ബംഗളൂരുവിൽ റീൽ ചിത്രീകരണത്തിന്‍റെ ഭാഗമായി കുട ചൂടി ബസ് ഓടിച്ചതിന് നോർത്ത് വെസ്‍റ്റ് കെആർടിസി (എൻഡബ്ലുകെആർടിസി) ഡ്രൈവർക്കും കണ്ടക്ടർക്കും സസ്പെൻഷൻ.
ധാർവാഡ് ഡിപ്പോയിലെ ഡ്രൈവർ ഹനുമന്ത കിലേഡാറ, കണ്ടക്ടർ എച്ച്. അനിത എന്നിവരെയാണ് വകുപ്പുതല അന്വേഷണത്തിന്‍റെ ഭാഗമായി സസ്പെൻഡ് ചെയ്തത്. ധാർവാഡ്- ബേട്ടഗേരി റൂട്ടിലൂടെ ഓടുന്ന ബസിലാണ് ഹനുമന്ത കുട ബസ് ഓടിക്കുന്ന വീഡിയോ അനിത ചിത്രീകരിച്ചത്.
ബസിനുള്ളിൽ ചോർച്ചയൊന്നും ഉണ്ടായിരുന്നില്ലെന്നും മ‍ഴക്കാലത്തെക്കുറിച്ച് മുന്നറിയിപ്പ് നൽകാൻ വേണ്ടിയാണ് വീഡിയോ ചിത്രീകരിച്ചതെന്നുമാണ് സംഭവത്തിൽ ഡ്രൈവറും കണ്ടക്ടറും നൽകുന്ന വിശദീകരണം. ഈ സമയം ബസിൽ യാത്രക്കാർ ഉണ്ടായിരുന്നില്ല.
എന്നാൽ കുടി ചൂടി ബസോടിക്കുന്നത് അപകടങ്ങൾക്കിടയാക്കുമെന്നും ഇത്തരം തെറ്റായ കാര്യങ്ങൾ ചെയ്യുന്നത് പ്രോത്സാഹിപ്പിക്കാൻ കഴിയില്ലെന്നും മനേജ്മെന്‍റ് വിശദീകരണത്തിൽ പറഞ്ഞു.
