കാ​ള​മു​ക്ക് ഗോ​ശ്രീ പാ​ല​ത്തി​നു സ​മീ​പം വ​ഴി​വാ​ണി​ഭ​ക്കാ​ർക്ക് ഗുഡ്ബൈ; അ​ന​ധി​കൃ​ത പാ​ർ​ക്കിം​ഗി​നെ​തി​രേ ക​ർ​ശ​ന ന​ട​പ​ടി

വൈ​പ്പി​ൻ: കാ​ള​മു​ക്ക് ഗോ​ശ്രീ പാ​ല​ത്തി​ന്‍റെ അ​പ്രോ​ച്ചി​ലും റോ​ഡു വ​ക്കി​ലു​മു​ള്ള വ​ഴി വാ​ണി​ഭ​ക്കാ​രെ പോ​ലീ​സ് ഒ​ഴി​പ്പി​ച്ചു. ഇ​ന്ന​ലെ വൈ​കു​ന്നേ​രം എ​സി​പി വി​ജ​യ​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘ​മാ​ണ് വ​ഴി​വാ​ണി​ഭ​ക്കാ​രെ ഒ​ഴി​പ്പി​ച്ച​ത്.

ഗോ​ശ്രീ പാ​ല​ത്തി​ലെ അ​ന​ധി​കൃ​ത പാ​ർ​ക്കിം​ഗും വ​ഴി​വാ​ണി​ഭ​വും ഗ​താ​ഗ​ത ത​ട​സം സൃ​ഷ്ടി​ക്കു​ന്നു എ​ന്ന് ചൂ​ണ്ടി​ക്കാ​ട്ടി എ​ള​ങ്കു​ന്ന​പ്പു​ഴ പ​ഞ്ചാ​യ​ത്ത് റ​സി​ഡ​ൻ​സ് അ​സോ​സി​യേ​ഷ​ൻ ഭാ​ര​വാ​ഹി​ക​ളാ​യ അ​നി​ൽ പ്ലാ​വി​യ​ൻ​സ്, മ​നോ​ജ് ഒ​രു​മ എ​ന്നി​വ​ർ ഹൈ​ക്കോ​ട​തി​യി​ൽ ഹ​ർ​ജി ന​ൽ​കി​യി​രു​ന്നു.

ഇ​ത് പ​രി​ഗ​ണി​ച്ച കോ​ട​തി ഈ ​മാ​സം 19ന് ​സി​റ്റി ട്രാ​ഫി​ക്ക് ചു​മ​ത​ല​യു​ള്ള എ​സി​പി​യോ​ട് നേ​രി​ട്ട് ഹാ​ജ​രാ​യി വി​വ​ര​ങ്ങ​ൾ ന​ൽ​കാ​ൻ ആ​വ​ശ്യ​പ്പെ​ട്ട​തി​നി​ട​യി​ലാ​ണ് പോ​ലീ​സ് ന​ട​പ​ടി.

ഈ ​ഹ​ർ​ജി​പ​രി​ഗ​ണി​ക്കു​ന്ന സ​മ​യ​ത്ത് ത​ന്നെ ഹൈ​ക്കോ​ട​തി ജ​ഡ്ജി അ​മി​ത് റാ​വ​ൽ ക​ണ്ടെ​യ്ന​ർ റോ​ഡി​ലെ അ​ന​ധി​കൃ​ത പാ​ർ​ക്കിം​ഗും ഇ​തേ​ത്തു​ട​ർ​ന്നു​ള്ള വി​ഷ​മ​ത​ക​ളും നേ​രി​ൽ ക​ണ്ട​റി​ഞ്ഞി​രു​ന്ന സാ​ഹ​ച​ര്യ​ത്തി​ൽ ക​ണ്ടെ​യ്ന​ർ റോ​ഡി​ലെ അ​ന​ധി​കൃ​ത പാ​ർ​ക്കിം​ഗ് സം​ബ​ന്ധി​ച്ചും പോ​ലീ​സി​നോ​ട് വി​ശ​ദീ​ക​ര​ണം തേ​ടി​യി​രു​ന്നു.

