കാറുമായി കൂട്ടിയിടിച്ച് മറിഞ്ഞ പെട്ടി ഓട്ടോയുടെ അടിയിൽ കുടുങ്ങിയ ഡ്രൈവർക്കു തുണയായി വഴിയാത്രികർ. ചൈനയിലെ സിബോ സിറ്റിയിലാണ് സംഭവം. ട്രാഫിക് സിഗ്നൽ തെറ്റിച്ച് മുമ്പോട്ട് വന്ന പെട്ടിയോട്ടോയിൽ മറുദിശയിൽ നിന്നും വന്ന കാറ് ഇടിക്കുകയായിരുന്നു. തുടർന്ന് ഡ്രൈവർ പെട്ടി ഓട്ടോയുടെ അടിയിൽ കുടുങ്ങി പോകുകയും ചെയ്തു. ഉടൻ തന്നെ ഓടിയെത്തിയ സമീപമുണ്ടായിരുന്ന യാത്രികർ പെട്ടി ഓട്ടോ ഉയർത്തി ഡ്രൈവറെ രക്ഷിക്കുകയും ചെയ്തു. എന്നാൽ ഈ സമയവും എഞ്ചിൻ ഓണ് ആയിരുന്നതിനാൽ വാഹനം വീണ്ടും മുമ്പോട്ട് പോകുകയായിരുന്നു. സമീപമുണ്ടായിരുന്ന ഒരാൾ ഈ വാഹനം നിർത്തുവാൻ ശ്രമിച്ചുവെങ്കിലും പരാജയപ്പെടുകയായിരുന്നു. അപകടത്തിൽ പരിക്കേറ്റ ഡ്രൈവർ ചികിത്സയിലാണ്.
Read MoreCategory: NRI
കൂടിനുള്ളിൽ കിടക്കുന്ന സിംഹത്തെ കല്ലെറിഞ്ഞ് സന്ദർശകർ; അമ്പരപ്പിക്കുന്ന സംഭവം ചൈനയിൽ
മൃഗശാലയിലെ കൂടിനുള്ളിൽ കിടക്കുന്ന സിംഹത്തിനു നേർക്ക് സന്ദർശകർ കല്ലെറിയുന്നതിന്റെ വീഡിയോ ദൃശ്യങ്ങൾ സാമൂഹ്യമാധ്യമങ്ങളിൽ വ്യാപകമായി പ്രചരിക്കുന്നു. ബെയ്ജിംഗിലെ വൈൽഡ് ലൈഫ് പാർക്കിലാണ് ഏവരെയും അമ്പരപ്പിച്ച സംഭവം നടന്നത്. കൂടിനുള്ളിൽ ശാന്തരായി കിടക്കുന്ന സിംഹങ്ങൾക്കു നേർക്ക് ഒരാൾ കല്ലെടുത്തെറിയുമ്പോൾ സമീപം നിന്ന് ഈ ദൃശ്യങ്ങൾ പകർത്തുന്ന യുവതി സമീപത്തുള്ള മറ്റൊരു സിംഹത്തെയും കല്ലെറിയുവാൻ നിർദ്ദേശിക്കുന്നത് വീഡിയോയിൽ കാണാം. ചൈനയിലെ സാമൂഹ്യമാധ്യമങ്ങളിൽ ഈ വീഡിയോ വൈറലായതിനെ തുടർന്ന് ഇവരുടെ പ്രവൃത്തിയെ വിമർശിച്ച് നിരവധിയാളുകൾ രംഗത്തെത്തിയിരിക്കുകയാണ്. ഇതിനു മുമ്പും മൃഗശാലയിൽ സന്ദർശനത്തിനെത്തിയ ആളുകൾ മൃഗങ്ങളെ ആക്രമിച്ച സംഭവം ചൈനയിൽ ഉണ്ടായിട്ടുണ്ട്.
