ചി​ന്ന​ക്ക​നാ​ൽ ഇ​ര​ട്ട​ക്കൊ​ല​പാ​ത​കം ;അ​ന്വേ​ഷ​ണം ഊ​ർ​ജി​ത​മാ​ക്കി; കാണാതായ കാർ പള്ളിമുറ്റത്ത് ഉപേക്ഷിക്കപ്പെട്ട നിലയിൽ

രാ​ജാ​ക്കാ​ട്: ചി​ന്ന​ക്ക​നാ​ലി​നു സ​മീ​പം ന​ടു​പ്പാ​റ​യി​ൽ സ്വ​കാ​ര്യ റി​സോ​ർ​ട്ട് ഉ​ട​മ​യെ​യും ജോ​ലി​ക്കാ​ര​നെ​യും കൊ​ല​പ്പെ​ടു​ത്തി​യ സം​ഭ​വ​ത്തി​ൽ പ്ര​തി​ക്കാ​യു​ള്ള അ​ന്വേ​ഷ​ണം ഉൗ​ർജി​ത​മാ​ക്കി.​ഗ്യാ​പ് റോ​ഡി​ന് സ​മീ​പം പ്ര​വ​ർ​ത്തി​ക്കു​ന്ന കെ.​കെ വ​ർ​ഗ്ഗീ​സ് പ്ലാ​ന്‍റേഷ​ൻ​സ് ഉ​ട​മ​സ്ഥ​ത​യി​ലു​ള്ള റി​സോ​ർ​ട്ട് ഉ​ട​മ കോ​ട്ട​യം മാ​ന്നാ​നം കൊ​ച്ച​യ്ക്ക​ൽ ജേ​ക്ക​ബ്ബ് വ​ർ​ഗ്ഗീ​സ്(​രാ​ജേ​ഷ്-40), ഇ​യാ​ളു​ടെ ജോ​ലി​ക്കാ​ര​നാ​യ പെ​രി​യ​ക​നാ​ൽ ടോ​പ് ഡി​വി​ഷ​ൻ എ​സ്റ്റേ​റ്റ് ലെ​യ്ന്സി​ൽ താ​മ​സി​ക്കു​ന്ന മു​ത്ത​യ്യ എ​ന്നി​വ​രെ​യാ​ണ് ക​ഴി​ഞ്ഞ ദി​വ​സം മ​രി​ച്ച നി​ല​യി​ൽ ക​ണ്ടെ​ത്തി​യ​ത്.

​റി​സോ​ർ​ട്ട് മു​റ്റ​ത്ത് നി​ർ​ത്തി​യി​ട്ടി​രു​ന്ന ഡ​സ്റ്റ​ർ കാ​റും കാ​ണാ​താ​യി​രു​ന്നു.​കാ​ർ മു​രി​ക്കും​തൊ​ട്ടി സെ​ന്‍റ് മ​രി​യ ഗൊ​രേ​ത്തി പ​ള്ളി​മു​റ്റ​ത്ത് ഉ​പേ​ക്ഷി​ച്ച നി​ല​യി​ൽ ക​ണ്ടെ​ത്തി. പോ​ലീ​സും ഫോ​റ​ൻ​സി​ക് സം​ഘ​വും പ​രി​ശോ​ധ​ന ന​ട​ത്തി പ്ര​തി ഒ​ളി​വി​ൽ താ​മ​സി​ച്ചു​വെ​ന്ന സം​ശ​യ​ത്തി​ന്‍റെ പേ​രി​ൽ ചേ​രി​യാ​റി​ലു​ള്ള ഒ​രു വീ​ട്ടി​ലെ ഭാ​ര്യ​യേ​യും, ഭ​ർ​ത്താ​വി​നേ​യും ചോ​ദ്യം ചെ​യ്യു​ന്ന​തി​നാ​യി ക​സ്റ്റ​ഡി​യി​ലെ​ടു​ത്തു.

