വില കുത്തനെ കുറഞ്ഞതിന് പിന്നാലെ വന്‍തോതില്‍ തക്കാളി റോഡില്‍ തള്ളി കര്‍ഷകര്‍. ആന്ധ്രപ്രദേശിലെ കുര്‍ണൂലിലാണ് സംഭവം.
ഇപ്പോള്‍ തക്കാളി കിലോയ്ക്ക് വെറും നാല് രൂപയാണ് വില. കഴിഞ്ഞ മാസം തക്കാളി കിലോയ്ക്ക് 200 രൂപ വരെ എത്തിയിരുന്നതായി കര്‍ഷകര്‍ പറയുന്നു.
നിലവിലെ വിലയില്‍ തൊഴിലാളികള്‍ക്ക് കൂലി കൊടുക്കാനോ അടിസ്ഥാന സാധനങ്ങള്‍ വാങ്ങാനോ കഴിയില്ലെന്ന് കര്‍ഷകര്‍ കൂട്ടിച്ചേര്‍ത്തു.
വിപണിയില്‍ എത്തിച്ച തക്കാളി വില്‍ക്കാനും തിരിച്ചെടുക്കാനും കഴിയാതെ വന്നതോടെയാണ് റോഡില്‍ ഉപേക്ഷിക്കേണ്ട അവസ്ഥ വന്നതെന്നും കര്‍ഷകര്‍ ചൂണ്ടിക്കാട്ടി.
