നാ​ണ​ക്കേ​ട് മാറ്റാ​ന്‍ ഇ​ന്ത്യ

രാജ്കോട്ട്: ഇം​ഗ്ല​ണ്ടി​നെ​തി​രേ​യു​ള്ള ടെ​സ്റ്റ് ക്രി​ക്ക​റ്റ് പ​ര​മ്പ​ര​യി​ല്‍ നാ​ണം​കെ​ട്ട തോ​ല്‍വി വ​ഴ​ങ്ങി​യ ഇ​ന്ത്യ​ന്‍ ടീ​മി​ന് ടെ​സ്റ്റി​ല്‍ ത​ങ്ങ​ളു​ടെ ക​രു​ത്ത് തെ​ളി​യി​ക്കാ​ന്‍ അ​വ​സ​രം. സ്വ​ന്തം നാ​ട്ടി​ല്‍ എ​ന്നും മി​ക​ച്ച ആ​ധി​പ​ത്യം പു​ല​ര്‍ത്തു​ന്ന ഇ​ന്ത്യ വെ​സ്റ്റ് ഇ​ന്‍ഡീ​സി​നെ​തി​രേ​ ടെ​സ്റ്റ് പ​ര​മ്പ​ര​യ്ക്ക് ഒ​രു​ങ്ങു​ക​യാ​ണ്. ഈ ​വ​ര്‍ഷം അ​വ​സാ​ന​ത്തോ​ടെ ആ​രം​ഭി​ക്കു​ന്ന ഓ​സ്‌​ട്രേ​ലി​യ​ന്‍ പ​ര്യ​ട​ന​ത്തി​നു മു​മ്പ് ടെ​സ്റ്റ് ടീ​മി​ലെ പ്ര​ശ്‌​ന​ങ്ങ​ള്‍ പ​രി​ഹ​രി​ക്കാ​നു​ള്ള അ​വ​സ​ര​മാ​ണ് ഇ​ന്ത്യ​ക്കു ല​ഭി​ച്ചി​രി​ക്കു​ന്ന​ത്. ഓ​പ്പ​ണിം​ഗി​ലെ സ്ഥി​ര​ത​യി​ല്ലാ​യ്മ​യാ​ണ് ഇ​ന്ത്യ​ക്ക് ഏ​റ്റ​വും വ​ലി​യ പ്ര​ശ്‌​നം. ഈ ​പ​ര​മ്പ​ര​യി​ലൂ​ടെ ആ ​പ്ര​ശ്‌​ന​ത്തി​ന് പ​രി​ഹാ​രം കാ​ണാ​നാ​ണ് ഇ​ന്ത്യ ല​ക്ഷ്യ​മി​ടു​ന്ന​ത്.

ടെ​സ്റ്റ് റാ​ങ്കിം​ഗി​ല്‍ ഒ​ന്നാം സ്ഥാ​ന​ത്തു​ള്ള ഇ​ന്ത്യ​യു​ടെ ടോ​പ് ഓ​ര്‍ഡ​ര്‍ ബാ​റ്റിം​ഗ് നി​ര​യ്ക്ക് അ​ടു​ത്ത​കാ​ല​ത്തു ശോ​ഭി​ക്കാ​നാ​യി​ട്ടി​ല്ല. റാ​ങ്കിം​ഗി​ല്‍ എ​ട്ടാ​മ​തു​ള്ള വെ​സ്റ്റ് ഇ​ന്‍ഡീ​സി​നെ​തി​രേ എ​ല്ലാ മേ​ഖ​ല​യി​ലും ശോ​ഭി​ക്കാ​നു​ള്ള അ​വ​സ​ര​മാ​ണ് ഇ​ന്ത്യ​ക്കു ല​ഭി​ച്ചി​രി​ക്കു​ന്ന​ത്. നാ​ളെ രാ​ജ്‌​കോ​ട്ടി​ലാ​ണ് ര​ണ്ടു മ​ത്സ​ര​ങ്ങ​ളു​ടെ പ​ര​മ്പ​ര​യി​ലെ ആ​ദ്യ മ​ത്സ​രം. ഇം​ഗ്ല​ണ്ടി​ലേ​റ്റ 4-1ന്‍റെ ​ടെ​സ്റ്റ് പ​ര​മ്പ​ര തോ​ല്‍വി ഉ​ണ്ടാ​ക്കി​യ വേ​ദ​ന ഒ​രു​പ​രി​ധി വ​രെ കു​റ​യ്ക്കാ​ന്‍ കൂ​ടി​യാ​ണ് ഇ​ന്ത്യ ഇ​റ​ങ്ങു​ന്ന​ത്. പ​ര​മ്പ​ര 2-0ന് ​ജ​യി​ച്ചാ​ല്‍ ഇ​ന്ത്യ​ക്ക് റാ​ങ്കിം​ഗ് പോ​യി​ന്‍റ് കൂ​ടു​ത​ല്‍ മെ​ച്ച​പ്പെ​ടു​ത്താനാ​കും.

