അപകടകാരിയായ വന്യജീവിയാണു മുതല. അവ ഇര പിടിക്കുന്നതും വിഴുങ്ങുന്നതുമൊക്കെ നടുക്കത്തോടെ മാത്രമേ കണ്ടുനിൽക്കാനാവൂ. അങ്ങനെയുള്ള മുതലയുമായുള്ള ഒരു യുവതിയുടെ ചങ്ങാത്തത്തിന്റെ വീഡിയോ സോഷ്യൽ മീഡിയയിൽ വൈറലായിരിക്കുകയാണ്. ഷര്ട്ടും ഷോട്സും ബൂട്സും തൊപ്പിയും ധരിച്ച യുവതി കുളക്കരയില് ഇരിക്കുന്നിടത്തുനിന്നാണു വീഡിയോ തുടങ്ങുന്നത്. വെള്ളത്തില്നിന്നു യുവതിയുടെ സമീപത്തേക്കു ഭീമാകാരനായ ഒരു മുതല എത്തുന്നു. യുവതിയുടെ തലോടലും സാമീപ്യവും കൊതിക്കുന്നതുപോലെ മുതല തന്റെ തല യുവതിയുടെ അടുത്തേക്കു ചേര്ത്തുവയ്ക്കുന്നു. യുവതി മുതലയുടെ തലയില് തലോടുന്നു. തുടര്ന്നു മുതലയുടെ വായിലേക്ക് ഒരു കഷണം ഇറച്ചി യുവതി വച്ചുകൊടുക്കുന്നു. തീറ്റ കിട്ടിയ സന്തോഷത്തിൽ മുതല കുളത്തിലേക്കു മടങ്ങുന്നു. സംഭവം എവിടെ നടന്നതാണെന്നു വീഡിയോയിൽ വ്യക്തമല്ല. വിദേശത്തെ ഏതെങ്കിലും മൃഗശാലയിലോ മുതല സംരക്ഷണകേന്ദ്രത്തിലോ ആണെന്നാണു കരുതുന്നത്. യുവതിയുടെ ധൈര്യത്തെ പ്രകീര്ത്തിക്കുന്ന കമന്റുകൾക്കൊപ്പം വിമർശനങ്ങളും സോഷ്യൽ മീഡിയയിൽ ഉയർന്നു.
Read MoreCategory: Today’S Special
പെൺകുട്ടിയുടെ കൈയിൽ പിടിച്ച് ‘ഐ ലവ് യു’ എന്ന് പറഞ്ഞ് പ്രണയാഭ്യർഥന; പോക്സോ കേസിൽ യുവാവിന് രണ്ട് വർഷം തടവ്
പ്രായപൂർത്തിയാകാത്ത പെൺകുട്ടിയെ വഴിയിൽ തടഞ്ഞു നിർത്തി പ്രണയാഭ്യർഥന നടത്തിയ യുവാവിന് രണ്ടുവർഷത്തെ കഠിന തടവ് വിധിച്ച് കോടതി. മുംബൈയിലാണ് സംഭവം. പ്രത്യേക പോക്സോ കോടതിയുടേതാണ് വിധി. കേസിനാസ്പദമായ സംഭവം നടക്കുമ്പോൾ പ്രതിക്ക് 19 വയസായിരുന്നു. പീഡനക്കേസിൽ യുവാവ് കുറ്റക്കാരനാണെന്ന് കോടതി വിധിച്ചു. 2019 ലാണ് പെൺകുട്ടിയുടെ അമ്മ 19 കാരനെതിരേ പരാതി നൽകിയത്. ചായപ്പൊടി വാങ്ങാനായി കടയിലേക്ക് പോയ മകൾ കരഞ്ഞുകൊണ്ടാണ് മടങ്ങി എത്തിയതിന്റെ കാരണം തിരക്കിയപ്പോഴാണ് കെട്ടിടത്തിന്റെ ഒന്നാം നിലയിൽ വച്ച് ഒരാൾ തന്റെ കൈയിൽ പിടിച്ച് ‘ഐ ലവ് യൂ’ എന്ന് പറഞ്ഞതായി പെൺകുട്ടി വെളിപ്പെടുത്തിയത്. എന്നാൽ ഇയാളുടെ വാക്കുകൾ പെൺകുട്ടിയുടെ അഭിമാനത്തെ വ്രണപ്പെടുത്തുന്നതാണെന്നും കൈയേറ്റമായി മാത്രമേ സംഭവത്തെ കണക്കാനാവൂ എന്നും ജഡ്ജി വ്യക്തമാക്കി.
