നാ​ടി​ന് ഏ​റെ പ്രി​യ​പ്പെ​ട്ട  ജോ​യി​ക്കു​ട്ടി അ​ച്ചാ​യ​ന്‍റെയും മ​ക​ളു​ടെ​യും വേ​ർ​പാടിൽ വിതുമ്പി പാ​റ്റൂ​ർ ഗ്രാ​മം

ചാ​രും​മൂ​ട് : ഇ​രു​പ​ത്തി​യ​ഞ്ച് വ​ർ​ഷ​ത്തി​ലേ​റെ​യാ​യി നൂ​റ​നാ​ട് പാ​റ്റൂ​ർ ജം​ഗ്‌​ഷ​നി​ൽ സ്റ്റേ​ഷ​ന​റി ക​ട ന​ട​ത്തി​വ​ന്ന നൂ​റ​നാ​ട് പാ​റ്റൂ​ർ പ​ഴ​ഞ്ഞൂ​ർ​ക്കോ​ണം ഇ​ഞ്ച​ക്ക​ലോ​ടി​യി​ൽ ജോ​യി​ക്കു​ട്ടി അ​ച്ചാ​യന്‍റെ​യും (ഇ ​കെ തോ​മ​സ് – 56) മ​ക​ൾ ജോ​സി തോ​മ​സ് (22)ന്‍റെ​യും അ​പ്ര​തീ​ക്ഷി​ത വേ​ർ​പാ​ട് പാ​റ്റൂ​ർ ഗ്രാ​മ​ത്തെ ക​ണ്ണീ​രി​ലാ​ഴ്ത്തി.

​ഒ​രു സ്റ്റേ​ഷ​ന​റി വ്യാ​പാ​രി എ​ന്ന​തി​നേ​ക്കാ​ൾ നാ​ടി​ന് ഏ​റെ പ്രി​യ​പ്പെ​ട്ട വ്യ​ക്തി​യാ​യി​രു​ന്നു ജോ​യി​ക്കു​ട്ടി അ​ച്ചാ​യ​ൻ.​ ആ​ദ്യം പെ​ട്ടി​ഓ​ട്ടോ​റി​ക്ഷ ഡ്രൈ​വ​റാ​യി​രു​ന്ന അ​ച്ചാ​യ​ൻ പി​ന്നീ​ട് സ്റ്റേ​ഷ​ന​റി ക​ട തു​ട​ങ്ങു​ക​യാ​യി​രു​ന്നു.​ ബേ​ക്ക​റി-പ​ല​ച​ര​ക്ക് സാ​ധ​ന​ങ്ങ​ൾ ഉ​ൾ​പ്പെടെ ഉ​പ്പ് തൊ​ട്ട് ക​ർ​പ്പൂ​രം വ​രെ അ​ച്ചാ​യ​ന്‍റെ ക​ട​യി​ൽ നി​ന്നും വാ​ങ്ങാ​ൻ കി​ട്ടു​മാ​യി​രു​ന്ന​തി​നാ​ൽ നാ​ട്ടു​കാ​ർ​ക്ക് വേ​ർ​പാ​ട് വ​ലി​യ നൊ​മ്പ​ര​മാ​യി.​

ജോ​യി​ക്കു​ട്ടി​യും മ​ക​ളും സ​ഞ്ച​രി​ച്ച ബൈ​ക്കി​ൽ മി​നി ടാ​ങ്ക​ർ ലോ​റി നി​യ​ന്ത്ര​ണം വി​ട്ട് ഇ​ടി​ക്കു​ക​യും ഇ​രു​വ​രും ത​ത്ക്ഷ​ണം മ​ര​ണ​പ്പെ​ടു​ക​യു​മാ​യി​രു​ന്നു. നൂ​റ​നാ​ട് പാ​റ- ഇ​ട​പ്പോ​ൺ റോ​ഡി​ൽ ആ​ത്മാ​വ് മു​ക്കി​ൽ ഇ​ന്ന​ലെ ഉ​ച്ച​യ്ക്ക് ഒ​രു മ​ണി​യോ​ടെ​യാ​യി​രു​ന്നു നാ​ടി​നെ ആ​കെ ക​ണ്ണീ​രി​ലാ​ഴ്ത്തി​യ അ​പ​ക​ടം ന​ട​ന്ന​ത് .

ഡി​ഗ്രി പ​ഠ​നം പൂ​ർ​ത്തി​യാ​ക്കി​യ ജോ​സി​യു​ടെ ഉ​പ​രി​പ​ഠ​ന​ത്തി​നു വേ​ണ്ടി വ​രു​മാ​ന സ​ർ​ട്ടി​ഫി​ക്ക​റ്റ് ആ​വ​ശ്യ​ത്തി​ന് നൂ​റ​നാ​ട് വി​ല്ലേ​ജ് ഓ​ഫീ​സി​ലേ​ക്ക് ഇ​രു​വ​രും ബൈ​ക്കി​ൽ പോ​കു​മ്പോ​ഴാ​യി​രു​ന്നു അ​പ​ക​ടം. ബിഎ​സ്‌സി ​ഫി​സി​ക്സ് ബി​രു​ദം എ​ടു​ത്ത ജോ​സി തോ​മ​സ് ക​ണ്ണൂ​ർ എംജിഎം ​കോ​ള​ജ് ഓ​ഫ് ഫാ​ർ​മ​സി​യി​ൽ ഡി .​ഫാം കോ​ഴ്‌​സി​ന് ക​ഴി​ഞ്ഞ ദി​വ​സ​മാ​ണ് അ​ഡ്മി​ഷ​ൻ എ​ടു​ത്ത​ത്.

കോ​വി​ഡ് പ​രി​ശോ​ധ​ന പൂ​ർ​ത്തി​യാ​ക്കി​യ ശേ​ഷം പാ​റ്റൂ​ർ ഇ​മ്മാ​നു​വേ​ൽ മാ​ർ​ത്തോ​മ ച​ർ​ച്ച് സെ​മി​ത്തേ​രി​യി​ൽ ഇ​രു​വ​രു​ടെ​യും സം​സ്കാ​രം പി​ന്നീ​ട് ന​ട​ക്കും. അ​പ​ക​ട​ത്തി​നി​ട​യാ​ക്കി​യ മി​നി ടാ​ങ്ക​ർ ലോ​റി​യു​ടെ ഡ്രൈ​വ​ർ പ​ന്ത​ളം കു​ള​ന​ട പ്ര​വീ​ൺ ഭ​വ​ന​ത്തി​ൽ പ്ര​വീ​ണി​നെ നൂ​റ​നാ​ട് പോലീ​സ് ക​സ്റ്റ​ഡി​യി​ൽ എ​ടു​ത്തു. ജോ​യി​ക്കു​ട്ടിയു​ടെ ഭാ​ര്യ: ശാ​ന്ത​മ്മ.​ മ​റ്റൊ​രു മ​ക​ൻ: ജോ​സ​ൻ.