തിരുവനന്തപുരം: കഞ്ചാവ് വാങ്ങാന് പണം നല്കാത്തതിന്റെ വിരോധത്തില് യുവാവ് വീടിനു തീയിട്ടു. കണിയാപുരത്താണ് സംഭവം. കണിയാപുരം സ്വദേശിയായ ഷാജഹാന്- ആമീന എന്നിവര് താമസിച്ചിരുന്ന വാടക വീടിനാണ് ബന്ധുവായ ഫൈസല് തീയിട്ടത്.
ഈ സമയം വീട്ടില് ആളില്ലാതിരുന്നതിനാല് വന് ദുരന്തം ഒഴിവായി. ലഹരിവസ്തുക്കള് ഉപയോഗിക്കുന്ന യുവാവ് ഇവരോട് പണം ആവശ്യപ്പെട്ടിരുന്നു. പണം നല്കാത്തതിന്റെ വിരോധത്തിലാണ് വീടിന് തീയിട്ടത്. യുവാവിനെ പോലീസ് കസ്റ്റഡിയിലെടുത്തു.
