ന്യൂഡൽഹി: തന്റെ പുതിയ ഓർമക്കുറിപ്പായ ‘ബിലോംഗിഗ്: എ ജേർണി ഓഫ് ലവ്’ൽ ഷാബാനു കേസിന്റെ വിഷയത്തിൽ താൻ ഭർത്താവ് രാജീവ് ഗാന്ധിയോട് വിയോജിക്കുകയും തർക്കിക്കുകയും ചെയ്തിരുന്നുവെന്ന് സോണിയാ ഗാന്ധിയുടെ വെളിപ്പെടുത്തൽ. 1985-ലെ ചരിത്രപ്രസിദ്ധമായ ഷാ ബാനു കേസ് വിധിയും അതിനെ മറികടക്കാൻ അന്നത്തെ രാജീവ് ഗാന്ധി സർക്കാർ കൊണ്ടുവന്ന നിയമനിർമാണവും കോൺഗ്രസ് പാർട്ടിക്ക് രാഷ്ട്രീയമായി വലിയ തിരിച്ചടിയായെന്നാണ് സോണിയാ ഗാന്ധിയുടെ വിലയുരുത്തൽ. സുപ്രീംകോടതി ഒരു പാവപ്പെട്ട സ്ത്രീക്ക് ജീവനാംശം നൽകാൻ ഉത്തരവിട്ടപ്പോൾ അതിനെ മുസ്ലിം വ്യക്തിനിയമത്തിന്റെ പേരിൽ എതിർത്തതും തുടർന്ന് സർക്കാർ നിയമം ഭേദഗതി ചെയ്തതും തെറ്റായ സന്ദേശമാണ് നൽകിയതെന്ന് സോണിയ ചൂണ്ടിക്കാണിക്കുന്നു. പ്രായമായ ഷാ ബാനുവിന് ജീവനാംശം നൽകാനുള്ള സുപ്രീംകോടതി വിധി വളരെ ലളിതമായ ഒന്നായിരുന്നു. എന്നാൽ അവരുടെ ഭർത്താവ് ഇതിനെ വ്യക്തിനിയമങ്ങളുടെ പേരിൽ ചോദ്യം ചെയ്യുകയായിരുന്നുവെന്ന് സോണിയ ഓർക്കുന്നു. പാർട്ടിക്കുള്ളിലെ യാഥാസ്ഥിതിക വിഭാഗങ്ങളുടെ സമ്മർദത്തിന്…
Read MoreCategory: Top News
റേഷൻ അരിയിലെ അടക്കം നുറുക്കരിയുടെ അളവ് മൂന്നിലൊന്നായി കുറയ്ക്കും; എഥനോൾ ഉത്പാദനത്തിനായി മില്ലുകളിൽ നിന്ന് അരി സംഭരിക്കാൻ കേന്ദ്ര സർക്കാർ, കേരളത്തിലും സപ്ലൈകോ നീക്കങ്ങൾ തുടങ്ങി
ന്യൂഡൽഹി: രാജ്യത്ത് അരിക്ഷാമം രൂക്ഷമാകുന്നതിനിടെ കൂടുതൽ അരി എഥനോൾ ഉത്പാദനത്തിന് ഉപയോഗിക്കാൻ കേന്ദ്രസർക്കാർ നീക്കം. ഇതിന്റെ ഭാഗമായി അരിമില്ലുകളിൽ നിന്ന് എഥനോൾ നിർമാണത്തിനായി നുറുക്ക് അരി സംഭരിക്കാൻ കേന്ദ്ര സർക്കാർ തീരുമാനിച്ചു. ഇതോടെ റേഷൻ അരിയിലെ അടക്കം നുറുക്കരിയുടെ അളവ് മൂന്നിലൊന്നായി കുറയ്ക്കും. എല്ലാ ആഴ്ചയും