൽനിന്ന് മധ്യപ്രദേശിലെ ബെതുൽ ജില്ലയിലേക്ക് 350 കിലോമീറ്റർ ദൂരമാണ് ഈ ആണ്കടുവ സഞ്ചരിച്ചത്. കടുവ ഇപ്പോഴും സഞ്ചരിച്ചുകൊണ്ടിരിക്കുകയാണെന്നാണ് വിദഗ്ധർ നല്കുന്ന റിപ്പോർട്ട്. നിരവധി പ്രതിബന്ധങ്ങൾ മറികടന്നാണ് കടുവയുടെ പ്രയാണം. തിരക്കേറിയ അമരാവതി-നാഗ്പുർ നാഷണൽ ഹൈവേ കുറുകെ കടന്ന്, കൃഷിസ്ഥലങ്ങളിലൂടെ സഞ്ചരിച്ച്, ഗ്രാമീണ പാതകൾ പിന്നിട്ട് കനാലുകൾ നീന്തിക്കടന്നാണ് കടുവ മധ്യപ്രദേശിലെ ബെതുൽ ജില്ലയിലെത്തിയത്. ഈ യാത്രയ്ക്കിടെ ഭക്ഷണത്തിനായി നിരവധി വളർത്തുമൃഗങ്ങളെ വേട്ടയാടിയ കടുവ രണ്ടു മനുഷ്യരെ കൊല്ലുകയും ചെയ്തിരുന്നു. അതുകൊണ്ടുതന്നെ ഫോറസ്റ്റ് ഉദ്യോഗസ്ഥരുടെ കണ്ണ് കടുവയുടെ പിന്നാലെയുണ്ട്. ചന്ദ്രപുർ സൂപ്പർ തെർമൽ പവർ സ്റ്റേഷനു സമീപമുള്ള വനത്തിൽ ജനിച്ച നാലു കടുവക്കുഞ്ഞുങ്ങളിൽ…
Read Moreചോറിവിടെയും കൂറ് അവിടെയും..! പൊതുവേദിയിൽ ആപ്പിൾ ഐഫോണ് ഉപയോഗിച്ച സാംസംഗ് അംബാസഡർക്ക് പിഴ
പൊതുവേദിയിൽ ആപ്പിൾ ഐഫോണുമായി പ്രത്യക്ഷപ്പെട്ട സാംസംഗ് ബ്രാൻഡ് അംബാസിഡർക്ക് 1.6 മില്യണ് ഡോളർ പിഴ. സാംസംഗിന്റെ റഷ്യൻ ബ്രാൻഡ് ആംബാസിഡറായ കസീന സോബ്ചാകിയിൽ നിന്നുമാണ് കമ്പനി ഇത്രയും തുക പിഴ ഈടാക്കിയത്. റിയാലിറ്റി ഷോ താരവും രാഷ്ട്രീയ നേതാവുമായ ഇവർ ഒരു അഭിമുഖത്തിലാണ് കൈയിൽ ഐഫോണുമായി പ്രത്യക്ഷപ്പെട്ടത്. തന്റെ കൈവശമിരിക്കുന്നത് ഐഫോണാണെന്ന് ആരും കാണാതിരിക്കുവാൻ ഒരു കടലാസ് ഉപയോഗിച്ച് ഫോണ് മറച്ചു പിടിക്കുന്നത് സോഷ്യൽമീഡിയയിൽ പ്രചരിക്കുന്ന ചിത്രത്തിൽ വ്യക്തമാണ്.
Read Moreസൗദിയില് നഴ്സുമാര്ക്ക് സുവര്ണാവസരം; അപേക്ഷിക്കേണ്ട അവസാന തീയതി നവംബര് 10
തിരുവനന്തപുരം: സൗദി അറേബ്യൻ ആരോഗ്യമന്ത്രാലയത്തിന്റെ കീഴിൽ റിയാദിലുള്ള കിംഗ് ഫഹദ് മെഡിക്കൽ സിറ്റി ആശുപത്രിയിലേക്ക് ഒഡെപെക് നഴ്സുമാരെ റിക്രൂട്ട് ചെയ്യുന്നു. ഇന്േറണ്ഷിപ്പ് കൂടാതെ മൂന്നു വർഷത്തിൽ കുറയാത്ത സേവന പരിചയമുള്ള ബിഎസ്സി/എംഎസ്സി/പിഎച്ച്ഡി നഴ്സുമാർക്കാണ് (സ്ത്രീകൾ മാത്രം) നിയമനത്തിനു യോഗ്യതയുണ്ടാവുക. ഇതിനുള്ള ഇന്റർവ്യൂ നവംബർ 19, 20, 21, 22, 23 തിയതികളിൽ ഡൽഹിയിൽ നടത്തും. ഉദ്യോഗാർഥികൾ വിശദവിവരങ്ങൾ അടങ്ങിയ ബയോഡേറ്റ ഒഡെപെക് വെബ്സൈറ്റിൽ കൊടുത്തിരിക്കുന്ന മാതൃകയിൽ നവംബർ പത്തിനകം [email protected] എന്ന ഇമെയിൽ വിലാസത്തിൽ അയക്കണം. വെബ്സൈറ്റ്: www.odepc.kerala.gov.in