Read Moreപാസ്പോർട്ട് ലഭിക്കണമെങ്കിൽ മതം മാറണം; ദന്പതികളെ അപമാനിച്ച് ഉദ്യോഗസ്ഥൻ
ലക്നോ: പാസ്പോർട്ട് പുതുക്കി കിട്ടാൻ മതം മാറണമെന്നു പാസ്പോർട്ട് സേവാ കേന്ദ്രത്തിലെ ഉദ്യോഗസ്ഥൻ ആവശ്യപ്പെട്ടതായി ആരോപണം. ലക്നോവിലെ പാസ്പോർട്ട് സേവാ കേന്ദ്രത്തിലെത്തിയ മുഹമ്മദ് അനസ് സിദ്ധിഖിക്കും ഭാര്യ തൻവി സേഥിനുമാണ് പാസ്പോർട്ട് ഓഫീസിലെ ഉദ്യോഗസ്ഥനിൽനിന്ന് ദുരനുഭവമുണ്ടായത്. ബുധനാഴ്ചയാണ് സംഭവം അരങ്ങേറുന്നത്. പാസ്പോർട്ടിനായി അപേക്ഷ സമർപ്പിച്ചതായിരുന്നു ദന്പതികൾ. തൻവിയുടെ രേഖകൾ പരിശോധിക്കുന്നതിനിടെ പേരുമാറ്റണമെന്നും അല്ലെങ്കിൽ അപേക്ഷ നിരസിക്കപ്പെടുമെന്നും വികാസ് മിശ്ര എന്ന ഉദ്യോഗസ്ഥൻ പറഞ്ഞു. ഇതിനു വിസമ്മതിച്ചതോടെ വികാസ് എല്ലാവരും കാണ്കെ തൻവിയോടു മോശമായി സംസാരിച്ചു. തുടർന്ന് ഇയാൾ അനസിനോടും തട്ടിക്കയറി. ഫയൽ തടഞ്ഞുവച്ചശേഷം വികാസ് തങ്ങളെ അഡീഷനൽ പാസ്പോർട്ട് ഓഫീസറുടെ അടുത്തേക്ക് അയച്ചെന്നും അദ്ദേഹം വളരെ മാന്യതയോടെയാണ് പെരുമാറിയതെന്നും തൻവി പറയുന്നു. വിവാഹം കഴിച്ചതിനുശേഷവും ഭർത്താവിന്റെ പേര് തന്റെ പേരിനോടൊപ്പം ചേർക്കാത്തതിന് അയാൾ രോഷം കൊണ്ടു. വിവാഹം കഴിഞ്ഞാൽ പേര് മാറ്റേണ്ടത് തന്റെ ഉത്തരവാദിത്തമാണെന്ന് ഉദ്യോഗസ്ഥൻ പറഞ്ഞു.…
Read Moreമൈക്കിൾ ജാക്സൺ വളർത്തിയിരുന്ന ആന മൃഗശാലയിൽ നിന്ന് ചാടിപ്പോയി
പോപ് ഇതിഹാസം മൈക്കിൾ ജാക്സണിന്റെ വളർത്തുമൃഗമായിരുന്ന അലി എന്ന ആന മൃഗശാലയിൽനിന്ന് ചാടിപ്പോയി. ഫ്ളോറിഡയിലെ ജാക്സണ്വിൽ മൃഗശാലയിലായിരുന്നു സംഭവം. ആനയെ പാർപ്പിച്ചിരുന്ന സ്ഥലത്തെ ഗേറ്റ് അബദ്ധത്തിൽ ആരോ തുറന്നിടുകയായിരുന്നു. ഈ ഗേറ്റിലൂടെ പുറത്തിറങ്ങിയ ആന സമീപത്തുള്ള മൃഗങ്ങളെയെല്ലാം നടന്നു കണ്ടു. ആന ചാടിപ്പോയെന്ന് മനസിലാക്കിയ മൃഗശാല അധികൃതർ ഉടൻതന്നെ ഭക്ഷണം കാട്ടി മയക്കി അലിയെ അതിന്റെ താമസസ്ഥലത്ത് തിരിച്ചെത്തിച്ചു. മൈക്കിൾ ജാക്സണ് ജീവിച്ചിരുന്ന സമയത്ത് അദ്ദേഹത്തിന്റെ വസതിയോട് ചേർന്ന് ഒരു സ്വകാര്യ മൃഗശാല സ്ഥാപിച്ചിരുന്നു. കടുവയും ചിന്പാൻസിയും അടക്കം നിരവധി മൃഗങ്ങൾ അവിടെയുണ്ടായിരുന്നു. 2009ൽ മൈക്കിൾ ജാക്സണ് മരിക്കുന്നതിനുമുന്പുതന്നെ ഇവയെ പൊതുമൃഗശാലകൾക്ക് കൈമാറിയിരുന്നു. ഇത്തരത്തിൽ ജാക്സണ്വിൽ മൃഗശാലയിൽ എത്തിയ ആനയാണ് അലി. മൈക്കിൾ ജാക്സണിന്റെ പ്രിയപ്പെട്ട വളർത്തുമൃഗങ്ങളിൽ ഒന്നായിരുന്നു ഈ ആന. മര്യാദക്കാരനായ അലി പുറത്തുചാടിയെങ്കിലും കുസൃതി ഒന്നും ഒപ്പിച്ചില്ലെന്ന് അലിയുടെ ട്രെയിനർ പറഞ്ഞു.
Read Moreഈ വഴി സ്മാർട്ട്ഫോൺ അടിമകൾക്കു മാത്രം
ലോകത്തെ എല്ലാ നഗരങ്ങളിലും കാൽനടയാത്രക്കാർക്ക് പ്രത്യേക പാത ഒരുക്കിയിട്ടുണ്ട്. എന്നാൽ, ഉത്തരചൈനയിലെ ഷിയാൻ സിറ്റിയിലെ നടപ്പാത അല്പം വ്യത്യസ്തമാണ്. സ്മാർട്ട്ഫോണിൽ കണ്ണുനട്ട് നടക്കുന്നവർക്കുവേണ്ടിയുള്ളതാണ് ഈ പാത. നൂറു മീറ്റർ നീളവും ഒരു മീറ്റർ വീതിയുമുള്ള പാതയിൽ സ്മാർട്ട്ഫോൺ ഇക്കൂട്ടർക്കു മാത്രമേ നടക്കാൻ അനുമതിയുള്ളൂ. പാതയിൽ സ്മാർട്ട്ഫോൺ അടിമകൾക്കു മാത്രം എന്ന അറിയിപ്പും എഴുതിയിട്ടുണ്ട്. മറ്റു പാതകളിൽനിന്നു തിരിച്ചറിയുന്നതിനായി പച്ച നിറമാണ് ഈ നടപ്പാതയ്ക്ക് നല്കിയിട്ടുള്ളത്. ഷോപ്പിംഗ് മാളിന്റെ മുന്നിലാണ് ഈ പാത. അതിനാൽത്തന്നെ ഈ നടപ്പാതയിലെ യാത്രക്കാർക്ക് ബുദ്ധിമുട്ടുണ്ടാക്കാതെ വാഹനങ്ങൾ വഴിതിരിച്ചുവിടാൻ പ്രത്യേകം സെക്യൂരിറ്റി ഗാർഡുമാരെയും നിയോഗിച്ചിട്ടുണ്ട്. അതേസമയം മറ്റു നടപ്പാതകളിലൂടെ നടക്കുന്നവർക്ക് മൊബൈൽ ഫോൺ ഉപയോഗിക്കുന്നതിൽ വിലക്കുമുണ്ട്. ചൈനയിൽ അടുത്തകാലത്ത് റോഡുകളിൽ സ്മാർട്ട്ഫോൺ ഉപയോഗിക്കുന്നവരുടെ എണ്ണം ഉയർന്നിട്ടുണ്ട്. ഇതാണ് ഇത്തരത്തിലൊരു നീക്കത്തിന് കാരണം. കഴിഞ്ഞ വർഷം റോഡ് മുറിച്ചുകടക്കുന്നതിനിടെ ഒരു കൊച്ചുകുട്ടിയെ കാർ ഇടിച്ചുതെറിപ്പിച്ചിരുന്നു.…
Read Moreഇനിയും പിടികൊടുക്കാതെ ബെയ്ലിയുടെ നിധി ശേഖരം
