പു​ര​യി​ട​ത്തി​നു കു​റു​കെ വൈ​ദ്യു​ത ലൈ​ൻ; വീ​ടുനി​ർ​മാ​ണം പൂ​ർ​ത്തി​യാകാൻ അയൽവാസി കനിയണം

അ​മ്പ​ല​പ്പു​ഴ: വി​ധ​വ​യാ​യ യു​വ​തി​ക്ക് റീ​ബി​ൽ​ഡ് പ​ദ്ധ​തി​യി​ൽ കി​ട്ടി​യ വീ​ട് ഉ​യ​ര​ണ​മെ​ങ്കി​ൽ അ​യ​ൽ​വാ​സി ക​നി​യ​ണം. പു​ന്ന​പ്ര തെ​ക്ക് പ​ഞ്ചാ​യ​ത്ത് ആ​റാം വാ​ർ​ഡി​ൽ ക​ർ​ത്താ​മ​ഠം തോ​ട്ട​ത്തി​ൽ ഗീ​ത​യു​ടെ വീ​ടി​ൻ്റെ നി​ർ​മാ​ണ​മാ​ണ് അ​ടു​ത്ത സ്ഥ​ല ഉ​ട​മ​യു​ടെ പി​ടി​വാ​ശി മൂ​ലം പാ​തി​വ​ഴി​യി​ൽ ഉ​പേ​ക്ഷി​ക്കേ​ണ്ടി വ​ന്ന​ത്.

പു​ര​യി​ട​ത്തി​ന് കു​റു​കെ ക​ട​ന്നു​പോ​കു​ന്ന വൈ​ദ്യു​തി ലൈ​നാ​ണ് വീ​ട് നി​ർ​മാ​ണ​ത്തി​നു ത​ട​സ​മാ​യ​ത്. ഇ​ത് പു​ര​യി​ട​ത്തി​ന്‍റെ ഒ​രു വ​ശ​ത്തേ​ക്ക് മാ​റ്റി​യാ​ൽ മാ​ത്ര​മെ വീ​ട് കെ​ട്ടി​പ്പൊ​ക്കാ​നാ​കൂ.

എ​ന്നാ​ൽ അ​യ​ൽ​പു​ര​യി​ട​ത്തി​ലൂ​ടെ ക​ട​ന്നു​വ​രു​ന്ന ലൈ​ൻ നീ​ക്കാ​ൻ ഉ​ട​മ അ​നു​മ​തി ന​ൽ​കാ​ത്ത​താ​ണ് ഇ​പ്പോ​ൾ നേ​രി​ടു​ന്ന ത​ട​സം. പോ​സ്റ്റ് നീ​ക്കി​യി​ടാ​ൻ വൈ​ദ്യു​തി ബോ​ർ​ഡ് ജീ​വ​ന​ക്കാ​ർ പ​രി​ശോ​ധ​ന ന​ട​ത്തു​ക​യും അ​തി​നു​ള്ള തു​ക ന​ൽ​കു​ക​യും ചെ​യ്തി​രു​ന്നു.

പ്ര​ദേ​ശ​ത്തെ 12 വീ​ടു​ക​ളി​ലേ​ക്കു​ള്ള വൈ​ദ്യു​തി ക​മ്പി​ക​ളാ​ണ് ഇ​തു​വ​ഴി ക​ട​ന്നു​പോ​കു​ന്ന​ത്. ഇ​വ​ർ സ്ഥ​ലം വാ​ങ്ങു​മ്പോ​ൾ പു​ര​യി​ട​ത്തി​ന് മ​ധ്യ​ഭാ​ഗ​ത്തു​നി​ന്നി​രു​ന്ന വൈ​ദ്യു​ത പോ​സ്റ്റ് ഇ​വ​രു​ടെ ചെ​ല​വി​ലാ​ണ്
മ​റ്റൊ​രു ഭാ​ഗ​ത്തേ​ക്ക് മാ​റ്റി സ്ഥാ​പി​ച്ച​ത്.

വീ​ട് നി​ർ​മാ​ണ​ത്തി​നാ​യി ഉ​ണ്ടാ​യി​രു​ന്ന കൂ​ര പൊ​ളി​ച്ചു​നീ​ക്കി​യ​തോ​ടെ വി​ധ​വ​യും വ​യോ​ധി​ക​യു​മാ​യ ക​മ​ല​മ്മ​യും ഗീ​ത​യും ര​ണ്ട് കൊ​ച്ചു​മ​ക്ക​ളോ​ടൊ​ത്ത് വാ​ട​ക​വീ​ട്ടി​ലാ​ണ് താ​മ​സി​ക്കു​ന്ന​ത്.

വീ​ട് നി​ർ​മാ​ണ​ത്തി​ന് ത​ട​സ​മാ​യി ക​ട​ന്നു​പോ​കു​ന്ന വൈ​ദ്യു​തി ക​മ്പി​ക​ൾ മാ​റ്റി സ്ഥാ​പി​ച്ചു കി​ട്ടാ​ൻ ജി​ല്ലാ ക​ള​ക്ട​റെ സ​മീ​പി​ക്കാ​നി​രി​ക്കു​ക​യാ​ണ് ഗീ​ത.