ഇം​ഗ്ല​ണ്ടി​നെ​തി​രേ​യു​ള്ള പ​ര​മ്പ​ര​യി​ലെ ആ​ദ്യ മ​ത്സ​ര​ത്തി​ല്‍ മു​ര​ളി വി​ജ​യ്-​ശി​ഖ​ര്‍ ധ​വാ​ന്‍ സ​ഖ്യ​മാ​ണ് ഓ​പ്പ​ണ്‍ ചെ​യ്ത​ത്. ഇ​രു​വ​ര്‍ക്കും മ​ത്സ​ര​ത്തി​ല്‍ ശോ​ഭി​ക്കാ​നു​മാ​യി​ല്ല. ര​ണ്ടു​ പേ​രു​മി​ല്ലാ​തെ​യാ​ണ് വി​ന്‍ഡീ​സ് പ​ര​മ്പ​ര​യ്ക്കു​ള്ള ടീ​മി​നെ പ്ര​ഖ്യാ​പി​ച്ചി​രി​ക്കു​ന്ന​ത്. ലോ​കേ​ഷ് രാ​ഹു​ലാ​യി​രു​ന്നു ഇം​ഗ്ല​ണ്ടി​ല്‍ ഇ​ന്ത്യ​യു​ടെ മൂ​ന്നാ​മ​ത്തെ ഓ​പ്പ​ണ​ര്‍. അ​വ​സാ​ന ടെ​സ്റ്റി​ല്‍ 149 റ​ണ്‍സ് അ​ടി​ച്ച് രാ​ഹു​ല്‍ സെ​ല​ക്ട​ര്‍മാ​രു​ടെ വി​ശ്വാ​സം കാ​ത്തു. ഇ​തു​കൊ​ണ്ട് രാ​ഹു​ല്‍ വി​ന്‍ഡീ​സി​നെ​തി​രേ ഉ​റ​പ്പാ​യി​ട്ടും ഓ​പ്പ​ണ​റു​ടെ സ്ഥാ​ന​ത്തു​ണ്ടാ​കും. കൂ​ടെ ആ​രെ​ന്ന കാ​ര്യ​ത്തി​ല്‍ മാ​ത്ര​മാണു തീ​ര്‍ച്ച​യി​ല്ലാ​ത്ത​ത്. മാ​യ​ങ്ക് അ​ഗ​ര്‍വാ​ളോ പൃ​ഥ്വി ഷാ​യോ ആ​കും കൂ​ട്ടാ​യെ​ത്തു​ക. ഇ​രു​വ​രും ഇ​തു​വ​രെ ടെ​സ്റ്റി​ല്‍ അ​ര​ങ്ങേ​റ്റം കു​റി​ച്ചി​ട്ടി​ല്ല.