അരിയുടെ സ്റ്റോക്ക് വെളിപ്പെടുത്താന് തെക്കേ ഇന്ത്യൻ സംസ്ഥാനങ്ങൾക്ക് കേന്ദ്രം നിര്ദേശം നൽകി. അരിവില ഉയരുന്നതിനിടെ കേന്ദ്ര സർക്കാരിന്റെ തീരുമാനം. കേരളത്തിൽ പൊന്നി അരിക്ക് മൂന്ന് മാസത്തിനിടെ കൂടിയത് 20 രൂപയാണ്. അരിയുടെ ഉത്പാദനം ഈ വർഷം കുറഞ്ഞേക്കുമെന്ന കണക്കുകൾക്കിടയിലാണ് കൂടുതൽ അരി എഥനോൾ ഉൽപ്പാദനത്തിന് ഉപയോഗിക്കാൻ കേന്ദ്രം തീരുമാനിക്കുന്നത്. രാജ്യത്തെ അരിക്ഷാമം എഥനോള് നിർമാണത്തെ ബാധിച്ചതോടെയാണ് നുറുക്ക് അരിയിൽ പിടി വീഴുന്നത്. ഇതോടെ പൊതുവിതരണത്തിനായുള്ള അരിയുടെ അളവ് ഗണ്യമായി കുറഞ്ഞേക്കും. സംസ്ഥാനത്തും ഇത് നടപ്പാക്കാൻ സപ്ലൈകോ നീക്കങ്ങൾ തുടങ്ങി. 42…
Read Moreപരീക്ഷാ ക്രമക്കേട് കേസിൽ ചോദ്യം ചെയ്യലിന് പിഎസ്സി ചെയർമാൻ ക്രൈംബ്രാഞ്ചിന് മുന്നിൽ ഹാജരാകില്ല
തിരുവനന്തപുരം: പരീക്ഷാ ക്രമക്കേട് കേസിൽ പിഎസ്സി ചെയർമാൻ എം.ആർ.ബൈജു ചോദ്യം ചെയ്യലിന് ഹാജരാകില്ല. ഇക്കാര്യം പ്രത്യേക അന്വേഷണ സംഘത്തെ രേഖാമൂലം അറിയിച്ചു. ഹൈക്കോടതി സിംഗിൾ ബെഞ്ചിന്റെ ഉത്തരവ് വന്നതിനുശേഷം മാത്രം ഹാജരാകുന്ന കാര്യത്തിൽ തീരുമാനമെടുക്കുമെന്നാണ് ബൈജുവിന്റെ നിലപാട്. ചൊവ്വാഴ്ച ഉച്ചയ്ക്ക് 2.30ന് തിരുവനന്തപുരത്തെ ക്രൈംബ്രാഞ്ച് ആസ്ഥാനത്ത് ഹാജരാകാനായിരുന്നു അന്വേഷണസംഘം നിർദേശിച്ചിരുന്നത്. എന്നാൽ ഹൈക്കോടതി ഉത്തരവിനുശേഷം തുടർനടപടികൾ സ്വീകരിക്കാമെന്നാണ് ബൈജു അറിയിച്ചിരിക്കുന്നത്. നേരത്തെ അന്വേഷണവുമായി സഹകരിക്കാൻ വിസമ്മതിച്ച ബൈജുവിനെതിരെ ഹൈക്കോടതി രൂക്ഷവിമർശനം ഉന്നയിച്ചിരുന്നു. ഇതിന് പിന്നാലെയാണ് അന്വേഷണസംഘം വീണ്ടും ചോദ്യം ചെയ്യലിന് ഹാജരാകാൻ ആവശ്യപ്പെട്ടത്. കേസുമായി ബന്ധപ്പെട്ട് ബൈജുവിന് ക്രൈംബ്രാഞ്ച് നോട്ടീസ് നൽകുന്നത് ഇത് മൂന്നാം തവണയാണ്.
