അങ്ങനെ ചെയ്യാൻ പാടില്ലായിരുന്നു;  കോ​വി​ഡ് ബാ​ധി​ച്ചയാളെ പ​രി​ശോ​ധ​നാ​ഫ​ല​വു​മാ​യി പ​റ​ഞ്ഞ​യ​ച്ച് ലാ​ബ് അ​ധി​കൃ​ത​രു​ടെ ക്രൂ​ര​ത

കൊ​ല്ലം: കോ​വി​ഡ് ബാ​ധി​ത​നാ​യ 61-കാ​ര​ന് പ​രി​ശോ​ധ​നാ​ഫ​ല​വും ന​ല്‍​കി പ​റ​ഞ്ഞ​യ​ച്ച് ന​ഗ​ര​ത്തി​ലെ മൈ​ക്രോ​ലാ​ബ് അ​ധി​കൃ​ത​രു​ടെ ക്രൂ​ര​ത.

മൈ​ല​ക്കാ​ട് സ്വ​ദേ​ശി​യാ​യ ഇ​ദ്ദേ​ഹ​ത്തി​ന് പോ​സി​റ്റീ​വാ​ണെ​ന്ന വി​വ​രം ആ​രോ​ഗ്യ വ​കു​പ്പി​നെ അ​റി​യി​ക്കു​ക​യോ രോ​ഗി​യെ സു​ര​ക്ഷി​ത​മാ​യി മാ​റ്റാ​ന്‍ വേ​ണ്ട മാ​ര്‍​ഗ​ങ്ങ​ള്‍ സ്വീ​ക​രി​ക്കു​ക​യോ ചെ​യ്യാ​തെ പ​രി​ശോ​ധ​നാഫ​ലം കൈ​മാ​റി പ​റ​ഞ്ഞു​വി​ടു​ക​യാ​യി​രു​ന്നു.

ഇ​ന്ന​ലെ രാ​വി​ലെ 11.30 ഓ​ടെ ആ​യി​രു​ന്നു സം​ഭ​വം.​തു​ട​ര്‍​ന്ന് ഇ​ദ്ദേ​ഹം ന​ട​ന്ന് ചി​ന്ന​ക്ക​ട​യി​ലെ​ത്തി ഓ​ട്ടോ​റി​ക്ഷാ ഡ്രൈ​വ​റോ​ട് വി​വ​രം പ​റ​യു​ക​യാ​യി​രു​ന്നു.

ഉ​ട​ൻ ത​ന്നെ വാ​ഹ​ന പ​രി​ശോ​ധ​ന ന​ട​ത്തു​ക​യാ​യി​രു​ന്ന പോ​ലി​സി​നോ​ട് ഓ​ട്ടോ ഡ്രൈ​വ​ർ വി​വ​രം ധ​രി​പ്പി​ച്ച​തി​നെ തു​ട​ര്‍​ന്ന് പോ​ലി​സ് രേ​ഖ​ക​ള്‍ പ​രി​ശോ​ധി​ച്ച് പോ​സി​റ്റീ​വാ​ണെ​ന്ന് ബോ​ധ്യ​പ്പെ​ട്ട ശേ​ഷം ഇ​യാ​ള്‍​ക്ക് സാ​നി​റ്റൈ​സ​റും മാ​സ്‌​കും ഗ്‌​ളൗ​സും ന​ല്‍​കി.

ഉ​ട​ൻ വി​വ​രം ആ​രോ​ഗ്യ വ​കു​പ്പി​ല്‍ അ​റി​യി​ച്ചു. തു​ട​ർ​ന്ന് ജി​ല്ലാ ആ​ശു​പ​ത്രി​യി​ല്‍ നി​ന്നും ആം​ബു​ല​ന്‍​സ് എ​ത്തി ഇ​ദ്ദേ​ഹ​ത്തെ കോ​വി​ഡ് വാ​ര്‍​ഡി​ല്‍ പ്ര​വേ​ശി​പ്പി​ച്ചു. പി​ന്നാ​ലെ സി​വി​ല്‍ ഡി​ഫ​ന്‍​സ് വോ​ള​ണ്ടി​യ​ര്‍​മാ​ര്‍ ചി​ന്ന​ക്ക​ട​യി​ല്‍ അ​ണു​ന​ശീ​ക​ര​ണം ന​ട​ത്തി.

കൊ​ല്ല​ത്തെ സ​ര്‍​ക്കാ​ര്‍ അ​ധീ​ന​ത​യി​ലു​ള​ള പാ​ര്‍​ക്കി​ല്‍ കാ​വ​ല്‍​ക്കാ​ര​നാ​യി ജോ​ലി ചെ​യ്തു​വ​രി​ക​യാ​യി​രു​ന്നു.ഇ​ദ്ദേ​ഹം താ​മ​സി​ച്ചി​രു​ന്ന​ത് പാ​ര്‍​ക്കി​ലെ വി​ശ്ര​മ​മു​റി​യി​ലാ​യി​രു​ന്നു.

ര​ണ്ട് ദി​വ​സ​ത്തി​ന് മു​ന്‍​പ് രോ​ഗ​ല​ക്ഷ​ണ​ങ്ങ​ള്‍ ക​ണ്ട​തി​നെ തു​ട​ര്‍​ന്നാ​ണ് ചി​ന്ന​ക്ക​ട​യി​ല്‍ പ്ര​വ​ര്‍​ത്തി​ക്കു​ന്ന മൈ​ക്രോ ലാ​ബി​ല്‍ ആ​ര്‍​ടി​പി​സി​ആ​ര്‍ ടെ​സ്റ്റ് ന​ട​ത്തി​യ​ത്.

ലാ​ബി​ല്‍ നി​ന്നും കോ​വി​ഡ് പോ​സി​റ്റീ​വാ​ണെ​ന്ന വി​വ​രം ഫോ​ണി​ല്‍ വി​ളി​ച്ച് അ​റി​യി​ച്ച​തോ​ടെ ലാ​ബി​ല്‍ നേ​രി​ട്ട് എ​ത്തി പ​രി​ശോ​ധ​നാ​ഫ​ലം കൈ​പ്പ​റ്റു​ക​യാ​യി​രു​ന്നു.