Read Moreകരയല്ലേ മക്കളെ; ദുരിതാശ്വാസ ക്യാംപിൽ സാന്ത്വനവുമായി അംഗൻവാടി അധ്യാപികമാർ
വയനാട്ടിലെ ഉരുൾപൊട്ടൽ ദുരന്തത്തിൽ ഉള്ളുലഞ്ഞ കുഞ്ഞുമക്കൾക്ക് ആശ്വാസത്തിന്റെ തലോടലുമായി എത്തിയിരിക്കുകയാണ് അംഗൻവാടി അധ്യാപികമാർ. ക്യാംപുകളിൽ കഴിയുന്ന കുട്ടികൾക്കൊപ്പം പാട്ടും കഥകളുമായി കൂടെയുണ്ട് ഈ അധ്യാപികമാർ. ദുരന്തത്തിന്റെ ഭീതി വിട്ടുമാറാതെ നിൽക്കുന്ന കുരുന്നുകളുടെ മാനസികാരോഗ്യം വീണ്ടെടുക്കുവാൻ ക്യാംപ് തീരുന്നത് വരെ ഇവർ ഇവിടെ തന്നെ ഉണ്ടാകും. ദുരന്തത്തിന്റെ മാനസിക സംഘർഷത്തിൽ ക്യാംപിൽ തളർന്നിരിക്കുമ്പോഴാണ് അംഗൻവാടി ടീച്ചർമാരുടെ വരവ്. മനസ് പിടയുന്ന അവസരത്തിലും കുട്ടികളുടെ ഈ കളിയും ചിരിയും ക്യാംപ് അംഗങ്ങളുടെ മുഖത്ത് പുഞ്ചിരി വിടർത്തുന്നുണ്ട്.
Read Moreവയനാട് ദുരന്തത്തിൽ അനാഥയായ ചെറിയ പെൺകുട്ടി ഉണ്ടെങ്കിൽ ദത്ത് എടുക്കാൻ തയാറാണ്; പ്രവാസിയുടെ ഫെയ്സ്ബുക്ക് പോസ്റ്റ് വൈറൽ
വയനാട് ഉരുൾപൊട്ടലിൽ അനാഥരായ കുഞ്ഞുമക്കൾ നിരവധിയാണ്. ദുരിതാശ്വാസ കാമ്പിൽ മാതാപിതാക്കളും സഹോദരങ്ങളുമില്ലാതെ കഴിഞ്ഞുകൂടുന്ന കുട്ടികൾ നൊമ്പരക്കാഴ്ചയായി മാറി. ദുരന്തം നാശം വിതച്ച വയനാടിന്റെ അതിജീവനത്തിനായി നാട് ഒന്നിച്ച് പ്രയത്നിക്കുമ്പോൾ അനാഥരായ കുഞ്ഞുമക്കൾക്ക് പുതിയ ജീവിതം നൽകാൻ സന്നദ്ധരായി എത്തിയിരിക്കുകയാണ് ചിലർ. വയനാട് ദുരന്തത്തിൽ എല്ലാം നഷ്ടപെട്ട്, ആരും ഇല്ലാത്ത ചെറിയ പെണ്കുട്ടി ഉണ്ടെങ്കില് ദത്തെടുക്കാന് തയ്യാറാണ് എന്നാണ് സമീര് എന്ന പ്രവാസി ഫെയ്സ്ബുക്കില് കുറിച്ചത്. കുറിപ്പിനൊപ്പം കുടുംബവുമൊത്തുളള ചിത്രവും സമീര് പങ്കുവച്ചു. താനും ഭാര്യയും രണ്ട് ആണ്മക്കളും അടങ്ങുന്ന കുടുംബത്തിലേക്ക് ആരോരുമില്ലാത്ത ഒരു