ഏ​താ​നും ദി​വ​സ​ങ്ങ​ളാ​യി സ്ഥാ​പ​ന​ത്തി​ൽ ഡ്രൈ​വ​ർ ജോ​ലി ചെ​യ്തു​കൊ​ണ്ടി​രു​ന്ന രാ​ജ​കു​മാ​രി കു​ള​പ്പാ​റ​ച്ചാ​ൽ സ്വ​ദേ​ശി​യെ ചു​റ്റി​പ്പ​റ്റി​യാ​ണ് അ​ന്വേ​ഷ​ണംം ന​ട​ക്കു​ന്ന​ത്.​സം​ഭ​വ​ത്തിി​ൽ കൂ​ടു​ത​ൽ പ്ര​തി​ക​ൾ ഉ​ൾ​പ്പെ​ട്ടി​ട്ടു​ണ്ടോ എ​ന്നും അ​ന്വേ​ഷി​ക്കു​ന്നു​ണ്ട് ’ഗ്യാ​പ്പ് റോ​ഡി​നു താ​ഴെ​ഭാ​ഗ​ത്ത് ഒ​റ്റ​പ്പെ​ട്ട സ്ഥ​ല​ത്തെ നാ​ൽ​പ്പ​ത് ഏ​ക്ക​റോ​ളം വ​രു​ന്ന ഏ​ല​ത്തോ​ട്ട​ത്തി​ൽ ഹ​ട്ടു​ക​ൾ ആ​യാ​ണ് റി​സോ​ർ​ട്ട് പ്ര​വ​ർ​ത്തി​യ്ക്കു​ന്ന​ത്.

​മ​രി​ച്ച രാ​ജേ​ഷി​ന്‍റെ പി​താ​വ് ഡോ​ക്ട​ർ വ​ർ​ഗ്ഗീ​സ് മൂ​ന്നാ​റി​ൽ ഹാ​രി​സ​ൻ മ​ല​യാ​ളം പ്ലാ​ന്േ‍​റ​ഷ​നി​ൽ ജോ​ലി​ചെ​യ്തി​രു​ന്ന​പ്പോ​ൾ വാ​ങ്ങി​യ തോ​ട്ട​ത്തി​ൽ റി​സോ​ർ​ട്ട് സ്ഥാ​പി​ച്ച​തും,ന​ട​ത്തു​ന്ന​തും ഇ​യാ​ളാ​യി​രു​ന്നു.​ആ​റ് ദി​വ​സം മു​ൻ​പാ​ണ് ഒ​ളി​വി​ൽ​പ്പോ​യി​രി​ക്കു​ന്ന കു​ള​പ്പാ​റ​ച്ചാ​ൽ സ്വ​ദേ​ശി ഇ​വി​ടെ ജോ​ലി​ക്ക് എ​ത്തി​യ​ത്. വെ​ള്ളി​യാ​ഴ്ച്ച വൈ​കി​ട്ട് മു​ത​ൽ രാ​ജേ​ഷി​നെ​യും,മു​ത്ത​യ്യ​യെ​യും കാ​ണാ​നു​ണ്ടാ​യി​രു​ന്നി​ല്ല.

