മ​ഞ്ഞ​പ്പാ​റ​യി​ലെ അ​ന​ധി​കൃ​ത ചെ​ങ്ക​ൽ ഖ​ന​നം; നാ​ട്ടു​കാ​ർ പ്ര​ക്ഷോ​ഭ​ത്തി​ലേ​ക്ക്

ശ്രീ​ക​ണ്ഠ​പു​രം: മ​ഞ്ഞ​പ്പാ​റ​യി​ലെ അ​ന​ധി​കൃ​ത ചെ​ങ്ക​ൽ ഖ​ന​ന​ത്തി​നെ​തി​രേ പ​രാ​തി ന​ൽ​കി​യി​ട്ടും ന​ട​പ​ടി​യി​ല്ലെ​ന്ന് നാ​ട്ടു​കാ​ർ. ക​ർ​മ​സ​മി​തി​യു​ണ്ടാ​ക്കി ചെ​ങ്ക​ൽ ഖ​ന​ന​ത്തി​നെ​തി​രേ ആ​റു മാ​സം മു​മ്പ് നാ​ട്ടു​കാ​ർ ക​ള​ക്ട​ർ​ക്ക് പ​രാ​തി ന​ൽ​കി​യി​രു​ന്നു. പ​രി​സ്ഥി​തി നി​യ​മം ലം​ഘി​ച്ച് ജ​ന ജീ​വി​ത​ത്തി​ന് ഭീ​ഷ​ണി സൃ​ഷ്ടി​ച്ചാ​ണ് അ​ന​ധി​കൃ​ത ചെ​ങ്ക​ൽ ഖ​ന​നം ന​ട​ക്കു​ന്ന​തെ​ന്ന് കാ​ണി​ച്ചാ​ണ് 150 ഓ​ളം കു​ടും​ബ​ങ്ങ​ൾ ഒ​പ്പി​ട്ട പ​രാ​തി ന​ൽ​കി​യ​ത്.

തു​ട​ർ​ന്ന് അ​ന്വേ​ഷി​ച്ച് റി​പ്പോ​ർ​ട്ട് ന​ൽ​കാ​ൻ ക​ള​ക്ട​ർ ശ്രീ​ക​ണ്ഠ​പു​രം വി​ല്ലേ​ജ് അ​ധി​കൃ​ത​രോ​ട് ആ​വ​ശ്യ​പ്പെ​ട്ടി​രു​ന്നെ​ങ്കി​ലും ന​ട​പ​ടി​യൊ​ന്നു​മു​ണ്ടാ​യി​ല്ലെ​ന്ന് പ​റ​യു​ന്നു.പ​ത്തേ​ക്ക​റോ​ളം വ​രു​ന്ന പ്ര​ദേ​ശ​ത്ത് രാ​പ്പ​ക​ൽ വ്യ​ത്യാ​സ​മി​ല്ലാ​തെ​യാ​ണ് ഖ​ന​നം ന​ട​ക്കു​ന്ന​ത്.

സ​മു​ദ്ര​നി​ര​പ്പി​ൽ നി​ന്ന് 200 അ​ടി​യോ​ളം ഉ​യ​ര​ത്തി​ൽ ജൈ​വ വൈ​വി​ധ്യ​ങ്ങ​ൾ നി​റ​ഞ്ഞ പ്ര​ദേ​ശം പൂ​ർ​ണ​മാ​യും ഖ​ന​ന മാ​ഫി​യ​ക​ളു​ടെ കൈ​ക​ളി​ലാ​ണി​പ്പോ​ൾ. ക​ഴി​ഞ്ഞ പ്ര​ള​യ​ത്തി​ൽ ഇ​വി​ടു​ന്ന് താ​ഴ് വാ​ര​ത്തെ വീ​ടു​ക​ളി​ലേ​ക്ക് മ​ണ്ണി​ടി​ച്ചി​ലു​ണ്ടാ​യി​രു​ന്ന​താ​യി പ​റ​യു​ന്നു.

ഇ​തേ​ത്തു​ട​ർ​ന്ന് റ​വ​ന്യൂ അ​ധി​കൃ​ത​ർ സ്ഥ​ല​ത്ത് പ​രി​ശോ​ധ​ന ന​ട​ത്തി​യി​രു​ന്നെ​ങ്കി​ലും ക്വാ​റി​ക്കെ​തി​രേ ന​ട​പ​ടി സ്വീ​ക​രി​ക്കാ​ൻ ത​യാ​റാ​യി​ല്ലെ​ന്ന് നാ​ട്ടു​കാ​ർ പ​റ​യു​ന്നു. ക​ന​ത്ത മ​ഴ പെ​യ്താ​ൽ ചെ​ങ്ക​ൽ ക്വാ​റി​യി​ലെ ചെ​ളി​വെ​ള്ളം വീ​ട്ടു​കി​ണ​റു​ക​ളി​ൽ ഒ​ഴു​കി​യെ​ത്തി വെ​ള്ളം മ​ലി​ന​മാ​കു​ന്ന അ​വ​സ്ഥ​യു​മു​ണ്ട്. ക്വാ​റി​ക​ളു​ടെ പ്ര​വ​ർ​ത്ത​നം ത​ട​ഞ്ഞ് മ​ണ്ണി​ട്ട് മൂ​ടി​ക്ക​ണ​മെ​ന്നാ​വ​ശ്യ​പ്പെ​ട്ട് വി​ല്ലേ​ജ് ഓ​ഫീ​സി​ന് മു​ന്നി​ൽ പ്ര​ക്ഷോ​ഭം ന​ട​ത്താ​നൊ​രു​ങ്ങു​ക​യാ​ണ് നാ​ട്ടു​കാ​ർ.