ക​ട​ലാ​ക്ര​മ​ണ​വും വെ​ള്ള​ക്കെ​ട്ടും;  വൈ​പ്പി​ൻ തീ​രം ഭീ​തി​യി​ൽ;  തിരഅ​ടി​ച്ചു ക​യ​റി തീ​ദേ​ശ റോ​ഡി​ൽ മണ്ണൽ വീണ് ഗ​താ​ഗ​തം  തടസപ്പെട്ടു

വൈ​പ്പി​ൻ: ക​ന​ത്ത മ​ഴ​യെ​ത്തു​ട​ർ​ന്ന് ക​ട​ൽ​ക്ഷോ​ഭി​ച്ച​തോ​ടെ വൈ​പ്പി​ൻ തീ​ര​ത്ത് ക​ട​ലാ​ക്ര​മ​ണം. ഇ​തോ​ടെ തീ​ര​ദേ​ശം ഭീ​തി​യി​ലാ​യി. ക​ഴി​ഞ്ഞ രാ​ത്രി മു​ഴു​വ​ൻ നി​ർ​ത്താ​തെ പെ​യ്ത മ​ഴ​യി​ൽ താ​ഴ്ന്ന പ്ര​ദേ​ശ​ങ്ങ​ളെ​ല്ലാം വെ​ള്ള​ത്തി​നി​ടി​യി​ലാ​യി. ഇ​ട​റോ​ഡു​ക​ൾ എ​ല്ലാം ക​ന​ത്ത വെ​ള്ള​ക്കെ​ട്ടി​ലാ​ണ്.

മു​ന​ന്പം, ചെ​റാ​യി, എ​ട​വ​ന​ക്കാ​ട്, നാ​യ​ര​ന്പ​ലം മേ​ഖ​ല​ക​ളി​ലാ​ണ് ക​ട​ൽ​ക്ഷോ​ഭം രൂ​ക്ഷ​മാ​യി​രി​ക്കു​ന്ന​ത്. ഇ​ന്ന​ലെ വൈ​കു​ന്നേ​രം മു​ന​ന്പം വേ​ളാ​ങ്ക​ണ്ണി​ക്ക​ട​പ്പു​റ​ത്ത് ക​ട​ൽ​ഭി​ത്തി​ക്ക് മു​ക​ളി​ലൂ​ടെ ക​ട​ൽ ഇ​ര​ന്പി​ക്ക​യ​റി. തീ​ര​ദേ​ശ റോ​ഡി​ലേ​ക്കും പ​ള്ളി​യി​ലേ​ക്കും പ​രി​സ​ര​ത്തെ വീ​ടു​ക​ളി​ലേ​ക്കും ക​ട​ൽ വെ​ള്ളം ഒ​ഴു​കി​യെ​ത്തി. ഈ ​ഭാ​ഗ​ത്ത് ക​ട​ൽ​ഭി​ത്തി​യോ​ട് ചേ​ർ​ന്ന് സ്ഥി​തി ചെ​യ്യു​ന്ന ഒ​രു റി​സോ​ർ​ട്ടി​നു പി​ന്നി​ലാ​ണ് ക​ട​ൽ തി​ര​ക​ൾ വ​ന്ന​ടി​ക്കു​ന്ന​ത്.

ചെ​റാ​യി​ലും കു​ഴു​പ്പി​ള്ളി, എ​ട​വ​ന​ക്കാ​ട് മേ​ഖ​ല​യി​ലും ക​ട​ൽ ഭി​ത്തി​ക്ക് മു​ക​ളി​ലൂ​ടെ വെ​ള്ളം അ​ടി​ച്ചു ക​യ​റി തീ​ര​ദേ​ശ റോ​ഡി​ലേ​ക്ക് ഒ​ഴു​കി. ഈ ​മേ​ഖ​ല​യി​ൽ റോ​ഡി​ൽ മ​ണ​ലും അ​ടി​ഞ്ഞി​ട്ടു​ണ്ട്. ഇ​തി​നാ​ൽ തീ​ര​ദേ​ശ റോ​ഡി​ൽ പ​ല​യി​ട​ത്തും ഗ​താ​ഗ​തം ത​ട​സ​പ്പെ​ട്ടി​രി​ക്കു​ക​യാ​ണ്. ഇ​വി​ടെ ക​ട​ൽ ഭി​ത്തി ഇ​ല്ലാ​തെ മ​ണ​ൽ ബ​ണ്ട് ഉ​ള്ളി​ട​ങ്ങ​ളി​ലാ​ണ് ക​ട​ൽ​ക​യ​റ്റം രൂ​ക്ഷം. വെ​ള്ളം കു​ത്തി​യൊ​ഴു​കി ബ​ണ്ട് ത​ക​ർ​ത്താ​ണ് ക​ട​ൽ വെ​ള്ളം തീ​ര​ദേ​ശ റോ​ഡി​ലേ​ക്ക് ഒ​ഴു​കു​ന്ന​ത്.

കു​ഴു​പ്പി​ള്ളി ഭാ​ഗ​ത്ത് ര​ണ്ട് ദി​വ​സ​മാ​യി വേ​ലി​യേ​റ്റ സ​മ​യ​ങ്ങ​ളി​ൽ ക​ട​ൽ ക​യ​റ്റം ഉ​ണ്ടെ​ന്ന് തീ​ര​ദേ​ശ​ത്തു​കാ​ർ പ​റ​യു​ന്നു. എ​ന്നാ​ൽ ഈ ​മേ​ഖ​ല​യി​ൽ തീ​ര​ദേ​ശ റോ​ഡി​നോ​ട​ടു​ത്ത് വീ​ടു​ക​ൾ കു​റ​വാ​യ​തി​നാ​ലും ക​ട​ലി​ൽ​നി​ന്നു ക​യ​റു​ന്ന വെ​ള്ളം ഒ​ഴു​കി​പ്പോ​കാ​ൻ വ​ഴി​യു​ള്ള​തി​നാ​ലും വീ​ടു​ക​ളി​ലേ​ക്ക് ഒ​ഴു​കി​യെ​ത്തു​ന്നി​ല്ല.

സെ​യ്തു മു​ഹ​മ്മ​ദ് റോ​ഡി​നു പ​ടി​ഞ്ഞാ​റ് ഭാ​ഗ​ത്തും പ​ഴ​ങ്ങാ​ട് പ​ടി​ഞ്ഞാ​റും ക​ട​ൽ​ഭി​ത്തി​ക്ക് മു​ക​ളി​ലൂ​ടെ വെ​ള്ളം അ​ടി​ച്ചു ക​യ​റി തീ​ദേ​ശ റോ​ഡി​ൽ ഗ​താ​ഗ​തം മു​ട​ങ്ങി​ക്ക​ട​ക്കു​ക​യാ​ണ്. ചി​ല​യി​ട​ങ്ങ​ളി​ൽ മ​ണ​ലും അ​ടി​ഞ്ഞി​ട്ടു​ണ്ട്.

അ​ണി​യ​ൽ ക​ട​പ്പു​റ​ത്തും നാ​യ​ര​ന്പ​ലം, പു​ത്ത​ൻ ക​ട​പ്പു​റ​ത്ത് പ​ള്ളി​ക്ക​ടു​ത്തും വ​ട​ക്ക് മാ​റി​യും ഞാ​റ​ക്ക​ൽ മേ​ഖ​ല​യി​ലും ക​ട​ൽ​ഭി​ത്തി​ക്ക് മു​ക​ളി​ലൂ​ടെ വെ​ള്ളം അ​ടി​ച്ചു ക​യ​റു​ന്നു​ണ്ടെ​ങ്കി​ലും സ്ഥി​തി രൂ​ക്ഷ​മ​ല്ല. ക​ട​ൽ പ്ര​ക്ഷു​ബ്ദ​മാ​യ​തി​നാ​ൽ മൂ​ന്ന് ദി​വ​സ​മാ​യി മ​ത്സ്യ​തൊ​ഴി​ലാ​ളി​ക​ൾ ക​ട​ലി​ൽ മ​ത്സ്യ​ബ​ന്ധ​ന​ത്തി​നി​റ​ങ്ങി​യി​ട്ടി​ല്ല.