വ്യാജ ഡോക്ടർമാരെ സൃഷ്ടിക്കുന്ന ബിൽവേണ്ട; ഡോക്ടർമാർ നാളെ സമരത്തിൽ; അത്യാഹിതവും ഒപിയും ബഹിഷ്കരിക്കും

ഗാ​ന്ധി​ന​ഗ​ർ: സ​ർ​ക്കാ​ർ, സ്വ​കാ​ര്യ ആ​ശു​പ​ത്രി​ക​ളി​ൽ നാ​ളെ ഡോ​ക്‌‌ടർ​മാ​ർ ഒ​പി ബ​ഹി​ഷ്ക​രി​ക്കും. ദേ​ശീ​യ സ​മ​ര​ത്തി​ന്‍റെ ഭാ​ഗ​മാ​യി അ​ത്യാ​ഹി​ത വി​ഭാ​ഗം ബ​ഹി​ഷ്ക​രി​ക്കാ​നാ​ണ് തീ​രു​മാ​ന​മെ​ങ്കി​ലും കേ​ര​ള​ത്തി​ൽ അ​ത്യാ​ഹി​ത വി​ഭാ​ഗം നാ​ളെ പ്ര​വ​ർ​ത്തി​ക്കും. എ​ന്നാ​ൽ മു​ൻ​കൂ​ട്ടി നി​ശ്ച​യി​ച്ച ശ​സ്ത്ര​ക്രി​യ​ക​ളി​ൽ അ​ടി​യ​ന്ത​ര സ്വ​ഭാ​വ​മു​ള്ള​വ മാ​ത്ര​മേ നാ​ളെ ന​ട​ത്തൂ. മൊ​ത്ത​ത്തി​ൽ നാ​ളെ രാ​ജ്യ​ത്ത് രോ​ഗി​ക​ൾ ചി​കി​ത്സ കി​ട്ടാ​തെ വ​ല​യും.

ദേ​ശീ​യ മെ​ഡി​ക്ക​ൽ ബി​ല്ലി​നെ​തി​രെ ഡോ​ക്‌‌ടർ​മാ​ർ രാ​ജ്യ​വ്യാ​പ​ക​മാ​യി ന​ട​ത്തു​ന്ന സ​മ​ര​ത്തി​ന്‍റെ ഭാ​ഗ​മാ​യാ​ണ് നാ​ള​ത്തെ ഒ​പി ബ​ഹി​ഷ്ക​ര​ണം. കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലും ഒ​പി​ ബ​ഹി​ഷ്ക​ര​ണം ന​ട​ത്തു​മെ​ന്ന് ഇ​ന്ത്യ​ൻ മെ​ഡി​ക്ക​ൽ അ​സോ​സി​യേ​ഷ​ൻ ഭാ​ര​വാ​ഹി​ക​ൾ അ​റി​യി​ച്ചു. കേ​ര​ളം ഒ​ഴി​കെ മ​റ്റ് സം​സ്ഥാ​ന​ങ്ങ​ളി​ൽ നാ​ളെ അ​ത്യാ​ഹി​ത വി​ഭാ​ഗം പ്ര​വ​ർ​ത്തി​ക്കി​ല്ല.

കേ​ര​ള​ത്തി​ൽ അ​ത്യാ​ഹി​ത വി​ഭാ​ഗം, ലേ​ബ​ർ റൂം ​എ​ന്നി​വ​യെ സ​മ​ര​ത്തി​ൽ നി​ന്നും ഒ​ഴി​വാ​ക്കി​യി​ട്ടു​ണ്ട്. സ്വ​കാ​ര്യ -സ​ർ​ക്കാ​ർ മേ​ഖ​ല​ക​ളി​ലെ മു​ഴു​വ​ൻ ഡോ​ക്‌‌ടർ​മാ​രും സ​മ​ര​ത്തി​ൽ പ​ങ്കാ​ളി​ക​ളാ​വും. അ​തേ സ​മ​യം ശ​നി​യാ​ഴ്ച മെ​ഡി​ക്ക​ൽ വി​ദ്യാ​ർ​ഥി​ക​ൾ ആ​രം​ഭി​ച്ച അ​നി​ശ്ചി​ത​കാ​ല സ​മ​ര​വും ക്ലാ​സ് ബ​ഹി​ഷ്ക​ര​ണ​വും തു​ട​രു​ക​യാ​ണ്.

ആ​ധു​നി​ക വൈ​ദ്യ​ശാ​സ്ത്രം പ​ഠി​ക്കാ​ത്ത​വ​രെ ആ​രോ​ഗ്യ സേ​വ​ന ദാ​താ​ക്ക​ൾ എ​ന്ന രീ​തി​യി​ൽ ചി​കി​ത്സ​യ്ക്കാ​യി ലൈ​സ​ൻ​സ് ന​ൽ​കി ഒ​രു വി​ഭാ​ഗം ജ​ന​ങ്ങ​ൾ​ക്ക് ര​ണ്ടാം ത​രം ചി​കി​ത്സ ല​ഭി​ക്കു​ന്ന മെ​ഡി​ക്ക​ൽ ബി​ൽ പി​ൻ​വ​ലി​ക്കു​ക, യോ​ഗ്യ​ത​യി​ല്ല​ാത്ത​വ​രെ ചി​കി​ത്സ​ക്കാ​രാ​ക്കി ആ​രോ​ഗ്യ​മേ​ഖ​ല​യെ അ​പ​ക​ട​ത്തി​ലാ​ക്കു​ന്ന പു​തി​യ നി​യ​മം പി​ൻ​വ​ലി​ക്കു​ക എ​ന്നീ ആ​വ​ശ്യ​ങ്ങ​ളാ​ണ് സ​മ​ര നേ​തൃ​ത്വം മു​ന്നോ​ട്ടു​വ​യ്ക്കു​ന്ന​ത്.

