കൊല്ലത്ത് യു​വാ​വ് റെ​യി​ൽ​വേ​ പാ​ള​ത്തി​ൽ മ​രി​ച്ച​നി​ല​യി​ൽ കാ​ണ​പ്പെ​ട്ട സം​ഭ​വം; പോ​സ്റ്റുമോർട്ടം  റിപ്പോർട്ടിനുശേഷം വിശദമായ അന്വേഷണം

കൊ​ല്ലം : യു​വാ​വ് റെ​യി​ൽ​വേ പാ​ള​ത്തി​ൽ മ​രി​ച്ച​നി​ല​യി​ൽ കാ​ണ​പ്പെ​ട്ട സം​ഭ​വ​ത്തി​ൽ പോ​സ്റ്റു​മോ​ർ​ട്ടം റി​പ്പോ​ർ​ട്ടി​നു​ശേ​ഷം കൂ​ടു​ത​ൽ അ​ന്വേ​ഷ​ണം ന​ട​ത്തു​മെ​ന്ന് കൊ​ട്ടാ​ര​ക്ക​ര എ​സി​പി പ​റ​ഞ്ഞു.​യു​വ​തി​യു​മാ​യി അ​ട​ച്ചി​ട്ട വീ​ട്ടി​ൽ കാ​ണ​പ്പെ​ട്ട സം​ഭ​വ​ത്തെ​തു​ട​ർ​ന്ന് നാ​ട്ടു​കാ​ർ ചോ​ദ്യം ചെ​യ്ത കോ​ട്ടാ​ത്ത​ല കൊ​ടി​വി​ള​വീ​ട്ടി​ൽ ശ്രീ​ജി​ത്താ​ണ് മ​രി​ച്ച​ത്. ഇ​ന്ന​ലെ രാ​വി​ലെ നെ​ടു​വ​ത്തൂ​ർ കി​ള്ളൂ​ർ പാ​ല​ത്തി​ന് സ​മീ​പം പാ​ള​ത്തി​ലാ​ണ് മൃ​ത​ദേ​ഹം കാ​ണ​പ്പെ​ട്ട​ത്.

ശ്രീ​ജി​ത്തി​ന്‍റെ മ​ര​ണം ആ​ത്മ​ഹ​ത്യ​യാ​ണെ​ന്നാ​ണ് പോ​ലീ​സി​ന്‍റെ പ്രാ​ഥ​മി​ക നി​ഗ​മ​നം. ഇ​യാ​ളെ ആ​ത്മ​ഹ​ത്യ​യി​ലേ​ക്ക് ന​യി​ച്ച സാ​ഹ​ച​ര്യ​ങ്ങ​ളെ​ക്കു​റി​ച്ച് പോ​ലീ​സ് അ​ന്വേ​ഷ​ണം ന​ട​ത്തു​മെ​ന്നും എ​സി​പി വ്യ​ക്ത​മാ​ക്കി. മാ​താ​പി​താ​ക്ക​ളു​ടെ മ​ര​ണ​ശേ​ഷം ശ്രീ​ജി​ത്ത് ചീ​ര​ങ്കാ​വി​ലു​ള്ള സ​ഹോ​ദ​രി​യു​ടെ വീ​ട്ടി​ലാ​യി​രു​ന്നു താ​മ​സം. കോ​ട്ടാ​ത്ത​ല​യി​ലു​ള്ള കു​ടും​ബ​വീ​ട്ടി​ൽ വ​ല്ല​പ്പോ​ഴും മാ​ത്ര​മാ​ണ് എ​ത്തി​യി​രു​ന്ന​ത് .

17ന് ​ഉ​ച്ച​യോ​ടെ ഒ​രു യു​വ​തി​യു​മാ​യി കോ​ട്ടാ​ത്ത​ല​യി​ലു​ള്ള വീ​ട്ടി​ലെ​ത്തി​യ വി​വരമ​റി​ഞ്ഞ് ശ്രീ​ജി​ത്തി​ന്‍റെ ബ​ന്ധു​വാ​ണ് നാ​ട്ടു​കാ​രെ​യും പോ​ലീ​സി​ലും വി​വ​ര​മ​റി​യി​ച്ച​ത്. തു​ട​ർ​ന്ന് പു​ത്തൂ​ർ പോ​ലീ​സെ​ത്തി അ​ട​ച്ചി​ട്ടി​രു​ന്ന വീ​ട്ടി​നു​ള്ളി​ൽ​നി​ന്ന് ഇ​രു​വ​രെ​യും പു​റ​ത്തി​റ​ക്കി.​ ത​ങ്ങ​ൾ പ്ര​ണ​യ​ത്തി​ലാ​ണെ​ന്ന് ശ്രീ​ജി​ത്ത് പ​റ​ഞ്ഞ​തി​നെ​തു​ട​ർ​ന്ന് പോ​ലീ​സ് പോ​കു​ക​യാ​യി​രു​ന്നു.

പി​ന്നീ​ട് വി​വ​ര​മൊ​ന്നും ല​ഭി​ച്ചി​ല്ലെ​ന്ന് പു​ത്തൂ​ർ പോ​ലീ​സ് വ്യ​ക്ത​മാ​ക്കി. ശ്രീ​ജി​ത്തി​ന്‍റെ മൃ​ത​ദേ​ഹം ഇ​ന്ന് പോ​സ്റ്റു​മോ​ർ​ട്ട​ത്തി​നു​ശേ​ഷം ഉ​ച്ച​ക​ഴി​ഞ്ഞ് വീ​ട്ടു​വ​ള​പ്പി​ൽ സം​സ്ക​രി​ക്കും.