ഗ്രനേഡ: ലാ ലിഗയില് പോയിന്റ് നിലയില് ഒന്നാം സ്ഥാനത്തുള്ള റയല് മാഡ്രിഡിനു സമ്മര്ദമുയര്ത്തി ബാഴ്സലോണ. എവേ മത്സരത്തില് ഗ്രനേഡയെ 4-1ന് തകര്ത്ത ബാഴ്സലോണ റയലുമായുള്ള പോയിന്റ് വ്യത്യാസം രണ്ടാക്കി കുറച്ചു. 29 കളിയില് നിലവിലെ ചാമ്പ്യന്മാരായ ബാഴ്സലോണയ്ക്ക് 66 പോയിന്റും ഒരു കളി കുറവുള്ള റയലിന് 68 പോയിന്റുമാണുള്ളത്. തരംതാഴ്ത്തലിനെ ഉറ്റുനോക്കുന്ന ഗ്രനേഡയ്ക്കെതിരേ ലയണല് മെസി ഇല്ലാതെയാണ് ബാഴ്സ ഇറങ്ങിയത്. ഒരു കളിയിലെ സസ്പെന്ഷനാണ് മെസിയെ പുറത്തിരുത്തിയത്. ആദ്യ പകുതി തീരാന് ഒരു മിനിറ്റുള്ളപ്പോള് ലൂയി സുവാരസ് ബാഴ്സലോണയ്ക്കു ലീഡ് നല്കി. രണ്ടാം തുടങ്ങി അഞ്ച് മിനിറ്റായപ്പോള് ബാഴ്സലോണയെ ഞെട്ടിച്ചുകൊണ്ട് ഗ്രനേഡ ജെര്മയിന് ബോഗയിലൂടെ സമനില പിടിച്ചു. പകരക്കാരനായെത്തിയ പാക്കോ അല്കാസര് 64-ാം മിനിറ്റില് ബാഴ്സലോണയ്ക്കു ലീഡ് തിരിച്ചുനല്കി. 82-ാം മിനിറ്റില് ഗ്രനേഡയുടെ ഉച്ചേ അഗ്ബോ ചുവപ്പുകാര്ഡ് കണ്ടു പുറത്തായതോടെ ആതിഥേയര് പത്തു പേരായി ചുരുങ്ങി. തൊടട്ടടുത്ത…
Read MoreCategory: Sports
പുതിയ തുടക്കത്തിനായി കിംഗ്സ്
ഐപിഎലിന്റെ എല്ലാ സീസണിലും കളിച്ചിട്ടും കിരീടം കിട്ടാക്കനിയായ ടീമാണ് കിംഗ്സ് ഇലവന് പഞ്ചാബ്. പേരിലും താരനിരയിലും രാജപരിവേഷമുണ്ടെങ്കിലും കളത്തിലിറങ്ങുന്പോള് ലീഗിലെ അവസാന സ്ഥാനങ്ങളില് ഒതുങ്ങപ്പെടുകയാണ് പഞ്ചാബ് ടീമിന്റെ പതിവ്. ആദ്യ സീസണില് അവസാന നാലിലെത്തിയതും 2014ല് ഫൈനലിലെത്തിയതും മാത്രമാണ് പഞ്ചാബിന് ആകെ ഓര്മയില് സൂക്ഷിക്കാനുള്ള നേട്ടങ്ങള്. വളരെ കരുതലോടെയും തയാറെടുപ്പോടെയുമാണ് ഇത്തവണ കിംഗസ് പോരിനിറങ്ങുന്നത്. വിരേന്ദര് സെവാഗ് പരിശീലിപ്പിക്കുന്ന