ഇന്ത്യ-ഓസ്ട്രേലിയ ഏകദിന ലോകകപ്പ് ക്രിക്കറ്റിൽ പുതിയ വിവാദം തലപൊക്കി. ഓസ്ട്രേലിയൻ സ്പിന്നർ ആദം സാംപ പന്ത് ചുരണ്ടിയെന്ന ആക്ഷേപമാണ് ഇപ്പോൾ ഉയർന്നിരിക്കുന്നത്. എന്നാൽ, ഇക്കാര്യം ഓസീസ് ക്യാപ്റ്റൻ ആരോണ് ഫിഞ്ച് നിഷേധിച്ചു. മത്സരത്തിനിടെ ഓരോ പന്തെറിയുന്പോഴും സാംപ പോക്കറ്റിൽ കൈയിട്ട് എന്തോ പുറത്തെടുക്കുന്നതും പന്തിനടുത്തേക്ക് കൊണ്ടുവരുന്നതും കാണാം. ഇത് സാൻഡ് പേപ്പറാണെന്നാണ് ആരോപണം. മത്സരശേഷം ഓസീസ് ക്യാപ്റ്റൻ ആരോണ് ഫിഞ്ച് തന്നെ ഇക്കാര്യത്തിൽ വിശദീകരണവുമായി രംഗത്തെത്തി. ഇത്തരം ആരോപണങ്ങൾ ശുദ്ധ അംബന്ധമാണെന്നു പറഞ്ഞ ഫിഞ്ച്, സാംപയുടെ പോക്കറ്റിലുണ്ടായിരുന്നത് ഹാൻഡ് വാമേഴ്സ് (കൈ ചൂടാക്കാൻ ഉപയോഗിക്കുന്ന വസ്തു) ആയിരിക്കാമെന്നും പറഞ്ഞു. സാംപയുടേതെന്നു പറയുന്ന വീഡിയോ കണ്ടിട്ടില്ലെന്നും സാംപ സാധാരണ എല്ലാ മത്സരങ്ങൾക്കും ഹാൻഡ് വാമേഴ്സ് കൈയിൽ കരുതാറുണ്ടെന്നും ഫിഞ്ച് വ്യക്തമാക്കി. കഴിഞ്ഞ വർഷത്തെ പന്തു ചുരണ്ടൽ വിവാദമുയർത്തിയ അലയൊലികളിൽ നിന്ന് ഓസ്ട്രേലിയൻ ക്രിക്കറ്റ് മുക്തരാകുന്നതിനു മുന്പാണ് സാംപ പ്രശ്നം…
Read MoreCategory: Sports
നന്ദി യുവരാജ്; ഹൃദയസ്പർശിയായി സച്ചിന്റെ കുറിപ്പ്
മുംബൈ: രാജ്യാന്തര ക്രിക്കറ്റിനോടു വിടചൊല്ലിയ യുവരാജ് സിംഗിന് ആശംസകളറിയിച്ച് ക്രിക്കറ്റ് ഇതിഹാസം സച്ചിൻ തെണ്ടുൽക്കർ. ഇന്ത്യൻ ക്രിക്കറ്റിന് യുവി നൽകിയ എല്ലാ സംഭാവനകൾക്കും സച്ചിൻ നന്ദി അറിയിച്ചു. യുവിയുടെ “രണ്ടാം ഇന്നിംഗ്സിന്’ ട്വിറ്ററിലൂടെയായിരുന്നു സച്ചിൻ ആശംസാ വാക്കുകൾ അറിയിച്ചത്. “എന്തൊരു മികച്ച കരിയറാണ് യുവി, നിങ്ങൾക്ക് ഉണ്ടായിരുന്നത്. ടീമിന് ആവശ്യമുള്ളപ്പോഴെല്ലാം യഥാര്ത്ഥ ചാമ്പ്യനായി നിങ്ങൾ വന്നു. ജീവിതത്തിലും ഫീൽഡിലും എല്ലാ ഉയർച്ച താഴ്ച്ചകളിലും താങ്കൾ പുറത്തെടുത്ത പോരാട്ടവീര്യം വിസ്മയകരമായിരുന്നു. നിങ്ങളുടെ രണ്ടാം ഇന്നിംഗ്സിന് എല്ലാവിധ ആശംസകളും. ക്രിക്കറ്റിന് വേണ്ടി ചെയ്തതിനെല്ലാം നന്ദി”.-ഹൃദയസ്പർശിയായ വാക്കുകളിൽ സച്ചിൻ കുറിച്ചു. നീണ്ട 17 വർഷത്തെ കരിയറിനുശേഷമാണ് യുവരാജ് പാഡഴിച്ചത്. ഐപിഎൽ ഒഴികെയുള്ള ട്വന്റി-20 ലീഗുകളിൽ തുടർന്നും കളിക്കുമെന്ന് വിരമിക്കൽ പ്രഖ്യാപനത്തിൽ അദ്ദേഹം അറിയിച്ചു.
