സിപിഎം സംഘടിപ്പിച്ച മെഗാ തിരുവാതിര നടത്താൻ പാടില്ലായിരുന്നുവെന്ന് ആവർത്തിച്ച് കലാഭവന്‍ അൻസാർ.
ഒരു വാർത്ത ചാനലിനോടായിരുന്നു അൻസാറിന്‍റെ പ്രതികരണം.
രാവിലെ കലൂർ സ്റ്റേഡിയത്തിൽ നടക്കാൻ പോയപ്പോൾ സംസാരത്തിന്‍റെ ഇടയിൽ തിരുവാതിര വിഷയം വന്നു.
ഈ കൊറോണ സമയത്ത് ഇതിന്‍റെ വല്ല കാര്യവുമുണ്ടോ എന്ന് പറഞ്ഞ് ഞാൻ വെറുതെ കാണിച്ചതാ. ദാ ഇങ്ങനെയാ തിരുവാതിര കളിച്ചത് എന്ന് പറഞ്ഞ്. വൈറലാകാൻ വേണ്ടി ചെയ്തതല്ല.
സർക്കാരിനെതിരെ പറഞ്ഞു എന്ന തരത്തിൽ പേടിയൊന്നുമില്ല. ഞാൻ സർക്കാരിനെയോ പിണറായി വിജയനെയോ ഒന്നും പറഞ്ഞിട്ടില്ല. തിരുവാതിര നടത്താൻ പാടില്ലായിരുന്നു.
അനവസരത്തിൽ ആണ് അത് നടന്നത്. അവരുടെ തന്നെ പാർട്ടിയിലെ ഒരു പയ്യൻ കൊല്ലപ്പെട്ട് ഇരിക്കുന്ന സമയത്തല്ലേ ഇത് നടത്തിയത്.
ഉമ്മൻ ചാണ്ടിയായിരുന്നു മുഖ്യമന്ത്രി എങ്കിലും ഞാൻ ഇങ്ങനെ തന്നെ പ്രതികരിക്കും.’–കലാഭവൻ അൻസാർ പറഞ്ഞു.
