ജോ​സ​ഫി​ന്‍റെ ആ​റു​മ​ക്ക​ളി​ൽ അ​ഞ്ചാ​മ​ത്തെ​യാള്‍; ജോളി സാന്പത്തികമായി ഉയർന്ന കുടുംബത്തിലെ അംഗം

കോ​ഴി​ക്കോ​ട്: കൂ​ട​ത്താ​യി​യി​ൽ ഭ​ക്ഷ​ണ​ത്തി​ൽ സ​യ​നൈ​ഡ് ക​ല​ർ​ത്തി ആ​റു​പേ​രെ കൊ​ല​പ്പെ​ടു​ത്തി​യെ​ന്ന കേ​സി​ലെ പ്ര​തി ജോ​ളി​യാ​മ്മ ജോ​സ​ഫ് എ​ന്ന ജോ​ളി ഇ​ടു​ക്കി ജി​ല്ല​യി​ലെ സാ​ന്പ​ത്തി​ക​മാ​യി ഉ​യ​ർ​ന്ന കു​ടും​ബാം​ഗം. ഇ​ടു​ക്കി​ക്കും ക​ട്ട​പ്പ​ന​യ്ക്കു​മി​ട​യി​ലെ വാ​ഴ​വ​ര അ​ങ്ങാ​ടി​ക്ക​ടു​ത്ത് ചോ​റ്റ​യി​ൽ ജോ​സ​ഫി​ന്‍റെ ആ​റു​മ​ക്ക​ളി​ൽ അ​ഞ്ചാ​മ​ത്തെ​യാ​ളാ​ണ് ജോ​ളി.

വ​ൻ​തോ​തി​ൽ ഏ​ല​കൃ​ഷി​യും ബി​സി​ന​സു​ക​ളു​മു​ള്ള ജോ​സ​ഫ് ന​ല്ല തു​ക ഷെ​യ​റാ​യി ന​ൽ​കി​യാ​ണ് ജോ​ളി​യെ കൂ​ട​ത്താ​യി പൊ​ന്നാ​മ​റ്റ​ത്തി​ൽ കു​ടും​ബ​ത്തി​ലെ മ​രു​മ​ക​ളാ​യി അ​യ​ച്ച​ത്. നെ​ടു​ങ്ക​ണ്ടം എം​ഇ​എ​സ് കോ​ള​ജി​ലാ​യി​രു​ന്നു പ​ഠ​നം. ദു​രൂ​ഹ സാ​ഹ​ച​ര്യ​ത്തി​ൽ മ​രി​ച്ച കൂ​ട​ത്താ​യി​യ​ിലെ മ​ഞ്ചാ​ടി​യി​ൽ മാ​ത്യു എ​ന്ന വി​മു​ക്ത​ഭ​ട​ന്‍റെ ഭാ​ര്യ​യു​ടെ ബ​ന്ധു​കൂ​ടി​യാ​ണ് ജോ​ളി.

കൂ​ട​ത്താ​യി​യി​ലെ മാ​ത്യു​വി​ന്‍റെ വീ​ട് സ​ന്ദ​ർ​ശി​ക്കാ​നെ​ത്തി​യ​പ്പോ​ൾ നേ​രി​ട്ടു​കാ​ണു​ക​യും തൊ​ട്ട​ടു​ത്ത പൊ​ന്നാ​മ​റ്റം വീ​ട്ടു​കാ​ർ വി​വാ​ഹം ആ​ലോ​ചി​ക്കു​ക​യു​മാ​യി​രു​ന്നു. നാ​ലു വ​ർ​ഷം മു​മ്പ് ജോ​ളി​യു​ടെ പി​താ​വ് ജോ​സ​ഫ് വാ​ഴ​വ​ര​യി​ലെ വീ​ടും സ്ഥ​ല​വും വി​റ്റ് ക​ട്ട​പ്പ​ന വ​ലി​യ​ക​ണ്ട​ത്തി​ലേ​ക്ക് താ​മ​സം മാ​റ്റി.

പൊ​ന്നാ​മ​റ്റം സ​ക്ക​റി​യ​യു​ടെ മ​ക​നും മു​ക്കം ആ​ന​യാം​കു​ന്ന് സ്കൂ​ളി​ൽ അ​ധ്യാ​പ​ക​നു​മാ​യ ഷാ​ജു സ്ക​റി​യ​യു​മാ​യി ജോ​ളി​യു​ടെ പു​ന​ർ​വി​വാ​ഹം ന​ട​ത്തി​യ​പ്പോ​ഴും ചോ​റ്റ​യി​ൽ വീ​ട്ടു​കാ​ർ ന​ല്ലൊ​രു തു​ക ഷെ​യ​ർ ന​ൽ​കി​യി​രു​ന്നു.