Read Moreഫ്രഞ്ച് ഓപ്പണ് ചാന്പ്യനായി നദാൽ
പാരീസ്: ഫ്രഞ്ച് ഓപ്പണ് ടെന്നീസ് കിരീടം സ്പാനിഷ് താരം റഫേൽ നദാലിന്. ഫൈനലിൽ ഡൊമനിക് തീമിനെ കീഴ്പ്പെടുത്തിയാണ് നദാൽ 12-ാമത്തെ ഫ്രഞ്ച് ഓപ്പണ് കിരീടം സ്വന്തമാക്കിയത്. ഒന്നിനെതിരെ മൂന്ന് സെറ്റുകൾക്കായിരുന്നു നദാലിന്റെ ജയം. തുടർച്ചയായ രണ്ടാം തവണയാണ് തീമിനെ ഫ്രഞ്ച് ഓപ്പൺ ഫൈനലിൽ നദാൽ പരാജയപ്പെടുത്തുന്നത്. ആദ്യ സെറ്റ് അനായാസം നദാൽ നേടി. എന്നാൽ രണ്ടാം സെറ്റിൽ ശക്തമായി തിരിച്ചുവന്ന തീം 7-5ന് സെറ്റ് സ്വന്തമാക്കി. എന്നാൽ പിന്നീട് തീമിനു നദാലിന്റെ മുന്നിൽ താളം കണ്ടെത്താൻ സാധിച്ചില്ല. സ്കോർ 6-3, 5-7, 6-1, 6-1 നദാലിന്റെ പതിനെട്ടാം ഗ്രാൻഡ്സ്ലാം കിരീടമാണിത്. 20 ഗ്രാൻഡ്സ്ലാം കിരീടമുള്ള ഫെഡറർ മാത്രമാണ് നദാലിന്റെ മുന്നിലുള്ളത്. ഫെഡററെ കീഴടക്കിയാണ് നദാൽ ഫൈനലിൽ പ്രവേശിച്ചത്.
Read Moreവിവാദങ്ങൾക്ക് അവസാനം; കീപ്പിംഗ് ഗ്ലൗ മാറ്റി ധോണി
ലണ്ടൻ: വിക്കറ്റ് കീപ്പിംഗ് ഗ്ലൗസിന്റെ പേരിലുള്ള വിവാദങ്ങൾക്ക് അവസാനം കുറിച്ച് ഇന്ത്യൻ താരം എം.എസ്. ധോണി. ലോകകപ്പിലെ ഇന്ത്യയുടെ രണ്ടാം മത്സരത്തിൽ ധോണി ഇറങ്ങിയത് സൈനിക മുദ്ര ഇല്ലാത്ത ഗ്ലൗസ് അണിഞ്ഞുകൊണ്ടാണ്. ദക്ഷിണാഫ്രിക്കയ്ക്ക് എതിരായ മത്സരത്തിൽ കരസേനയുടെ ബലിദാൻ ചിഹ്നം ആലേഖനം ചെയ്ത ഗ്ലൗസ് ധരിച്ചാണ് ധോണി ഇറങ്ങിയത്. ഇത് ഏറെ വിവാദങ്ങൾ സൃഷ്ടിച്ചിരുന്നു. ഐസിസി നിയമം അനുസരിച്ച് കളിക്കാർ വാണിജ്യ, മത, സൈനിക അടയാളങ്ങൾ അണിയാൻ പാടില്ല.