കുഞ്ഞിനെക്കൂടി സ്വീകരിക്കാന് തയ്യാറാണെന്നാണ് സമീര് ഫെയ്സ്ബുക്കില് പങ്കുവച്ച കുറിപ്പിലൂടെ അറിയിച്ചത്. ആവേശത്തിന്റെ പുറത്തല്ല ഈ തീരുമാനം എന്നും മുൻപേ തന്നെ ഒരു പെൺകുഞ്ഞിനെ ദത്തെടുക്കാൻ പദ്ധതി ഉണ്ടായിരുന്നെന്നും സമീർ കുറിപ്പിലൂടെ വ്യക്തമാക്കിയിട്ടുണ്ട്. പോസ്റ്റ് വൈറലായതോടെ നിരവധിപേരാണ് സമീറിനും കുടുംബത്തിനും നന്ദിയും ആശംസകളുമായും എത്തിയത്.…
Read Moreരശ്മിയുടെ അമ്മ മനസ്: വയനാട്ടിലെ മുണ്ടക്കൈ-ചൂരൽമല ദുരന്തത്തിൽ അമ്മയെ നഷ്ടപ്പെട്ട കുഞ്ഞിനെ നോക്കാൻ തയാറായി പോലീസ് ഉദ്യോഗസ്ഥ
കൊച്ചി: “വയനാട്ടിലെ ദുരന്തം അറിഞ്ഞപ്പോള് മനസില് മിന്നി മറഞ്ഞത് നാലര മാസം പ്രായമുള്ള എന്റെ കുഞ്ഞിന്റെ മുഖമാണ്. അവന്റെ പ്രായമുള്ള ഏതെങ്കിലും കുഞ്ഞിന് അമ്മയെ നഷ്ടമായിട്ടുണ്ടാകാം. പാലു മാത്രം കുടിക്കുന്ന ഈ സമയത്ത് ആ കുഞ്ഞു മക്കള് എങ്ങനെ ഈ സാഹചര്യം തരണം ചെയ്യുമെന്നത് എന്നെ സങ്കടപ്പെടുത്തി. അമ്മ നഷ്ടമായ, ആറു മാസത്തില് താഴെ പ്രായമുള്ള ഒരു കുഞ്ഞിനെ ദുരന്ത മുഖത്തുനിന്ന് കിട്ടിയാല് എന്റെ ലീവ് തീരും വരെ ഞാന് നോക്കിക്കൊള്ളാമെന്ന് അപര്ണ മുതിർന്ന ഉദ്യോഗസ്ഥരെ അറിയിച്ചത് അതുകൊണ്ടാണ്’- എറണാകുളം തൃപ്പൂണിത്തുറ കെഎപി ഒന്നാം ബറ്റാലിയനിലെ ഹവില്ദാര് ആര്. രശ്മിമോളുടെ മാതൃത്വം നിറയുന്ന വാക്കുകളാണിത്. ചേര്ത്തല പൂച്ചാക്കല് വടക്കേമറ്റത്തില് സനീഷ്കുമാറിന്റെ ഭാര്യയായ രശ്മി നിലവില് പ്രസവാവധിയിലാണ്. വയനാട് ദുരന്തം അറിഞ്ഞപ്പോള് രശ്മിയുടെ മനസ് നിറയെ നാലര മാസം പ്രായമുള്ള മകന് അയാന്റെ രൂപമായിരുന്നു. ഈ പ്രായത്തിലുള്ള കുഞ്ഞുങ്ങള്ക്ക്…
Read Moreഒന്നേമുക്കാൽ നൂറ്റാണ്ട് മുൻപ് മുങ്ങിയ കപ്പലിൽ നശിക്കാതെ ഷാംപെയ്ൻ കുപ്പികൾ!