ബ​ന്ധു​ക്ക​ൾ ഫോ​ണി​ലേ​യ്ക്ക് വി​ളി​ച്ചെ​ങ്കി​ലും സ്വി​ച്ച് ഓ​ഫ് ആ​യി​രു​ന്നു. പി​ന്നീ​ട് ഇ​വ​രെ​ക്കു​റി​ച്ച് വി​വ​ര​മൊ​ന്നും ല​ഭി​യ്ക്കാ​തി​രു​ന്ന​തി​നെ തു​ട​ർ​ന്ന് മു​ത്ത​യ്യ​യു​ടെ ബ​ന്ധു​ക്ക​ളും,മ​റ്റ് ജോ​ലി​ക്കാ​രും നാ​ട്ടു​കാ​രും ചേ​ർ​ന്ന് തെര​ച്ചി​ൽ ന​ട​ത്തി.​ഇ​ന്ന​ലെ രാ​വി​ലെ പ​തി​നൊ​ന്നോ​ടെ എ​സ്റ്റേ​റ്റി​ലെ ഏ​ല​ക്കാ ഡ്ര​യ​ർ മു​റി​യി​ൽ മു​ത്ത​യ്യ ത​ല​യ്ക്ക് പ​രി​ക്കു​ക​ളോ​ടെ മ​രി​ച്ചു​കി​ട​ക്കു​ന്ന​ത് ക​ണ്ടു.​തു​ട​ർ​ന്ന് ന​ട​ത്തി​യ വി​ശ​ദ​മാ​യ തി​ര​ച്ചി​ലി​ൽ തോ​ട്ട​ത്തി​ലെ ഏ​ല​ച്ചെ​ടി​ക​ൾ​ക്കി​ടെ രാ​ജേ​ഷി​നെ​യും മ​രി​ച്ച നി​ല​യി​ൽ ക​ണ്ടെ​ത്തു​ക​യാ​യി​രു​ന്നു.​ഇ​യാ​ളു​ടെ നെ​ഞ്ചി​ൽ വെ​ടി​യേ​റ്റ​തു​പോ​ലു​ള്ള മു​റി​വും ക​ണ്ടു.​പ​തി​വാ​യി മു​റ്റ​ത്ത് കാ​ണാ​റു​ള്ള കെ.​എ​ൽ 5 എ.​എ​ച്ച് 6296 ന​ന്പ​ർ കാ​റും,ഡ്രൈ​വ​ർ കു​ള​പ്പാ​റ​ച്ചാ​ൽ പ​ഞ്ഞി​പ്പ​റ​സി​ൻ ഗോ​പ​നെ​യും കാ​ണാ​നു​ണ്ടാ​യി​രു​ന്നി​ല്ല.​നാ​ട്ടു​കാ​ർ അ​റി​യി​ച്ച​തി​ൻ പ്ര​കാ​രം ശാ​ന്ത​ൻ​പാ​റ സി.​ഐ എ​സ്.​ച​ന്ദ്ര​കു​മാ​റി​ന്‍റെ നേ​തൃ​ത്വ​ത്തി​ൽ പോ​ലി​സ് സ്ഥ​ല​ത്തെ​ത്തി. കൊ​ല​പാ​ത​ക​മാ​ണെ​ന്ന് പ്രാ​ഥ​മി​ക നി​ഗ​മ​ന​ത്തെ​ത്തു​ട​ർ​ന്ന് കോ​ട്ട​യം ഫോ​റ​ൻ​സി​ക് വി​ഭാ​ഗം മൃ​ത​ദേ​ഹ പ​രി​ശോ​ധ​ന ന​ട​ത്തി.
സം​ഭ​വ​സ്ഥ​ല​ത്ത് നി​ന്നും ആ​യു​ധ​ങ്ങ​ളൊ​ന്നും ക​ണ്ടെ​ത്തി​യി​ട്ടി​ല്ല. മൊ​ബൈ​ൽ ഫോ​ണും ല​ഭി​ച്ചി​ട്ടി​ല്ല. ഇ​ടു​ക്കി എ​സ്.​പി വേ​ണു​ഗോ​പാ​ലി​ന്‍റെ നി​ർ​ദ്ദേ​ശ​പ്ര​കാ​രം മൂ​ന്നാ​ർ ഡി.​വൈ.​എ​സ്.​പി സു​നീ​ഷ് ബാ​ബു​വി​ന്‍റെ നേ​തൃ​ത്വ​ത്തി​ൽ എ​സ്.​ഐ മാ​രാ​യ ബി ​വി​നോ​ദ്കു​മാ​ർ,കെ.​പി രാ​ധാ​കൃ​ഷ്ണ​ൻ എ​ന്നി​വ​രാ​ണ് അ​ന്വേ​ഷ​ണ​ത്തി​ന് നേ​തൃ​ത്വംം വ​ഹി​ക്കു​ന്ന​ത്.രാ​ജേ​ഷി​ന്‍റെ മാ​താ​വ് ഡോ.​സു​ശീ​ല വ​ർ​ഗ്ഗീ​സ്,ഭാ​ര്യ കെ​സ്സി​യ, ഏ​ക മ​ക​ൾ ന​താ​നി​യ.​മു​ത്തു​മാ​രി ആ​ണ് മു​ത്ത​യ്യ​യു​ടെ ഭാ​ര്യ. മ​ക്ക​ൾ പ​വി​ത്ര,പ​വി​ൻ​കു​മാ​ർ.

Related posts