Read More‘ജുവനൈൽ ജസ്റ്റീസ് നിയമത്തിലെ പഴുതുകൾ മറയാക്കി മനഃപൂർവം കുറ്റകൃത്യങ്ങൾ നടത്തുന്ന പ്രവണത അംഗീകരിക്കാനാവില്ല’ – കുട്ടിക്കുറ്റവാളികൾക്കെതിരെ നിയമനടപടികൾ ശക്തമാക്കുമെന്ന് രമേശ് ചെന്നിത്തല
കോഴിക്കോട്: ജുവനൈൽ ജസ്റ്റീസ് നിയമത്തിലെ പഴുതുകൾ മറയാക്കി മനഃപൂർവം കുറ്റകൃത്യങ്ങൾ നടത്തുന്ന പ്രവണത അംഗീകരിക്കാനാവില്ലെന്ന് മന്ത്രി രമേശ് ചെന്നിത്തല. ഇത്തരക്കാർക്കെതിരെ കർശന നടപടി സ്വീകരിക്കും. നിയമത്തിലെ വ്യവസ്ഥകൾ ദുരുപയോഗം ചെയ്ത് കുറ്റകൃത്യങ്ങളിൽ ഏർപ്പെടുന്നവർക്കെതിരെ സ്വീകരിക്കേണ്ട നടപടികൾ നിയമവിദഗ്ധരുമായി ആലോചിച്ച് തീരുമാനിക്കുമെന്നും അദ്ദേഹം വ്യക്തമാക്കി. കുട്ടിക്കുറ്റവാളികളുടെ എണ്ണം വർധിച്ചുവരുന്ന സാഹചര്യത്തിൽ സ്കൂളുകൾ കേന്ദ്രീകരിച്ച് ബോധവത്കരണ പരിപാടികൾ ആരംഭിക്കും. ഇതുസംബന്ധിച്ച് വിദ്യാഭ്യാസ വകുപ്പുമായി ചർച്ച നടത്തും. കുട്ടികളിലെ കുറ്റകൃത്യപ്രവണത തടയുന്നതിനുള്ള നടപടികൾ ഉടൻ ആരംഭിക്കും. കുട്ടികൾ വാഹനമോടിച്ച് അപകടങ്ങൾ സൃഷ്ടിക്കുന്ന സംഭവങ്ങളും ഗൗരവത്തോടെയാണ് കാണുന്നത്. പ്രായപൂർത്തിയാകാത്തവർ വാഹനമോടിച്ച് ആളുകളെ ഇടിച്ചിടുന്ന സംഭവങ്ങൾ അംഗീകരിക്കാനാവില്ല. മദ്യവും ലഹരിവസ്തുക്കളും ഉപയോഗിച്ച് വാഹനമോടിക്കുന്നതാണ് കേരളം നേരിടുന്ന പ്രധാന പ്രശ്നങ്ങളിലൊന്ന്. ഇത്തരം നിയമലംഘനങ്ങൾക്കെതിരെ കർശന നടപടി സ്വീകരിക്കുമെന്നും മന്ത്രി മുന്നറിയിപ്പ് നൽകി. അതേസമയം ഓപ്പറേഷൻ തൂഫാന്റെ രണ്ടാംഘട്ടത്തിൽ രോഗികളുടെ പുനരധിവാസത്തിന് കൂടുതൽ പ്രാധാന്യം നൽകും. ഇതിന്റെ…
Read Moreജിഎന്എ വൈദ്യുതിക്കരാറില്നിന്നുള്ള പിന്മാറ്റം; തീരുമാനം മുഖ്യമന്ത്രിയുടേതെന്നും കരാറിൽ തെറ്റായ വ്യാഖ്യാനമെന്നും സണ്ണി ജോസഫ്
തിരുവനന്തപുരം: ജിഎൻഎ വഴി വൈദ്യുതി വാങ്ങേണ്ടതില്ലെന്ന തീരുമാനം മുഖ്യമന്ത്രിയുടേതാണെന്നും ഇക്കാര്യത്തിൽ മുഖ്യമന്ത്രിതന്നെയാണ് വിശദീകരണം നൽകേണ്ടതെന്നും വൈദ്യുതി മന്ത്രി സണ്ണി ജോസഫ്. പുതിയ തീരുമാനം മാധ്യമങ്ങളിലൂടെയാണ് അറിഞ്ഞതെന്നും അദ്ദേഹം പറഞ്ഞു. പവർ സെക്രട്ടറിയുമായും കെഎസ്ഇബി ചെയർമാനുമായും മുഖ്യമന്ത്രി സംസാരിച്ചതിൽ തെറ്റില്ല. മുഖ്യമന്ത്രിക്ക് ഏതു വകുപ്പിലും ഇടപെടാൻ അധികാരമുണ്ടെന്നും വകുപ്പുമന്ത്രിക്കു മുകളിലാണ് മുഖ്യമന്ത്രിയുടെ സ്ഥാനമെന്നും സണ്ണി ജോസഫ് ചൂണ്ടിക്കാട്ടി. നവംബറിലെ വൈദ്യുതിക്ഷാമ മുന്നറിയിപ്പുമായി ബന്ധപ്പെട്ട് അന്വേഷണം നടക്കുന്നുണ്ടോയെന്ന ചോദ്യത്തിന്, അക്കാര്യം അറിയില്ലെന്നായിരുന്നു മറുപടി. ഹിമാചൽ പ്രദേശിൽനിന്ന് വൈദ്യുതി വാങ്ങാനുള്ള തീരുമാനത്തെ ന്യായീകരിച്ച സണ്ണി ജോസഫ്, സെപ്റ്റംബറിൽ സംസ്ഥാനം വലിയ വൈദ്യുതി പ്രതിസന്ധി നേരിട്ടിരുന്നുവെന്നു പറഞ്ഞു. ഇതേത്തുടർന്ന് കെഎസ്ഇബി ബോർഡ് അംഗങ്ങളെ ഉത്തരേന്ത്യയിലെ വിവിധ സ്ഥലങ്ങളിലേക്ക് അയച്ചിരുന്നു. അവിടങ്ങളിൽ നടത്തിയ പരിശോധനകൾക്കും അന്വേഷണങ്ങൾക്കും ശേഷമാണ് ഹിമാചലിനെ തെരഞ്ഞെടുത്തത്. ഒക്ടോബറിൽ വൈദ്യുതി പ്രതിസന്ധി മറികടക്കാൻ ഹിമാചലിൽനിന്നു ലഭിച്ച വൈദ്യുതി സഹായകമായി. 2027 മേയ്…
Read Moreകുടുംബാരോഗ്യ കേന്ദ്രത്തിലെ ലാബ് ഉദ്ഘാടന വേദിയിൽ വന്ദേമാതരം മുഴുവനായി ചൊല്ലിയതിൽ അതൃപ്തി പ്രകടിപ്പിച്ച് ആരോഗ്യ മന്ത്രി കെ. മുരളീധരൻ
കാസർഗോഡ്: വേദിയിൽ വന്ദേമാതരം മുഴുവനായി ചൊല്ലിയതിൽ അതൃപ്തി പ്രകടിപ്പിച്ച് ആരോഗ്യ മന്ത്രി കെ. മുരളീധരൻ. കാസർഗോഡ് മുള്ളേരിയ കുടുംബാരോഗ്യ കേന്ദ്രത്തിലെ ലാബ് ഉദ്ഘാടന ചടങ്ങിലാണ് സംഭവം. പാടി പൂർത്തിയാക്കുന്നതിന് മുമ്പ് മന്ത്രി വേദിയിൽ ഇരുന്നു. ജില്ലാ കളക്ടറും രാജ്മോഹൻ ഉണ്ണിത്താൻ എംപിയും കല്ലട്ര മാഹിൻ എംഎൽഎയും മന്ത്രിക്കൊപ്പം ഇരുന്നു. കെ. നീലകണ്ഠൻ എംഎൽഎ, ഡിസിസി പ്രസിഡന്റ് പി.കെ. ഫൈസൽ എന്നിവർ പാടി പൂർത്തിയാക്കുന്നത് വരെ വേദിയിൽ നിന്നു. വന്ദേമാതരത്തിന്റെ ആദ്യ രണ്ട് ഖണ്ഡികകൾ ചൊല്ലിയതിന് പിന്നാലെയാണ് മന്ത്രിയും മറ്റുള്ളവരും വേദിയിൽ ഇരിക്കാൻ ശ്രമിച്ചത്. വന്ദേമാതരം തുടർന്നതോടെ മന്ത്രിയും മറ്റുള്ളവരും ഇരുന്നു. ഇതിനിടെ മന്ത്രി അടുത്തുണ്ടായിരുന്നവരോട് സംസാരിക്കുന്നത് പുറത്തുവന്ന ദൃശ്യങ്ങളിൽ കാണാം. ഔദ്യോഗിക പരിപാടികളിൽ വന്ദേമാതരം മുഴുവനായി ആലപിക്കണമെന്ന് കേന്ദ്രസർക്കാർ നിർദേശം നൽകിയിരുന്നെങ്കിലും ആദ്യ രണ്ട് ഖണ്ഡികകൾ ചൊല്ലിയാൽ മതിയെന്ന് കോൺഗ്രസ് നിലപാടെടുത്തിരുന്നു.
