പ​ഴ​യ പ​ള്ളി, ക്ലോ​ത്ത് ബാ​ങ്കാ​യി;സാ​ധുസേ​വ​ന​ത്തി​ന്‍റെ പു​തി​യ സം​സ്കാ​ര​ത്തി​നു തുടക്കമിട്ട് വീണ്ടും  കാ​രു​ണ്യ​വ​ഴി​യി​ൽ ഫാ. ​ഡേ​വി​സ് ചി​റ​മ്മ​ൽ



തൃ​ശൂ​ർ: കാ​രു​ണ്യ​ത്തി​ന്‍റെ പു​തി​യ സ​ന്ദേ​ശ​വു​മാ​യി ക്ലോ​ത്ത് ബാ​ങ്ക്, ഫു​ഡ് ബാ​ങ്ക് പ​ദ്ധ​തി​ക്കു കേ​ര​ള​പ്പി​റ​വി ദി​ന​ത്തി​ൽ ക​ടാ​ങ്ങോ​ട് തു​ട​ക്ക​മാ​യി. വൃ​ക്ക​ദാ​ന​ത്തി​ലൂ​ടെ ശ്ര​ദ്ധേ​യ​നാ​യ ഫാ.​ ഡേ​വി​സ് ചി​റ​മ്മ​ലി​ന്‍റെ ഷ​ഷ്ഠി​പൂ​ർ​ത്തി​യു​ടെ ഭാ​ഗ​മാ​യി ആ​രം​ഭി​ച്ച ‘കാ​രു​ണ്യ സ്പ​ർ​ശം 60 @ 2020’ൽ പ​ത്താ​മ​താ​യി ആ​വി​ഷ്ക്ക​രി​ക്കു​ന്ന ജീ​വ​കാ​രു​ണ്യ പ​ദ്ധ​തി​യാ​ണി​ത്.

ലോ​ക​മെ​ങ്ങു​മു​ള്ള ഉ​ദാ​ര​മ​തി​ക​ളി​ൽ നി​ന്നു വ​സ്ത്ര​ങ്ങ​ൾ ശേ​ഖ​രി​ച്ച് ആ​രം​ഭി​ക്കു​ന്ന ക്ലോ​ത്ത് ബാ​ങ്കി​ൽ വ​ള​രെ കു​റ​ഞ്ഞ വി​ലയ്ക്കു സാ​ധാ​ര​ണ​ക്കാ​രാ​യ ആ​ളു​ക​ൾ​ക്കു ന​ല്ല വ​സ്ത്ര​ങ്ങ​ൾ വാ​ങ്ങാ​നാ​കും.

ആ ​തു​ക കൊ​ണ്ടു നി​രാ​ലം​ബ​രാ​യ ആ​ളു​ക​ൾ​ക്കു മാ​സാ​ദ്യ​ദി​ന​ത്തി​ൽ മി​ക​ച്ച ഭ​ക്ഷ​ണ​മെ​ത്തി​ക്കു​ക എ​ന്ന​താ​ണു പ​ദ്ധ​തി ല​ക്ഷ്യ​മി​ടു​ന്ന​ത്.പ​ദ്ധ​തി​യി​ലെ ആ​ദ്യ ക്ലോ​ത്ത് ബാ​ങ്കാ​ണു ക​ടാ​ങ്ങോ​ട് പ്ര​വ​ർ​ത്ത​ന​മാ​രം​ഭി​ച്ച​ത്. പ​ഴ​യ ഇ​ൻ​ഫ​ന്‍റ് ജീ​സ​സ് പ​ള്ളി​യാ​ണ് ക്ലോ​ത്ത് ബാ​ങ്കാ​യി രൂ​പ​പ്പെ​ടു​ത്തി​യ​ത്.

ബാ​ങ്കി​ന്‍റെ ഉ​ദ്ഘാ​ട​നം സം​സ്ഥാ​ന ടെ​ക്സ്റ്റെെ​ൽ കോ​ർ​പ​റേ​ഷ​ൻ ചെ​യ​ർ​മാ​ൻ സി.​ആ​ർ. വ​ത്സ​ൻ നി​ർ​വ​ഹി​ച്ചു. നി​ർ​ധ​ന കു​ടും​ബ​ങ്ങ​ളി​ലെ പെ​ണ്‍​കു​ട്ടി​ക​ൾ​ക്കു വി​വാ​ഹ സ​ഹാ​യ​മാ​യി 50,000 രൂ​പ വീ​തം വി​ല​വ​രു​ന്ന സ്വ​ർ​ണാ​ഭ​ര​ണ​ങ്ങ​ൾ ച​ട​ങ്ങി​ൽ വി​ത​ര​ണം ചെ​യ്തു.

വി​ധ​വ​ക​ൾ​ക്കു കാ​ട വ​ള​ർ​ത്താ​നു​ള്ള കൂ​ടു​ക​ളും നല്​കി. മാ​സാ​ദ്യ​ദി​ന​ത്തി​ൽ വി​വി​ധ ആ​തു​രാ​ല​യ​ങ്ങ​ളി​ലും തെ​രു​വോ​ര​ങ്ങ​ളി​ലും ക​ഴി​യു​ന്ന നി​രാ​ലംബ​ർ​ക്കാ​യി ഭ​ക്ഷ​ണം നല്കു​ന്ന ഫു​ഡ് ബാ​ങ്കി​നും ഇ​തോ​ടൊ​പ്പം തു​ട​ക്ക​മി​ട്ടു.

തു​ട​ക്ക​മാ​യി 1000 ബി​രി​യാ​ണി ച​ട​ങ്ങി​ൽ കൈ​മാ​റി. ക്ലോ​ത്ത് ബാ​ങ്കി​ലെ വ​സ്ത്ര​ങ്ങ​ളു​ടെ വി​ല്പന​യ്ക്കും ച​ട​ങ്ങി​നോ​ട​നു​ബ​ന്ധി​ച്ചു തു​ട​ക്ക​മി​ട്ടു.
ഇ​തി​ന്‍റെ തു​ട​ർ​ച്ച​യാ​യി പ്ര​ധാ​ന കേ​ന്ദ്ര​ങ്ങ​ളി​ൽ

ക്ലോ​ത്ത് ബാ​ങ്കു​ക​ൾ ആ​രം​ഭി​ച്ച് സാ​ധുസേ​വ​ന​ത്തി​ന്‍റെ പു​തി​യ സം​സ്കാ​ര​ത്തി​നു തു​ട​ക്ക​മി​ടു​ക​യാ​ണു ല​ക്ഷ്യ​മെ​ന്ന് ഫാ. ഡേ​വി​സ് ചി​റ​മ്മ​ൽ അ​റി​യി​ച്ചു. ബാ​ബു വെ​ള​പ്പാ​യ, സി.​വി. ജോ​സ്, പ്ര​ഫ. എ​ലി​സ​ബ​ത്ത് മാ​ത്യു തു​ട​ങ്ങി​യ​വ​ർ പ്ര​സം​ഗി​ച്ചു.

Related posts

Leave a Comment