കടലിനടിയിൽനിന്നു ഗവേഷകരും മുങ്ങൽവിദഗ്ധരും അനവധി നിധിശേഖരങ്ങൾ കണ്ടെത്തിയിട്ടുണ്ട്. ശതകോടികൾ വിലമതിക്കുന്നവയാണ് അവയിൽ പലതും. എന്നാൽ, കഴിഞ്ഞദിവസം ബാൾട്ടിക് കടലിൽനിന്നു ഡൈവിംഗ് സംഘം കണ്ടെത്തിയത് വിശേഷപ്പെട്ട ഒരു “നിധിശേഖരം’ ആയിരുന്നു. പത്തൊമ്പതാം നൂറ്റാണ്ടിലെ ഒരു കപ്പലിന്റെ ഭാഗങ്ങളാണ് ആഴക്കടലിൽ ആദ്യം കണ്ടത്. ഭൂരിഭാഗവും ദ്രവിച്ച കപ്പലിന്റെ അവശിഷ്ടങ്ങൾക്കിടയിൽ പരതിയപ്പോൾ അതാ ഇരിക്കുന്നു, ഷാംപെയ്ന്റെയും വൈനിന്റെയും നിരവധി കുപ്പികൾ. മിനറൽ വാട്ടർ, പോർസലൈൻ എന്നിവ നിറച്ച കുപ്പികളും കണ്ടെത്തി. ഷാംപെയ്ൻ കുപ്പികൾ നൂറോളം എണ്ണമുണ്ടായിരുന്നു. കളിമൺ നിർമിത കുപ്പികളുടെ കാലപ്പഴക്കം നിർണയിച്ചപ്പോൾ 1850 നും 1867നും ഇടയിൽ നിർമിച്ചതാണു കപ്പൽ എന്നു വ്യക്തമായി. ഒന്നേമുക്കാൽ നൂറ്റാണ്ട് പഴക്കമുള്ളതാണെങ്കിലും ഷാംപെയ്നും മിനറൽ വാട്ടറും ഇപ്പോഴും ഉപയോഗിക്കാൻ കഴിയുന്നവയാണെന്നു ഡൈവിംഗ് സംഘത്തിലുള്ള തോമസ് സ്റ്റച്യൂറ പറഞ്ഞു. ബിബിസിക്ക് നൽകിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്. സെൽറ്റേഴ്സ് എന്ന ജർമൻ കമ്പനിയുടേതായിരുന്നു കുപ്പിവെള്ളം. അന്നത്തെ…
Read Moreമക്കളെ മുതലയ്ക്കരികിൽ നിർബന്ധിച്ച് നിർത്തി ഫോട്ടോയെടുപ്പ്! മാതാ പിതാക്കൾക്ക് രൂക്ഷവിമർശനം
മുതലയ്ക്ക് അരികിൽനിന്നു ഫോട്ടോ എടുക്കാൻ മക്കളെ നിർബന്ധിക്കുന്ന മാതാപിതാക്കളുടെ വീഡിയോ ദൃശ്യങ്ങൾക്കെതിരേ സോഷ്യൽ മീഡിയയിൽ വ്യാപക വിമർശനം. കുടുംബസമേതം സൈക്കിള് യാത്ര ചെയ്യുന്നതിനിടെയാണു റോഡരികില് മുതലയെ കണ്ടത്. അതോടെ സൈക്കിൾ നിർത്തി മാതാപിതാക്കൾ തങ്ങളുടെ രണ്ടു പെൺമക്കളെ ഫോട്ടോ എടുക്കുന്നതിനായി മുതലയ്ക്കരികിൽ നിൽക്കാൻ നിർബന്ധിക്കുകയായിരുന്നു. കുട്ടികൾ പരിഭ്രാന്തരായി മുതലയ്ക്കരികിലേക്ക് നീങ്ങി നിൽക്കാൻ മടിക്കുന്നതു ദൃശ്യങ്ങളിൽ കാണാം. എന്നാൽ, അത് അവഗണിച്ച് മക്കളെ മുതലയ്ക്കരികിൽ നിർത്തി ഫോട്ടോ എടുക്കുന്നു. വ്യത്യസ്ത തരത്തിലുള്ള വന്യജീവികളുടെ ആവാസകേന്ദ്രമായ ഫ്ലോറിഡയിലെ എവർഗ്ലേഡ്സ് നാഷണൽ പാർക്കിലാണ് സംഭവം. യാതൊരുവിധ സുരക്ഷാ മുൻകരുതലുകളുമില്ലാതെ അലക്ഷ്യമായി കുട്ടികളെ അപകടകരമായ രീതിയിൽ ഫോട്ടോയ്ക്ക് പോസ് ചെയ്യാൻ നിർബന്ധിച്ചതിനെ സോഷ്യൽ മീഡിയ രൂക്ഷമായി വിമർശിച്ചു.