ടീമില് ട്വന്റി 20യില് കൂറ്റനടികള്ക്കു പേരുകേട്ട ഒരു സംഘം താരങ്ങളാണ് ഇത്തവണയുള്ളത്. ദക്ഷിണാഫ്രിക്കയുടെ ഡേവിഡ് മില്ലറാണ് നായകൻ. വെടിക്കെട്ട് പ്രതീക്ഷിക്കാം നായകന് ഡേവിഡ് മില്ലറില് തുടങ്ങി ഗ്ലെന് മാക്സ്വെല്, ഇയോണ് മോര്ഗന്, മാര്ട്ടിന് ഗപ്ടില്, ഷോണ് മാര്ഷ് എന്നിവരും കൂടെ ചേരുന്പോള് പഞ്ചാബിന്റെ ആയുധപ്പുര നിറയും. ഒപ്പം രണ്ടും വട്ടം ട്വന്റി 20 ലോകകപ്പ് നേടിയ നായകന് ഡാരന് സമിയും കിംഗ്സിനു കരുത്തേകും. ആരാകും ആ നാലു…
Read Moreഇന്ത്യന് വനിതകള്ക്കു ജയം
വെസ്റ്റ് വാന്കൂവര്: വനിതാ ലോക ഹോക്കി ലീഗ് റൗണ്ട് രണ്ട് മത്സരത്തില് ഇന്ത്യ പെനാല്റ്റി ഷൂട്ടൗട്ടില് ഉറുഗ്വെയെ 4-2ന് തോല്പ്പിച്ചു. പെനാല്റ്റി ഷൂട്ടൗട്ടില് ഇന്ത്യന് നായിക റാണി, മോണിക്ക, ദീപിക, നവജോത് കൗര് എന്നിവര് പുലര്ത്തിയ കൃത്യതയാണ് ഇന്ത്യക്കു ജയമൊരുക്കിയത്. മുഴുവന് സമയത്ത് ഇരുടീമും 2-2ന് തുല്യത പാലിച്ചതോടെയാണ് മത്സരം ഷൂട്ടൗട്ടിലേക്കു നീങ്ങിയത്. മത്സരത്തില് മിന്നുന്ന തുടക്കമാണ് ഇന്ത്യയിട്ടത്. ആറാം മിനിറ്റില് നായിക റാണി ആദ്യ ഗോള് നേടി. 45-ാം മിനിറ്റില് ഉറുഗ്വെയുടെ ആദ്യ ഗോള് മരിയ തെരേസ വിയന അച്ചെയില്നിന്നു വന്നു. എന്നാല്, 49-ാം മിനിറ്റില് വേദാന്ത കടാരിയ മികച്ചൊരു ഫീല്ഡ് ഗോള് ഇന്ത്യക്കു വീണ്ടും ലീഡ് നല്കി. പക്ഷേ ഇന്ത്യയുടെ ഭാഗത്തുനിന്നുണ്ടായ പ്രതിരോധ പാളിച്ച 54-ാം മിനിറ്റില് ഉറുഗ്വെയ്ക്കു പെനാല്റ്റി നല്കി. ഈ അവസരം ഉറുഗ്വെയുടെ മാനുവല വിലാര് ഉപയോഗിച്ചു സമനില നല്കി. അവസാന…
Read Moreമാരിനെ വീഴ്ത്തി സിന്ധു കിരീടം ചൂടി