2017-18 ക്രി​ക്ക​റ്റ് സീ​സ​ണി​ലെ എ​ല്ലാ ഫോ​ര്‍മാ​റ്റി​ലും മി​ക​ച്ച ബാ​റ്റിം​ഗ് കാ​ഴ്ച​വ​ച്ച ഇ​രു​പ​ത്തി​യേ​ഴു​കാ​ര​നാ​യ അ​ഗ​ര്‍വാ​ള്‍ ടീ​മി​ലെ​ത്താ​ന്‍ യോ​ഗ്യ​നാ​ണ്. 18 വ​യ​സു​ള്ള ഷാ ​ഇ​ന്ത്യ​ന്‍ ടീ​മി​ല്‍ ത​നി​ക്കു ഭാ​വി​യു​ണ്ടെ​ന്നു തെ​ളി​യി​ച്ച ക​ളി​ക്കാ​ര​നാ​ണ്. ഇ​രു​വ​രും ഓ​സ്‌​ട്രേ​ലി​യ​യ്‌​ക്കെ​തി​രേ​യു​ള്ള നാ​ലു മ​ത്സ​ര​ങ്ങ​ളു​ടെ ടെ​സ്റ്റ് പ​ര​മ്പ​ര​യാ​ണ് ല​ക്ഷ്യ​മി​ടു​ന്ന​ത്. അ​തു​കൊ​ണ്ട് കി​ട്ടി​യ അ​വ​സ​രം കൂ​ടു​ത​ല്‍ മി​ക​വി​ലാ​ക്കാ​നാ​കും ഇ​വ​ര്‍ ല​ക്ഷ്യ​മി​ടു​ക. ഇ​തി​നി​ടെ വി​ജ​യ് ടീ​മി​ല്‍നി​ന്ന് പു​റ​ത്താ​ക്കി​യ​തി​ന് ബാ​റ്റ് കൊ​ണ്ടു മ​റു​പ​ടി കൊ​ടു​ത്തി​ട്ടു​ണ്ട്. എ​സ​ക്‌​സി​നു​വേ​ണ്ടി കൗ​ണ്ടി ചാ​മ്പ്യ​ന്‍ഷി​പ്പി​ല്‍ ഒ​രു സെ​ഞ്ചു​റി​യും മൂ​ന്നു അ​ര്‍ധ സെ​ഞ്ചു​റി​യു​മാ​യി ഫോ​മി​ലാ​ണെ​ന്നു തെ​ളി​യി​ച്ചു​ക​ഴി​ഞ്ഞു.

നാ​ട്ടി​ല്‍ പ്രകടിപ്പിക്കുന്ന മി​ക​വ് വി​ദേ​ശ​ത്തും ആ​വ​ര്‍ത്തി​ക്കാ​ന്‍ 2018ല്‍ ​വി​രാ​ട് കോ​ഹ് ലി​യു​ടെ സം​ഘ​ത്തി​നു ല​ഭി​ച്ചി​രി​ക്കു​ന്ന അ​വ​സാ​ന അ​വ​സ​ര​മാ​ണ് ഓസ്ട്രേ​ലി​യ​ന്‍ പ​ര്യ​ട​നം. ഓ​സ്‌​ട്രേ​ലി​യ​യി​ല്‍ വി​ജ​യി​ക്കാ​നാ​യാ​ല്‍ ഇ​ന്ത്യ​ക്ക് എ​ന്തു​കൊ​ണ്ടു ത​ങ്ങ​ള്‍ ഒ​ന്നാം റാ​ങ്കി​ല്‍ നി​ല്ക്കു​ന്നു​വെ​ന്ന് എ​ല്ലാ​വ​രെ​യും അ​റി​യി​ക്കാ​നാ​കും.

