മുംബൈ: ജിഐസി റീ ലോകത്തിലെ 40 വലിയ റീ ഇൻഷ്വറൻസ് കന്പനികളുടെ പട്ടികയിൽ പത്താം സ്ഥാനം നേടി. സ്റ്റാൻഡാർഡ് ആൻഡ് പുവേഴ്സ് ആണ് പട്ടിക തയാറാക്കിയത്. കഴിഞ്ഞ ധനകാര്യവർഷത്തെ പ്രീമിയം ആധാരമാക്കിയാണു പട്ടിക. ജിഐസി റീ കഴിഞ്ഞ വർഷം 41,799 കോടി രൂപയുടെ പ്രീമിയം നേടി.
ഇതു തലേ വർഷത്തേക്കാൾ 24.5 ശതമാനം കൂടുതലായിരുന്നു. മലയാളിയായ ആലീസ് വൈദ്യനാണു ജിഐസി റീയുടെ ചെയർമാനും മാനേജിംഗ് ഡയറക്‌ടറും.
ജൂണിലവസാനിച്ച ത്രൈമാസം കന്പനി പ്രീമിയം വരുമാനത്തിൽ 9.3 ശതമാനം വളർച്ച കാണിച്ചു. 18,791.45 കോടിയാണു പ്രീമിയം വരുമാനം. അറ്റാദായം 390.11 കോടി രൂപയിൽ നിന്ന് 771.42 കോടി രൂപയായി വർധിച്ചു.