ന്യൂഡൽഹി: റിയോയിൽ ഒളിമ്പിക് സ്വർണം തട്ടിത്തെറിപ്പിച്ച കരോളിന മാരിനോട് മധുരപ്രതികാരം തീർത്ത് ഇന്ത്യയുടെ സൂപ്പർ സിന്ധു. ബാഡ്മിന്റൺ പ്രേമികളുടെ സ്വപ്ന ഫൈനലിൽ ഒന്നാം സീഡ് മാരിനെ അട്ടിമറിച്ച് പി.വി സിന്ധു ഇന്ത്യ ഓപ്പൺ സൂപ്പർ സീരീസ് കരസ്ഥമാക്കി. നേരിട്ടുള്ള സെറ്റുകൾക്കായിരുന്നു സിന്ധു സ്പാനിഷ് താരം മാരിനെ വീട്ടുമുറ്റത്ത് തേച്ചൊട്ടിച്ചത്. സ്കോർ: 21-19, 21-16. പക വീട്ടാനുള്ളതാണെന്ന് സിന്ധു വിശ്വസിക്കുന്നുണ്ടോ? എന്നു തോന്നിപ്പോവും ഇന്ത്യയിലെത്തിയ മാരിനെ അവർ കൈകാര്യം ചെയ്തവിധം. റിയോയിലെ ആ സ്വപ്ന ഫൈനൽ ഓർമയുണ്ടോ? ഒളിമ്പിക്സ് ഫൈനലിൽ ആദ്യ സെറ്റ് 21-19 ന് മാരിനാണ് നേടിയത്. എന്നാൽ രണ്ടാം സെറ്റിൽ സിന്ധു (12-21) തിരിച്ചുവന്നെങ്കിലും മൂന്നാം സെറ്റിൽ അവർ സിന്ധുവിനെ 15-21 ന് വീഴ്ത്തി. ഇതാ, ഡൽഹിയിലെത്തിയ മാരിനെ ആദ്യ സെറ്റിൽ സിന്ധു പരാജയപ്പെടുത്തിയത് റിയോയിലെ അതേ സ്കോറിൽ. കട്ടയ്ക്കുകട്ട രണ്ടുപേരും പിടിച്ചെങ്കിലും ഡൽഹിയിലെ ഗാലറികളുടെ…
Read Moreപെയ്സ് സഖ്യത്തിന് കിരീടം
ലെയോണ്: ഇന്ത്യൻ ടെന്നീസ് ആരാധകരെ വീണ്ടും വിസ്മയിപ്പിച്ച് ലിയാൻഡർ പെയ്സ്. 43–ാം വയസിലും ചുറുചുറുക്കുമായി കളിച്ച പെയ്സ് മെക്സിക്കോയിൽ നടന്ന ലെയോൺ ചലഞ്ചർ ടൂർ ഡബിൾസിൽ കിരീടം സ്വന്തമാക്കി. കനേഡിയൻ താരം ആദിൽ ഷംമസ്ദിനൊപ്പമാണു പെയ്സ് കിരീടം നേടിയത്. ഫൈനലിൽ ബ്രസീൽ-സ്വീസ് സഖ്യത്തെ നേരിട്ടുള്ള സെറ്റുകൾക്കു തകർത്താണു പെയ്സ് സഖ്യം കിരീടം നേടിയത്. സ്കോർ: 6–1, 6–4. സീസണിലെ ആദ്യ കിരീടമാണു പുതിയ ഡബിൾസ് പങ്കാളിക്കൊപ്പം പെയ്സ് സ്വന്തമാക്കിയത്. കരിയറിലെ 20-ാം ചലഞ്ചർ കിരീടവും.
