കോട്ടയം കുറുപ്പന്തറയിൽ നാ​ഷ​ണ​ൽ പെ​ർ​മി​റ്റ് ലോ​റി​യി​ൽ ക​ട​ത്തിക്കൊ​ണ്ടു​വ​ന്ന 60 കിലോ കഞ്ചാവ് പിടികൂടി; പി​ടി​കൂ​ടി​യ​ത് 25 ല​ക്ഷം രൂ​പ വി​ല​വ​രു​ന്ന ക​ഞ്ചാ​വ്


കോ​ട്ട​യം: നാ​ഷ​ണ​ൽ പെ​ർ​മി​റ്റ് ലോ​റി​യി​ൽ ക​ട​ത്തിക്കൊ​ണ്ടു​വ​ന്ന 60 കി​ലോ​ഗ്രാം ക​ഞ്ചാ​വു​മാ​യി ര​ണ്ടു പേ​രെ പോ​ലീ​സ് പി​ടി​കൂ​ടി. കോ​ട്ട​യം പേ​രൂ​ർ അ​ന്പ​ല​കോ​ള​നി ക​ള​പ്പു​ര​യ്ക്ക​ൽ ജോ​സ് (40), ത​ല​യാ​ഴം തോ​ട്ട​കം ത​ല​പ്പ​ള്ളി​ൽ ഗോ​പു (27) എ​ന്നി​വ​രാ​ണ് അ​റ​സ്റ്റി​ലാ​യ​ത്.

ഇ​ന്നു പു​ല​ർ​ച്ചെ ര​ണ്ടി​നു കു​റു​പ്പ​ന്ത​റ മാ​ർ​ക്ക​റ്റി​നു സ​മീ​പ​ത്ത് നി​ന്ന് ആ​ന്ധ്ര​യി​ൽ നി​ന്നു​മെ​ത്തി​യ ലോ​റി ത​ട​ഞ്ഞു നി​ർ​ത്തി​യാ​ണ് ക​ടു​ത്തു​രു​ത്തി എ​സ്ഐ ടി.​എ​സ്. റെ​നീ​ഷി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം ക​ഞ്ചാ​വ് പാ​യ്ക്ക​റ്റു​ക​ൾ ക​ണ്ടെ​ടു​ത്ത​ത്.

കാ​ലി​യാ​യി എ​ത്തി​യ നാ​ഷ​ണ​ൽ പെ​ർ​മി​റ്റ് ലോ​റി​യു​ടെ കാ​ബി​നി​ലാ​ണ് 28 ക​ഞ്ചാ​വ് പാ​യ്ക്ക​റ്റു​ക​ൾ സൂ​ക്ഷി​ച്ചി​രു​ന്ന​ത്. പ്ലാ​സ്റ്റി​ക് പ​ടു​ത ഉ​പ​യോ​ഗി​ച്ചു ക​ഞ്ചാ​വ് പാ​യ്ക്ക​റ്റു​ക​ൾ പൊ​തി​ഞ്ഞു വ​ച്ചി​രി​ക്കു​ക​യാ​യിരുന്നു. ര​ണ്ടു കി​ലോ​ഗ്രാം വീ​ത​മു​ള്ള പാ​യ​്ക്ക​റ്റു​ക​ളാ​ക്കി​യാ​ണ് ക​ഞ്ചാ​വ് സൂ​ക്ഷി​ച്ചി​രു​ന്ന​ത്.

പൈ​നാ​പ്പി​ൾ ഉ​ൾ​പ്പെ​ടെ​യു​ള്ള സാ​ധ​ന​ങ്ങ​ളു​മാ​യി ആ​ന്ധ്ര പ്ര​ദേ​ശ​ങ്ങ​ളി​ൽ പോ​കു​ന്ന ലോ​റി അ​വി​ടെ നി​ന്ന് എ​ത്തി​ക്കു​ന്ന സാ​ധ​ന​ങ്ങ​ൾ​ക്കി​ട​യി​ൽ വ​ച്ചാ​ണ് ക​ഞ്ചാ​വ് കോ​ട്ട​യ​ത്തേ​ക്കും സ​മീ​പ പ്ര​ദേ​ശ​ങ്ങ​ളി​ലേ​ക്കും എ​ത്തി​ച്ചി​രു​ന്ന​ത്. അ​വി​ടെ​ നിന്നു 4,000 രൂ​പ​യ്ക്കാ​ണ് ര​ണ്ടു കി​ലോ​ഗ്രാം ക​ഞ്ചാ​വ് വാ​ങ്ങി​യി​രു​ന്ന​തെ​ന്ന് പോ​ലീ​സ് പ​റ​ഞ്ഞു.

