ഹ​ർ​ഷാ​ദ് പാമ്പിനെക്കൊണ്ട് കൊത്തിച്ച് ആ​ത്മ​ഹ​ത്യ​ ചെയ്തതെന്ന പ്ര​ചാര​ണം തെ​റ്റ്; പിന്നിൽ ആരുടെയോ ഗൂഢനീക്കമെന്ന് ബന്ധുക്കൾ

തി​രു​വ​ന​ന്ത​പു​രം: മൃ​ഗ​ശാ​ല​യി​ൽ രാ​ജ​വെ​മ്പാ​ല​യു​ടെ ക​ടി​യേ​റ്റ് മ​രി​ച്ച അ​നി​മ​ൽ കീ​പ്പ​ർ ഹ​ർ​ഷാ​ദി​ന്‍റെ(45) മ​ര​ണ​ത്തെ കു​റി​ച്ച് വ്യാ​ജ പ്ര​ചാ​ര​ണം ന​ട​ക്കു​ന്ന​താ​യി കു​ടും​ബം. ആ​ത്മ​ഹ​ത്യ ചെയ്തെന്നാണ് സാ​മൂ​ഹ്യ മാ​ധ്യ​മ​ങ്ങ​ളി​ൽ പ്ര​ച​രി​ക്കു​ന്ന​ത്.

പാ​മ്പി​നെ കൊ​ണ്ട് മ​ന​പൂ​ർ​വം ക​ടി​പ്പി​ച്ച് ആ​ത്മ​ഹ​ത്യ ചെ​യ്തു​വെ​ന്നാ​ണ് പ്ര​ചാ​ര​ണം. എ​ന്നാ​ലി​ത് ആ​രു​ടെ​യോ ഗൂ​ഢ​നീ​ക്കം എ​ന്നാ​ണു ബ​ന്ധു​ക്ക​ൾ പ​റ​യു​ന്ന​ത് .

അ​ടു​ത്തി​ടെ കാ​ട്ടാ​ക്ക​ട പോ​ലീ​സ് സ്റ്റേ​ഷ​നി​ൽ ഹ​ർ​ഷാ​ദി​ന്‍റെ മാ​താ​പി​താ​ക്ക​ൾ പ​രാ​തി ന​ൽ​കി എ​ന്ന ത​ര​ത്തി​ലാ​ണ് പ്ര​ചാ​ര​ണം. എ​ന്നാ​ൽ പാ​മ്പ് ക​ടി​യെ കു​റി​ച്ച് സ​മ​ഗ്ര അ​ന്വേ​ഷ​ണം ആ​വ​ശ്യ​പ്പെ​ട്ടു മു​ഖ്യ​മ​ന്ത്രി ഉ​ൾ​പ്പ​ടെ​യു​ള്ള​വ​ർ​ക്കു പ​രാ​തി ന​ൽ​കി​യി​രു​ന്നു.

ഇ​നി ഇ​ത്ത​രം മ​ര​ണം അ​വി​ടെ സം​ഭ​വി​ക്കാ​ൻ പാ​ടി​ല്ല എ​ന്ന ആ​വ​ശ്യ​വും പ​രാ​തി​യി​ൽ ഉ​ന്ന​യി​ച്ചി​രു​ന്നു. ഈ ​പ​രാ​തി കാ​ര​ണം ആ​നൂ​കൂ​ല്യം ല​ഭി​ക്കാ​ൻ കാ​ല​താ​മ​സം ഉ​ണ്ടാ​കുമെ​ന്ന് ആ​രോ​പി​ച്ചു ഹ​ർ​ഷാ​ദി​ന്‍റെ ഭാ​ര്യ സ​ഹോ​ദ​ര​ൻ ഹ​ർ​ഷാ​ദി​ന്‍റെ മാ​താ​വി​നോ​ട് സം​സാ​രി​ക്കു​ക​യും തു​ട​ർ​ന്നു​ണ്ടാ​യ ത​ർ​ക്കത്തിൽ മാ​താ​വി​നെ മ​ർ​ദി​ച്ചതായി പരാതി ഉണ്ടായിരുന്നു.

ഈ പ​രാ​തി​യാ​ണ് ഇ​പ്പോ​ൾ മ​റ്റൊ​രു ത​ര​ത്തി​ൽ പ്ര​ച​രി​ക്കു​ന്ന​തും കു​ടും​ബ​ത്തി​ലെ പ്ര​ശ്ന​ങ്ങ​ൾ ഹ​ർ​ഷാ​ദി​ന്‍റെ ആ​ത്മ​ഹ​ത്യ​യി​ലേ​ക്ക് ന​യി​ച്ച് എ​ന്ന ത​ര​ത്തി​ലും പ്ര​ച​രി​പ്പി​ക്കു​ന്ന​തും.