കൊച്ചി: സംസ്ഥാനത്ത് തുടര്‍ച്ചയായ രണ്ടാം വ്യാപാര ദിനത്തിലും സ്വര്‍ണവിലയില്‍ മാറ്റമില്ല. കഴിഞ്ഞ ആറിന് ഗ്രാമിന് 4,040 രൂപയായും പവന് 32,320 രൂപയുമായി റിക്കാര്‍ഡ് സൃഷ്ടിച്ച സ്വര്‍ണവിലയാണ് മാറ്റമില്ലാതെ തുടരുന്നത്.
ഉയര്‍ന്ന നിലവാരത്തിലെത്തിയതോടെ കേരളത്തിലെ സ്വര്‍ണവിപണിയില്‍ വലിയ വ്യാപാരം രേഖപ്പെടുത്തുന്നില്ലെന്ന് വ്യാപാരികള്‍ പറയുന്നു.
സംസ്ഥാനത്ത് ഇന്ധനവില കുറഞ്ഞു
കൊച്ചി: സംസ്ഥാനത്ത് ഇന്ധനവില വീണ്ടും കുറഞ്ഞു. പെട്രോളിന് 24 പൈസയുടെയും ഡീസലിന് 27 പൈസയുടെയും കുറവാണ് ഇന്നുണ്ടായിട്ടുള്ളത്. ഇതോടെ കൊച്ചിയില്‍ പെട്രോള് വില 72.60 രൂപയിലും ഡീസല്‍ വില 66.87 രൂപയിലുമെത്തി.
തിരുവനന്തപുരത്താകട്ടെ പെട്രോള് വില 74.02 രൂപയും ഡീസല്‍ വില 68.21 രൂപയുമാണ്. ഇന്നലെയും ഇന്ധനവിലയില്‍ കുറവ് അനുഭവപ്പെട്ടിരുന്നു. പെട്രോളിന് 20 പൈസയുടെയും ഡീസലിന് 19 പൈസയുടെയും കുറവാണ് ഇന്നലെ രേഖപ്പെടുത്തിയത്.