Read Moreഒടുവില് കുറ്റസമ്മതം നടത്തി! 100 പേരെ കൊന്നുവെന്നു ജർമൻ നഴ്സ്
ബർലിൻ: ജർമനിയിൽ രണ്ടു രോഗികൾക്ക് ദയാവധം സ്വയം നടപ്പാക്കിയതിന്റെ പേരിൽ ജീവപര്യന്തം തടവിന് ശിക്ഷിക്കപ്പെട്ട് ജയിലിൽ കഴിയുന്ന മെയിൽ നഴ്സ് നൂറിലധികം രോഗികളെ കൊലപ്പെടുത്തിയെന്ന് കോടതിയിൽ സമ്മതിച്ചു. ജർമൻ നഗരമായ ബ്രെമ്മനിലെ ഡെൽമെൻഹോർസ്റ്റ് ആശുപത്രിയിലെ ഇന്റൻസീവ് വിഭാഗത്തിലെ മെയിൽ നഴ്സായ നാൽപ്പത്തിയൊന്നുകാരൻ നീൽസ് ഹോഗൽ എന്നയാളാണ് 2015 ഫെബ്രുവരിയിൽ രണ്ടു കൊലപാതകത്തിന്റെ പേരിൽ ശിക്ഷിയ്ക്കപ്പെട്ടത്. ഹൃദയാഘാതമോ രക്തചംക്രമണതടസം മൂലമോ മരണം സംഭവിയ്ക്കുന്ന മരുന്ന് അമിതമായി കുത്തിവച്ചാണ് നീൽസ് രോഗികൾക്ക് ദയാവധം നൽകിയരുന്നതെന്നു കണ്ടെത്തിയതിനെ തുടർന്നാണ് കോടതി ശിക്ഷിച്ചത്. എന്നാൽ ഈ കേസിനെ സംബന്ധിച്ചുള്ള പുതിയ അന്വേഷണത്തിൽ 90 ലധികം രോഗികളെ ഇയാൾ കൊന്നിട്ടുണ്ടെന്നാണ് അന്വേഷ ഉദ്യോഗസ്ഥന്റെ ഇപ്പോഴത്തെ കണ്ടെത്തൽ ഒടുവിൽ കോടതിയിൽ വിചാരണയ്ക്കെടുത്തപ്പോൾ നൂറുപേരെ കൊന്നുവെന്നാണ് പ്രതി കുറ്റസമ്മതം നടത്തിയിരിയ്ക്കുന്നത്. ഇതിനെല്ലാം തെളിവുകളും ലഭിച്ചതായി അന്വേഷണച്ചുമതലയുള്ള മുഖ്യപോലീസ് മേധാവി മാധ്യമങ്ങളെ അറിയിച്ചു. കുറഞ്ഞത് 130 പേരെങ്കിലും നഴ്സിന്റെ…
Read Moreപെരുമ്പാമ്പ് പിടികൂടിയ കുരങ്ങൻ കഴുതപ്പുലികളുടെ ഭക്ഷണമായി; ദൃശ്യങ്ങള് വൈറലാകുന്നു
പെരുമ്പാമ്പ് കഷ്ടപ്പെട്ട് പിടികൂടിയ കുരങ്ങനെ കഴുതപ്പുലികൾ തട്ടിക്കൊണ്ടുപോയി. ദക്ഷിണാഫ്രിക്കയിലെ ലണ്ടലോസി വന്യജീവി സങ്കേതത്തിലാണ് സംഭവം. പെരുമ്പാമ്പ് ഒരു വിധത്തിലാണ് കുരങ്ങനെ പിടികൂടിയത്. കുരങ്ങന്റെ ശരീരത്തിൽ വലിഞ്ഞ് മുറുക്കി മരണമുറപ്പാക്കിയതിനു ശേഷം ഭക്ഷിക്കുവാൻ ആരംഭിച്ചപ്പോഴാണ് കഴുതപ്പുലികളുടെ അരങ്ങേറ്റം. മൂന്ന് കഴുതപ്പുലികളോട് തനിക്ക് ഒറ്റക്ക് ഏറ്റുമുട്ടാൻ സാധിക്കില്ലെന്നു മനസിലാക്കിയ പെരുമ്പാമ്പ് ഇരയെ ഉപേക്ഷിച്ച് സ്ഥലത്തു നിന്നും തടിതപ്പുകയായിരുന്നു. പിന്നീട് കുരങ്ങനെ കടിച്ചെടുത്ത് കഴുതപ്പുലികളും ഇവിടെ നിന്നു പോയി. ഇവിടെ സന്ദർശനത്തിനെത്തിയ ഒരാളാണ് ഈ ദൃശ്യങ്ങൾ പകർത്തിയത്.
Read More