രോ​ഗി​ക​ൾ​ക്ക് ത​റ ത​ന്നെ​ശ​ര​ണം..! പ്ര​ഖ്യാ​പ​നം ക​ട​ലാ​സി​ലൊതുങ്ങി; ഡെ​ങ്കിപ്പനിക്ക് മെഡിക്കൽ കോളജിൽ പ്ര​ത്യേ​ക​വാ​ർ​ഡാ​യി​ല്ല; കി​ഡ്നി രോ​ഗി​ക്ക് ഡെ​ങ്കി​പ്പ​നി ബാ​ധി​ച്ചു

സ്വ​ന്തം ലേ​ഖ​ക​ൻ

കോ​ഴി​ക്കോ​ട്:​ ഡെ​ങ്കി ബാ​ധി​ച്ച് ചി​കി​ത്സ​യി​ൽ ക​ഴി​യു​ന്ന​വ​ർ​ക്ക് മാ​ത്ര​മാ​യി  കോഴിക്കോട് മെഡിക്കൽ കോളജിൽ പ്ര​ത്യേ​ക​ വാ​ർ​ഡ് ഇ​നി​യും യാ​ഥാ​ർ​ഥ്യ​മാ​യി​ല്ല.​ പ​നി​ക്കാ​യി പ്ര​ത്യേ​ക​വാ​ർ​ഡ് കൂ​ടി സൂ​പ്പ​ർ​ സ്പെഷാ​ലി​റ്റി കോം​പ്ല​ക്സി​ൽ ഒ​രു​ക്കി​യി​ത്  െ ഡ​ങ്കി​ബാ​ധി​ച്ച​വ​ർ​ക്ക് മാ​ത്ര​മാ​ക്ക​ണ​മെ​ന്ന ആ​വ​ശ്യം അം​ഗീ​ക​രി​ച്ചി​ല്ല. നി​ല​വി​ൽ വി​വി​ധ​വാ​ർ​ഡു​ക​ളി​ലാ​ണ്  െ ഡ​ങ്കി ബാ​ധി​ച്ച​വ​ർ ചി​കി​ത്സ​യി​ൽ ക​ഴി​യു​ന്ന​ത്.

സാ​ധാ​ര​ണ പ​നി ബാ​ധി​ച്ച​വ​രേ​യും ഇ​തേ വാ​ർ​ഡി​ൽ പ്ര​വേ​ശി​പ്പി​ക്കു​ക​യാ​ണ് ചെ​യ്യു​ന്ന​ത്.​ഇ​ത് സാ​ധാ​ര​ണ പ​നി ബാ​ധി​ച്ച​വ​ർ​ക്കും ഡ​ങ്കി വ​രാ​നി​ട​യാ​ക്കി​യി​ട്ടു​ണ്ട്.മെഡിക്കൽ കോളജിൽ സ്ത്രീ​ക​ളു​ടെ ജ​ന​റ​ൽ മെ​ഡി​സി​ൻ വാ​ർ​ഡി​ൽ ചി​കി​ത്സ​യ്ക്കെ​ത്തി​യ കി​ഡ്നി രോ​ഗി​ക്ക് ഡെ​ങ്കി ബാ​ധി​ച്ച​തി​നെ തു​ട​ർ​ന്ന് ബ​ന്ധു​ക്ക​ൾ പ​രാ​തി ന​ൽ​കി​യി​രു​ന്നു.​ഇ​വ​ർ ഗു​രു​ത​രാ​വ​സ​സ്ഥ​യി​ലാ​യ​തി​നെ തു​ട​ർ​ന്ന് സ്വ​കാ​ര്യ ആ​ശു​പ​ത്രി​യി​ലേ​ക്ക് മാ​റ്റേ​ണ്ടി വ​ന്നു.​യൂ​ത്ത് ലീഗ് ഇ​ത് പ​രാ​തി​യാ​യി സു​പ്ര​ണ്ടി​ന് ന​ൽ​കി​യി​രു​ന്നു.

ഡെ​ങ്കി ബാ​ധി​ച്ച​വ​ർ​ക്ക് മാ​ത്ര​മാ​യി പ്ര​ത്യേ​ക വാ​ർ​ഡ് ഒ​രു​ക്കാ​മെ​ന്ന് സു​പ്ര​ണ്ട് ഉ​റ​പ്പ് ന​ൽ​കി​യ​തു​മാ​ണ്.​ആ​രോ​ഗ്യ​മ​ന്ത്രി ക​ഴി​ഞ്ഞ​യാ​ഴ്ച ഇ​തി​നാ​യി നി​ർ​ദേ​ഷം ന​ൽ​കി​യി​രു​ന്നു.​ എ​ന്നാ​ൽ സാ​ങ്കേ​തി​ക കാ​ര​ണ​ങ്ങ​ൾ ചൂ​ണ്ടി​ക്കാ​ട്ടി ഡോ​ക്ട​ർ​മാ​ർ ഇ​ത് ത​ട​യു​ക​യാ​യി​രു​ന്നു.​വി​വി​ധ​യൂ​ണി​റ്റു​ക​ളു​ടെ കീ​ഴി​ൽ വ​രു​ന്ന രോ​ഗി​ക​ളെ എ​വി​ടെ​യാ​ണ് കി​ട​ത്തി​യ​ത് എ​ന്ന്പോ​ലും ഡോ​ക്ട​ർ​മാ​ർ​ക്ക് വ്യ​ക്ത​മ​ല്ല.​

നേ​ഴ്സു​മാ​ർ കേ​സ് ഷീ​റ്റ് നോ​ക്കി മ​രു​ന്നും ചി​കി​ത്സ​യും ന​ൽ​കും.​യൂ​ണിറ്റി​ന്‍റെ ചു​മ​ത​ല​യു​ള്ള ഡോ​ക്ട​ർ​മാ​ർ പ​ല​പ്പോ​ഴും രോ​ഗി​ക​ളെ കാ​ണാ​ൻ ക​ഴി​യാ​ത്ത അ​വ​സ്ഥ​യി​ലാ​ണ്.​നി​ല​വി​ൽ നൂ​റി​ന​ടു​ത്ത് ഡെങ്കി​രോ​ഗി​ക​ൾ​വി​വി​ധ​വാ​ർ​ഡു​ക​ളി​ലും വ​രാ​ന്ത​ക​ളി​ലു​മാ​യി ചി​കി​ത്സ​തേ​ടു​ന്നു​ണ്ട്.