Read Moreഅണ്ടർ 19 ഇന്ത്യൻ ക്രിക്കറ്റ് ടീമിൽ ഇടംപിടിക്കാൻ കട്ടപ്പനക്കാരൻ
കട്ടപ്പന: അണ്ടർ 19 ഇന്ത്യൻ ക്രിക്കറ്റ് ടീമിനെ തെരഞ്ഞെടുക്കുന്ന പരിശീലന ക്യാന്പിൽ കട്ടപ്പന സ്വദേശിയും. കട്ടപ്പന വലിയപാറ വള്ളോമാലിൽ ജയ്മോൻ -എൽസി ദന്പതികളുടെ മകൻ നിർമലാണ് ഫാസ്റ്റ് ബൗളറായി ഇന്ത്യൻ ടീമിൽ കളിക്കാനൊരുങ്ങുന്നത്. രാജക്കാട് എൻആർ സിറ്റി സ്കൂളിൽ ഏഴാം ക്ലാസിൽ പഠിക്കുന്പോഴാണ് ക്രിക്കറ്റ് കളിച്ചുതുടങ്ങിയത്. ബൗളിംഗിലെ മികവ് ജില്ലാ ടീമിലും കേരള ടീമിലും എത്തിച്ചു. മൂന്നുവർഷമായി കേരള ടീമിലെ ഫാസ്റ്റ് ബൗളറാണ് നിർമൽ. കഴിഞ്ഞമാസം ഹിമാചൽ പ്രദേശിൽ നടന്ന ഒരുമാസത്തെ പരിശീലനത്തിൽ നാലു കളികളിൽ നിന്നായി 18 വിക്കറ്റുകളാണ് നേടിയത്. ഇതോടെ ദേശീയ പരിശീലന ക്യാന്പിലേക്ക് പ്രവേശനം ലഭിക്കുകയായിരുന്നു. കേരളത്തിൽനിന്നും നിർമൽ ഉൾപ്പെടെ മൂന്നുപേർക്ക് മാത്രമേ അവസരം ലഭിച്ചുള്ളൂ. ക്യാന്പിലും മികവ് പുലർത്തിയാൽ ദേശീയ ടീമിൽ ഇടംപിടിക്കാനാകും. ഇതിനുള്ള തയാറെടുപ്പിലാണ് നിർമൽ.
Read Moreഇന്ത്യക്കു രണ്ടാം ജയം
ഭുവനേശ്വർ: പുരുഷന്മാരുടെ ഇന്റർനാഷണൽ ഹോക്കി ഫെഡറേഷൻ സീരീസ് ഫൈനൽസിൽ ഇന്ത്യക്കു രണ്ടാം ജയം. രണ്ടാം മത്സരത്തിൽ മൻപ്രീത് സിംഗിന്റെ ഇരട്ട ഗോൾ മികവിൽ ഇന്ത്യ 3-1ന് പോളണ്ടിനെ പരാജയപ്പെടുത്തി. ആദ്യ മത്സരത്തിൽ ഇന്ത്യ 10-0 ത്തിനു റഷ്യയെ തോൽപ്പിച്ചിരുന്നു.
Read Moreധോണിയുടെ ഗ്ലൗസിലെ മുദ്ര അനുവദിക്കാനാകില്ല; നിലപാട് കടുപ്പിച്ച് ഐസിസി
ലണ്ടൻ: ഇന്ത്യൻ വിക്കറ്റ് കീപ്പർ മഹേന്ദ്ര സിംഗ് ധോണി കീപ്പിംഗ് ഗ്ലൗസിൽ സൈനിക മുദ്ര ആലേഖനം ചെയ്ത സംഭവത്തിൽ നിലപാട് കടുപ്പിച്ച് ഐസിസി. താരം ഗ്ലൗസിൽ ആലേഖനം ചെയ്തിരിക്കുന്ന മുദ്ര ഒരു തരത്തിലും അനുവദിക്കാനാകില്ലെന്ന് ഐസിസി അധികൃതർ ബിസിസിഐയെ അറിയിച്ചു. താരങ്ങൾ വസ്ത്രങ്ങളിലും മറ്റും പ്രത്യേക സന്ദേശങ്ങളുള്ള ചിഹ്നങ്ങൾ ഉപയോഗിക്കരുത് എന്നാണ് നിയമമമെന്നും അത് ഒരാൾക്കു വേണ്ടി മാറ്റാനാകില്ലെന്നും ഐസിസി അറിയിച്ചു. വിഷയത്തിൽ ഐസിസി നിലപാട് പുനപരിശോധിക്കണമെന്നാവശ്യപ്പെട്ട് ബിസിസിഐ ഐസിസിക്ക് സമർപ്പിച്ച കത്തിന് നൽകിയ മറുപടിയിലാണ് ഇക്കാര്യം അറിയിച്ചിട്ടുള്ളത്. നേരത്തെ, ധോണിയിടെ ഗ്ലൗസിലെ മുദ്രയ്ക്കെതിരെ ഐസിസി നിലപാടെടുത്തപ്പോൾ തന്നെ ബിസിസിഐയും കേന്ദ്ര സർക്കാർ വൃത്തങ്ങളുമെല്ലാം താരത്തിന് പിന്തുണയുമായി രംഗത്തെത്തിയിരുന്നു.