ലോകത്തിന്റെ വിവിധ ഭാഗങ്ങളിൽനിന്നുള്ള സാഹസികർ, പുരാവസ്തുഗവേഷകർ, ലിപി വിദഗ്ധർ എന്തിനേറെപ്പറയുന്നു സാക്ഷാൽ അമേരിക്കൻ ആർമി പോലും തോൽവി സമ്മതിച്ച ചരിത്രമാണ് ഈ നിധിശേഖരത്തിനുള്ളത്. പറഞ്ഞുവരുന്നത് ബെയ്ലിയുടെ നിധിശേഖരത്തെക്കുറിച്ചാണ്. 19ാം നൂറ്റാണ്ടിൽ ജീവിച്ചിരുന്ന തോമസ് ജെ ബെയ്ലി ന്യൂമെക്സിക്കോ- കൊളറാഡോ അതിർത്തിയിൽനിന്നു കണ്ടെത്തിയതാണ് ഈ നിധിശേഖരം. തുടർന്ന് അദ്ദേഹം തന്റെ ജന്മ സ്ഥലമായ വെർജീനിയിലേക്ക് ഈ നിധി ശേഖരം എത്തിക്കുകയായിരുന്നു. നിധി ലഭിച്ച വിവരം ആരെയുമറിയിക്കാതെ,അതീവ രഹസ്യമായാണ് അദ്ദേഹം നിധി സൂക്ഷിച്ചുവച്ചത്. അദ്ദേഹത്തിന്റെ മരണം വരെ ഇക്കാര്യം അരും അറിഞ്ഞതുമില്ല. എന്നാൽ ബെയ്ലി നേരത്തെ തയാറാക്കിവച്ചിരുന്ന വിൽപ്പത്രം അദ്ദേഹത്തിന്റെ മരണ ശേഷം പുറത്തായതോടെ നിധിയുടെ കാര്യം പുറം ലോകമറിഞ്ഞു. താൻ കണ്ടെത്തിയ നിധി പ്രത്യേക സ്ഥലത്ത് സൂക്ഷിച്ചിട്ടുണ്ടെന്നും അതു കണ്ടെത്താൻ കഴിയുന്ന ആർക്കും നിധി അവകാശമാക്കാമെന്നുമാണ് വിൽപ്പത്രത്തിൽ എഴുതിയിരുന്നത്. നിധി സൂക്ഷിച്ചിരിക്കുന്ന സ്ഥലത്തെക്കുറിച്ചു സൂചന നൽകുന്ന രഹസ്യ ഭാഷയിലുള്ള…
Read Moreആൾത്താമസമില്ലാത്ത വീട്ടിൽ നിന്ന് ഒരു കുടം സ്വർണനാണയം കണ്ടെത്തി
വർഷങ്ങളായി ആൾത്താമസമില്ലാതിരുന്ന വീട്ടിൽനിന്ന് ഒരു കുടം സ്വർണം കണ്ടെത്തി. ഫ്രാൻസിലെ ക്രുംപെറിലായിരുന്നു സംഭവം. വീട് പൊളിച്ചുനീക്കാനെത്തിയ സംഘമാണ് വീടിന്റെ സ്റ്റോർ റൂമിൽനിന്ന് നിധി കണ്ടെത്തിയത്. ഈയംകൊണ്ടുണ്ടാക്കിയ ഒരു കുടത്തിനുള്ളിലായിരുന്നു സ്വർണനാണയങ്ങൾ സൂക്ഷിച്ചിരുന്നത്. 1870 ൽ പുറത്തിറക്കിയ 600 ബെൽജിയം സ്വർണനാണയങ്ങളാണ് കുടത്തിനുള്ളിലുണ്ടായിരുന്നത്. ഇതിന്റെ യഥാർഥ മൂല്യം കണക്കാക്കിയിട്ടില്ല. നിധി കണ്ടെടുത്തവർ അത് പോലീസിന് കൈമാറി. ഫ്രാൻസിലെ നിയമമനുസരിച്ച് ഇത്തരത്തിലുള്ള പഴയ നിധികൾ കണ്ടെത്തിയാൽ അതിൽ പകുതി നിധി ഇരുന്ന സ്ഥലത്തിന്റെ ഉടമസ്ഥനും ബാക്കി പകുതി നിധി കണ്ടെടുത്തയാൾക്കും അവകാശപ്പെട്ടതാണ്. ഇപ്പോൾ കിട്ടിയിരിക്കുന്ന നിധിക്ക് കുറഞ്ഞത് ഒരു കോടി രൂപയുടെ മൂല്യമുണ്ടെന്നാണ് കരുതുന്നത്.
