ഇ​ന്ദി​രാ​ഗാ​ന്ധി സ്കൂ​ളി​ലെ വി​ദ്യാ​ർ​ഥി മ​രി​ച്ച സം​ഭ​വം; മ​ജി​സ്റ്റീ​രി​യ​ൽ അ​ന്വേ​ഷ​ണ​ത്തി​ൽ മൊ​ഴി​ന​ൽ​കാ​ൻ ആ​രും എ​ത്തി​യി​ല്ല

നി​ല​ന്പൂ​ർ: നി​ല​ന്പൂ​രി​ലെ ഇ​ന്ദി​രാ​ഗാ​ന്ധി മെ​മ്മോ​റി​യ​ൽ മോ​ഡ​ൽ റ​സി​ഡ​ൻ​ഷ്യ​ൽ സ്കൂ​ളി​ലെ(​ഐ​ജി​എം​എം​ആ​ർ​എ​സ്) സ​തീ​ഷ് എ​ന്ന വി​ദ്യാ​ർ​ഥി മ​രി​ച്ച സം​ഭ​വ​ത്തി​ൽ ക​ള​ക്ട​ർ പ്ര​ഖ്യാ​പി​ച്ച മ​ജി​സ്റ്റീ​രി​യ​ൽ അ​ന്വേ​ഷ​ണ​ത്തി​ൽ മൊ​ഴി ന​ൽ​കാ​ൻ ആ​രും എ​ത്തി​യി​ല്ല. 21, 27 തീ​യ​തി​ക​ളി​ൽ നി​ല​ന്പൂ​ർ ഐ​ടി​ഡി​പി.​ഓ​ഫീ​സി​ൽവ​ച്ചാ​ണ് പ​രാ​തി​ക്കാ​ർ​ക്ക് മൊ​ഴി ന​ൽ​കാ​നും തെ​ളി​വു​ക​ൾ ന​ൽ​കാ​നും അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി അ​വ​സ​രം ന​ൽ​കി​യി​രു​ന്ന​ത്.

ഇ​തി​നാ​യി സ​ബ് ക​ള​ക്ട​ർ വി​ക​ൽ​പ്പ് ഭ​ര​ദ്വാ​ജ് രാ​വി​ലെ നി​ല​ന്പൂ​ർ ഐ​ടി​ഡി​പി ഓ​ഫീ​സി​ൽ എ​ത്തു​ക​യും ചെ​യ്തു. എ​ന്നാ​ൽ പ​രാ​തി​ക്കാ​രാ​രും എ​ത്തി​യി​ല്ല. അ​ടു​ത്ത ഒ​രു സി​റ്റിം​ഗ് കൂ​ടി ന​ട​ത്തും. 27ന് ​സ്കൂ​ളി​ൽ വ​ച്ചാ​യി​രി​ക്കും മൊ​ഴി​യെ​ടു​ക്ക​ൽ.

ക​ഴി​ഞ്ഞ മാ​സം 17നാ​ണ് അ​പ്പ​ൻ​കാ​പ്പ് കോ​ള​നി​യി​ലെ സ​തീ​ഷ് എ​ന്ന വി​ദ്യാ​ർ​ഥി സ്കൂ​ളി​ൽ നി​ന്നു​ള്ള വി​നോ​ദ യാ​ത്ര ക​ഴി​ഞ്ഞ് അ​ടു​ത്ത ദി​വ​സം കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽവ​ച്ച് മ​രി​ച്ച​ത്. വി​നോ​ദ യാ​ത്ര​പോ​യ സ​മ​യ​ത്തും കു​ട്ടി​ക്ക് പ​നി വ​ന്നി​രു​ന്നു. കൂ​ടെ​യു​ണ്ടാ​യി​രു​ന്ന അ​ധ്യാ​പ​ക​ർ ഇ​തി​നെ തു​ട​ർ​ന്ന് മൈ​സൂ​രു​വി​ലെ ആ​ശു​പ​ത്രി​യി​ൽ കാ​ണി​ച്ച് മ​രു​ന്നും ന​ൽ​കി​യി​യ​രു​ന്നു.

സ്കൂ​ളി​ലെ​ത്തി അ​ടു​ത്ത ദി​വ​സം പ​നി കൂ​ടി​യ​തി​നാ​ൽ നി​ല​ന്പൂ​ർ ജി​ല്ലാ ആ​ശു​പ​ത്രി​യി​ലും പി​ന്നീ​ട് കോ​ഴി​ക്കോ​ട് മെ​ഡി​ക്ക​ൽ കോ​ളേ​ജ് ആ​ശു​പ​ത്രി​യി​ലും കാ​ണി​ച്ചെ​ങ്കി​ലും അ​വി​ടെവ​ച്ച് മ​രി​ക്കു​ക​യാ​യി​രു​ന്നു. മ​ര​ണ​ത്തി​ൽ ദു​രൂ​ഹ​ത​യു​ണ്ടെ​ന്നും ബ​ന്ധ​പ്പെ​ട്ട അ​ധ്യാ​പ​ക​രെ ജോ​ലി​യി​ൽ നി​ന്ന് മാ​റ്റി​നി​ർ​ത്ത​ണ​മെ​ന്നും ആ​വ​ശ്യ​പ്പെ​ട്ട് ര​ക്ഷി​താ​ക്ക​ള​ട​ക്ക​മു​ള്ള​വ​ർ കോ​ള​നി​യി​ൽ നി​ന്നെ​ത്തി സ്കൂ​ളി​ലും ഐ​ടി​ഡി​പി​യി​ലും സ​മ​ര​ങ്ങ​ൾ ന​ട​ത്തി​യി​രു​ന്നു. രോ​ഗ​വി​വ​രം ര​ക്ഷി​താ​ക്ക​ളെ സ​മ​യ​ത്ത് അ​റി​യി​ച്ചി​ല്ലെ​ന്നും മ​തി​യാ​യ ചി​കി​ത്സ ന​ൽ​കി​യി​ല്ലെ​ന്നും ആ​രോ​പി​ച്ചാ​യി​രു​ന്നു സ​മ​ര​ങ്ങ​ൾ.

Related posts