Read More‘മുൻ പ്രധാനമന്ത്രി ഇന്ദിരാഗാന്ധി ഓപ്പറേഷൻ ബ്ലൂസ്റ്റാറുമായി ബന്ധപ്പെട്ട് മാനസിക ബുദ്ധിമുട്ടുകളും ദുഃഖവും അനുഭവിച്ചിരുന്നു’ – സോണിയാഗാന്ധിയുടെ പരാമർശത്തിനെതിരെ കടുത്ത വിമർശനവുമായി അകാലിദൾ
ന്യൂഡൽഹി: സോണിയാഗാന്ധിയുടെ പുതിയ പരാമർശത്തിനെതിരെ ശക്തമായ പ്രതിഷേധവുമായി ശിരോമണി അകാലിദൾ രംഗത്ത്. മുൻ പ്രധാനമന്ത്രി ഇന്ദിരാഗാന്ധി ഓപ്പറേഷൻ ബ്ലൂസ്റ്റാറുമായി ബന്ധപ്പെട്ട് മാനസിക ബുദ്ധിമുട്ടുകളും ദുഃഖവും അനുഭവിച്ചിരുന്നു എന്ന തരത്തിലുള്ള സോണിയാഗാന്ധിയുടെ പ്രസ്താവനയെയാണ് അകാലിദൾ എതിർത്തത്. 1984-ലെ ഓപ്പറേഷൻ ബ്ലൂസ്റ്റാർ സിഖ് സമൂഹത്തിനും സിഖുകാരുടെ പരമോന്നത ധർമപീഠമായ ശ്രീ അകാൽ തഖ്ത് സാഹിബിനും എതിരായ നേരിട്ടുള്ള കടന്നുകയറ്റവും ആക്രമണവുമായിരുന്നു എന്ന് അകാലിദൾ വക്താവ് അർഷ്ദീപ് സിംഗ് ക്ലർ വ്യക്തമാക്കി. കോൺഗ്രസ് നേതൃത്വത്തിന്റെ ഇത്തരം പ്രസ്താവനകളും ഖേദം പ്രകടിപ്പിക്കലുകളും അംഗീകരിക്കാനാവില്ലെന്നും പാർട്ടി കുറ്റപ്പെടുത്തി.
Read Moreമുഖ്യ തിരഞ്ഞെടുപ്പ് കമ്മീഷണര് ഗ്യാനേഷ് കുമാറിനെതിരായ വിജിലൻസ് അന്വേഷണത്തിൽ പരാതിക്കാരനായ കരാറുകാരൻ വി.ഒ. സാജൻ വിജിലൻസ് സംഘത്തിന് മൊഴി നൽകി
തിരുനനന്തപുരം: 2005 നവംബറിൽ മലേഷ്യയിൽ ആത്മഹത്യ ചെയ്ത മലേഷ്യൻ എൻജിനീയറായ ലീ സീ ബെന്നിന്റെ മരണത്തിലേക്ക് നയിച്ച കൈക്കൂലി ആരോപണത്തിൽ പരാതിക്കാരനായ കരാറുകാരൻ വി.ഒ. സാജൻ വിജിലൻസ് സംഘത്തിന് മൊഴി നൽകി. മുഖ്യ തിരഞ്ഞെടുപ്പ് കമ്മീഷണര് ഗ്യാനേഷ് കുമാർ 2006-ൽ കേരള പൊതുമരാമത്ത് വകുപ്പ് സെക്രട്ടറിയായിരിക്കെ, ലോകബാങ്ക് സഹായത്തോടെയുള്ള കേരള സ്റ്റേറ്റ് ട്രാൻസ്പോർട്ട് പ്രോജക്റ്റിൽ ഉൾപ്പെട്ട എംസി റോഡ് നവീകരണവുമായി ബന്ധപ്പെട്ടതാണ് കേസ്. പൊതുമരാമത്ത് വകുപ്പ് സെക്രട്ടറിയായിരുന്ന ഗ്യാനേഷ് കുമാർ, കമ്പനിയുടെ തടഞ്ഞുവെച്ച 17 കോടി രൂപയുടെ ബില്ലുകൾ പാസാക്കുന്നതിനായി സൂപ്പർവൈസിങ് എൻജിനീയർ ലീ സീ ബെന്നിനോട് 2 കോടി രൂപ കൈക്കൂലി ആവശ്യപ്പെട്ടുവെന്നാണ് സാജന്റെ പരാതി. കൈക്കൂലി നൽകാൻ വിസമ്മതിച്ചതിനെ തുടർന്ന് ബില്ലുകൾ തടഞ്ഞുവെച്ചതിനാലുണ്ടായ സാമ്പത്തിക പ്രതിസന്ധിയാണ് ലീ സീ ബെന്നിന്റെ മരണത്തിലേക്ക് നയിച്ചതെന്നും പരാതിയിൽ ആരോപിക്കുന്നു. ഈ സംഭവവുമായി ബന്ധപ്പെട്ട് ലീ സീ ബീൻ…
