കാർ ഉപയോഗിച്ച് നാ​ട്ടു​കാ​രെ പ​റ്റി​ക്കാ​ൻ ശ്ര​മി​ച്ചു; പ​റ്റി​ക്ക​പ്പെ​ട്ട​ത് പോ​ലീ​സ്

ത​ടി​ക​ളും മ​റ്റും ഉ​പ​യോ​ഗി​ച്ച് മ​നോ​ഹ​ര​മാ​യ ശി​ൽ​പ്പ​ങ്ങ​ൾ ഉ​ണ്ടാ​ക്കു​ന്ന​യാ​ളാ​ണ് കാ​ന​ഡ​ക്കാ​ര​നാ​യ സൈ​മ​ണ്‍ ലാ​പ്രി​സ്. ത​ണു​പ്പു​കാ​ര​ണം ഒ​രു പ​ണി​യും ചെ​യ്യാ​നാ​കാ​തെ മു​റ്റ​ത്ത് മ​ഞ്ഞു​വീ​ഴു​ന്ന​തും നോ​ക്കി​നി​ൽ​ക്കു​ന്പോ​ഴാ​ണ് അ​ദ്ദേ​ഹ​ത്തി​ന്‍റെ ത​ല​യി​ൽ ഒ​രു ആ​ശ​യം ഉ​ദി​ച്ച​ത്. രാ​വി​ലെ മ​ഞ്ഞ് നീ​ക്കം ചെ​യ്യാ​നെ​ത്തു​ന്ന ജോ​ലി​ക്കാ​രെ​യും നാ​ട്ടു​കാ​രെ​യും ഒ​ന്ന് പ​റ്റി​ക്കാം. ഇ​ഷ്ട​ൻ ത​ന്‍റെ പ​ണി ആ​യു​ധ​ങ്ങ​ളു​മാ​യി റോ​ഡി​ലേ​ക്ക് ഇ​റ​ങ്ങി. അ​വി​ടെ കൂ​ടി​ക്കിട​ന്നി​രു​ന്ന മ​ഞ്ഞു​ക​ട്ട​ക​ളി​ൽ പ​ണി ആ​രം​ഭി​ച്ചു. മ​ണി​ക്കൂ​റു​ക​ൾ നീ​ണ്ട പ​രി​ശ്ര​മ​ത്തി​നൊ​ടു​വി​ൽ ഒ​രു കാ​റി​ന്‍റെ ജീ​വ​ൻ തു​ടി​ക്കു​ന്ന രൂ​പം മ​ഞ്ഞി​ൽ തീ​ർ​ത്തു.

ഒ​റ്റ നോ​ട്ട​ത്തി​ൽ ക​ണ്ടാ​ൽ ഒ​രു കാ​റ് മ​ഞ്ഞി​ൽ​പ്പു​ത​ഞ്ഞ് കി​ട​ക്കു​ക​യാ​ണെ​ന്നേ തോ​ന്നു. രാ​വി​ലെ മ​ഞ്ഞു നീ​ക്കാ​ൻ വ​രു​ന്ന​വ​ർ അ​തൊ​രു കാ​റാ​ണെ​ന്നു ക​രു​തു​മെ​ന്നും അ​ങ്ങ​നെ അ​വ​രെ പ​റ്റി​ക്കാ​മെ​ന്നു​മൊ​ക്ക ക​രു​തി സൈ​മ​ണ്‍ വീ​ട്ടി​ലേ​ക്ക് മ​ട​ങ്ങി. കു​റ​ച്ചു ക​ഴി​ഞ്ഞ് പു​റ​ത്തി​റ​ങ്ങി​യ സൈ​മ​ണ്‍ ത​ന്‍റെ കാ​ർ അ​വി​ടെ​ത്ത​ന്നെ​യു​ണ്ടോ എ​ന്ന് പോ​യി​നോ​ക്കി. അ​പ്പോ​ഴാ​ണ് ര​സം. നോ ​പാ​ർ​ക്കിം​ഗ് സ്ഥ​ല​ത്ത് പാ​ർ​ക്ക് ചെ​യ്ത​തി​ന് കാ​റി​നു​മു​ക​ളി​ൽ ഒ​രു പോ​ലീ​സു​കാ​ര​ൻ നോ​ട്ടീ​സ് ഒ​ട്ടി​ച്ചു​കൊ​ണ്ടി​രി​ക്കു​ന്നു. സൈ​മ​ണ്‍ ഉ​ട​ൻ​ത​ന്നെ പോ​ലീ​സു​കാ​ര​ന്‍റെ​യ​ടു​ത്തെ​ത്തി കാ​ര്യം പ​റ​ഞ്ഞു. സൈ​മ​ണിന്‍റെ ഭാ​ഗ്യ​ത്തി​ന് പോ​ലീ​സു​കാ​ര​ൻ ഒ​രു ക​ലാ ആ​സ്വാ​ദ​ക​നാ​യി​രു​ന്നു. അ​ദ്ദേ​ഹം സൈ​മ​ണി​ന്‍റെ ക​ലാസൃ​ഷ്ടി​യെ അ​ഭി​ന​ന്ദി​ച്ച് ഒ​രു കു​റി​പ്പും എ​ഴു​തി ന​ൽ​കി.

എ​ന്നാ​ൽ പി​റ്റേ​ദി​വ​സം മ​ഞ്ഞു​വാ​രി​നീ​ക്കാ​നെ​ത്തി​യ ജീ​വ​ന​ക്കാ​ർ​ക്ക് ഒ​റ്റ​നോ​ട്ട​ത്തി​ൽ കാ​റി​ലെ ക​ള്ള​ത്ത​രം പി​ടി​കി​ട്ടി. അ​വ​ർ ഒ​രു ദ​യ​യു​മി​ല്ലാ​തെ കാ​ർ ത​ല്ലി​ത്ത​ക​ർ​ത്ത് മ​ഞ്ഞും​വാ​രി​പ്പോ​യി.