കോ​ഴി​ക്കോ​ട് കോ​വി​ഡ് വ്യാ​പ​നം രൂ​ക്ഷം; മാ​ന​ദ​ണ്ഡ​ങ്ങ​ള്‍ ലം​ഘി​ക്കു​ന്ന​താ​യി കണ്ടെത്തൽ; മാ​ർ​ക്ക​റ്റു​ക​ളി​ൽ പ​രി​ശോ​ധ​ന ശ​ക്ത​മാ​ക്കു​ന്നു


കോ​ഴി​ക്കോ​ട്: ന​ഗ​ര​ത്തി​ല്‍ കോ​വി​ഡ് വ്യാ​പ​നം രൂ​ക്ഷ​മാ​യ സാ​ഹ​ച​ര്യ​ത്തി​ല്‍ കോ​ര്‍​പ​റേ​ഷ​ന്‍ ആ​രോ​ഗ്യ​വി​ഭാ​ഗ​ത്തി​ന്‍റെ നേ​തൃ​ത്വ​ത്തി​ല്‍ ന​ഗ​ര​ത്തി​ൽ പ​രി​ശോ​ധ​ന ശ​ക്ത​മാ​ക്കു​ന്നു.ക​ഴി​ഞ്ഞ ദി​വ​സം ന​ട​ത്തി​യ പ​രി​ശോ​ധ​നയി​ൽ മി​ക്ക​യി​ട​ത്തും കോവി​ഡ് മാ​ന​ദ​ണ്ഡ​ങ്ങ​ള്‍ ലം​ഘി​ക്കു​ന്ന​താ​യി ക​ണ്ടെ​ത്തി​യി​രു​ന്നു .

ഇ​തോ​ടെ​യാ​ണ് വ​രും​ദി​വ​സ​ങ്ങ​ളി​ല്‍ നി​യ​ന്ത്ര​ണ​ങ്ങ​ള്‍ കൂ​ടു​ത​ല്‍ ക​ര്‍​ശ​ന​മാ​ക്കാ​ൻ തീ​രു​മാ​നി​ച്ച​ത് .കോ​വി​ഡ് പ്ര​തി​രോ​ധ​വു​മാ​യി ബ​ന്ധ​പ്പെ​ട്ട് സെ​ൻ​ട്ര​ൽ മാ​ർ​ക്ക​റ്റി​ലെ വി​വി​ധ യൂ​ണി​യ​ൻ പ്ര​തി​നി​ധി​ക​ളു​ടെ യോ​ഗം ഇ​ന്ന് ചേ​രും. തു​ട​ർ​ന്ന് നി​യ​ന്ത്ര​ണം സം​ബ​ന്ധി​ച്ച് തീ​രു​മാ​ന​മെ​ടു​ക്കും.

കോ​വി​ഡ് ആ​ദ്യ​ഘ​ട്ട​ത്തി​ല്‍ സെ​ന്‍​ട്ര​ല്‍ മാ​ര്‍​ക്ക​റ്റി​ന്‍റെ പ്ര​വ​ര്‍​ത്ത​നം സം​ബ​ന്ധി​ച്ച് വി​ശ​ദ​മാ​യ മാ​ര്‍​ഗ​രേ​ഖ പു​റ​പ്പെ​ടു​വി​ച്ചി​രു​ന്നു. എ​ന്നാ​ല്‍ ഇ​ത്ത​വ​ണ രോ​ഗ​ബാ​ധ രൂ​ക്ഷ​മാ​യി​രു​ന്നെ​ങ്കി​ലും സു​ര​ക്ഷാ നി​ര്‍​ദേ​ശ​ങ്ങ​ള്‍ കാ​ര്യ​മാ​യി ന​ല്‍​കി​യി​രു​ന്നി​ല്ല. അ​തു​കൊ​ണ്ടു​ത​ന്നെ അ​തി​രാ​വി​ലെ മു​ത​ല്‍ സെ​ന്‍​ട്ര​ല്‍ മാ​ര്‍​ക്ക​റ്റി​ല്‍ ജ​ന​ങ്ങ​ള്‍ തി​ങ്ങി​ക്കൂ​ടു​ന്ന സ്ഥി​തി​യാ​ണുണ്ട​ാ​കു​ന്ന​ത്.

മ​റ്റ് സം​സ്ഥാ​ന​ങ്ങ​ളി​ല്‍ നി​ന്ന് ലോ​ഡു​ക​ളു​മാ​യി എ​ത്തു​ന്ന വാ​ഹ​ന​ങ്ങ​ളു​ടേ​യും മ​ത്സ്യ​വും മാം​സ​വും വാ​ങ്ങാ​നെ​ത്തി​യ​വ​രു​ടെ​യും വ​ലി​യ തി​ര​ക്ക് ക​ഴി​ഞ്ഞ ദി​വ​സ​വും അ​നു​ഭ​വ​പ്പെ​ട്ടു. ഇ​തൊ​ഴി​വാ​ക്കാ​നു​ള്ള ന​ട​പ​ടി ആ​രോ​ഗ്യ വി​ഭാ​ഗം സ്വീ​ക​രി​ക്കും.

ബേ​പ്പൂ​ര്‍, പു​തി​യാ​പ്പ, വെ​ള്ള​യി​ല്‍ തു​ട​ങ്ങി​യ ഹാ​ര്‍​ബ​റു​ക​ളു​ടെ സ്ഥി​തി​യും വ്യ​ത്യ​സ്ത​മാ​യി​രു​ന്നി​ല്ല. മ​ത്സ്യം വാ​ങ്ങാ​നെ​ത്തു​ന്ന​വ​രും ബോ​ട്ടു​കാ​രും തൊ​ഴി​ലാ​ളി​ക​ളും അ​ക​ലം​പാ​ലി​ക്കാ​ത്ത സ്ഥി​തി​യാ​ണെ​ന്നു പ​രി​ശോ​ധ​ന​യി​ൽ ക​ണ്ട​ത്തി. ഈ ​സാ​ഹ​ച​ര്യം തു​ട​ര്‍​ന്നാ​ല്‍ മാ​ര്‍​ക്ക​റ്റ് അ​ട​ച്ചി​ടു​ന്ന​ത​ട​ക്ക​മു​ള്ള ശ​ക്ത​മാ​യ ന​ട​പ​ടി​ക​ളി​ലേ​ക്ക് പോ​കേ​ണ്ടി വ​രു​മെ​ന്നു അ​ധി​കൃ​ത​ർ മു​ന്ന​റി​യി​പ്പ് ന​ൽ​കി.

മാ​ര്‍​ക്ക​റ്റി​ല്‍ ജോ​ലി ചെ​യ്യു​ന്ന തൊ​ഴി​ലാ​ളി​ക​ള്‍​ക്ക് കോ​വി​ഡ് ടെ​സ്റ്റും വ​രും ദി​വ​സം നി​ര്‍​ബ​ന്ധ​മാ​ക്കും. നെ​ഗ​റ്റീ​വ് സ​ര്‍​ട്ടി​ഫി​ക്ക​റ്റ് ഉ​ള്ള​വ​രെ മാ​ത്രം മാ​ര്‍​ക്ക​റ്റി​ലേ​ക്ക് പ്ര​വേ​ശി​പ്പി​ക്കാ​നുമാ​ണ് ആ​ലോ​ചി​ക്കു​ന്ന​ത്.

Related posts

Leave a Comment