കോ​വി​ഡും ലോ​ക്ക് ഡൗ​ണും! തൊ​ഴി​ലി​ല്ലാ​താ​കു​ന്ന സാ​ഹ​ച​ര്യ​ത്തി​ൽ കേ​ര​ള​ത്തി​ൽ തു​ട​രു​ന്ന​തി​ലെ ആ​ശ​ങ്ക​; ഇ​ത​ര സം​സ്ഥാ​ന​ക്കാ​ർ കി​ട്ടി​യ ട്രെ​യി​നു​ക​ളി​ൽ നാട്ടിലേക്കു മടങ്ങി

ക​ണ്ണൂ​ർ: കോ​വി​ഡ് വ്യാ​പ​നം ത​ട​യു​ന്ന​തി​നാ​യി സം​സ്ഥാ​നം ലോ​ക്ക് ഡൗ​ണി​ലേ​ക്ക് പ്ര​വേ​ശി​ക്കു​ന്ന സാ​ഹ​ച​ര്യ​ത്തി​ൽ ഇ​ത​ര സം​സ്ഥാ​ന തൊ​ഴി​ലാ​ളി​ക​ൾ പ​ല​രും നാ​ട്ടി​ലേ​ക്ക് മ​ട​ങ്ങി.

നി​ര​വ​ധി ട്രെ​യി​നു​ക​ൾ റ​ദ്ദാ​ക്കി​യ സാ​ഹ​ച​ര്യ​ത്തി​ൽ കി​ട്ടി​യ ട്രെ​യി​നു​ക​ളി​ൽ ഇ​വ​ർ നാ​ട്ടി​ലേ​ക്ക് മ​ട​ങ്ങു​ക​യാ​യി​ര​ന്നു. നി​ർ​മാ​ണ മേ​ഖ​ല​യി​ലും ചെ​ങ്ക​ൽ​പ്പണ​ക​ളി​ലും ജോ​ലി ചെ​യ്തു വ​രു​ന്ന​വ​രാ​ണ് കൂ​ടു​ത​ലും നാ​ട്ടി​ലേ​ക്ക് മ​ട​ങ്ങി​യ​ത്.

തൊ​ഴി​ലി​ല്ലാ​താ​കു​ന്ന സാ​ഹ​ച​ര്യ​ത്തി​ൽ കേ​ര​ള​ത്തി​ൽ തു​ട​രു​ന്ന​തി​ലെ ആ​ശ​ങ്ക​യാ​ണ് പ​ല​രെ​യും നാ​ട്ടി​ലേ​ക്കു മ​ട​ങ്ങാ​ൻ പ്രേ​രി​പ്പി​ച്ച​ത്. ഇ​ന്ന​ലെ ചെ​ന്നൈ മെ​യി​ലി​ൽ നി​ര​വ​ധി പേ​രാ​ണ് ക​ണ്ണൂ​രി​ൽനി​ന്ന് സ്വ​ന്തം നാ​ടു​ക​ളി​ലേ​ക്കു തി​രി​ച്ച​ത്.

ഇ​തി​ൽ കൂ​ടു​ത​ലും ഒ​ഡീ​ഷ സ്വ​ദേ​ശി​ക​ളാ​ണ്. ലോ​ക്ക് ഡൗ​ൺ അ​നി​ശ്ചി​താ​വ​സ്ഥ പേ​ടി​പ്പെ​ടു​ത്തു​ന്ന​തി​നാ​ലാ​ണ് പ​ല​രും നാ​ട്ടി​ലേ​ക്കു തി​രി​ച്ച​ത്.

ജോ​ലി​യും കൂ​ലി​യും ജീ​വി​ക്കാ​നു​ള്ള സാ​ഹ​ച​ര്യ​വും കേ​ര​ള​ത്തി​ൽ സ്വ​ന്തം നാ​ട്ടി​ലേ​തി​നെ​ക്കാ​ൾ എ​ത്ര​യോ ഭേ​ദ​മാ​ണെ​ങ്കി​ലും ലോ​ക്ക് ഡൗ​ൺ അ​നി​ശ്ചി​തത്വം പേ​ടി​പ്പി​ക്കു​ന്ന​തി​നാ​ലാ​ണ് നാ​ട്ടി​ലേ​ക്ക് മ​ട​ങ്ങു​ന്ന​തെ​ന്ന് ഒ​ഡീ​ഷ സ്വ​ദേ​ശി​ക​ളും നി​ർ​മാ​ണതൊ​ഴി​ലാ​ളി​ക​ളു​മാ​യ ബി​കാ​സ് ബോ​ൺ​സും ബി​ദു​ർ ഭൂ​മി​യാ​ൻ​സും പ​റ​ഞ്ഞു.

ചെ​ന്നൈ​യി​ൽ നി​ന്ന് ട്രെ​യി​നി​ലോ വാ​ഹ​ന​ത്തി​ലോ നാ​ട്ടി​ലേ​ക്കു മ​ട​ങ്ങാ​നാ​ണ് ഇ​വ​രു​ടെ ആ​ലോ​ച​ന.

അ​തേസ​മ​യം ഇ​ത​ര​സം​സ്ഥാ​ന തൊ​ഴി​ലാളി​കൾ കൂ​ട്ട​ത്തോ​ടെ നാ​ട്ടി​ലേ​ക്ക് മ​ട​ങ്ങി​യ​തി​ന തു​ട​ർ​ന്ന് നി​ർ​മാ​ണമേ​ഖ​ല സ്തം​ഭി​ച്ചി​രി​ക്കു​ക​യാ​ണ്.

ജി​ല്ല​യി​ലെ മി​ക്ക​യി​ട​ങ്ങ​ളി​ലും ഇ​ത​ര സം​സ്ഥാ​ന തൊ​ഴി​ലാ​ളി​ക​ൾ ഏ​റെ വൃ​ത്തി​ഹീ​ന​വും സൗ​ക​ര്യ​മി​ല്ലാ​ത്ത സാ​ഹ​ച​ര്യ​ങ്ങ​ളി​ലു​മാ​ണ് താ​മ​സി​ച്ചുവ​രു​ന്ന​തെ​ന്ന് ക​ണ്ടെ​ത്തി​യി​ട്ടു​ണ്ട്. ഇ​ത്ത​രം കേ​ന്ദ്ര​ങ്ങ​ളി​ൽ കോ​വി​ഡ് വ്യാ​പ​നം വ​ർ​ധി​ക്കു​ന്നു​ണ്ട്.

ഈ ​സാ​ഹ​ച​ര്യ​ത്തി​ൽ ഇ​ത​ര​സം​സ്ഥാ​ന തൊ​ഴി​ലാ​ളി​ക​ൾ​ക്ക് കോ​വി​ഡ് പ്ര​തി​രോ​ധ വാ​ക്സി​നേഷൻ എത്രയും വേ​ഗ​ത്തി​ൽ ല​ഭ്യ​മാ​ക്ക​ണ​മെ​ന്ന ആ​വ​ശ്യ​വും ഉ​യ​രു​ന്നു​ണ്ട്.