ഐ​പി​എ​ല്ലി​ലെ റിക്കാർഡ് സ്കോ​ർ കുറിച്ച് സ​ണ്‍​റൈ​സേ​ഴ്സ്

ഹൈ​ദ​രാ​ബാ​ദ്: വ​ന്ന​വ​ർ വ​ന്ന​വ​ർ ബാ​റ്റെ​ടു​ത്ത് ക​ലി​തു​ള്ളി​യ​തോ​ടെ ഐ​പി​എ​ൽ ച​രി​ത്ര​ത്തി​ലെ ഏ​റ്റ​വും ഉ​യ​ർ​ന്ന സ്കോ​ർ എ​ന്ന റി​ക്കാ​ർ​ഡ് കു​റി​ക്ക​പ്പെ​ട്ടു.

മും​ബൈ ഇ​ന്ത്യ​ൻ​സി​നെ ത​ല്ലി​ത്ത​ക​ർ​ത്ത് സ​ണ്‍​റൈ​സേ​ഴ്സ് ഹൈ​ദ​രാ​ബാ​ദ് 20 ഓ​വ​റി​ൽ മൂ​ന്ന് വി​ക്ക​റ്റ് ന​ഷ്ട​ത്തി​ൽ നേ​ടി​യ​ത് 277 റ​ണ്‍​സ്. ഐ​പി​എ​ൽ ച​രി​ത്ര​ത്തി​ലെ ഏ​റ്റ​വും ഉ​യ​ർ​ന്ന ടീം ​സ്കോ​റാ​ണി​ത്. റോ​യ​ൽ ച​ല​ഞ്ചേ​ഴ്സ് ബം​ഗ​ളൂ​രു 2013ൽ ​പൂ​ന വാ​രി​യേ​ഴ്സി​ന് എ​തി​രേ നേ​ടി​യ 263/5 എ​ന്ന റി​ക്കാ​ർ​ഡാ​ണ് ത​ക​ർ​ന്ന​ത്.

അ​ടി​യും തി​രി​ച്ച​ടി​യും തീ​പ്പൊ​രി സൃ​ഷ്ടി​ച്ച മ​ത്സ​ര​ത്തി​ൽ സ​ൺ​റൈ​സേ​ഴ്സ് 31 റ​ൺ​സി​ന് മും​ബൈ ഇ​ന്ത്യ​ൻ​സി​നെ തോ​ൽ​പ്പി​ച്ചു. തി​ല​ക് വ​ർ​മ്മ (34 പ​ന്തി​ൽ 64), ടീം ​ഡേ​വി​ഡ് (22 പ​ന്തി​ൽ 42 നോ​ട്ടൗ​ട്ട് ), ഇ​ഷാ​ൻ ശ​ർ​മ (13 പ​ന്തി​ൻ 34) എ​ന്നി​വ​രാ​ണ് തി​രി​ച്ച​ടി​ക്ക് നേ​തൃ​ത്വം ന​ൽ​കി​യ​ത്. 523 റ​ൺ​സ് പി​റ​ന്ന റി​ക്കാ​ർ​ഡ് മ​ത്സ​ര​ത്തി​നാ​ണ് ഐ​പി​എ​ൽ വെ​ടി​ക്കെ​ട്ട് സാ​ക്ഷ്യം വ​ഹി​ച്ച​ത്. സ്കോ​ർ: സ​ൺ​റൈ​സേ​ഴ്സ് 277/3 (20). മും​ബൈ ഇ​ന്ത്യ​ൻ​സ് 246/5 (20).

വെ​ടി​ക്കെ​ട്ട് അ​ടി

ടോ​സ് ന​ഷ്ട​പ്പെ​ട്ട് ക്രീ​സി​ലെ​ത്തി​യ സ​ണ്‍​റൈ​സേ​ഴ്സ് 4.1 ഓ​വ​റി​ൽ 45 റ​ണ്‍​സ് എ​ടു​ത്ത​പ്പോ​ൾ ആ​ദ്യ വി​ക്ക​റ്റ് ന​ഷ്ട​മാ​യി. മാ​യ​ങ്ക് അ​ഗ​ർ​വാ​ളാ​യി​രു​ന്നു (11) പു​റ​ത്താ​യ​ത്. തു​ട​ർ​ന്ന് ട്രാ​വി​സ് ഹെ​ഡും (24 പ​ന്തി​ൽ 62) അ​ഭി​ഷേ​ക് ശ​ർ​മ​യും (23 പ​ന്തി​ൽ 63) ചേ​ർ​ന്ന് വെ​ടി​ക്കെ​ട്ട് അ​ടി കാ​ഴ്ച​വ​ച്ചു. നേ​രി​ട്ട 18-ാം പ​ന്തി​ൽ ട്രാ​വി​സ് ഹെ​ഡും 16-ാം പ​ന്തി​ൽ അ​ഭി​ഷേ​ക് ശ​ർ​മ​യും അ​ർ​ധ​സെ​ഞ്ചു​റി പൂ​ർ​ത്തി​യാ​ക്കി.

