രക്ഷിക്കേണ്ടവർ അധികൃതരുടെ രക്ഷയ്ക്കായി കാത്തിരിക്കുന്നു; വൈപ്പിനിലെ അഗ്നിരക്ഷാനിലയം തകർച്ചയിൽ

ഹ​രു​ണി സു​രേ​ഷ്
വൈ​പ്പി​ൻ: അ​ഞ്ചു സെ​ന്‍റ് ഭൂ​മി​യി​ൽ ഓ​ടു​മേ​ഞ്ഞ​തും പാ​ഴ​ട​ഞ്ഞ​തു​മാ​യ കെ​ട്ടി​ട​ത്തി​ലെ മൂ​ന്ന് കു​ടു​സു​മു​റി​യും മു​റ്റ​ത്ത് ര​ണ്ട് പ​ന്ത​ലും ഒ​രു തു​ക്ക​ടാ ബോ​ർ​ഡും. ഇ​താ​ണ് കൊ​ച്ചി​ന​ഗ​ര​ത്തി​ന്‍റെ ഉ​പ​ഗ്ര​ഹ​ന​ഗ​ര​മാ​യി വ​ള​ർ​ന്നു​കൊ​ണ്ടി​രി​ക്കു​ന്ന വൈ​പ്പി​ൻ​ക​ര​യി​ലെ ഏ​ക അ​ഗ്നി​ര​ക്ഷാ​നി​ല​യം. എ​ള​ങ്കു​ന്ന​പ്പു​ഴ പ​ഞ്ചാ​യ​ത്താ​ഫീ​സി​നോ​ട് ചേ​ർ​ന്ന് സ്ഥി​തി ചെ​യ്യു​ന്ന ഈ ​സ്ഥാ​പ​നം ക​ണ്ടാ​ൽ ആ​ളു​ക​ൾ ത​ല​യി​ൽ കൈ​വെ​ച്ചു​പോ​കും.

കാ​ര​ണം, ഇ​മ്മാ​തി​രി ഒ​രു ഫ​യ​ർ സ്റ്റേ​ഷ​ൻ ഒ​രു​നാ​ട്ടി​ലും ക​ണ്ടി​ട്ടു​ണ്ടാ​വി​ല്ല. ഇ​വി​ട​ത്തെ പ​രി​മി​തി​ക​ളു​ടെ പ​ട്ടി​ക​കൂ​ടി പ​രി​ശോ​ധി​ച്ചാ​ൽ മൂ​ക്ക​ത്തും വി​ര​ൽ​വെ​ക്കും. 25 പേ​ർ ജോ​ലി ചെ​യ്യു​ന്ന സ്ഥാ​പ​ന​ത്തി​ൽ ആ​വ​ശ്യ​ത്തി​ന ശു​ചി​മു​റി സൗ​ക​ര്യ​മി​ല്ല.

തീ​രെ പ​രി​മി​ത​മാ​യ സൗ​ക​ര്യം മാ​ത്ര​മാ​യ​തി​നാ​ൽ പ​ഞ്ചാ​യ​ത്താ​ഫീ​സി​ലെ ശു​ചി​മു​റി​ക​ളാ​ണ് പ​ല​പ്പോ​ഴും ഫ​യ​ർ​മാ​ൻ​മാ​ർ​ക്കും മ​റ്റും ആ​ശ്ര​യം. അ​തേ പോ​ലെ കു​ടി​വെ​ള്ള ക​ണ​ക്ഷ​ൻ ഇ​തു​വ​രെ ല​ഭി​ച്ചി​ട്ടി​ല്ല. കെ​ട്ടി​ടം സ്വ​ന്തം പേ​രി​ല​ല്ലാ​ത്ത​തി​നാ​ൽ കു​ടി​വെ​ള്ള ക​ണ​ക്ഷ​നു അ​പേ​ക്ഷ വെ​ച്ചി​ട്ട് അ​ധി​കൃ​ത​ർ നി​ര​സി​ക്കു​ക​യാ​ണ​ത്രേ. പി​ന്നെ വെ​ള്ള​കെ​ട്ടി​ന്‍റെ കാ​ര്യം പ​റ​യേ വേ​ണ്ട.