Read Moreഅശ്വിനു പരിക്ക്; ഐപിഎല് നഷ്ടമാകും
ന്യൂഡല്ഹി: ഇന്ത്യന് പ്രീമിയര് ലീഗ് ടീം റൈസിംഗ് പൂന സൂപ്പര്ജയ്ന്റ്സിനു തിരിച്ചടി. ടീമിന്റെ പ്രധാന സ്പിന്നര് രവിചന്ദ്രന് അശ്വിനേറ്റ പരിക്കാണ് സൂപ്പര് ജയ്ന്റ്സിനു കനത്ത ആഘാതമായത്. സ്പോര്ട്സ് ഹെര്ണിയ സ്ഥിരീകരിച്ചതിനെത്തുര്ന്ന് അശ്വിന് രണ്ടു മാസത്തോളം പുറത്തിരിക്കേണ്ടിവരും. ഇതോടെ ഇന്ത്യന് സ്പിന്നര്ക്ക് ഇന്ത്യന് പ്രീമിയര് ലീഗ് പത്താം സീസണില് കളിക്കാനാവില്ലെന്ന് ഉറപ്പായി. സൂപ്പര്ജയന്റ്സ് ടീമിൽനിന്നു പരിക്കേറ്റു പുറത്താകുന്ന രണ്ടാമത്തെ കളിക്കാരനാണ് അശ്വിന്. ഇതിനു മുമ്പ് തോളിനേറ്റ പരിക്കിനെത്തുടര്ന്ന് മിച്ചല് മാര്ഷിനെ നഷ്ടമായിരുന്നു.കഴിഞ്ഞ ഐപിഎല് സീസണില് പൂനയ്ക്കുവേണ്ടി അശ്വിന് 14 കളിയില് 10 വിക്കറ്റുകള് സ്വന്തമാക്കിയിരുന്നു. 2016 ജൂലൈയ്ക്കുശേഷം തുടര്ച്ചയായി ക്രിക്കറ്റ് കളിക്കുന്ന അശ്വിന് ഉടന് തന്നെ ചികിത്സയില് പ്രവേശിക്കും. ജൂണില് നടക്കുന്ന ചാമ്പ്യന്സ് ട്രോഫിക്കുമുമ്പ് അശ്വിന് പൂര്ണ ആരോഗ്യവാനായെത്തുകയെന്നത് ഇന്ത്യക്കു വളരെ പ്രധാനപ്പെട്ടതാണ്. ഇംഗ്ലണ്ടിനെതിരേയുള്ള ടെസ്റ്റ് പരമ്പരയ്ക്കുശേഷം അശ്വിനു പരിക്കേറ്റിരുന്നു. ഇതേത്തുര്ന്ന് രഞ്ജി ട്രോഫി സെമിയില് തമിഴ്നാടിനുവേണ്ടി കര്ണാടകയ്ക്കതിരേ…
Read Moreനിർഭാഗ്യങ്ങളുടെ ബംഗളൂരു
ഒട്ടുമിക്ക സീസണിലും ഐപിഎലിലെ ഏറ്റവും കരുത്തുറ്റ ടീമായിരിക്കും ബംഗളൂരു റോയൽ ചലഞ്ചേഴ്സ്. മറ്റു ടീമുകളെ അപേക്ഷിച്ചു നോക്കിയാൽ ബാറ്റിംഗ് കരുത്തിൽ ഇത്തവണയും ശരിക്കും റോയൽ നിരയുമായാണ് ഇന്ത്യൻ നായകൻ വിരാട് കോഹ്ലിയുടെ നേതൃത്വത്തിലുള്ള ടീം പോരാട്ടത്തിനിറങ്ങുന്നത്. എന്നാൽ, നിർഭാഗ്യങ്ങൾ നിരന്തരം വേട്ടയാടുന്ന ടീമിനു ഒരുവട്ടം പോലും ഐപിഎൽ കിരീടമെന്ന സ്വപ്നം യാഥാർഥ്യമാക്കാൻ സാധിച്ചിട്ടില്ല. 2009ൽ ഡെക്കാൻ ചാർജേഴ്സും 2011ൽ ചെന്നെ സൂപ്പർ കിംഗ്സും കഴിഞ്ഞ സീസണിൽ സൺറൈസേഴ്സ് ഹൈരാബാദും ബംഗളൂരുവിന്റെ കിരീടമോഹങ്ങൾ തകർത്തു. ഏറെ പ്രതീക്ഷകളോടെ തയാറെടുപ്പുകൾ നടത്തിയ ടീമിനെ ഇത്തവണ നിർഭാഗ്യം പിടികൂടിയത് പരിക്കിന്റെ രൂപത്തിലാണ്. പരിക്കു മൂലം നായകൻ വിരാട് കോഹ്ലിക്കു ആദ്യ മത്സരങ്ങളിൽ പുറത്തിരിക്കേണ്ടി വരുമെന്നുള്ളത് ബംഗളൂരുവിനു ഏറെ തലവേദനയാകുമെന്നുറപ്പാണ്. ഓസീസിനെതിരേയുള്ള ടെസ്റ്റ് പരന്പര കഴിഞ്ഞതോടെ ഓപ്പണർ കെ.എൽ രാഹുലും പരിക്കു മൂലം ടീമിനു പുറത്തായി. ശസ്ത്രക്രിയ്ക്കു വിധേയനാകേണ്ടി വരുന്ന രാഹുലിനു ഐപിഎലിലെ…
Read Moreസിന്ധു സെമിയില്
ന്യൂഡല്ഹി: ഇന്ത്യന് ബാഡ്മിന്റണ് ഒളിമ്പിക് മെഡലുകള് സമ്മാനിച്ച പി.വി. സിന്ധുവും സൈന നെഹ്വാളും നേര്ക്കുനേര് വന്നപ്പോള് ജയം സിന്ധുവിനൊപ്പം. ഇന്ത്യ ഓപ്പണ് സൂപ്പര് സീരീസിന്റെ ക്വാര്ട്ടര് ഫൈനലിലായിരുന്നു ഈ താരയുദ്ധം. ആവേശകരമായ മത്സരത്തില് സൈനയെ നേരിട്ടുള്ള ഗെയിമുകള്ക്കു കീഴടക്കിയാണ് സിന്ധു സെമിയിലെത്തിയത്. 21-16, 22-20നായിരുന്നു റിയോ ഒളിമ്പിക്സിലെ വെള്ളി മെഡല് ജേതാവിന്റെ ജയം. സെമിയില് സിന്ധു ദക്ഷിണ കൊറിയയുടെ സുംഗ് ജി ഹ്യൂനെ നേരിടും. ആദ്യഗെയിമില് തുടക്കത്തിലേ ലീഡ് നഷ്ടപ്പെടാതെ കുതിച്ച സിന്ധു ഗെയിം സ്വന്തമാക്കി. രണ്ടാം ഗെയിമില് മുന് ലോക ഒന്നാം നമ്പര് സൈന ശക്തമായി തിരിച്ചുവന്നു. തുടക്കത്തിലേ ലീഡ് നേടാന് സൈനയ്ക്കായി. എന്നാല്, വിട്ടുകൊടുക്കാന് കൂട്ടാക്കാതിരുന്ന സിന്ധു സൈനയുമായുള്ള പോയിന്റ് വ്യത്യാസം കുറച്ചുകൊണ്ടിരുന്നു. ലീഡുമായി മുന്നോട്ടു പൊയ്ക്കൊണ്ടിരുന്ന ലണ്ടന് ഒളിമ്പിക്സിലെ വെങ്കല മെഡല് ജേതാവ് 19-17ന് മുന്നില് നില്ക്കുമ്പോള് വരുത്തിയ പിഴവ് സിന്ധുവിനെ മത്സരത്തിലേക്കു…
Read Moreഇന്ത്യ-പാക് ക്രിക്കറ്റ് പരമ്പര നടത്തേണ്ടെന്നു കേന്ദ്രം