പ​രി​ക്കി​നെ​ത്തു​ട​ര്‍ന്ന ഓ​ള്‍ റൗ​ണ്ട​ര്‍ ഹ​ര്‍ദി​ക് പാ​ണ്ഡ്യ​യും പേ​സ​ര്‍ ഇ​ഷാ​ന്ത് ശ​ര്‍മ​യും വി​ന്‍ഡീ​സി​നെ​തി​രേ​യു​ള്ള ടെ​സ്റ്റ് ടീ​മി​ലി​ല്ല. കൂ​ടാ​തെ ജ​സ്പ്രീ​ത് ബും​റ, ഭു​വ​നേ​ശ്വ​ര്‍ കു​മാ​ര്‍ എ​ന്നി​വ​ര്‍ക്കു വി​ശ്ര​മം ന​ല്‍കി​യി​രി​ക്കു​ക​യാ​ണ്.

വെ​സ്റ്റ് ഇ​ന്‍ഡീ​സി​ന് ഇ​ന്ത്യ​യു​ടെ മാ​ര​ക​മാ​യ സ്പി​ന്‍ ആ​ക്ര​മ​ണം നേ​രി​ടേ​ണ്ടി​വ​രും ര​വി​ചന്ദ്ര​ന്‍ അ​ശ്വി​നും ര​വീ​ന്ദ്ര ജ​ഡേ​ജ​യു​മാ​കും ആ​ദ്യ ഇ​ല​വ​നി​ല്‍ ഉ​ണ്ടാ​കാ​ന്‍ സാ​ധ്യ​ത കൂ​ടു​ത​ൽ. കു​ല്‍ദീ​പ് യാ​ദ​വാ​ണ് മൂ​ന്നാ​മ​ത്തെ സ്പി​ന്ന​ര്‍.

സ്വ​ന്തം നാ​ട്ടി​ല്‍ മി​ക​ച്ച പ്ര​ക​ട​നം ന​ട​ത്തി​യ​തി​ന്‍റെ ആ​ത്മ​വി​ശ്വാ​സ​ത്തി​ലാ​ണ് വി​ന്‍ഡീ​സ് ഇ​ന്ത്യ​യി​ല്‍ ടെ​സ്റ്റ് പ​ര​മ്പ​ര​യ്‌​ക്കൊ​രു​ങ്ങു​ന്ന​ത്. മൂ​ന്നു ടെ​സ്റ്റു​ക​ളു​ടെ പ​ര​മ്പ​ര​യി​ല്‍ ബം​ഗ്ലാ​ദേ​ശ്, ശ്രീ​ല​ങ്ക ടീ​മു​ക​ളു​മാ​യി 1-1ന് ​സ​മ​നി​ല​യി​ല്‍ പി​രി​ഞ്ഞു.

ഇ​ന്ത്യ​യും വെ​സ്റ്റ് ഇ​ന്‍ഡീ​സും ഇ​തു​വ​രെ 22 ടെ​സ്റ്റ് പ​ര​മ്പ​ര​യി​ല്‍ ഏ​റ്റു​മു​ട്ടി. വി​ജ​യ​ക്ക​ണ​ക്കി​ല്‍ വി​ന്‍ഡീ​സ് 12-8ന് ​മു​ന്നി​ലാ​ണ്. ര​ണ്ടു പ​ര​മ്പ​ര സ​മ​നി​ല​യാ​യി. എ​ന്നാ​ല്‍ ക​ഴി​ഞ്ഞ രണ്ടു പ​തി​റ്റാ​ണ്ട് ഇ​ന്ത്യ​ക്കാ​ണ് ക​രീ​ബി​യ​ന്‍ ടീ​മി​നെ​തി​രേ ആ​ധി​പ​ത്യം. 2002‍ ​മേ​യി​ല്‍ കിം​ഗ്സ്റ്റ​ണി​ല്‍ വ​ച്ചാ​ണ് ഇ​ന്ത്യ​ക്കെ​തി​രേ വി​ന്‍ഡീ​സി​നെ അ​വ​സാ​ന​ത്തെ ജ​യം. 1994നു​ശേ​ഷം വി​ന്‍ഡീ​സി​ന് ഇ​ന്ത്യ​യി​ല്‍ ജ​യി​ക്കാ​നാ​യി​ട്ടി​ല്ല.

Related posts