ഒ​രു മ​ഴ​പെ​യ്താ​ൽ മു​റ്റം മു​ഴു​വ​ൻ പു​ഴ​യാ​കും. അ​ത്ര​ക്ക് വെ​ള്ള​ക്കെ​ട്ടാ​ണി​വി​ടെ. ര​ണ്ട് ഫ​യ​ർ യൂ​ണി​റ്റു​ക​ളും സ്കൂ​ബാ ഡൈ​വിം​ഗ് യൂ​ണി​റ്റും ഉ​ള്ള ഇ​വി​ടെ വാ​ഹ​ന​ങ്ങ​ൾ പാ​ർ​ക്ക് ചെ​യ്യാ​ൻ സ്ഥ​ലം തീ​രെ കു​റ​വു​മാ​ണ്. മൂ​ന്ന് വ​ർ​ഷം മു​ന്പ് യു​ഡി​എ​ഫ് സ​ർ​ക്കാ​ർ അ​ധി​കാ​ര​മൊ​ഴി​യു​ന്ന​തി​നു മു​ന്പാ​യി അ​ന്ന​ത്തെ ആ​ഭ്യ​ന്ത​ര മ​ന്ത്രി ര​മേ​ശ് ചെ​ന്നി​ത്ത​ല​യാ​ണ് ഇ​വി​ടെ അ​ഗ്നി​ര​ക്ഷാ​നി​ല​യം അ​നു​വ​ദി​ച്ച​ത്.

അ​ധി​കാ​ര​ത്തി​ൽ നി​ന്നും പോ​കു​ന്ന പോ​ക്കി​നു ത​ട്ടി​ക്കൂ​ട്ടി​യു​ണ്ടാ​ക്കി​യ സ്റ്റേ​ഷ​ന്‍റെ ഉ​ദ്ഘാ​ട​ന​വും ന​ട​ത്തി. അ​ഗ്നി​ര​ക്ഷാ നി​ല​യ​ത്തി​നാ​യി കെ​ട്ടി​ടം പ​ണി​യാ​ൻ ആ​ദ്യം സ്ഥ​ലം ക​ണ്ടെ​ത്തി​യ​ത് പു​തു​വൈ​പ്പ് ലൈ​റ്റ് ഹൗ​സ് ഭാ​ഗ​ത്താ​യി​രു​ന്നു. എ​ന്നാ​ൽ ഇ​ത് മ​ത്സ്യ​തൊ​ഴി​ലാ​ളി​ക​ൾ​ക്ക് അ​സൗ​ക​ര്യം ഉ​ണ്ടാ​ക്കു​മെ​ന്ന​തി​നാ​ൽ ഉ​പേ​ക്ഷി​ച്ചു.

ഇ​തേ തു​ട​ർ​ന്നാ​ണ് താ​ൽ​കാ​ലി​ക​മാ​യി ഒ​രു സൊ​സൈ​റ്റി​യു​ടെ ഉ​ട​മ​സ്ഥ​ത​യി​ലു​ള്ള പാ​ഴ​ട​ഞ്ഞ കെ​ട്ടി​ടം അ​റ്റ​കു​റ്റ പ​ണി​ക​ൾ ന​ട​ത്തി​യെ​ടു​ത്ത​ത്. പി​ന്നീ​ട് പ​ഞ്ചാ​യ​ത്ത് സ്ഥ​ലം ക​ണ്ടെ​ത്തി ന​ൽ​കാ​മെ​ന്ന വ്യ​വ​സ്ഥ​യി​ലാ​യി​രു​ന്നു ഈ ​താ​ൽ​കാ​ലി​ക സം​വി​ധാ​നം. എ​ന്നാ​ൽ നാ​ളി​തു​വ​രെ​യാ​യി​ട്ടും പ​ഞ്ചാ​യ​ത്ത് സ്ഥ​ലം ക​ണ്ടെ​ത്തു​ക​യോ പു​തി​യ കെ​ട്ടി​ടം നി​ർ​മി​ക്കു​ക​യോ ചെ​യ്തി​ട്ടി​ല്ല.