കോഴിക്കോട്: എത്രയും വേഗം പണമടച്ചില്ലെങ്കില്, ആധാര് നമ്പര് വൈദ്യുതി കണക്ഷനുമായി ബന്ധപ്പെടുത്തിയില്ലെങ്കില് വൈദ്യുതി വിച്ഛേദിക്കും എന്ന തരത്തില് ചില വ്യാജ മൊബൈല് സന്ദേശങ്ങള് ഉപഭോക്താക്കള്ക്ക് ലഭിക്കുന്നതായി ശ്രദ്ധയില്പ്പെട്ടിട്ടുണ്ടെന്ന് കേരള പോലീസ്. സന്ദേശത്തിലെ മൊബൈല് നമ്പരില് ബന്ധപ്പെട്ടാല് കെഎസ്ഇബിയുടെ ഉദ്യോഗസ്ഥന് എന്ന വ്യാജേന സംസാരിച്ച് ഒരു പ്രത്യേക മൊബൈല് ആപ്ലിക്കേഷന് മൊബൈലില് ഇന്സ്റ്റാള് ചെയ്യാന് ആവശ്യപ്പെടുകയും തുടര്ന്ന് ഉപഭോക്താവിന്റെ ബാങ്ക് വിവരങ്ങള് കൈക്കലാക്കി പണം കവരുകയും ചെയ്യുന്ന ശൈലിയാണ് ഇത്തരം തട്ടിപ്പുകാര്ക്കുള്ളത്. വൈദ്യുതി ഉപഭോക്താക്കള് തികഞ്ഞ ജാഗ്രത പുലര്ത്തേണ്ടതാണ്. ഇത്തരം വ്യാജ സന്ദേശങ്ങളോട് യാതൊരു കാരണവശാലും പ്രതികരിക്കരുതെന്നും പോലീസ് പറയുന്നു. കെഎസ്ഇബി അയയ്ക്കുന്ന സന്ദേശങ്ങളില് അടയ്ക്കേണ്ട ബില് തുക, 13 അക്ക കണ്സ്യൂമര് നമ്പര്, സെക്ഷന്റെ പേര്, പണമടയ്ക്കേണ്ട അവസാന തീയതി, പണമടയ്ക്കാനുള്ള ഉപഭോക്തൃ സേവന വെബ്സൈറ്റ് ലിങ്ക് തുടങ്ങിയ വിവരങ്ങള് ഉള്പ്പെടുത്തിയിരിക്കും. ഉപഭോക്താക്കളുടെ ബാങ്ക് അക്കൗണ്ട് വിവരങ്ങള്…
Read Moreവൈദ്യുതി ബില്ലിന്റെ പേരില് വ്യാജ സന്ദേശം അയച്ച് പുതിയ തട്ടിപ്പ്: ഇവർ ആവശ്യപ്പെടുന്ന ആപ്ലിക്കേഷൻ ഇൻസ്റ്റാൾ ചെയ്താൽ സംഭവിക്കുന്നത്…
