പോലീസുകാരനു മർദനമേറ്റ സംഭവം;  ഉ​ന്ന​ത പോ​ലീ​സ് ത​ല​ത്തി​ലെ സ​മ്മ​ർ​ദ്ദം;   ക്രൈംബ്രാഞ്ച് അന്വേഷണം ഇഴയുന്നു

എം.​ജെ ശ്രീ​ജി​ത്ത്
തി​രു​വ​ന​ന്ത​പു​രം: എ​ഡിജിപി സു​ദേ​ഷ് കു​മാ​റി​ന്‍റെ മ​ക​ൾ പോ​ലീ​സു​കാ​ര​ൻ ഗ​വാ​സ്ക​റെ മ​ർ​ദിച്ച കേ​സി​ൽ ക്രൈം​ബ്രാ​ഞ്ച് അ​ന്വേ​ഷ​ണം ഇ​ഴ​യു​ന്നു. ഉ​ന്ന​ത പോ​ലീ​സ് ത​ല​ത്തി​ലെ സ​മ്മ​ർ​ദ്ദ​ത്തെതു​ട​ർ​ന്ന് അ​ന്വേ​ഷ​ണ പു​രോ​ഗ​തി ഇ​ല്ലാ​ത്ത അ​വ​സ്ഥ​യി​ലാ​ണ് ഇ​പ്പോ​ൾ ഈ ​കേ​സ്. ഗ​വാ​സ്ക​റെ എ​ഡി​ജി​പി​യു​ടെ മ​ക​ൾ മ​ർദിച്ച​താ​യും ദാ​സ്യ​പ്പ​ണി എ​ടു​പ്പി​ച്ച​താ​യു​മു​ള്ള പ​രാ​തി​യി​ൽ ക​ഴ​ന്പു​ണ്ടെ​ന്ന് അ​ന്വേ​ഷ​ണം സം​ഘം ക​ണ്ടെ​ത്തി​യെ​ങ്കി​ലും അ​റ​സ്റ്റ് ഉ​ൾ​പ്പ​ടെ​യു​ള്ള ന​ട​പ​ടി​ക​ളു​മാ​യി മു​ന്നോ​ട്ടു പോ​കാ​തെ നി​ൽ​ക്കു​ക​യാ​ണ്.

ഗ​വാ​സ്ക​ർ അ​ല​ക്ഷ്യ​മാ​യി വ​ണ്ടി​യോ​ടി​ച്ച് പ​രി​ക്കേ​ൽ​പ്പി​ച്ചെ​ന്ന എ.​ഡി.​ജി.​പി​യു​ടെ മ​ക​ളു​ടെ പ​രാ​തി​യി​ൽ ക​ഴ​ന്പി​ല്ലെ​ന്ന് അ​ന്വേ​ഷ​ണം സം​ഘം ക​ണ്ടെ​ത്തി​യി​ട്ടു​ണ്ട്. എ.​ഡി.​ജി.​പി​യു​ടെ മ​ക​ളെ ചി​കി​ത്സി​ച്ച സ്വ​കാ​ര്യ ആ​ശു​പ​ത്രി​യി​ലെ ഡോ​ക്ട​റു​ടെ അ​ട​ക്ക​മു​ള്ള മൊ​ഴി​യു​ടെ അ​ടി​സ്ഥാ​ന​ത്തി​ലാ​ണ് ഈ ​നി​ഗ​മ​ന​ത്തി​ലെ​ത്തി​യി​രി​ക്കു​ന്ന​ത്.

എ​ന്നാ​ൽ ത​ന്നോ​ട് ഗ​വാ​സ്ക​ർ മോ​ശ​മാ​യി പെ​രു​മാ​റി​യെ​ന്ന പ​രാ​തി​യി​ൽ എ.​ഡി.​ജി.​പി​യു​ടെ മ​ക​ൾ ഉ​റ​ച്ചു നി​ൽ​ക്കു​ക​യാ​ണ്. ഈ ​സാ​ഹ​ച​ര്യ​ത്തി​ൽ അ​ന്വേ​ഷ​ണം ഏ​തു ത​ര​ത്തി​ൽ മു​ന്നോ​ട്ടു കൊ​ണ്ടു​പോ​ക​ണ​മെ​ന്ന കാ​ര്യ​ത്തി​ൽ അ​ന്വേ​ഷ​ണ സം​ഘ​ത്തി​ന് ത​ന്നെ വ്യ​ക്ത​യി​ല്ല. ഇ​തി​നി​ടെ ഗ​വാ​സ്ക​റു​മാ​യി ഒ​ത്തു തീ​ർ​പ്പി​നു​ള്ള സാ​ധ്യ​ത​ക​ൾ ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​ർ നേ​രി​ട്ടു ഇ​ട​പെ​ട്ടു ത​ന്നെ തു​ട​രു​ക​യാ​ണ്.

ഗ​വാ​സ്ക​ർ ഇ​തി​നു ത​യ്യാ​റാ​കാ​തെ നി​ൽ​ക്കു​ന്ന​താ​ണ് പ്ര​ധാ​ന ത​ട​സം. എ.​ഡി.​ജി.​പി​യു​ടെ മ​ക​ൾ​ക്കെ​തി​രെ​യു​ള്ള പ​രാ​തി പി​ൻ​വ​ലി​ക്കാ​ൻ ത​യ്യാ​റാ​കാ​ത്ത​തി​നാ​ൽ ത​ന്നെ ക​ള്ള​ക്കേ​സി​ൽ കു​ടു​ക്കി ജ​യി​ലി​ൽ അ​ട​യ്ക്കാ​നു​ള്ള ശ്ര​മം ന​ട​ക്കു​ന്ന​താ​യു​ള്ള ഗ​വാ​സ്ക​റു​ടെ പ​രാ​തി മു​ഖ്യ​മ​ന്ത്രി​യു​ടെ മു​ന്നി​ലു​ള്ള​തി​നാ​ൽ അ​ന്വേ​ഷ​ണ സം​ഘം ക​രു​ത​ലോ​ടെ​യാ​ണ് നീ​ങ്ങു​ന്ന​ത്.

മു​ഖ്യ​മ​ന്ത്രി ഈ ​വി​ഷ​യ​ത്തി​ൽ ശ​ക്ത​മാ​യ ന​ട​പ​ടി വേ​ണ​മെ​ന്ന നി​ല​പാ​ടി​ൽ നി​ൽ​ക്കു​ന്ന​തി​നാ​ലാ​ണ് കേ​സ് ഒ​ത്തു​തീ​ർ​പ്പാ​കാ​തെ​യും ഗ​വാ​സ്ക​റി​നെ​തി​രെ പോ​ലീ​സ് നീ​ങ്ങാ​തേ​യു​മി​രി​ക്കു​ന്ന​ത്. ത​ത്കാ​ലം അ​ന്വേ​ഷ​ണം സാ​വ​ധാ​നം കൊ​ണ്ടു​പോ​കാ​നാ​ണ് ക്രൈം​ബ്രാ​ഞ്ച് സം​ഘ​ത്തി​ന്‍റെയും തീ​രു​മാ​നം. വി​വാ​ദം ഉ​ട​നെ ത​ന്നെ കെ​ട്ട​ട​ങ്ങു​മെ​ന്ന പ്ര​തീ​ക്ഷ​യി​ലാ​ണ് എ.​ഡി.​ജി.​പി​യും അ​ദ്ദേ​ഹ​ത്തോ​ട് അ​ടു​പ്പ​മു​ള്ള മു​തി​ർ​ന്ന ഉ​ദ്യോ​ഗ​സ്ഥ​രും.
നു

Related posts