ന്യൂഡല്ഹി: ഇന്ത്യാ-പാക്കിസ്ഥാന് ക്രിക്കറ്റ് പരമ്പര വേണ്ടെന്ന് കേന്ദ്ര ആഭ്യന്തരമന്ത്രാലയം. അതിര്ത്തികടന്നുള്ള ഭീകരാക്രമണം അവസാനിക്കാത്ത സാഹചര്യത്തില് ഇരുരാജ്യങ്ങളുമായുള്ള ക്രിക്കറ്റ് പരമ്പര വേണ്ടെന്ന് കേന്ദ്ര ആഭ്യന്തര മന്ത്രാലയം വ്യക്തമാക്കി. ദുബായില് മത്സരം നടത്താന് അനുവദിക്കണമെന്ന ബിസിസിഐയുടെ ആവശ്യം തള്ളിക്കൊണ്ടാണ് കേന്ദ്രം തീരുമാനം വെളിപ്പെടുത്തിയത്. ഇരുരാജ്യങ്ങളും പരമ്പര നടത്തുമെന്ന ഇരു രാജ്യങ്ങളിലെയും ക്രിക്കറ്റ് ബോര്ഡുകള് 2014ല് കരാറിലായിരുന്നു. ഇതേത്തുര്ന്ന് 2016ല് പാക്കിസ്ഥാന് ടീമിനെ ഇന്ത്യയിലേക്കു പരമ്പരയ്ക്ക് ക്ഷണിക്കുന്നതിനായി കേന്ദ്ര സര്ക്കാരിന്റെ അനുമതി തേടിയിരുന്നു. എന്നാല് ഇരു രാജ്യങ്ങളും തമ്മിലുള്ള നയതന്ത്രബന്ധം വഷളായതിന്റെയും അതിര്ത്തി കടന്നുള്ള ഭീകരാക്രമണം വര്ധിക്കുകയും ചെയ്തതോടെ സര്ക്കാര് ബിസിസിഐയുടെ ആവശ്യം നിഷേധിച്ചിരുന്നു.ഈ വര്ഷം ദുബായില് വെച്ച് ഇന്ത്യയും പാക്കിസ്ഥാനും തമ്മില് ഏകദിന ട്വന്റി-20 പരമ്പര നടത്തുന്നതിനാണ് ബിസിസിഐ ആഭ്യന്തര മന്ത്രാലയത്തോട് അനുമതി തേടിയിരുന്നത്. 2008ലെ മുംബൈ ഭീകരാക്രമണത്തിനു ശേഷം നിര്ത്തിവച്ച ഇന്ത്യ-പാക്ക് പരമ്പര പുനരാരംഭിക്കാന് പലതവണ ശ്രമങ്ങള് നടന്നെങ്കിലും…
Read Moreരഹാനെയെ നായകനാക്കണമെന്നു മിച്ചല് ജോണ്സണ്
മെല്ബണ്: വിരാട് കോഹ്ലിയെ ക്യാപ്റ്റന് സ്ഥാനത്തു നിന്നും മാറ്റി പകരം അജിങ്ക്യ രഹാനയെ നിയോഗിക്കണമെന്ന് ഓസ്ട്രേലിയന് മുന് പേസര് മിച്ചല് ജോണ്സണ്. ധര്മശാലയിലെ നാലാം ടെസ്റ്റില് രഹാനെയുടെ നായകത്വത്തില് ഇന്ത്യ വിജയിച്ചതിന് പിന്നാലെയാണ് ജോണ്സണ് ഇക്കാര്യം പറഞ്ഞത്. ട്വിറ്ററിലൂടെയാണ് മുന് ഓസീസ് പേസര് കോഹ്ലിയെ മാറ്റണമെന്ന അഭിപ്രായം നിര്ദ്ദേശിച്ചത്.റാഞ്ചിയിലെ മൂന്നാം ടെസ്റ്റിനിടെ ഫീല്ഡ് ചെയ്യുന്പോള് തോളിന് പരിക്കേറ്റ കോഹ്ലി നാലാം ടെസ്റ്റില് കളിച്ചിരുന്നില്ല. കോഹ്ലിയുടെ അഭാവത്തില് ടീമിനെ നയിച്ച രഹാനെ ഇന്ത്യക്ക് എട്ട് വിക്കറ്റ് വിജയവും 2-1ന് പരമ്പരയും സമ്മാനിച്ചിരുന്നു. നാലാം ടെസ്റ്റ് തുടങ്ങും മുമ്പ് സ്റ്റീവന് സ്മിത്തും രഹാനെയെ ക്യാപ്റ്റനാക്കുന്നതാണ് നല്ലതെന്ന് അഭിപ്രായപ്പെട്ടിരുന്നു.
Read More