മേൽശാന്തി പ​ത്മ​നാ​ഭ​ൻ എണ്ണുമെന്ന് വിചാരിച്ചു കാണില്ല;തുരുവാഭരണത്തിലെ 81 സ്വ​ർ​ണ മു​ത്തു​ള്ള രൂദ്രാക്ഷത്തിൽ നിന്ന് പോയത് 9എണ്ണം; തെളിവെടുപ്പ് പുരോഗമിക്കുന്നു

ഏ​റ്റു​മാ​നൂ​ർ: ഏ​റ്റു​മാ​നൂ​ർ മ​ഹാ​ദേ​വ ക്ഷേ​ത്ര​ത്തി​ലെ വി​ഗ്ര​ഹ​ത്തി​ൽ ചാ​ർ​ത്തു​ന്ന 75 പ​വ​ൻ തൂ​ക്കം​വ​രു​ന്ന സ്വ​ർ​ണം കെ​ട്ടി​യ രു​ദ്രാ​ക്ഷ​മാ​ല​യി​ലെ മു​ത്തു​ക​ളു​ടെ എ​ണ്ണ​ത്തി​ൽ കു​റ​വു​ണ്ടാ​യ സം​ഭ​വ​ത്തി​ൽ തെ​ളി​വെ​ടു​പ്പ് പു​രോ​ഗ​മി​ക്കു​ന്നു.

ദേ​വ​സ്വം ക​മ്മീ​ഷണ​റും ദേ​വ​സ്വം വി​ജി​ല​ൻസ് എ​സ്പി​യും ഇ​ന്നു രാ​വി​ലെ ക്ഷേ​ത്ര​ത്തി​ലെ​ത്തി പ​രി​ശോ​ധ​ന ന​ട​ത്തി. ക​ഴി​ഞ്ഞ ശ​നി​യാ​ഴ്ച​യാ​ണ് ക്ഷേ​ത്ര​ത്തി​ലെ മു​ത്തു​ക​ളു​ടെ കു​റ​വു സം​ബ​ന്ധി​ച്ചു വി​വ​രം പു​റ​ത്ത​റി​യു​ന്ന​ത്.

സം​ഭ​വ​ത്തി​ൽ തി​രു​വി​താം​കൂ​ർ ദേ​വ​സ്വം ബോ​ർ​ഡ് തി​രു​വാ​ഭ​ര​ണം ക​മ്മീ​ഷ​ണ​ർ ശ​നി​യാ​ഴ്ച പ​രി​ശോ​ധ​ന ന​ട​ത്തി​യി​രു​ന്നു.
81 സ്വ​ർ​ണ മു​ത്തു​ള്ള രു​ദ്രാ​ക്ഷ മാ​ല​യി​ലെ 23 ഗ്രാം ​തൂ​ക്കം വ​രു​ന്ന ഒ​ന്പ​തു മു​ത്തു​ക​ളു​ടെ കു​റ​വാ​ണു വ​ന്ന​ത്.

പു​തി​യ മേ​ൽ​ശാ​ന്തി പ​ത്മ​നാ​ഭ​ൻ സ​ന്തോ​ഷ് ചു​മ​ത​ല​യേ​റ്റ​പ്പോ​ൾ ന​ട​ത്തി​യ പ​രി​ശോ​ധ​ന​യി​ലാ​ണു മാ​ല​യി​ലെ മു​ത്തു​ക​ൾ ന​ഷ്ട​പ്പെ​ട്ട വി​വ​രം അ​റി​ഞ്ഞ​ത്. ഭ​ഗ​വാ​ന്‍റെ വി​ഗ്ര​ഹ​ത്തി​ൽ സ്ഥി​ര​മാ​യി ചാ​ർ​ത്തി​യി​രു​ന്ന​താ​ണ് രു​ദ്രാ​ക്ഷ​മാ​ല.