Read Moreകിമ്മിന് പേടി..! സിംഗപ്പൂരിലെത്തിയത് സഞ്ചരിക്കുന്ന ടോയ്ലറ്റുമായി
സിംഗപ്പൂർ സിറ്റി: അമേരിക്കൻ പ്രസിഡന്റ് ഡോണൾഡ് ട്രംപുമായുള്ള ചരിത്ര കൂടിക്കാഴ്ചയ്ക്കായി ഉത്തരകൊറിയൻ ഏകാധിപതി കിം ജോംഗ് ഉൻ സിംഗപ്പൂരിലെത്തിയത് സഞ്ചരിക്കുന്ന ടോയ്ലറ്റുമായി. വിദേശരാജ്യങ്ങളിലെ ചാരസംഘടനകൾ തന്റെ ആരോഗ്യ വിവരങ്ങൾ ശേഖരിക്കാതിരിക്കുന്നതിനാണ് സഞ്ചരിക്കുന്ന ടോയ്ലറ്റുമായി കിം എത്തിയതെന്ന് ദക്ഷിണ കൊറിയൻ മാധ്യമം റിപ്പോർട്ട് ചെയ്തു. ഞായറാഴ്ച ചൈനീസ് പ്രധാനമന്ത്രി ലി കെചിയാംഗിന്റെ സ്വകാര്യ ജറ്റ് വിമാനത്തിലാണു കിം സിംഗപ്പൂരിലെത്തിയത്. സെന്റ് റീജിസ് ഹോട്ടലിലാണ് കിം തങ്ങുന്നത്. ട്രംപ് ഷാംഗ്രില ഹോട്ടലിലും. ഇതിനുമുന്പ് കിം രണ്ടുതവണമാത്രമാണ് വിദേശയാത്ര നടത്തിയിട്ടുള്ളത്. രണ്ടും പ്രത്യേക ട്രെയിനിൽ ബെയ്ജിംഗിലേക്കായിരുന്നു.