ഐ​പി​എ​ൽ ച​രി​ത്ര​ത്തി​ൽ ആ​ദ്യ 10 ഓ​വ​റി​ൽ ഏ​റ്റ​വും കൂ​ടു​ത​ൽ റ​ണ്‍​സ് എ​ന്ന റി​ക്കാ​ർ​ഡും (148/1) ഇ​ന്ന​ലെ പി​റ​ന്നു. മും​ബൈ ഇ​ന്ത്യ​ൻ​സി​ന്‍റെ (131/3) പേ​രി​ലെ റി​ക്കാ​ർ​ഡാ​ണ് പ​ഴ​ങ്ക​ഥ​യാ​യ​ത്. സ​ണ്‍​റൈ​സേ​ഴ്സി​നാ​യി ഏ​റ്റ​വും വേ​ഗ​ത്തി​ൽ അ​ർ​ധ​സെ​ഞ്ചു​റി നേ​ടു​ന്ന ബാ​റ്റ​ർ എ​ന്ന നേ​ട്ട​വും അ​ഭി​ഷേ​ക് സ്വ​ന്ത​മാ​ക്കി.

നേ​രി​ട്ട 23-ാം പ​ന്തി​ൽ അ​ർ​ധ​സെ​ഞ്ചു​റി​യു​മാ​യി ഹെ​ൻ‌റി​ച്ച് ക്ലാ​സ​നും ക്രീ​സ് വാ​ണു. 34 പ​ന്തി​ൽ 80 റ​ണ്‍​സു​മാ​യി ക്ലാ​സ​നും 28 പ​ന്തി​ൽ 42 റ​ണ്‍​സു​മാ​യി എ​യ്ഡ​ൻ മാ​ർ​ക്ര​വും പു​റ​ത്താ​കാ​തെ നി​ന്നു.

രോ​ഹി​ത് @ 200

ഐ​പി​എ​ല്ലി​ൽ മും​ബൈ ഇ​ന്ത്യ​ൻ​സി​നു വേ​ണ്ടി രോ​ഹി​ത് ശ​ർ​മ​യു​ടെ 200-ാം മ​ത്സ​ര​മാ​യി​രു​ന്നു. മും​ബൈ​ക്കു​വേ​ണ്ടി 200 ഐ​പി​എ​ൽ മ​ത്സ​ര​ങ്ങ​ൾ ക​ളി​ക്കു​ന്ന ആ​ദ്യ​താ​ര​മാ​ണ് രോ​ഹി​ത്. 12 പ​ന്തി​ൽ 26 റ​ണ്‍​സു​മാ​യി രോ​ഹി​ത് മ​ട​ങ്ങി. പാ​റ്റ് ക​മ്മി​ൻ​സി​ന്‍റെ പ​ന്തി​ൽ അ​ഭി​ഷേ​ക് ശ​ർ​മ​യു​ടെ ക്യാ​ച്ചി​ലാ​യി​രു​ന്നു രോ​ഹി​ത് പു​റ​ത്താ​യ​ത്.

ദ​യ​നീ​യം മ​ഫ​ക

നാ​ണം​കെ​ട്ട റി​ക്കാ​ർ​ഡോ​ടെ ഐ​പി​എ​ൽ അ​ര​ങ്ങേ​റ്റം ന​ട​ത്താ​നാ​യി​രു​ന്നു ദ​ക്ഷി​ണാ​ഫ്രി​ക്ക​ൻ കൗ​മാ​ര പേ​സ​ർ ക്വേ​ന മ​ഫ​ക​യു​ടെ വി​ധി. സ​ണ്‍​റൈ​സേ​ഴ്സ് ബാ​റ്റ​ർ​മാ​രു​ടെ സൂ​ര്യ​ഗ്ര​ഹ​ണം ക​ണ​ക്കു​ള്ള ബാ​റ്റിം​ഗി​ൽ മ​ഫ​ക നാ​ല് ഓ​വ​റി​ൽ വ​ഴ​ങ്ങി​യ​ത് 66 റ​ണ്‍​സ്. ഐ​പി​എ​ല്ലി​ൽ ഒ​രു വി​ദേ​ശ ബൗ​ള​ർ വ​ഴ​ങ്ങു​ന്ന ഏ​റ്റ​വും ഉ​യ​ർ​ന്ന റ​ണ്‍​സാ​ണി​ത്.