Read Moreഓപ്പറേഷൻ ഒളിന്പ്യ അഴിച്ചുപണിയുന്നു
തിരുവനന്തപുരം: ഓപ്പറേഷൻ ഒളിന്പ്യ പദ്ധതിയിൽ അഴിച്ചു പണിനടത്താൻ സ്പോർട്സ് കൗണ്സിൽ തീരുമാനം. പ്രസിഡന്റ് ഒളിന്പ്യൻ മേഴ്സികുട്ടന്റെ അധ്യക്ഷതയിൽ ചേർന്ന പുതിയ ഭരണസമിതിയുടെ പ്രഥമ സ്റ്റാൻഡിംഗ് കമ്മിറ്റി യോഗത്തിലാണ് തീരുമാനം. ഓപ്പറേഷൻ ഒളിന്പ്യ അഞ്ചിനങ്ങളിലേക്കായി ചുരുക്കാനാണ് തീരുമാനം. 11 ഇനങ്ങളാണ് ഓപ്പറേഷൻ ഒളിന്പ്യയിൽ ഉൾപ്പെടുത്തിയിരുന്നത്. എട്ടു ഇനങ്ങളാണ് നിലവിലുള്ളത്. ബഡ്മിന്റണ് നിലനിർത്തും. ഏഷ്യൻ തലത്തിൽ മെഡൽ നേട്ടം കൊയ്യാൻ കഴിയുന്ന ഇനങ്ങൾ മാത്രം ഓപ്പറേഷൻ ഒളിന്പ്യയുടെ ഭാഗമാക്കാനാണ് തീരുമാനം. കായികക്ഷമതാ മിഷൻ ഈ അധ്യയന വർഷം തന്നെ നടപ്പാക്കാനും കൗണ്സിൽ യോഗത്തിൽ ധാരണയായി. കായിക വകുപ്പിന്റെ നേതൃത്വത്തിൽ വിദ്യാഭ്യാസ, ആരോഗ്യ, തദ്ദേശസ്വയംഭരണ വകുപ്പുകളുടെ സഹകരണത്തോടെ പദ്ധതി നടപ്പാക്കും. കായികതാരങ്ങളുടെ ഇൻഷ്വറൻസ് പദ്ധതിയും ഈ വർഷം തന്നെ നടപ്പാക്കും. സ്പോർട്സ് കൗണ്സിൽ ഉപാധ്യക്ഷൻ ഒ.കെ. വിനീഷ്, അഡ്മിനിസ്ട്രേറ്റീവ് ബോർഡ് അംഗങ്ങളായ ഐ.എം. വിജയൻ, സുനിൽകുമാർ, എം.ആർ രഞ്ജിത്, എസ്. രാജീവ്,…
Read Moreഅണ്ടർ-20 ലോകകപ്പ്: യുക്രെയ്നും ഇറ്റലിയും സെമിയിൽ
വാഴ്സ: ഫിഫ അണ്ടർ-20 ലോകകപ്പിൽ യുക്രെയ്നും ഇറ്റലിയും സെമി ഫൈനലിൽ പ്രവേശിച്ചു. ക്വാർട്ടറിൽ പോരാട്ടത്തിൽ യുക്രെയ്ൻ കൊളംബിയയേും ഇറ്റലി മാലിയേയും തോൽപ്പിച്ചു. ചൊവ്വാഴ്ച നടക്കുന്ന സെമിയിൽ ഇരുവരും ഏറ്റുമുട്ടും. എതിരില്ലാത്ത ഒരു ഗോളിനാണ് യുക്രെയ്ന്റെ വിജയം. മത്സരത്തിന്റെ പതിനൊന്നാം മിനിറ്റിൽ ഡാനിലോ സികാനാണ് ഗോൾ നേടിയത്. കൊളംബിയ കളിയിൽ ഉടനീളം പൊരുതി എങ്കിലും സമനില നേടാൻ ആയില്ല. 86-ാം മിനിറ്റിൽ ജോഹാൻ കാർബോനെറോ ചുവപ്പ് കാർഡ് കിട്ടി പുറത്തായത് കൊളംബിയയുടെ സമനില പ്രതീക്ഷ തകർക്കുകയും ചെയ്തു. മാലിക്കെതിരെ 4-2നാണ് ഇറ്റലിയുടെ വിജയം. 12-ാം മിനിറ്റിൽ മാലി താരം ഇബ്രാഹിമ കൊനേയുടെ സെൽഫ് ഗോളാണ് ഇറ്റലിക്ക് ആദ്യ ലീഡ് സമ്മാനിച്ചത്. 21-ാം മിനിറ്റിൽ ഉസ്മാൻ ദിയാകിറ്റെ ചുവപ്പ് കാർഡ് കിട്ടി പുറത്തായത് മാലിക്ക് തിരിച്ചടിയായി.
Read Moreധോണിയുടെ ഗ്ലൗവിൽ സൈന്യത്തിന്റെ പദവി മുദ്ര; നീക്കണമെന്ന് ഐസിസി
ലണ്ടൻ: ഇന്ത്യൻ വിക്കറ്റ് കീപ്പർ മഹേന്ദ്രസിംഗ് ധോണിയുടെ കീപ്പിംഗ് ഗ്ലൗവിൽ ആലേഖനം ചെയ്തിരിക്കുന്ന മുദ്ര നീക്കണമെന്ന് ഇന്റർനാഷണൽ ക്രിക്കറ്റ് കൗൺസിൽ. ഇന്ത്യൻ പാര സ്പെഷ്യൽ ഫോഴ്സിന്റെ പദവി മുദ്രയാണ് ധോണിയുടെ ഗ്ലൗവിൽ ഉള്ളത്. കഴിഞ്ഞ ദിവസം ദക്ഷിണാഫ്രിക്കയ്ക്കെതിരെയുള്ള മത്സരത്തിനിടെ ഗ്ലൗവിലെ ഈ ചിഹ്നം വ്യക്തമായി സ്ക്രീനീൽ കണ്ടിരുന്നു. ഇതാണ് ഐസിസിയെ ചൊടിപ്പിച്ചത്. മുദ്ര നീക്കം ചെയ്യാൻ ധോണിക്ക് നിർദേശം നൽകണമെന്നാവശ്യപ്പെട്ട് ഐസിസി ജനറൽ മാനേജർ ക്ലെയർ ഫർലോംഗ് ആണ് ബിസിസിഐയ്ക്ക് കത്തയച്ചത്. ധോണിയുടെ ഗ്ലൗവും അതിലെ ചിഹ്നവും സമൂഹ മാധ്യമങ്ങളിൽ വൈറൽ ആയിരുന്നു. 2011ൽ ധോണിക്ക് സൈന്യം ഓണററി ലഫ്.കേണൽ പദവി നൽകിയിരുന്നു. നേരത്തെ, പുൽവാമ ആക്രമണത്തിൽ സൈനികർ കൊല്ലപ്പെട്ടതിനു പിന്നാലെ നടന്ന ഇന്ത്യ- ഓസ്ട്രേലിയ മത്സരത്തിന് മുന്നോടിയായി ഇന്ത്യൻ താരങ്ങൾക്ക് ധോണി സൈനികരുടേതുപോലത്തെ തൊപ്പികൾ നൽകിയിരുന്നു. എന്നാൽ, അന്ന് ഐസിസി എതിർപ്പുകൾ ഒന്നും പ്രകടിപ്പിച്ചിരുന്നില്ല.
Read More