Read Moreഉമ്മായ്ക്ക് വസ്ത്രം വാങ്ങാത്ത മകൻ എന്ന പേര് നാലുവർഷങ്ങളായി എന്നെ വേട്ടയാടുന്നു; ഫേസ്ബുക്കിൽ വിങ്ങിപ്പൊട്ടി പ്രവാസി മലയാളി
തെറ്റുകളും അബദ്ധങ്ങളും സംഭവിക്കാത്തവരായി ആരുമില്ല. ഇത് മനസിലാക്കി തിരുത്തി പ്രായ്ച്ഛിത്തം ചെയ്യ്ത് വീണ്ടും ആവർത്തിക്കാതിരിക്കുവാൻ ശ്രമിക്കുമ്പോഴാണ് ഓരോരുത്തരും മനുഷ്യരാകുന്നത്. എന്നാൽ തന്റെ ഭാഗത്തു നിന്നുണ്ടായ ഒരു വീഴ്ച്ചയുടെ പ്രതിഫലമായി സമൂഹത്തിന്റെ പരിഹാസ ചിരിയേറ്റ് പൊള്ളുകയാണ് പ്രവാസി മലയാളിയായ മുജീബ് എന്ന യുവാവ്. 2014 റമസാനിൽ നാട്ടിൽ അവധിക്കു വന്ന സമയത്താണ് മുജീബിന്റെ ജീവിതത്തിലെ ആ കറുത്ത ദിനം. പെരുന്നാളിന് വസത്രമെടുക്കുവാനായി സുഹൃത്തിന്റെ കടയിൽ എത്തിയപ്പോൾ ഭാര്യയ്ക്കും മക്കൾക്കുമൊപ്പം അദ്ദേഹം ഉമ്മയേയും ഒപ്പം കൂട്ടിയിരുന്നു. ഭാര്യയ്ക്കും കുട്ടികൾക്കും വസ്ത്രം വാങ്ങിയ മുജീബ് അമ്മയ്ക്ക് വസ്ത്രം വാങ്ങിയില്ല. പണം നൽകുവാനായി ഉടമയുടെ അടുക്കലെത്തിയപ്പോൾ അദ്ദേഹം ചോദിച്ചു ഉമ്മയ്ക്ക് വസ്ത്രം എടുക്കുന്നില്ലെയെന്ന്. ഉമ്മയ്ക്ക് എന്തിനാണ് ഞാൻ വസ്ത്രം എടുക്കുന്നത്. . അതിന് വേറെയും മക്കളുണ്ടല്ലോ എന്നായിരുന്നു ഈ ചോദ്യത്തിന് മുജീബ് മറുപടി നൽകിയത്. കുട്ടികളുടെ കൈപിടിച്ച് നടക്കുവാനാണ് ഉമ്മയെ കൂടെ കൂട്ടിയതെന്നും…
Read Moreആസ്വദിച്ചു കുടിക്കാൻ നീലച്ചായ
പലതരം ചായക്കൂട്ടുകളിലേക്ക് പുതിയരൊതിഥികൂടി. നീലച്ചായ. കണ്ണുകൾക്കു കുളിർമ നല്കുന്ന വിധത്തിലുള്ള നീലച്ചായയ്ക്ക് ആരെയും മോഹിപ്പിക്കുന്ന സുഗന്ധവുമുണ്ട്. ടീ ബോക്സ് ഡോട്ട് കോം ആണ് ചായപ്രേമികൾക്കായി നീലച്ചായ അവതരിപ്പിച്ചിരിക്കുന്നത്. ശംഖുപുഷ്പം ഉപയോഗിച്ച് നിർമിക്കുന്ന നീലച്ചായ പോഷകഗുണങ്ങളാൽ സന്പന്നമാണെന്ന് ടീ ബോക്സ് ഡോട്ട് കോം സ്ഥാപകൻ കൗശൽ ദുഗർ പറഞ്ഞു. കഫീൻപോലെ ശരീരത്തിനു ഹാനികരമായ യാതൊന്നുമില്ലാത്തെ നീലച്ചായ രോഗപ്രതിരോധശേഷി വർധിപ്പിക്കുമെന്നും അദ്ദേഹം പറയുന്നു. ഇതുകൂടാതെ നിരവധി ഒൗഷധഗുണങ്ങൾ ഈ ചായയ്ക്കുണ്ടെന്നാണ് ടീ ബോക്സ് അവകാശപ്പെടുന്നത്. ശംഖുപുഷ്പത്തിന് ബട്ടർഫ്ലൈ പീ ഫ്ലവർ എന്നുകൂടി പേരുള്ളതിനാൽ ബ്ലൂ ബട്ടർഫ്ലൈ ടീ എന്ന പേരും ഈ നീല നിറത്തിലുള്ള ചായയ്ക്കുണ്ട്.
Read More