Read Moreസ്ക്രീൻ സമയം പരിമിതപ്പെടുത്തി, ഫോൺ ഉപയോഗിക്കുന്നതിന് നിരന്തരമായി ശകാരിച്ചു; മാതാപിതാക്കൾക്കെതിരെ പരാതി നൽകി സഹോദരങ്ങൾ
മൊബൈൽ ഫോണിന്റെയും ടിവിയുടെയും അമിത ഉപയോഗത്തിന്റെ പേരിൽ മാതാപിതാക്കളുടെ നിരന്തരമായ ശകാരത്തിൽ മനംനൊന്ത് 21 വയസ്സുള്ള ഒരു പെൺകുട്ടി 8 വയസ്സുള്ള സഹോദരനൊപ്പം പോലീസ് സ്റ്റേഷനിലെത്തി മാതാപിതാക്കൾക്കെതിരെ പരാതി നൽകി. ഇൻഡോർ നഗരത്തിലെ ചന്ദൻ നഗർ പോലീസ് സ്റ്റേഷൻ പരിധിയിലാണ് സംഭവം. 7 വർഷം വരെ ശിക്ഷ ലഭിക്കാവുന്ന വകുപ്പുകൾ ചുമത്തി പോലീസ് കേസെടുത്തതായി പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു. പിന്നീട് രക്ഷിതാക്കൾ ഹൈക്കോടതിയിൽ എത്തി. കുട്ടികൾ പോലീസ് സ്റ്റേഷനിലെത്തി രക്ഷിതാക്കൾ തങ്ങളെ ശകാരിക്കുകയും മൊബൈൽ ഉപയോഗിച്ചതിന് മർദിക്കുകയും ചെയ്തതായി പരാതിപ്പെട്ടന്ന് ഹൈക്കോടതിയിൽ സമർപ്പിച്ച ഹർജിയിൽ അഭിഭാഷകൻ ധർമേന്ദ്ര ചൗധരി പറയുന്നു. ജുവനൈൽ ജസ്റ്റിസ് ആക്ട് പ്രകാരമാണ് മാതാപിതാക്കൾക്കെതിരെ പൊലീസ് കേസെടുത്തത്. എഫ്ഐആർ രജിസ്റ്റർ ചെയ്തതു മുതൽ രണ്ട് കുട്ടികളും അമ്മായിയുടെ കൂടെയാണ് താമസിക്കുന്നത്. എഫ്ഐആർ ഫയൽ ചെയ്യുന്നതിനുമുമ്പ്, കുട്ടികൾ മൊബൈലിനും ടിവിക്കും അടിമപ്പെടുന്നത് ഓരോ രക്ഷിതാക്കളെയും…
Read More60 സെക്കൻഡിനുള്ളിൽ 1,014 ഗ്രാം ഓട്സ് കഴിച്ച് ലോക റിക്കാർഡ്; വൈറലായി വീഡിയോ
ഒരു മിനിറ്റിനുള്ളിൽ ഏറ്റവും കൂടുതൽ ഓട്സ് കഴിച്ച് റിക്കാർഡ് നേടിയിരിക്കുകയാണ് നോർവേയിലെ ട്രോണ്ട്ഹൈമിലെ ട്രോണ്ട്ഹൈമിൽ നിന്നുള്ള ജോഹന്നാസ് ബെർജ് . 