വേ​ങ്ങാ​ട്ടെ 65 കാ​ര​ന്‍റെ മ​ര​ണം കൊ​ല​പാ​ത​കം;  മ​ക​ൻ നി​ജി​ലിനെ പോലീസ് അറസ്റ്റു ചെയ്തു;  കൊലപാതകത്തിലേക്ക് നയിച്ചതിനെക്കുറിച്ച്  പോലീസ് പറ‍യുന്നത്

കൂ​ത്തു​പ​റ​മ്പ്: വേ​ങ്ങാ​ട് ദു​രൂ​ഹ സാ​ഹ​ച​ര്യ​ത്തി​ൽ അ​റു​പ​ത്തി​യ​ഞ്ചു​കാ​ര​ൻ മ​ര​ണ​പ്പെ​ട്ട സം​ഭ​വം കൊ​ല​പാ​ത​ക​മെ​ന്ന് പോ​ലീ​സ്. ക​സ്റ്റ​ഡി​യി​ലു​ള്ള മ​ക​ന്‍റെ അ​റ​സ്റ്റ് ഇ​ന്ന് രേ​ഖ​പ്പെ​ടു​ത്തും. വേ​ങ്ങാ​ട് ഗ​വ.​ഹ​യ​ർ സെ​ക്ക​ൻ​ഡ​റി സ്കൂ​ളി​നു സ​മീ​പ​ത്തെ വ​ള​യ​ങ്ങാ​ട​ൻ ച​ന്ദ്ര​ൻ (65) മ​ര​ണ​പ്പെ​ട്ട സം​ഭ​വ​ത്തി​ലാ​ണ് ഇ​ദ്ദേ​ഹ​ത്തി​ന്‍റെ മ​ക​ൻ നി​ജി​ലി (34)നെ ​കൂ​ത്തു​പ​റ​മ്പ് പോ​ലീ​സ് ക​സ്റ്റ​ഡി​യി​ലെ​ടു​ത്ത​ത്. ച​ന്ദ്ര​ന്‍റെ മ​ര​ണം കൊ​ല​പാ​ത​ക​മാ​ണെ​ന്ന് വ്യ​ക്ത​മാ​യ​തോ​ടെ ഇ​ന്ന് ത​ന്നെ ഇ​യാ​ളു​ടെ അ​റ​സ്റ്റ് രേ​ഖ​പ്പെ​ടു​ത്തും.

ചൊ​വ്വാ​ഴ്ച രാ​ത്രി 9.30 ഓ​ടെ​യാ​യി​രു​ന്നു സം​ഭ​വം. വീ​ട്ടി​ൽ വെ​ച്ചു​ണ്ടാ​യ വാ​ക്ക് ത​ർ​ക്ക​ത്തി​നി​ടെ നി​ജി​ൽ പി​താ​വ് ച​ന്ദ്ര​നെ മൂ​ർ​ച്ച​യേ​റി​യ പ​ട്ടി​ക ക​ഷ്ണം കൊ​ണ്ട​ടി​ച്ച് ത​ല​യ്ക്ക് പ​രി​ക്കേ​ല്പി​ക്കു​ക​യാ​യി​രു​ന്നു​വെ​ന്നാ​ണ് പോ​ലീ​സ് അ​ന്വേ​ഷ​ണ​ത്തി​ൽ വ്യ​ക്ത​മാ​യ​ത്. മ​റ്റൊ​രു മ​ര ക​ഷ്ണം കൊ​ണ്ട് കാ​ലി​നും അ​ടി​ച്ച​തി​നാ​ൽ ച​ന്ദ്ര​ന്‍റെ കാ​ലി​ന്‍റെ എ​ല്ലും പൊ​ട്ടി​യ നി​ല​യി​ലാ​യി​രു​ന്നു.

ഈ ​സം​ഭ​വ​ത്തെ തു​ട​ർ​ന്ന് നി​ജി​ൽ സു​ഹൃ​ത്തു​ക്ക​ളെ വി​ളി​ച്ചു വ​രു​ത്തി ഓ​ട്ടോ​റി​ക്ഷ​യി​ൽ ച​ന്ദ്ര​നെ അ​ഞ്ച​ര​ക്ക​ണ്ടി​യി​ലെ ക​ണ്ണൂ​ർ മെ​ഡി​ക്ക​ൽ കോ​ള​ജാ​ശു​പ​ത്രി​യി​ൽ എ​ത്തി​ക്കു​ക​യാ​യി​രു​ന്നു. അ​ല്പ​സ​മ​യ​ത്തി​ന​കം ച​ന്ദ്ര​ൻ മ​രി​ച്ചു. സം​ഭ​വ സ​മ​യം ഇ​രു​വ​രും മ​ദ്യ​പി​ച്ചി​രു​ന്ന​താ​യും പോ​ലീ​സി​ന് വ്യ​ക്ത​മാ​യി​ട്ടു​ണ്ട്. അ​ബ​ദ്ധ​ത്തി​ൽ വീ​ണ് പ​രി​ക്കേ​റ്റ​താ​ണെ​ന്നാ​യി​രു​ന്നു ഇ​ത് സം​ബ​ന്ധി​ച്ച് നി​ജി​ൽ ഡോ​ക്ട​റോ​ട് പ​റ​ഞ്ഞ​ത്.