അ​ഞ്ച​ര വ​ർ​ഷ​ത്തെ മെ​ഡി​സി​ൻ പ​ഠ​ന കാ​ല​യ​ള​വി​ൽ ഏ​ക​ദേ​ശം 36 പ​രീ​ക്ഷ​ക​ൾ പാ​സാ​യി വ​രു​ന്ന ഡോ​ക്‌‌ടറാണോ, കേ​വ​ലം ​ആ​റു മാ​സം കൊ​ണ്ട് ഒ​രു ത​ട്ടി​ക്കൂ​ട്ട് പ​ഠ​നം ന​ട​ത്തി ഡോ​ക്‌‌ടർ ആ​കു​ന്ന​താ​ണോ രോ​ഗീ ചി​കി​ത്സ​യ്ക്ക് അ​നി​വാ​ര്യ​മെ​ന്ന് സ​മ​ര​ക്കാ​ർ ചോ​ദി​ക്കു​ന്നു. ഒ​രാ​ളെ ആ​ശു​പ​ത്രി​യു​ടെ അ​ത്യാ​ഹി​ത വി​ഭാ​ഗ​ത്തി​ൽ പ്ര​വേ​ശി​പ്പി​ക്കു​ന്പോ​ൾ അ​വി​ടെ​യെ​ത്തു​ന്ന ഡോക്‌‌ടർ ആ​റു മാ​സ​ത്തെ പ​ഠ​ന​ത്തി​ലൂ​ടെ എ​ത്തി​യ​താ​ണോ അ​തോ എം.​ബി.​ബി.​എ​സ് പ​ഠ​നം ക​ഴി​ഞ്ഞ ഡോ​ക്ട​ർ​മാ​രാ​ണോ​യെ​ന്ന് ചോ​ദി​ക്കേ​ണ്ട അ​വ​സ്ഥ രോ​ഗി​ക​ൾ​ക്കും കൂ​ടെ​യെ​ത്തു​ന്ന​വ​ർ​ക്കും ഉ​ണ്ടാ​കു​മെ​ന്നും സ​മ​രം ചെ​യ്യു​ന്ന ഡോ​ക്ട​ർ​മാ​ർ ചൂ​ണ്ടി​ക്കാ​ട്ടു​ന്നു.

ന​മ്മു​ടെ രാ​ജ്യ​ത്തെ ഗ്രാ​മ​ങ്ങ​ളി​ലെ രോ​ഗി​ക​ളെ നോ​ക്കു​വാ​ൻ ഡോ​ക്ട​ർ​മാ​ർ ഇ​ല്ലാ​ത്ത​തി​നാ​ൽ ആ ​മേ​ഖ​ല​ക​ളി​ലെ രോ​ഗി​ക​ളെ ചി​കി​ത്സി​ക്കു​വാ​നാ​ണ് ആ​റു മാ​സ​ത്തെ കോ​ഴ്സ് പാ​സാ​കു​ന്ന​വ​രെ നി​യോ​ഗി​ക്കു​ന്ന​തെ​ന്ന് പു​തി​യ ബി​ൽ വ്യ​ക്ത​മാ​ക്കു​ന്നു. എ​ന്നാ​ൽ ഗ്രാ​മ​ങ്ങ​ളി​ലെ​യും പ​ട്ട​ണ​ങ്ങ​ളി​ലേ​യും ജ​ന​ങ്ങ​ൾ ത​മ്മി​ലെ​ന്താ​ണ് രോ​ഗ​ങ്ങ​ളി​ൽ ​വ്യ​ത്യാ​സ​മെ​ന്നും രോ​ഗ​മു​ണ്ടാ​കു​ന്ന​ത് ഏ​ത് നി​വാ​സി​ക​ൾ​ക്കാ​യാ​ലും ആ ​വ്യ​ത്യാ​സം കൂ​ടാ​തെ ന​ല്ല ചി​കി​ത്സ ന​ൽ​കു​വാ​ൻ ആ​ധു​നി​ക വൈ​ദ്യ​ശാ​സ്ത്രം പ​ഠി​ച്ചവ​ർ​ക്കേ ക​ഴി​യൂ​വെ​ന്നും ഡോ​ക്ട​ർ​മാ​ർ ചൂ​ണ്ടി​ക്കാ​ട്ടു​ന്നു.

ഗ്രാ​മീ​ണ മേ​ഖ​ല​ക​ളി​ൽ ഡോ​ക്ട​ർ​മാ​ർ ഇ​ല്ലെ​ങ്കി​ൽ അ​ത് വ​ർ​ധി​പ്പി​ക്കു​ന്ന​തി​നു​ള്ള ന​ട​പ​ടി സ്വീ​ക​രി​ക്കു​ക​യാ​ണ് ചെ​യ്യേ​ണ്ട​ത്. അ​ല്ലാ​തെ വ്യാ​ജ​ഡോ​ക്ട​ർ​മാ​രെ സൃ​ഷ്ടി​ക്ക​പ്പെ​ടു​ന്ന പു​തി​യ ബി​ൽ പി​ൻ​വ​ലി​ക്ക​ണ​മെ​ന്നാ​ണ് ​സ​മ​ര​ക്കാ​രു​ടെ ആ​വ​ശ്യം.