ലോ​ക്ക് ഡൗ​ണ്‍ കാ​ല​ത്ത് ക​ഞ്ചാ​വ് ഉ​ൾ​പ്പെ​ടെ​യു​ള്ള​വ കി​ട്ടാ​ൻ പ്ര​യാ​സ​മാ​യ​തോ​ടെ ഡി​മാ​ൻ​ഡ് വ​ർ​ധി​ച്ചു. ഇ​തോ​ടെ ല​ഭി​ക്കു​ന്ന വ​ൻ ലാ​ഭം മു​ന്നി​ൽ ക​ണ്ടാ​ണ് സം​ഘം വ​ൻ​തോ​തി​ൽ നാ​ട്ടി​ലേ​ക്കു ക​ഞ്ചാ​വ് എ​ത്തി​ച്ച​ത്. കോ​വി​ഡ് കാ​ല​ത്ത് പ​രി​ശോ​ധ​ന​ക​ൾ കു​റ​വാ​യ​തും വ​ൻ​​തോ​തി​ൽ ക​ഞ്ചാ​വ് എ​ത്തി​ക്കു​ന്ന​തി​നു കാ​ര​ണ​മാ​യി.

ലോ​റി​യി​ൽ ക​ഞ്ചാ​വ് എ​ത്തു​ന്ന​താ​യി ജി​ല്ലാ പോ​ലീ​സ് ചീ​ഫ് ജി. ​ജ​യ​ദേ​വി​നു ര​ഹ​സ്യ വി​വ​രം ല​ഭി​ച്ച​തി​ന്‍റെ അ​ടി​സ്ഥാ​ന​ത്തി​ൽ വി​വി​ധ സ്ഥ​ല​ങ്ങ​ളി​ൽ പോ​ലീ​സ് നി​രീ​ക്ഷ​ണം ഏ​ർ​പ്പെ​ടു​ത്തി​യി​രു​ന്നു. വൈ​ക്കം ഡി​വൈ​എ​സ്പി സ​നി​ൽ​കു​മാ​റി​ന്‍റെ നി​ർ​ദേ​ശ​ാനു​സ​ര​ണം പോ​ലീ​സ് ഇ​ന്ന​ലെ രാ​ത്രി​യി​ൽ വാ​ഹ​ന പ​രി​ശോ​ധ​ന ന​ട​ത്തു​ക​യാ​യി​രു​ന്നു.

ഇ​തി​നി​ടി​യി​ലാ​ണ് കാ​ലി​യാ​യ നാ​ഷണ​ൽ പെ​ർ​മി​റ്റ് ലോ​റി എ​ത്തി​യ​ത്. പോ​ലീ​സ് ലോ​റി ത​ട​ഞ്ഞു നി​ർ​ത്തി ന​ട​ത്തി​യ പ്രാ​ഥ​മി​ക പ​രി​ശോ​ധ​ന​യി​ൽ ഒ​ന്നും ക​ണ്ടെ​ത്താ​ൻ ക​ഴി​ഞ്ഞി​ല്ല.

തു​ട​ർ​ന്നു ലോ​റി​യു​ടെ കാ​ബി​നി​ലു​ള്ളി​ൽ ന​ട​ത്തി​യ വി​ശ​ദ​മാ​യ പ​രി​ശോ​ധ​ന​യി​ലാ​ണ് പ്ലാ​സ്റ്റി​ക് പ​ടു​ത ഉ​പ​യോ​ഗി​ച്ചു പൊ​തി​ഞ്ഞു സൂ​ക്ഷി​ച്ചി​രു​ന്ന ക​ഞ്ചാ​വ് പാ​യ്ക്ക​റ്റു​ക​ൾ ക​ണ്ടെ​ടു​ത്ത​ത്. ക​ഞ്ചാ​വ് കോ​ട്ട​യ​ത്തും സ​മീ​പ പ്ര​ദേ​ശ​ങ്ങ​ളി​ലു​മു​ള്ള ഗു​ണ്ടാ സം​ഘ​ത്തി​നു വി​ത​ര​ണം ചെ​യ്യാ​നാ​ണെ​ന്നും പോ​ലീ​സി​നു സൂ​ച​ന ല​ഭി​ച്ചി​ട്ടു​ണ്ട്.

ഇ​വ​രെ ക​ണ്ടെ​ത്തു​ന്ന​തി​നു വേ​ണ്ടി​യും അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്, പി​ടി​യി​ലാ​യ ലോ​റി ഡ്രൈ​വ​റെ​യും സ​ഹാ​യി​യെ​യും പോ​ലീ​സ് ചോ​ദ്യം ചെ​യ്തു​വ​രി​ക​യാ​ണ്.

ക​ടു​ത്തു​രു​ത്തി സി​ഐ സി.​എ​സ്. ബി​നു, എ​സ്ഐ ടി.​എ​സ്. റെ​നീ​ഷ്, ഗ്രേ​ഡ് എ​സ്ഐ വി​ജ​യ പ്ര​സാ​ദ്, എ​എ​സ്ഐ സി​നോ​യി, സി​പി​ഒ അ​നീ​ഷ്, രാ​ഗേ​ഷ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്.

Related posts

Leave a Comment