എ​ന്നാ​ൽ ആ​ഴ​ത്തി​ലേ​റ്റ മു​റി​വി​ന്‍റെ അ​സ്വാ​ഭാ​വി​ക​ത ക​ണ്ട് ആ​ശു​പ​ത്രി അ​ധി​കൃ​ത​ർ പോ​ലീ​സി​ൽ വി​വ​ര​മ​റി​യി​ച്ച​തി​നെ തു​ട​ർ​ന്ന് പോ​ലീ​സ് അ​സ്വാ​ഭാ​വി​ക മ​ര​ണ​ത്തി​ന് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ക്കു​ക​യാ​യി​രു​ന്നു. ഇ​തേ തു​ട​ർ​ന്ന് നി​ജി​ലി​നെ പോ​ലീ​സ് ക​സ്റ്റ​ഡി​യി​ലെ​ടു​ത്ത് ചോ​ദ്യം ചെ​യ്യാ​ൻ തു​ട​ങ്ങി.​ഇ​ന്ന​ലെ രാ​ത്രി സി.​ഐ ജോ​ഷി ജോ​സ്, എ​സ് ഐ ​കെ.​വി.​നി​ഷി​ത്ത് എ​ന്നി​വ​രു​ടെ നേ​തൃ​ത്വ​ത്തി​ൽ ന​ട​ത്തി​യ ചോ​ദ്യം ചെ​യ്യ​ലി​ലാ​ണ് കൊ​ല​പാ​ത​ക സം​ഭ​വം വെ​ളി​പ്പെ​ട്ട​ത്.

ച​ന്ദ്ര​ന്‍റെ ര​ണ്ടാ​മ​ത്തെ ഭാ​ര്യ​യി​ലു​ള്ള മ​ക​നാ​ണ് നി​ജി​ൽ. മ​റ്റൊ​രു ഭാ​ര്യ​യോ​ടൊ​പ്പം ശി​വ​പു​ര​ത്താ​യി​രു​ന്നു മി​ക്ക ദി​വ​സ​ങ്ങ​ളി​ലും ച​ന്ദ്ര​ൻ താ​മ​സി​ച്ചു വ​ന്ന​ത്. ഇ​വ​രു​മാ​യു​ണ്ടാ​യ ചെ​റി​യൊ​രു പി​ണ​ക്ക​ത്തെ തു​ട​ർ​ന്ന് വി​ഷു ദി​വ​സം മു​ത​ൽ ച​ന്ദ്ര​ൻ വേ​ങ്ങാ​ട്ടെ വീ​ട്ടി​ൽ വ​ന്ന് താ​മ​സി​ച്ചു വ​രി​ക​യാ​യി​രു​ന്നു. അ​വി​വാ​ഹി​ത​നാ​യ നി​ജി​ൽ ബ​സ് ഡ്രൈ​വ​റാ​യും ലോ​റി​യി​ൽ ലോ​ഡിം​ഗ്കാ​ര​നാ​യും ജോ​ലി​യെ​ടു​ത്ത് വ​രി​ക​യാ​യി​രു​ന്നു.

സ്പോ​ർ​ട്സ്‌​മാ​ൻ കൂ​ടി​യാ​യ നി​ജി​ൽ അ​ഞ്ചു വ​ർ​ഷ​ക്കാ​ലം ആ​ർ​മി​യി​ലും ജോ​ലി ചെ​യ്തി​രു​ന്നു.2011 ൽ ​അ​വ​ധി​ക്കു വ​ന്ന ഇ​യാ​ൾ പി​ന്നീ​ട് തി​രി​ച്ചു പോ​യി​ല്ല. സം​ഭ​വം കൊ​ല​പാ​ത​ക​മാ​ണെ​ന്ന് വ്യ​ക്ത​മാ​യ​തോ​ടെ കേ​സി​ൽ കൊ​ല​പാ​ത​ക കു​റ്റം ചു​മ​ത്തി പോ​ലീ​സ് ഇ​ന്ന് കൂ​ത്തു​പ​റ​മ്പ് ജു​ഡീ​ഷ​ൽ ഫ​സ്റ്റ് ക്ലാ​സ് മ​ജി​സ്‌​ട്രേ​ട്ട് കോ​ട​തി​യി​ൽ റി​പ്പോ​ർ​ട്ട് ന​ല്കും. ഇ​തി​നു ശേ​ഷ​മാ​കും അ​റ​സ്റ്റ് ഉ​ൾ​പ്പെ​ടെ ന​ട​പ​ടി​ക​ൾ ഉ​ണ്ടാ​വു​ക.