സ്റ്റോർ കീപ്പറെ സൂപ്രണ്ടിന് ഭയമോ ? കു​ട്ടി​ക​ളു​ടെ ആ​ശു​പ​ത്രിയിലെ വനിതാ ഫാർമസിസ്റ്റിനോട് അശ്ലീല സംസാരം നടത്തിയ കേസിൽ നടപടി വൈകുന്നു

ഗാ​ന്ധി​ന​ഗ​ർ: കോ​ട്ട​യം മെ​ഡി​ക്ക​ൽ കോ​ള​ജ് കു​ട്ടി​ക​ളു​ടെ ആ​ശു​പ​ത്രി​യി​ലെ സ്റ്റോ​ർ കീ​പ്പ​ർ അ​ശ്ലീ​ല പ​ദ​പ്ര​യോ​ഗം ന​ട​ത്തി​യെ​ന്ന് കാ​ണി​ച്ച് വനിതാ ഫാ​ർ​മ​സി​സ്റ്റ് ആ​ശു​പ​ത്രി സൂ​പ്ര​ണ്ടി​ന് പ​രാ​തി ന​ൽ​കി​യി​ട്ടു ദിവസങ്ങളായിട്ടും ന​ട​പ​ടി​യായി​ല്ല.

ക​ഴി​ഞ്ഞ മേ​യ് 23നാ​ണു സം​ഭ​വം. രാ​വി​ലെ സ്റ്റോ​ർ കീ​പ്പ​ർ ഫാ​ർ​മ​സി കൗ​ണ്ട​റി​ന്‍റെ വെ​ളി​യി​ലെ​ത്തി ഇ​ന്ന​ത്തെ ഡ്യൂ​ട്ടി ആ​രെ​ക്കൊ​യെ​ന്ന് അ​ന്വേ​ഷി​ച്ചു. പ​രാ​തി​ക്കാ​രി​യാ​യ ഫാ​ർ​മ​സി​സ്റ്റ് ഡ്യൂ​ട്ടി വി​വ​രം പ​റ​ഞ്ഞു.

തു​ട​ർ​ന്ന് സാ​നി​റ്റൈ​സ​ർ ഉ​പ​യോ​ഗ​ത്തെ​ക്കു​റി​ച്ചു സം​സാ​രി​ച്ച് അ​ശ്ലീ​ല സം​സാ​രം ന​ട​ത്തു​ക​യാ​യി​രു​ന്നു. സ്റ്റോ​ർ കീ​പ്പ​റെ യു​വ​തി സ്നേ​ഹി​ക്ക​ണം, മ​ടി​യി​ൽ ഇ​രു​ത്ത​ണം തു​ട​ങ്ങി​യ പ​ദ​പ്ര​യോ​ഗ​ങ്ങ​ളും ഇ​യാ​ൾ ന​ട​ത്തി. ഇ​തോ​ടെ ഇ​ത്ത​രം സം​സാ​രം ആ​വ​ർ​ത്തി​ക്ക​രു​തെ​ന്ന് ഫാ​ർ​മ​സി​സ്റ്റ് ആ​വ​ശ്യ​പ്പെ​ടു​ക​യും ചെ​യ്തു.

ഈ ​സ​മ​യം മെ​ഡി​സി​ൻ റാ​ക്കി​ന്‍റെ വെ​ളി​യി​ൽ നി​ന്ന് സം​സാ​രി​ച്ച സ്റ്റോ​ർ കീ​പ്പ​ർ കൗ​ണ്ട​റി​ന് അ​ക​ത്ത് ക​യ​റു​വാ​ൻ ശ്ര​മി​ച്ചു. അപ്പോൾ മ​രു​ന്നു വാ​ങ്ങാ​ൻ ആ​ളു​ക​ളെ​ത്തി. അ​വ​ർ മ​ട​ങ്ങി​പ്പോ​യ​തോ​ടെ ഇ​യാ​ൾ വീ​ണ്ടും സം​സാ​രം ആ​വ​ർ​ത്തി​ച്ചു.

ഉ​ട​ൻ ത​ന്നെ ‍ഫാർമസിസ്റ്റ് മ​റ്റൊ​രു പു​രു​ഷ ഫാ​ർ​മ​സി​സ്റ്റി​നെ വി​വ​രം അ​റി​യി​ക്കു​ക​യും ഇ​യാ​ൾ ട്രെ​യി​നിം​ഗി​ന് എ​ത്തി​യ ഒ​രു പു​രു​ഷ ഫാ​ർ​മ​സി​സ്റ്റി​നെ ഉ​ട​ൻ ത​ന്നെ കൗ​ണ്ട​റി​ലേ​ക്ക് പ​റ​ഞ്ഞു വി​ടു​ക​യും ചെ​യ്തു. ഇ​യാ​ൾ വ​ന്ന ശേ​ഷ​മാ​ണ് സ്റ്റോ​ർ കീ​പ്പ​ർ ഫാ​ർ​മ​സി കൗ​ണ്ട​റി​ന്‍റെ മു​ന്നി​ൽനി​ന്നും പോ​യ​ത്.

സം​ഭ​വ​ത്തെ​ക്കു​റി​ച്ച് യു​വ​തി വി​ശ​ദ​മാ​യി ത​ന്നെ പ​രാ​തി ന​ൽ​കി​യി​രു​ന്നു. ഒ​ന്പ​ത് വ​ർ​ഷ​മാ​യി ഫാ​ർ​മ​സി​സ്റ്റാ​യി ജോ​ലി ചെ​യ്യു​ക​യാ​ണെ​ന്നും ഇ​യാ​ളു​ടെ ഭാ​ഗ​ത്തു​നി​ന്ന് ര​ണ്ടാ​മ​ത്തെ ത​വ​ണ​യാ​ണ് ഇ​ത്ത​ര​ത്തി​ൽ അ​ശ്ലീ​ല സം​ഭാ​ഷ​ണം ഉ​ണ്ടാ​കു​ന്ന​തെ​ന്നും പ​രാ​തി​യി​ൽ പ​റ​യു​ന്നു.

കു​ട്ടി​ക​ളു​ടെ ആ​ശു​പ​ത്രി സൂ​പ്ര​ണ്ട് ഒ​രു വ​നി​ത​യാ​യി​രു​ന്നി​ട്ടു പോ​ലും ആ​ശു​പ​ത്രി​യി​ലെ ജീ​വ​ന​ക്കാ​രി ന​ൽ​കി​യ പ​രാ​തി​യി​ൽ അ​ന്വേ​ഷി​ച്ച് ന​ട​പ​ടി​യെ​ടു​ക്കാ​ത്ത​തി​ന്‍റെ മ​നോ​വി​ഷ​മ​ത്തി​ലാ​ണ് ഫാ​ർ​മ​സി​സ്റ്റ്. പ​രാ​തി​യി​ൽ ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കു​ക​യാ​ണ്.