Read Moreഉടൻ വൈദ്യുതി കരാറില്ലെങ്കിൽ പവർകട്ട് അനിവാര്യമെന്ന മുൻ കെഎസ്ഇബി ചെയർമാൻ രാജമാണിക്യത്തിന്റെ കുറിപ്പ് ഏത് സാഹചര്യത്തിലാണെന്ന് പരിശോധിക്കുമെന്ന് മുഖ്യമന്ത്രി
തിരുവനന്തപുരം: സംസ്ഥാനത്തെ വൈദ്യുതിക്ഷാമം എന്ന പ്രചാരണം കൃത്രിമമായി സൃഷ്ടിക്കപ്പെട്ടതാണോ എന്ന് സംശയിച്ച് സർക്കാർ. വൈദ്യുതിക്ഷാമമെന്ന മുൻ കെഎസ്ഇബി ചെയർമാൻ രാജമാണിക്യത്തിന്റെ കുറിപ്പ് ഏത് സാഹചര്യത്തിലാണെന്ന് പരിശോധിക്കാൻ മുഖ്യമന്ത്രി നിർദ്ദേശം നൽകി. ഉടൻ വൈദ്യുതി കരാറില്ലെങ്കിൽ പവർകട്ട് അനിവാര്യമെന്നായിരുന്നു രാജമാണിക്യത്തിന്റെ കുറിപ്പ്. സംസ്ഥാനത്ത് അടുത്ത രണ്ടു മാസത്തേക്ക് വൈദ്യുതി പ്രതിസന്ധിയുണ്ടാകില്ലെന്നാണ് പുതിയ വിലയിരുത്തൽ. നിലവിൽ അടുത്ത രണ്ടു മാസത്തേക്ക് പുറത്തുനിന്ന് വൈദ്യുതി വാങ്ങേണ്ട സാഹചര്യമില്ലെന്ന് കെഎസ്ഇബി ചെയർമാൻ എൻ. പ്രശാന്തും ഊർജ സെക്രട്ടറിയും മുഖ്യമന്ത്രി വി.ഡി. സതീശനെ കണ്ട് അറിയിച്ചിരുന്നു. വൈദ്യുതി പ്രതിസന്ധിയില്ലാത്തതിനാൽ തത്കാലം പുതിയ ജിഎൻഎ ഹ്രസ്വകാല വൈദ്യുതി കരാർ ഉണ്ടാകില്ല. ഈ സാഹചര്യത്തിൽ, അടിയന്തര തീരുമാനമെടുക്കണമെന്ന മുൻ കെഎസ്ഇബി ചെയർമാന്റെ സമ്മർദത്തിനു പിന്നിലെന്തെന്നായിരുന്നുവെന്ന് പരിശോധിക്കും.
Read Moreകൊച്ചിയിലെ മുസ്ലിം യൂത്ത് ലീഗ് റാലി ഗതാഗത കുരുക്കിന് കാരണമായതില് പൊലിസ് കേസ് എടുത്തു
കൊച്ചി: കൊച്ചിയിലെ മുസ്ലിം യൂത്ത് ലീഗ് സംസ്ഥാന സമ്മേളനത്തിനോട് അനുബന്ധിച്ച് നടത്തിയ റാലി ഗതാഗത കുരുക്കിന് കാരണമായതില് പൊലിസ് കേസ് എടുത്തു. സയ്യിദ് മുനവ്വറലി ശിഹാബ് തങ്ങള്, പി.കെ. ഫിറോസ് ഉള്പ്പെടെ 12 പേര്ക്കെതിരെയും കണ്ടാലറിയാവുന്ന രണ്ടായിരത്തോളം ആളുകള്ക്കെതിരെയുമാണ് കേസ്. എറണാകുളം ഗോശ്രീ പാലം മുതല് മറൈന്ഡ്രൈവ് വരെയാണ് മുസ്ലിം ലീഗിന്റെ റാലി നടന്നത്. റാലിക്ക് അനുമതിയുണ്ടായിരുന്നുവെങ്കിലും ഗതാഗതക്കുരുക്ക് ഉണ്ടാകാതിരിക്കാന് ഉള്ള പൊലീസ് നിര്ദേശങ്ങള് പാലിച്ചില്ലെന്ന് കാട്ടിയാണ് കേസ് എടുത്തത്.
Read More