60 സെക്കൻഡിനുള്ളിൽ 4.2 കപ്പിന് തുല്യമായ 1,014 ഗ്രാം ഓട്സാണ് ഇയാൾ കഴിച്ചത്. ഗിന്നസ് വേൾഡ് റിക്കാർഡ്സും അവരുടെ ഇൻസ്റ്റാഗ്രാമിൽ ഈ വീഡിയോ പങ്കിട്ടു. വൈറൽ ഫൂട്ടേജിൽ, ഒരു വലിയ പാത്രത്തിൽ ഓട്സ് മീൽ കൊണ്ട് ബെർജ് ഇരിക്കുന്നത് കാണാം. ടൈമർ ആരംഭിക്കുമ്പോൾ അയാൾ വേഗത്തിൽ ഓട്സ് കഴിക്കുകയും ചെയ്യുന്നു. “ഒറ്റ മിനിറ്റിനുള്ളിൽ ഏറ്റവും കൂടുതൽ കഞ്ഞി/ഓട്ട്സ് കഴിച്ചത് 1,014 ഗ്രാം /35.76 ഔൺസ് ജോഹന്നാസ് ബെർജ്.”എന്ന അടിക്കുറിപ്പിനൊപ്പമാണ് വീഡിയോ പങ്കിട്ടിരിക്കുന്നത്. 3 ലക്ഷത്തിലധികം വ്യൂസാണ് വീഡിയോയ്ക്ക് ലഭിച്ചിരിക്കുന്നത്.
Read Moreവയനാട്ടിലെ രക്ഷാപ്രവര്ത്തനം കണ്ടപ്പോള് ആര്മിയില് ചേരാൻ തോന്നി; വൈറലായി മൂന്നാം ക്ലാസ് വിദ്യാർഥിയുടെ ഡയറിക്കുറിപ്പ്
നാടിനെ ഞെട്ടിച്ചവയനാട് ഉരുൾപൊട്ടൽ ദുരന്തത്തിന്റെ വാർത്തകൾ കണ്ട് ഞെട്ടുകയാണ് ഓരോ മനുഷ്യരും. ഇതിനിടെ ദുരന്തവാർത്തകൾ കണ്ട് തന്റെ സങ്കടങ്ങളും സ്വപ്നങ്ങളും എഴുതിയ ഒരു കൊച്ചുമിടുക്കന്റെ ഡയറിക്കുറിപ്പാണ് സോഷ്യൽ മീഡിയയിൽ വൈറലാകുന്നത്. പാലക്കാട് ജില്ലയിലെ മണ്ണൂർ എ ജെ ബി എസ് കിഴക്കുംപുറം സ്കൂളിലെ മൂന്നാം ക്ലാസ് വിദ്യാർഥിയായ ആദി മുഹമ്മദ്. എ. എസ്. തന്റെ സംയുക്ത ഡയറിയിൽ പങ്കുവെച്ച കുറിപ്പാണ് ചര്ച്ചയാകുന്നത്. രാവിലെ എഴുന്നേറ്റപ്പോള് ആദ്യം ചോദിച്ചത് വയനാട്ടിലെ ദുരന്തത്തെ കുറിച്ചായിരുന്നുവെന്നും ഇന്ത്യന് ആര്മിയുടെ രക്ഷാപ്രവര്ത്തനം കണ്ടപ്പോള് എനിക്ക് ആര്മിയില് ചേരാനും ഹെലികോപ്ടറില് സഞ്ചരിക്കാനും ആഗ്രഹമുണ്ടെന്ന് ഞാന് ഉമ്മയോട് പറഞ്ഞുവെന്നുമാണ് ഡയറിയില് എഴുതിയിരിക്കുന്നത്. ഡയറി കുറിപ്പ് പങ്കുവച്ചതോടെ നിരവധിയാളുകളാണ് ആദി മുഹമ്മദിന് ആശംസകളുമായെത്തുന്നത്. ഡയറി കുറിപ്പിന്റെ പൂര്ണരൂപം: ഇന്ന് രാവിലെ എണീറ്റപ്പോള് ഞാന് ആദ്യം ചോദിച്ചത് വയനാട്ടിലെ ദുരന്തത്തെ കുറിച്ചായിരുന്നു. ഞാനും ഉമ്മയും ഫോണിലൂടെ വാര്ത്ത കണ്ടു.…
Read More