ഇ​ന്ന​ലെ ഫ്രൂ​ട്ട്സ് വി​ൽ​ക്കു​ന്ന​വ​രെ ഒ​ഴി​വാ​ക്കി​യെ​ങ്കി​ലും ഈ ​ഭാ​ഗ​ത്ത് ജി​ഡ​യു​ടെ അ​ധീ​ന​ത​യി​ലു​ള്ള ഭൂ​മി കൈ​യേ​റി സ്ഥാ​പി​ച്ചി​ട്ടു​ള്ള അ​ന​ധി​കൃ​ത മ​ത്സ്യ​സ്റ്റാ​ളു​ക​ൾ പോ​ലീ​സ് ഒ​ഴി​പ്പി​ച്ചി​ട്ടി​ല്ല.

പോ​ലീ​സ് എ​ത്തി​യ സ​മ​യ​ത്ത് ഈ ​മേ​ഖ​ല​യി​ൽ പാ​ർ​ക്ക് ചെ​യ്തി​രു​ന്ന വാ​ഹ​ന​ങ്ങ​ളു​ടെ ഉ​ട​മ​ക​ളി​ൽ​നി​ന്നു പി​ഴ ഈ​ടാ​ക്കി. ഫ്രൂ​ട്ട്സ് ക​ച്ച​വ​ട​ക്കാ​രോ​ട് സാ​ധ​ന​ങ്ങ​ൾ എ​ടു​ത്തു മാ​റ്റാ​ൻ ആ​ദ്യം പോ​ലീ​സ് നി​ർ​ദ്ദേ​ശം ന​ൽ​കി​യെ​ങ്കി​ലും ചി​ല​ർ ഇ​ത് കൂ​ട്ടാ​ക്കി​യി​ല്ല. ഇ​തേ​ത്തു​ട​ർ​ന്ന് പോ​ലീ​സ് സാ​ധ​ന​ങ്ങ​ൾ എ​ടു​ത്തു​മാ​റ്റി ഒ​ഴി​പ്പി​ക്കു​ക​യാ​യി​രു​ന്നു.

ഈ ​ഭാ​ഗ​ത്ത് ഇ​ത​ര സം​സ്ഥാ​ന​ങ്ങ​ളി​ൽ​നി​ന്നു മ​ത്സ്യ​വു​മാ​യെ​ത്തു​ന്ന വ​ലി​യ വാ​ഹ​ന​ങ്ങ​ൾ നി​ർ​ത്തി​യി​ട്ട് മ​ത്സ്യ​ക​ച്ച​വ​ടം ന​ട​ക്കു​ന്ന​തി​നാ​ൽ പാ​ല​ത്തി​ലേ​ക്ക് ക​യ​റു​ന്ന ഭാ​ഗ​ത്ത് എ​പ്പോ​ഴും ഗ​താ​ഗ​ത ത​ട​സ​മു​ണ്ടാ​കാ​റു​ണ്ട്.

എ​ന്നാ​ൽ ഇ​പ്പോ​ൾ മ​ത്സ്യ​ങ്ങ​ൾ കു​റ​വാ​യ​തി​നാ​ൽ ഇ​ന്ന​ലെ പോ​ലീ​സ് എ​ത്തു​ന്പോ​ൾ മ​ത്സ്യ​വാ​ഹ​ന​ങ്ങ​ൾ ഇ​ല്ലാ​യി​രു​ന്നു. ഇ​ന്നു മു​ത​ൽ ഇ​വി​ടെ അ​ന​ധി​കൃ​ത പാ​ർ​ക്കിം​ഗി​നെ​തി​രേ പോ​ലീ​സ് ക​ർ​ശ​ന ന​ട​പ​ടി​ക​ൾ സ്വീ​ക​രി​ക്കു​മെ​ന്നാ​ണ് സൂചന.