വ​ലി​യ രു​ദ്രാ​ക്ഷ മ​ണി​ക​ളി​ൽ സ്വ​ർ​ണം​കെ​ട്ടി​ച്ച മാ​ല ര​ണ്ടു മ​ട​ക്കു​ക​ളാ​ക്കി​യാ​ണു ചാ​ർ​ത്തി​യി​രു​ന്ന​ത്. ക്ഷേ​ത്ര​ത്തി​ലെ മു​ൻ അ​ഡ്മി​നി​സ്ട്രേ​റ്റീ​വ് മാ​നേ​ജ​ർ വ​ഴി​പാ​ടാ​യി ന​ൽ​കി​യ​താ​ണ് ഈ ​മാ​ല. ക്ഷേ​ത്ര​ത്തി​ലെ പു​തി​യ മേ​ൽ​ശാ​ന്തി​യാ​യി പ​ത്മ​നാ​ഭ​ൻ സ​ന്തോ​ഷ് ക​ഴി​ഞ്ഞ​മാ​സ​മാ​ണു ചു​മ​ത​ല​യേ​റ്റ​ത്.

പൂ​ജാ​കാ​ര്യ​ങ്ങ​ളു​മാ​യി ബ​ന്ധ​പ്പെ​ട്ട എ​ല്ലാ​സാ​മ​ഗ്രി​ക​ളും ദേ​വ​സ്വം അ​സി​സ്റ്റ​ന്‍റ് ക​മ്മീ​ഷ​ണ​റു​ടെ​യും മ​റ്റ് ഉ​ദ്യോ​ഗ​സ്ഥ​രു​ടെ​യും സാ​ന്നി​ധ്യ​ത്തി​ൽ സാ​ക്ഷ്യ​പ്പെ​ടു​ത്തി ന​ൽ​ക​ണ​മെ​ന്നു മേ​ൽ​ശാ​ന്തി ആ​വ​ശ്യ​പ്പെ​ട്ടി​രു​ന്നു.

ഇ​തേ​തു​ട​ർ​ന്നാ​യി​രു​ന്നു പ​രി​ശോ​ധ​ന. ദേ​വ​സ്വം അ​സി​സ്റ്റ​ന്‍റ് ക​മ്മീ​ഷ​ണ​റു​ടെ​യും മ​റ്റ് ഉ​ദ്യോ​ഗ​സ്ഥ​രു​ടെ​യും സാ​ന്നി​ധ്യ​ത്തി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് സ്വ​ർ​ണം കെ​ട്ടി​യ മു​ത്തു​ക​ൾ ന​ഷ്ട​പ്പെ​ട്ട വി​വ​രം പു​റ​ത്ത​റി​യു​ന്ന​ത്.

ക​ണ​ക്കി​ൽ​പ്പെ​ടാ​ത്ത മ​റ്റൊ​രു മാ​ല ക​ണ്ടെ​ത്തു​ക​യും ചെ​യ്തി​ട്ടു​ണ്ട്. പ​ഴ​യ മാ​ല മാ​റ്റി പു​തി​യ​ത് ശേ​ഖ​ര​ത്തി​ൽ വെ​ച്ച​താ​ണോ പ​ഴ​യ മാ​ല​യി​ൽ നി​ന്നും ഒ​ന്പ​തു മു​ത്തു​ക​ൾ മാ​റ്റി​യ​താ​ണോ എ​ന്നാ​ണ് പ​രി​ശോ​ധ​ന ന​ട​ത്തു​ന്ന​ത്.

ക്ഷേ​ത്ര​ത്തി​ലെ മ​റ്റു വ​സ്തു​ക്ക​ൾ കൂ​ടി ന​ഷ്ട​പ്പെ​ട്ടി​ട്ടു​ണ്ടോ എ​ന്നും പ​രി​ശോ​ധി​ക്കും. ക​ഴി​ഞ്ഞ ദി​വ​സം മ​ന്ത്രി വി.​എ​ൻ. വാ​സ​വ​ൻ ക്ഷേ​ത്ര​ത്തി​ലെ​ത്തി കാ​ര്യ​ങ്ങ​ൾ വി​ല​യി​ലി​രു​ത്തി​യി​രു​ന്നു. ഇ​ന്നു മ​ന്ത്രി കെ. ​രാ​ധാ​കൃ​ഷ്ണ​നെ നേ​രി​ട്ടു ക​ണ്ട് വി​വ​ര​ങ്ങ​ൾ ധ​രി​പ്പി​ക്കും. ലോ​ക്ക​ൽ പോ​ലീ​സും അ​ന്വേ​ഷ​ണ​ത്തി​ലാ​ണ്.