വാ​ഹ​ന​മി​ടി​ച്ച് ഗു​രു​ത​ര​മാ​യി പ​രി​ക്കേ​റ്റ് വ​ഴി​യി​ൽ കി​ട​ന്ന നാ​യ്ക്കു​ട്ടി​ക്ക്  മൃ​ഗ​സ്നേ​ഹി​ക​ൾ തു​ണ​യാ​യി; തുടർചികിത്‌സ ഏറ്റെടുത്ത്  ലോട്ടറി വിൽക്കാരൻ ബാബുവും

ത​ല​യോ​ല​പ്പ​റ​ന്പ്: വാ​ഹ​ന​മി​ടി​ച്ച് ഗു​രു​ത​ര​മാ​യി പ​രി​ക്കേ​റ്റ് വ​ഴി​യി​ൽ കി​ട​ന്ന നാ​യ​ക്കു​ട്ടി​ക്ക് മൃ​ഗ​സ്നേ​ഹി​ക​ൾ തു​ണ​യാ​യി. മ​ര​ണ​ത്തോ​ട് മ​ല്ലി​ടി​ച്ച് കി​ട​ന്ന ലാ​ബ്ര​ഡോ​ർ ഇ​ന​ത്തി​ൽ​പ്പെ​ട്ട ഒ​രു വ​യ​സ് പ്രാ​യ​മു​ള്ള നാ​യ്ക്കു​ട്ടി​യെ അ​ശു​പ​ത്രി​യി​ൽ എ​ത്തി​ച്ച് ര​ക്ഷ​പ്പെ​ടു​ത്തി മൃ​ഗ​സ്നേ​ഹി​ക​ൾ.

ആ​രോ വ​ള​ർ​ത്തി​യി​രു​ന്ന നാ​യ​ക്കു​ട്ടി​യെ ഏ​താ​നും ദി​വ​സം മു​ന്പാ​ണ് ത​ല​യോ​ല​പ്പ​റ​ന്പി​ന് സ​മീ​പം ത​ല​പ്പാ​റ​യി​ൽ ഉ​പേ​ക്ഷി​ക്ക​പ്പെ​ട്ട നി​ല​യി​ൽ ക​ണ്ട​ത്. റോ​ഡി​ൽ അ​ല​ഞ്ഞ് തി​രി​ഞ്ഞു നാ​യ്കു​ട്ടി​യെ ത​ല​പ്പാ​റ​യി​ലെ ഓ​ട്ടോ തൊ​ഴി​ലാ​ളി​ക​ളും മ​റ്റും ചേ​ർ​ന്ന് ഭ​ക്ഷ​ണം ന​ൽ​കി​യാ​ണ് സം​ര​ക്ഷി​ച്ചി​രു​ന്ന​ത്. ഇ​തി​നി​ട​യി​ൽ ക​ഴി​ഞ്ഞ ദി​വ​സം ഏ​തോ വാ​ഹ​നം ഇ​ടി​ച്ച് നാ​യ്ക്കു​ട്ടി​ക്ക് ഗു​രു​ത​ര​മാ​യി പ​രി​ക്കേ​റ്റു.

സം​ഭ​വ​മ​റി​ഞ്ഞ് മൃ​ഗ​സ്നേ​ഹി​യും പൊ​തു പ്ര​വ​ർ​ത്ത​ക​നു​മാ​യ അ​നി​ൽ ചെ​ള്ളാ​ങ്ക​ലും ത​ല​പ്പാ​റ​യി​ലെ ലോ​ട്ട​റി വി​ല്പ​ന​ക്കാ​ര​നാ​യ ബാ​ബു​വും ചേ​ർ​ന്ന് ത​ല​യോ​ല​പ്പ​റ​ന്പി​ലെ വെ​റ്റ​റി​ന​റി ആ​ശു​പ​ത്രി​യി​ൽ ഉ​ട​ൻ എ​ത്തി​ച്ച് ചി​കി​ൽ​സ ന​ൽ​കി​യാ​ണ് നാ​യ്ക്കു​ട്ടി​യു​ടെ ജീ​വ​ൻ ര​ക്ഷി​ച്ച​ത്.

ഗു​രു​ത​ര​മാ​യി പ​രി​ക്കേ​റ്റ നാ​യ്ക്കു​ട്ടി​യു​ടെ ശ​രീ​ര​ത്തി​ൽ 28 തു​ന്ന​ലി​ടേ​ണ്ടി വ​ന്നു. കി​ട​ത്തി ചി​കി​ത്സി​ക്കാ​നു​ള്ള സൗ​ക​ര്യം മൃ​ഗാ​ശു​പ​ത്രി​യി​ൽ ഇ​ല്ലാ​ത്ത​തി​നാ​ൽ ഭാ​ഗ്യ​ക്കു​റി വി​റ്റ് ഉ​പ​ജീ​വ​നം ന​ട​ത്തു​ന്ന ബാ​ബു നാ​യ​ക്കു​ട്ടി​ക്ക് ആ​വ​ശ്യ​മാ​യ സം​ര​ക്ഷ​ണം ന​ൽ​കു​ന്ന​തി​നാ​യി സ്വ​ന്തം വീ​ട്ടി​ലേ​ക്ക് കൊ​ണ്ടു പോ​കു​ക​യാ​യി​രു​ന്നു.